لي تعرف خبز الملوي تدخل

[rafik abdo]

السلام عليكم ورحمة الله وبركاته
اخواتي اطلب منكم طريقة عمل خبز الملوي لي مدن الشرق الجزائري وليس المغربي
كاين لي ينادولو لمورق هو يشبه الكسرة ولكن مورق
لي يعرف يكتبهولي بشرح
جزاكم الله خيرا
صح فطوركم

[rafik abdo]

وين ردودكم

[rafik abdo]

وينكم يبنات

[لؤلؤة البحر]

المقادير دقيق+ماء+ملح+السمن الذائب للتطياب
تضعي الدقيق ثم الملح ثم تضيفي الماء بالشوية ودلكيه مليح خليه يرتاح مدة ساعة
حذاري تجريه( م تكثريش الماء )
جيبي الجفنة ضعي 5 دوائر صغيرة ارفدي الدائرة الاولى وخبزي دائرة صغيرة تدهني بالسمن ثم الثانية وهكذا حتى تكملي كل الدوائر خبزيهم كامل مع بعض حتى تتحصلي على دائرة كبيرة حطيها فالطاجين تاع الملوي بعدما تكوني شعلتي النار عليه ورشي شوية بالسمن
وبعدما تطيب الجهة الفوقانية اقلبيها على الجهة الاخرى.
ان شاء اله تفهمي الطريقة منعرفش نشرح

[rafik abdo]

بارك الله فيك اختي وصح رمضانك

[allmaza]

اختي هده وصفة المفرمسة اي الفطير

[yakin]

المقادير دقيق+ماء+ملح+السمن الذائب للتطياب
تضعي الدقيق ثم الملح ثم تضيفي الماء بالشوية ودلكيه مليح خليه يرتاح مدة ساعة
حذاري تجريه( م تكثريش الماء )
جيبي الجفنة ضعي 5 دوائر صغيرة ارفدي الدائرة الاولى وخبزي دائرة صغيرة تدهني بالسمن ثم الثانية وهكذا حتى تكملي كل الدوائر خبزيهم كامل مع بعض حتى تتحصلي على دائرة كبيرة حطيها فالطاجين تاع الملوي بعدما تكوني شعلتي النار عليه ورشي شوية بالسمن
وبعدما تطيب الجهة الفوقانية اقلبيها على الجهة الاخرى.
ان شاء اله تفهمي الطريقة منعرفش نشرح


أنا الملوي اللي نعرفه يكون كي المطلوع و نقرص كريات ثم نبسطها جيدا ندهنها بالسمن و نغلق يعني نطوي للوسط و نعاود نبسطها ثم نخليها تخمر جيدا و بعدها نطيبها في طاجين تاع الطين و الله أعلم

و كاين الملوي تاع المسمن نحوس على الصور و نرجع لك حبوبة

[*شهد العسل*]

شكرا على هذه الوصفة الشهية

[جيجلية]

أول مرة نسمع بهذا الخبز

ممكن من الأخوات المزيد من الشرح ما فهمتش

[miloud53]

خذي كية من الدقيق الرطب ونصف الكمية من الفرينة والملح حسب الطلب خلطي مع الماء حتى تحصلي على عجينة مثل القيوش مع الدلك طبعا وادا كان عندك خلاط كهربائي ادلكيها جيد حتى تحصلي على عجينة رطبة قابلة لتوراق وبعدها خدي كويرات وورقيها هلى شكل مربع ولا تنسي وضع قليل من الدقيق على الطاولة يعني انثريه حتى تورقي العجينة فوقه خدي الزبدة لي تكوني ذوبتيها مع قليل من الزيت ادهني الوجه ثم اطوي مثل الرسالة وكلما طويتي جهة لا تنسي ان تنثري خليط الزبدة حتى تتحصلي على رسالة تكوني سخنتي الطاجين اوضعي عليه ومع التحريك حتى تحمر من كل الجوانب اقلبيها نفس العملية ولا تنسي وضع قليل من الزبدة داخل الخبسة وهي على الطاجين جربيها وادعي لي

[كلتومة01]

[QUOTE=لؤلؤة البحر
يا اختي باغية نفهم :لازم كي تطيب لاولى نحط فوقها تانية ولا نحطها وهي عجينة.:sdf: