المبرجة او البراج

[imane mina]

انا حابة ندير المبرجة لاول مرة لكن لا اعرف الطريقة وحاولت ندخل نشوف طريقة ام رامي لكن يقولي الموقع خاطيء يعني ماتخرجليش الطريقة تاعها شكون يقدر يفيدني بالرابط الصحيح لانو كل ماندخل يقولي الموقع خاطئ

[oum anas 69]

http://www.djelfa.info/vb/showthread.php?t=1764315

[sarah..]

https://fbcdn-sphotos-h-a.akamaihd.net/hphotos-ak-xpf1/v/t35.0-12/11028577_940889685974070_1909775312_o.jpg?oh=028f1 07229b1d43ff8721546ef212c8e&oe=54FBB8A2&__gda__=1425791602_bff83e6c63b32bc54ed0aa9bd7b26b1 4

[<نَجْمَاتْ>]

السلام عليك اختي الوصفة تاع ام رامي علبة تاع 250غ مارغرين بالباتور +نصف كيلة زيت تكيلي بعلبة المارغرين +كاس حليب بارد +(4كيلات دقيق احرش+كيلة فرينة +ملح وكيس خميرة القاطو) اما الغرس تنقيه وتفوريه وتزيديلو خميرة الحلوى اوالجلجلان وتعجنية بالزيت وما الزهر هكذا هي كاتبة وانا الصراحة منفوروش نعجنوامليح بالماء والزيت وشويةخميرة ان شاء الله نكون افدتك

[زينب 83]

هذي وصفة ام رامي رائعة فعلا و انا معتامدتها

لمبرجة من مطبخ صديقتي أم رامي
تمّ التحديث ‏منذ أكثر من سنة‏
****مبرجة من مطبخ با صديقتي ام رامي لتفصيل **
السلام عليكم ورحمة الله وبركاته
صباح الورد على الاحباب
اليوم نقدم لكم المبرجة بجميع الخطوات وراح تتحصلوا على نتيجة رائعة باذن الله
بدون اطالة نبدا على بركة الله

اخبطي 250غ مرغرين لابال مليح بيدك حتى تصير كالمرهم

زيدي نصف علبة المرغرين زيت
ثم كاس حليب بارد من الثلاجة

خلطي مليح مليح بيدك او بالباتور

ثم اضيفي 4 كيلات بعلبة المرغرين دشيشة خشنة + كيلة فرينة + ملح ونص كيس خميرة كيميائية

الان اعجني بكفوفك مليح واضغطي على العجينة واذا احتجت شوية حليب زيدي عينك ميزانك بصح ما تكثريش بزاااف انا زدت اقل من ربع كاس

اقسمي العجينة على اثنين

والغرس اشري نتاع البطانة مش المعجون اخدميه وحدك نقيه مليح وفوريه زيديلوشوية ماء زهر وزيت وجلجلانية ونص كيس خميرة القاطو واعجنيه مليح

على جنب نحط شوية دشيشة في صحن ونسكب عليها شوية زيت ونخلطها باه نحرش بيها المبرجة كيما تعرفوا

نبدا العمل نحتاج لقطعة بلاستيك خشينة نفرشها على الطاولة وفي الجهة اليمنى منها نقرص القرصة الاولى وراهي تتشقق على الحواشي اعدليها بيدك

ثم نضع فوقها نصف كمية الدشيشة المزيتة ونحرشها مليح

الان نقلب الجهة اليسرى للبلاستسيك على القرصة ثم نقلب القرصة بحذر

ندهن البلاستيك بالزيت ونقرص الغرس
نقلبه على القرصة الاولى

وبنفس الطريقة نقرص القرصة الثانية ونقلبها ونضع فوقها الدشيشة المزيتة ونحرشها

ثم نحللها حتى نتحصل على السمك المطلوب 1 سم

نقسمها ونطيبها على طاجين حديد

خليها تبرد ثم امسحي الحبات بمناديل ورقية باه تتخلصي من حبيبات الدشيشة المحروووقة وقدميها

http://www.m5zn.com/newuploads/2015/03/06/jpg//396fb7d4ea3862b.jpg

http://www.m5zn.com/newuploads/2015/03/06/jpg//7fc258f24dadfda.jpg

وبالصحة والهناء



و هذي تاعي بنفس الوصفة

http://www.m5zn.com/newuploads/2015/03/06/jpg//9cfbaab25b923d9.jpg