فهموني من فضلكم 2

[مشكلتي]

سلاااااااااام عليكم

انا صاحبة المشكلة

فهمووووني من فضلكم (http://www.djelfa.info/vb/showthread.php?t=1765610)

كاين بزاف اعضاء لاموني وقالولي ماشي قد الزواج وكاين لي ما فهموش مليح
المهم الله يسامحهم

العضو اللي قال بلي راجلي عرفها وبالاك .....

نقوله راك غالط
راجلي نعرفووه من بكري وخاطيه لبنات

ونسكنو في حومة وحدة
بالاك ويلا تعرف كان صغير فالسييام ولا فالليسي وتاع نزوة وتمسخير

مي هادي لي حكيتلكم عليها كان شافها وعجباتو وهي اصلا ما تعرفهش
راح هدر مع باباها وقاله نجو نخطبو باباها وافق

وبعدها كي قال لماليه ما حبوش بحجة كان صغير
وهاد الحادثة عندها 7 سنين
هو ضركا عنده 30 سنة يكبرني ب10 سنوات

ووقالي وانا اصلا نهار خطبتك وما حبوش
وراح دار كلش وحدو وحطهم فالامر الوواقع


هو كي طلب مني السماح
بعدما تهدات الامور قالي وعدت نفسي ما نغضبكش نهائيا في حياتنا وما نجرحكش
قالي سامحيني
وقالي انا ما غاضتنيش هي كي هدرت، غاضني الجاست كيفاش هدرت مع باباها هدرة رجال وماليا عفسولي وعاودت رحت لباباها وقتلو ماكالاه
قالي حسيت روحي تمسخرت براجل كبير
وباش ناكد هو شافها برك
ما هدر معاها ما خرج ما والو فهمتوووووووووووووو

وبالاك الطفلة في حد ذاتها ما تعرفهش
وتزوجت بعدها مباشرة خطبها واحد عندها 7 سنين زواج

معناه ما عرفهاااااااااااااااااش
وقالي نتي خير منها في كلشي
ما عرف عقليتهاما والو
راني نعاود شافها برك

وثاني كاينة حاجة

لي قالولي حبيتي تخربي دار صاحبه

نقولكم حاجة هذا صاحبه هو لي جاب مرته لعندي تهنيني
وانا مرته ولات صاحبتي
ولا مرة جرحتها بكلام ولا بينتلها
وانا لحمد الله مترفعة على هادو الامور وماليا رباوني
مانيش شيطانة نروح نخربلها دارها

انا كي اصريت باه نروح نهنيها على جالها هي تزعف باسكو هناتني
مش على جال راجلها
ونزيدكم راجلها مشفتوش مليح ومانيش شافية على وجهو

انا كنت في لحظة غيرة وغضب قلت لراجلي هاكذاك باه يحس باش حسيت هذا ماكان

وزيد حكاتلي على روحها وبلي راجلها كيفاش حتى خطبها وجامي بينتلها
وهي سقساتني قاتلي كاشما كنتي تسمعي عليه اوووووووو
قتلها هو صاحب راجلي وراجلي يشكر فيه وانا ما نعرفهش

فهمتوووووووووووني

انا نحب راجلي ومشي لهاذ الدرجة صغيرة ودراري باش ندير حاجة كيما هادي
صح صغيره مي ماشي باش نخرب ديور الناس

الوغ انا حبيتكم توجهوني
ماشي تعايروني

[.kiki]

انساو الموضوع برمته
لاكان عينك تتهناي مع راجلك طبعا..

ربي يصلح أموركم

[سوستال]

افضل رد هو عدم الرد... لقد هرمنأأأأأأأأأأ:mad:

[mrmilano1984]

الله يسهل علي كل واحد علاه القور عايشين وحدهم كي الراجل كي المرا يفوتو 18 سنة كل واحد في همو وماكاش القيل القال تاع العرب عايشين حياتهم

[كنزة88]

ربي ايهنيكم انا فهمتك وحسيت بك ولو كاين احساس صغير من ناحية زوجك ليها لازم تنسيه فيها لانك قادر تخليه يخمم غير فيك فهمتي ونتي بعد فوتيها

[سوستال]

جماعة انا جديد هنا حبيت نسقسيكم.. كتبت موضوع عن نسب القبيلة نتاعي في قسم القبائل العربية والبربرية أمس
وجاتني رسالة نتاع حتى يشوفه المشرف الى يومنا هدا الموضوع نتاعي ملقيتوش.. زدت عودتوا اليوم وملقيتوش .. الحل ؟؟

[sarl02]

سلاااااااااام عليكم

انا صاحبة المشكلة

فهمووووني من فضلكم (http://www.djelfa.info/vb/showthread.php?t=1765610)

كاين بزاف اعضاء لاموني وقالولي ماشي قد الزواج وكاين لي ما فهموش مليح
المهم الله يسامحهم

العضو اللي قال بلي راجلي عرفها وبالاك .....

نقوله راك غالط
راجلي نعرفووه من بكري وخاطيه لبنات

ونسكنو في حومة وحدة
بالاك ويلا تعرف كان صغير فالسييام ولا فالليسي وتاع نزوة وتمسخير

مي هادي لي حكيتلكم عليها كان شافها وعجباتو وهي اصلا ما تعرفهش
راح هدر مع باباها وقاله نجو نخطبو باباها وافق

وبعدها كي قال لماليه ما حبوش بحجة كان صغير
وهاد الحادثة عندها 7 سنين
هو ضركا عنده 30 سنة يكبرني ب10 سنوات

ووقالي وانا اصلا نهار خطبتك وما حبوش
وراح دار كلش وحدو وحطهم فالامر الوواقع


هو كي طلب مني السماح
بعدما تهدات الامور قالي وعدت نفسي ما نغضبكش نهائيا في حياتنا وما نجرحكش
قالي سامحيني
وقالي انا ما غاضتنيش هي كي هدرت، غاضني الجاست كيفاش هدرت مع باباها هدرة رجال وماليا عفسولي وعاودت رحت لباباها وقتلو ماكالاه
قالي حسيت روحي تمسخرت براجل كبير
وباش ناكد هو شافها برك
ما هدر معاها ما خرج ما والو فهمتوووووووووووووو

وبالاك الطفلة في حد ذاتها ما تعرفهش
وتزوجت بعدها مباشرة خطبها واحد عندها 7 سنين زواج

معناه ما عرفهاااااااااااااااااش
وقالي نتي خير منها في كلشي
ما عرف عقليتهاما والو
راني نعاود شافها برك

وثاني كاينة حاجة

لي قالولي حبيتي تخربي دار صاحبه

نقولكم حاجة هذا صاحبه هو لي جاب مرته لعندي تهنيني
وانا مرته ولات صاحبتي
ولا مرة جرحتها بكلام ولا بينتلها
وانا لحمد الله مترفعة على هادو الامور وماليا رباوني
مانيش شيطانة نروح نخربلها دارها

انا كي اصريت باه نروح نهنيها على جالها هي تزعف باسكو هناتني
مش على جال راجلها
ونزيدكم راجلها مشفتوش مليح ومانيش شافية على وجهو

انا كنت في لحظة غيرة وغضب قلت لراجلي هاكذاك باه يحس باش حسيت هذا ماكان

وزيد حكاتلي على روحها وبلي راجلها كيفاش حتى خطبها وجامي بينتلها
وهي سقساتني قاتلي كاشما كنتي تسمعي عليه اوووووووو
قتلها هو صاحب راجلي وراجلي يشكر فيه وانا ما نعرفهش

فهمتوووووووووووني

انا نحب راجلي ومشي لهاذ الدرجة صغيرة ودراري باش ندير حاجة كيما هادي
صح صغيره مي ماشي باش نخرب ديور الناس

الوغ انا حبيتكم توجهوني
ماشي تعايروني

خلاص بنتي انت هي الشابة في لبنات ...وانت خيرمن هذه الي راكي تحكي عليها...والي شافك مات على جالك ابردي ذورك....بصح انا راه غايضني هذا المخلوق الي راكي عندو راه اخلص فالدنيا ...كون جيت نعرفو انقولو ابدلك الحليب وقيلا نيسلي ما خرجش عليك.......لا حول ولا قوة الا بالله.

[براءة سامية]

يآآ أختي أني قريت مواضيعك في زوج ،، أصلحي الأمور بين زوجك و لاتدعي تفاهات الماضي تحطم حياتك كوني أكبر من ذلك و لا تنقي على زوجك كثيرا الرجال لا يحبون النق كثيرا كوني متفهمة و لا تقولي له شيئا ضد عائلته ربما سلفتك تغير منك... انصحك بأن تقومي بشئ جديد و تتصالحي معه حتى تعود الامور لمجراها و ترفعي عن تفاهات الأمور و اكسبيه أكثر و لا تفكري في الاشياء السلبية حافظي على بيتك و عائلتك و لا تجعلي الشمل يتفرق فلا تنسي أنت أم... أصلح الله أمورك أختي و وفقك إن شاء الله كل أمورك تصبح تمام
و ايضا ماكله تزوري زوجه صديق زوجك ما عندوا ماداك

[mahopa18]

أختي... أمور القلب خليها في القلب... ولا داعي لنبش الماضي.. لانو حسب ماحكيتي.. انتي تحبي زوجك وهو كذلك وقلتي بلي مايردلك اي طلب... وايضا زوجك يظهر متفهم ومايحبش المشاكل... مين قلتيله يطلقك خمم عليك قبل مايدير اول شيء لي هو الغضب... لانو اي راجل مهمن كان ... لو زوجتو طلبت منو يطلقها راح يغضب و آخر همو هي نتي... ماتفسديش عليك حياتك وخليك من امور الماضي لانها ماضي وما تستفزيهش في امور عظيمة.. مثلا مين حكيتي على صاحبه... يعني هذي امور مالازمش تحكيها هكا لانها قادرة تكبر كثر.. انصحك ان تعيشي حياتك مع زوجك كما هي والله يهنيك ويخلي المحبة لي بيناتكم..

[ابتسام smile &hope]

خلاص بنتي انت هي الشابة في لبنات ...وانت خيرمن هذه الي راكي تحكي عليها...والي شافك مات على جالك ابردي ذورك....بصح انا راه غايضني هذا المخلوق الي راكي عندو راه اخلص فالدنيا ...كون جيت نعرفو انقولو ابدلك الحليب وقيلا نيسلي ما خرجش عليك.......لا حول ولا قوة الا بالله.
الحمدلله مشاركتك نحات عليا الغمة اللي جاتني من قاءة المشكل
:1:
حكايتك تقول مسلسل تاع دزاير اللي يديروهم في رمضان ينحو الشهية
اقراي شوية كتابات وحبسي المسلسلات التركية ومدابيك تتهلاي في راجلك و والديه

[MuSLiMaN]

افضل رد هو عدم الرد... لقد هرمنأأأأأأأأأأ:mad:

:19::19::19::19:

[bello angel]

هههههههههههههههههههههههههههههههههههههههههههههههههه هه
عندي ياسر مضحكتش هكا
تهللااااااي في راجلك يكفيكي فخرا انو متحملك بعقليتك هادي

[aymen01]

مليح كي راهو متحملك

قالي و قتلك و يديرولي و نديرلهم

الراجل يكره هذي الحكايات احكمي لسانك وعيشي حياتك

[جويرية الإيمان]

انا نقولك يا بنتي

إذا حبيتي الهدرة لي تساعدك ونقولولك عندك الحق و راجلك لالا

هاذي غير انسايها

و المثل يقول : حبيبي لي يبكيني و يبكي معايا مش لي يضحكني و يضحك الناس علي .

و مستحيل كل الأعضاء يجتمعو في حاجة غالطة


مالا نصيحتي :

اقراي مليح الردود بعقلك مش بقلبك رايحة تلقايها الكل في صالحك

و لازم تعترفي بلي راكي غلطتي و خلي عليك العند .

[knives66]

والله انتم نساء بسلامتكم تكبروا موضوع حتي يولي أزمة سياسية

انت زوجتي درتي دار فات لي فات معندكمش حاجة إسمعا غفران ؟؟

حطي روحك في بلاصتوا موش تولي تحللي فيه به يسامحك

ابدي صفحة جديد وخطيك من تكبار موضوع

[النجمة القطبية]

مفهمتش علاه كل هذا التحامل على صاحبة الموضوع
والحقيقة اللى متعرفوهاش يا رجال انو اي امراة تغير على زوجها فما بالك لو احبته لدرجة كبيرة كيما راهي تقول صاحبة الموضوع
وزيد يجب ان نراعي فرق السن يعني هي مزالت صغيرة وغلطت لما سالت على الماضي نعم لكن حتى هو غلط راه كبير ما معنى ان يحكي الحكاية بالتفصيل الممل وتغرورق عيناه بالدموع مالفوق اي امراة مهما كانت يقتلها موقف مثل هذا
انا نقول لصاحبة الموضوع هو الموقف صح ماشي ساهل لكن الحمد لله انو وضحلك الامر
ننصحك تكون عندك ثقة كبيرة في روحك ولا تفتحي باب للمقارنات مع غيرك
ثاني حاجة تجنبي الشكوى حلي امورك بنفسك زوجك يكفيه انو يخدم على العايلة كامل متزيديش عليه ومتخلي حتى واحد ياثر عليك
عيشي حياتك يا صديقتى العمر لحظة ومادام زوجك كريم معاك عيشي واضحكي والعبي في بيتك وهني زوجك معاك
خلاص انساي الماضي ومتزبطيش وجهك ومع الوقت تتعلمي كيفاش تتحكمي في اعصابك وتضحكي وتفرحي في اصعب المواقف
اختى راح تواجهي المشاكل والغيرة من هنا وهناك وهذي هي طبيعة المجتمع تاعنا وهذى هي الحياة لازم تكنلا قوية ومتعمريش راسك بالتفاهات
لمزيد من النصائح اقراي مواضيع في قسم البنات عن كيفية معاملة الازواج
موفقة

[بنت فاميليا]

أختي الكريمة أنت أخطأت بسؤالك عن الماضي ....حاولي ان تنسي مافات ولا تجددي ملفات انطوت وذهبت لحالها
الآن حاولي فتح صفحة جديدة مع زوجك وعيشي افضل حياة معه مادام لم يقصر معك
ولا عليك من الأعضاء الذين جرحوك

[ابتسام smile &hope]

ياختي نوصيك بحاجة ماتزيديش تحرشي راجلك على ختو باش مايصرفش عليها
و تاني لازم تشجعيه باش يصرف على والديه مكاش كيما طاعة الوالدين
ونقصي الهدرة الزايدة راجلك يدخل عيان تزيدي تكملي عليه
نعرف عرايس لوكان تشوفي كيفاش يتتعاملو مع رجالهم و مواليهم تعرفي بلي راكي غالطة مية فالمية

[بسمة العمر1]

عدم الرد...

[MuSLiMaN]

افتعلت مشكلة مع زوجها كي تضع موضوعا في قسم مشكلتي هههههههههههه

[غربة أهل السنّة]

السّلام عليكم ورحمة الله وبركاته
حيّاكِ الله أختي،،،
فهمتُ من قصّتك أنك تزوجت وأنت مقتنعة وكنتِ سعيدة مع زوجك
وفهمت أيضا بان تلك المرأة كان زوجك قد خطبها ولم يقم بعلاقة محرّمة والله أعلم
و اعذريني على صراحتي ولكنّكِ أنت المخطئة في المشكلة
لماذا تسألينه عن ماضيه؟؟؟
ولماذا تحاسبينه عن شيء حدث في الحلال؟؟؟ يعني هو كان قد خطب تلك الفتاة وهذه ليست خيانة.
نصيحتي لك حتّى تحافظي علي بيتك، إنسي هذه الأسئلة وعيشي مع زوجك فس اطمئنان واحرصي على الإحترام بينكما
هناك الكثيرات يعانين من خيانة الأزواج و الكثيرين من الأزواج يعانون من خيانة نسائهم
لماذا سالته أن يطلّقك؟؟؟ الا تعلمين ان المرأة إذا سألت زوجها الطّلاق من غير سبب فحرام عليها رائحة الجنّة؟؟؟
لماذا تغامرين بحياتك؟ بعد أن كنت سعيدة و تعيشين في غبطة وسرور ونعمة مع زوجك؟؟؟
لقد رزقك الله بزوج (عفيف) كما وصفتِه لنا وقلتِ (خاطيه البنات)
فاحمدي الله إذا على هذه النّعمة العظيمة بالمحافظة عليها
وفّقك الله و رزقك حياة هنيئة
والسّلام عليكم ورحمة الله وبركاته
~~~وصلّى الله على سيّنا محمّد وعلى آله وصحبه أجمعيــــــن~~~

[..بسمة أمل ..]

انتي لغالطة و علاه تجبدي في الباسي نتاعوا تزوجتيه خلاص
انتي شوفي مستقبلك و انساي وش صرى بينكم و حاولي
ترجعيه كي بكري و ربي يهنيييبك و اخطييييييك من كثرت الهدرة
اكثر حاجة يكرها الراجل الهدرة الزايدة

[تـ,ـرتـ,ـيـ,ــل۰۪۫M۪۫۰]

هههه

بصح بعد هدرتك هاذي كامل وراهو مخليكي ، عجب ؟

تخربو في ديآركم ، الزواج رجع لعبة ...

[كلنا راحلون]

هههه

بصح بعد هدرتك هاذي كامل وراهو مخليكي ، عجب ؟

تخربو في ديآركم ، الزواج رجع لعبة ...
بداية امنية كل مرأة زواج يعني رجل فقط

وتبع كلامي

بعد زواج

تحبني ولا تحب المامي

حبيت مرأة من قبلي

اختي شرالها راجلها خاتم وانا مشفت منك والو

ومين تتقلق او تخرج غضبانة يتزوج عليها زوجها واااااااااااااااااااااااااااااااااااااااع وااااااااااااااااااااااااااااااااااااااااع وااااااااااااااااااااااااااااااااع اناني منسامحكش منافق


رجل دخل 60سنة اصيح يدخن بسبب زوجته 2 ولا داعي لسرد قصة


هادي هي مرأة جزائرية


ما اسم انثى قنفد

جواب

اسم انثى قنفد كشروووووووووودة