النحافة

[مشكلتي]

السلام عليكم
انا فتاة عمري 18 سنة اعاني من النحافة حيث إني مللت من سخرية الصديقات و هدا ما سبب لي عقدة نفسية و أصبحت منعزلة تماما و ما أدى إلا تهاوني في الدراسة أيضا اشتريت قبل يومين حبوب اسمها ginseng kianpi pil لكن قرأت بعض المواضع هناك من يقول انه مفيد و يزيد الوزن و هناك كم يقول إن له أعراض سلبية
أتمنى أن تساعدوني و بارك الله فيكم

[مراد سابقا]

النحافة لها اسباب

:

اما مرض عضوي اذهبي لطبيب عضوي يدير فحوصات شاملة او عندك مشكلة في الأمعاء

اما مرض نفسي انت متوترة او حالتك النفسية سيئة .

واو الإحتمال الثالث هذيك هي السحلية انتاعك

[marwa rose]

السلام عليكم
ما علاباليش يا ختي وعلاش راكي مكبرا الموضوع الي هاذي الدرجة وتتهاوني في دراستك على هذا الشي مع انو الموضوع ما يستاهلش !!!!!!!
شوفي ختي نقولك حاجة انا ثاني نحيفة وعمري 17 و صديقاتي كانو يقولولي راكي قريب تتكسري ويتمسخروا بصح انا كنت نرد طبعا ونقوللهم بالحرف الواحد هه أنا عاجبني لا طاي نتاعي و بزاااااااااااااف وألف وحدة سمينة تتمنى تكون كما أنا وزادا عندي لاطاي نتع الكوريات مش كما نتوما كما البومبات لوكان طيحوا ما تقدروش تنوضوا والله كنت نسكتهم حتى ولاو ما يهدروش في هذا الموضوع وبالعكس ولالو يقولولي لاطاي نتاعك شابة بصراحة انا معروفة بثقتي الزايدة بنفسي وعلى هذا كي عرفوني مليح ما ولاوش يخلطوا فيا باسكو نحبسهم عند حدهم ..
ختي خلي عندك ثقة بنفسك و بكل شي فيك تأكدي بلي 1000 وحدة تتمنى تكون كما انت وكوني كما انا وديري القلب وردي عليهم مشي شرط تعجبيهم جابلي ربي ما تخلقتيش باش تعجبيهم
وبلاكي تقولي بلي انا نرد عليهم كما هاك باش ما يعاودوش يهبلوني برك لا بالعكس والله صح تعجبني لاطاي نتاعي وما نتمناش نسمن حنونتي خليك على طبيعتك وما تغيريش روحك ولا من اجل احد ادي بنصيحتي وتشوفي النتيجة ربي يوفقك ان شاء الله
ونصيحة ما تشربيش هذاك الدوا ينفخ بلا فايدة ....
ان شاء الله نكون أفدتك .....
ادعيلي...

[أمة الله 12]

يا طفلة وعلاه تقلقي في روحك، واش ليك بالادوية، ادوية المسمنة معظمها يسبب امراض من بينها كيست في الرحم مما يمنع الحمل او يسبب العقم و امراض اخرى كثيرة هذا اهونها
نعطيك خلطة طبيعية تفتح الشهية
زوج كيلو حلوة الترك ، كيلو كاوكاو مقلي و مرحي، كيلو عسل ماشي شرط حر، ١٠٠غ حلبة مرحية، ١٠٠ غ درعة، ١٠٠ غ زراعة البسباس، ١٠٠ غ سينوج اكحل، ١٠٠ غ لوز مرحي،
خلطيهم و لميهم بالعسل، صباح و عشية اوكلي مغرفة كبيرة ، ممكن تزيدي الكمية اذا حبيتي
الراحة النفسية عندها دور كبير و انسي النحافة ضرك تهزي صحتك

[mrmilano1984]

هادي عندها عقلية تاع مراهقة فقط كي تكبر الامور كما هادو تنحها من راسها تعرف كي تكبر الصح في الراس والعقلية ووو مش الرقاقة او السمانة

[bingo2013]

السلام عليكم . اختي اريد ان افيدكي بأن الحبوب الي اشتريتيها خطيرة على الصحة
وقد تتسبب بعدة امراض

1- تحتوي هذه الكبسولات علي نسبة عالية من مادة : Cyprohep tadine والمعروف حالياً باسم : Periactin وهي مادة مضادة للهستامين ولها تأثير فاتح للشهية وتزيد الوزن ويجب أن يؤخذ تحت إشراف طبي لأنها تتفاعل مع الأدوية المشابهة وتؤدي إلي أضرار جسيمة .

2- تحتوي هذه الكبسولات على مادة betamethsone والذي من أعراضه الجانبية أنه قد يسبب حشاشة العظام وتساقط الشعر والفشل الكلوي وتحتاج إلى إشراف طبي عند استخدامها .

3- تحتوي على مادة asaroneوالمعروفة الآن b-asarone فيه مادة مسببة للسرطان وممنوع تداولها حسب ما ورد عن منظمة الأغذية والأدوية الأمريكية f.d.a

انتبهي على صحتك قبل كل شيء وصدقيني الموضوع مايستاهلش كل هدا و كاين الف طفلة تحوس تكون كيما نتي
وديري في بالك ماخلقتيش باش تعجبي الناس ديري كونفيونس في روحك ورجعيلهم وقولي انك عاجبتك كيماهك

وتدكري اختي صحتك قبل كل شيء

[bingo2013]

يا طفلة وعلاه تقلقي في روحك، واش ليك بالادوية، ادوية المسمنة معظمها يسبب امراض من بينها كيست في الرحم مما يمنع الحمل او يسبب العقم و امراض اخرى كثيرة هذا اهونها
نعطيك خلطة طبيعية تفتح الشهية
زوج كيلو حلوة الترك ، كيلو كاوكاو مقلي و مرحي، كيلو عسل ماشي شرط حر، ١٠٠غ حلبة مرحية، ١٠٠ غ درعة، ١٠٠ غ زراعة البسباس، ١٠٠ غ سينوج اكحل، ١٠٠ غ لوز مرحي،
خلطيهم و لميهم بالعسل، صباح و عشية اوكلي مغرفة كبيرة ، ممكن تزيدي الكمية اذا حبيتي
الراحة النفسية عندها دور كبير و انسي النحافة ضرك تهزي صحتك

وين كانت المعلومة هادي ؟؟؟
فوت حياتي نحوس عليها . لغدوة ان شاء الله نجربها ههههههه

[mariana1]

يا بنتي ما تخممي ما تشغلي روك الناس ما راضيين على حتى واحد السمين لاه سمين ؟والرقيق لاه رقيق ؟ والمطلق لاه ؟ والمتزوج لاه ؟ المهم واحد ما مانع من ألسنتهم اللي ولات ثعابين المهم روك فقط ومهيمكش باقي العالم لما تكوني راضي عليك ربي وطايعتو وتصلي صلاتك في وقتها وما تغتابيش الناس مايهمكش الناس يقولو ولا يقعدو ، أعتبريهم ماكانش ، وهذه وصفة مليحة و مجربة: 250غ قمح محمص ومرحي ، 250غ حمص محمص ومرحي ، 250غ حلبة مرحية 250غ زبدة بقري حرة خلطيهم في كيلو أنتاع عسل وأطلي بيهم الخبز وكلي وبالصحة والهناء . و
أخيرا نقلك لا كنت بخير في صحتك ما يهمكش سمين ولا رقيقة الصحة هي الصح

[knives66]

اولا خطيك من الحبوب

نحافة قد يكون سببها فقر الدم يعني رحا ضوري روحك بحبوب

مدام مزادش وزنك عادي بأكل أكيد يكون عندك فقر دم ولا تتفلسفي

طبيب هو بقرر موش انت ولا قوقل واحد ما يفتي عليك

لانو قد تسببلك في مضاعفات خطيرة

[manel manou97]

رضا الناس غاية لا تدرك
اختي نصيحة طيشي عليك هدرة الناس و تعلمي تحبي روحك كيما خلقك ربي
اذا ضعيفة يقولو عليها دبوس
اذا سمينة يقولو هاي جات البوبونة
اذا مليحة واحد لا يقيمك
لأن الناس تشوف العيوب فقط
و الحبوب المسمنة طيشي عليك،
اللي حاب يسمان يهني روحو من التخمام

[staifia]

سبحان الله واحد يحب يسمان والاخر يشيان
ارواحي نعطيلك شوي برك مش بزاف هههه
يااختيي. يجي نهار وتسماني جربي خلطات طبيعية احسو من الحبوب لي تكون نتائجها سلبية عليك

[الألماسة]

يا طفلة ما زلتي صغيرة و مع الوقت تسماني
نورمال الجينسينغ ما فيه حتى مشكل
نعرف وحدة جرباتو و ما صرالها والو و راهي بولادها
لكن ما تكثريش علبة واحدة بزاف عليك

[كلنا راحلون]

اختي شخصيا اعاني من نحافة يزااااااااااف ومع دلك لا اقراص لا مشروب سريع سبب سرطان احذري و تسماني بزاف اما انك


انا فتاة عمري 18 سنة اعاني من النحافة حيث إني مللت من سخرية الصديقات.............................يعطوك حسنات كوني دكية في جني حسنات...................................... و هدا ما سبب لي عقدة نفسية.....................اختاري تسمني و سرطان او نحوفة لا سرطان .............................و أصبحت منعزلة تماما و ما أدى إلا تهاوني في الدراسة.................................اكدي على صحتك

[سوستال]

ان شاء الله الاخوه يكونوا افدوك

[hodahodahoda]

خايفة يجيك نهار تتعقدي من السمانة
اصبري برك

[aminazy]

السلام عليكم اختي شوفي انوا ليفي عمرك معظمهم رقاق
لكن المشكل انك بلاك متعرفيش تلبسي حساب طايتك (عفوا)
لذلك نقولك جربي تبدلي في نوعية ملابسك حتى تصبحي تباني شابة
صراحة ختي الحمدي ربي على الصحة مزلتي صغيرة وتتبدلي متخافيش

[وليد1990]

يا اختي وش نقلك الحق انو تتقبلي شكلك عادي ومكان علاه تتعقدي بصح عندي نصائح بلاك تنفعك
لازملك الاكل ثم الاكل 5وجبات في النهار او 6
شوفي وصفة الاخت الي عطاتهالك والتزمي بيها خطر الوصفات كلها يتعاود فيها العسل والمكسرات والحلبة هادو مشهورين ونزيدك اشري بلاكة تاع بيض وكل يوم نحي 5او 6 وخلطيهم زين مع نصف ليتر حليب تاع بقر او ماعز او حتى تاع الغبرة المهم يكون كامل الدسم مش نقصدلك حليب تاع الشكارة هداك راه منزوع الدسم وزيدي ضيفي يؤورت 1ولا 2 وخلطي كلش مع بعضاه واشربيه الصباح مع الريق برك وكل صباح نفس الشي
وبعد كي تلحق العشرة ولا العشرة ونص لازم تحتمي على روحك الماكلة كولي اي حاجة اكشير بيض زبدة زيتون الي جات ووقت الغداء اجليه شوي للوحدة ولا والوحدة ونص الي طيب كثري منها واشري دوا ء فتح الشهية بصح ماتكثريش منو وكثري من العجائن وماذا بيك مايعودش فيها الطماطم مرحية تاع القوطي مذا بيك طيبيها بتاع بكري
وكي تلحق العشية ثاني ما تشربيش ق القهوة وحدها لازم خبز حليب مكسرات زبدة عسل كولي وخلاص وكي يلحق للعشاء ثاني ماتقوليش قع لالا للماكلة بصح العشاء اخف من الغداء وكي يلحق وقت قبل النوم ثاني كولي بصح تجنبي الشكولة والمكسرات والشيبس راهم يضروك اذا كليتهم قبل النوم
المهم السمنة تجي بالماكلة ياسر وراحة البال والرقاد ماتسهريش ياسر وكثري من الماء ياسر وزيدي في النت ابحثي على الماكلة الي تسمن والماكلة الي تنحف وتجنبيها
ماذا بيك ماتكثريش من القهوة ياسر والشاي
وداومي على ريجيم زين شوفيه من النت ومع الوقت راكي تسمني عندك لا تكرهي وتبطلي

[مملكة الأحزان]

ندعيلك دعوة من قلبي ربي يسمنك سمنت الصحة بلا ماكلة وأنا ثاني معاك

[ZORRO__DZ]

السلام عليكم

عاجل / انصحك الاخت الكريمة ان تبتعدي عن تلك الحبوب ,,,,,,,,,,,,, العام المنصرم كانت تخدم معي بنت حكت لي عن ابنت عمها اشترت حبوب خاصة بزيادة الوزن والله دخلت للمستشفي لمدة شهرين كاملين بالعامية "" خسرتلها لاطاي كامل '' وقريب راحت فيها

[زبدة ذايبة]

واش ديري بقنطار تاع الشحم وراسك فارغ ؟؟؟؟؟؟؟؟؟؟؟؟؟؟؟؟؟؟؟؟؟

التهاي بقرايتك هي الأهم واعط قيمة لروحك يحترموك صديقاتك

مولات 18 سنة وتخليهم يتمسخروا بيك؟؟؟؟؟؟؟؟؟؟؟؟؟؟ عجب والله

اليوم يضحكو عليك كي رقيقة ،،،،،،،،،،،،،،،،،،،،،،، غدوة كي سمينة ،،،،،،،،،،،،،،،،،،،،،،،،،،،،،،،،، نهار واحدو اخر كي ماتعرفيش تلبسي ،،،، وماتعرفيش تاكللي

وانت أبقاي تسناي فيهم واش يقولو !!!!!!!!!!!!!!!!!!!!!!!!!!!!!!!!!! حاجة ماديريها نوصيك

ماتقراي ماتتعلمي ماتاكلي ماتشربي ماتريحي !!!!!!!!!!!!!!!!!!!!!!!!!!!!!!!!!!!!!!!!!!!!!!!!


أبقاي استناي في الصحابات ولحبابات يورولك واش ديري في حياتك


فيقي لروحك راك غير اتبعي وهذا خطير جداجدا

نهار ماتكبري تقولي غلطت كي خليت روحي لبنات.

ديري قيمة لروحك واحترمي النفس اللي اعطاهلك رب العالمين تريحي

وإذا كنت بلا حجاب ديريه هذا أستر ليك وأفضل ماتباني لارقيقة ولا سمينة.

قعدتو تبعوا في التركيات حتى داوكم للتهلكة

الأمراض النفسية وضعف الشخصية وزيد رايحين باش ماتقراوش


وين راك رايحة يعني زيادة لاطاي ماعندكش قوة الشخصية ماعندكش تزيدي شوية تاع القراية اللي راك فيها تخليها.!!!!!!!!!!!!!!!!!!!!!!!!!!!!!!!

واش حبيتي تولي ؟؟؟؟؟؟؟؟؟؟؟؟؟؟؟؟؟؟؟؟؟؟؟

كائن بشري ياكل ويرقد ومعقد !!!!!!!!!!!!!!!!!!!!!!!!!!!!!!!!!!!!!!!

راني قاسية عليك باش ماتغلطيش يابنتي

حلي عينك وتفرطي في قرايتك هي كلشي

والديك مابخلوا عليك بحتى حاجة باش تقراي وانت تفكري في لاطاي

ديري قيمة لروحك هذا هو الأساس مايتمسخروش بيك لبنات ويلعبو بيك كي يعرفوك ضعيفة لتم يزيدو يقسحو عليك اللعب تاعهم..

مشكلتك ماشي مشكلة ميزان تاع لعظم والشحم واللحم. مشكلتك مشكلة في الشخصية تاعك اللي خليتي لبنات يتمسخروا بيك ويضحكو عليك وانت تعاوانت معاهم في تدمير نفسك بالنتائج الضعيفة اللي راك تتحصلي عليها.

واش من فخر جبتيه لعمرك يابنتي.

مارانيش قادرة نحبس من الكتابة . ولكن اقراي مليح واش اكتبت وابداي صفحة جديدة مع نفسك هذا هو المهم تكوني إنسانة يحترموك الناس من شخصيتك ماشي من الكيلوات اللي توزنيهم

[ابتسام smile &hope]

شوفي ماتبكيش على السمانة ابكي على المعدل تاعك خممي على طاعة والديك وعلى صلاتك

[imen kasem]

ننصحك بالخلطات الطبيعية بصح زمك داومي عليها باه تظهر النتيجة

[ابتسام smile &hope]

ساحكي لك قصة احدي قريبات جارتنا كانت تسعى دوما للزيادة وزنها عن طرق الخلطات الى ان جاء يوم وجدت خلطة زادت من وزنها لكن كان لها اثر جانبي وهو ان حجم صدرها استمر في الازدياد رغم توقفها عن الخلطة مما سبب لها الاما في الظهر ضيقا في التنفس واحراجا مع الاقارب لم تنفعها لادوية فحجم صدرها بقي في النمو يوما بعد يوم فكان حل الطبيب اجراء عملية تصغير حجم الصدر بمبلغ جمعه ابوها واخوتها بشق الانفس لانهم فضلوا ان تجري العملية في عيادة خاصة