مشكلة

[مشكلتي]

السلام عليكم و رحمة الله و بركاته


يا خوتي خطبت واحدة نعم زوجة ان شاء الله الاخلاق التربية اية في الجمال حبست الخدمة علا جالي و كانت تخلص 6 ملين مي مغرتهاش الخدمة داير الجلباب و قاتلي اندير السيتار علاجالي شعرها كاسواد غراب في حيها الكل نتمنها من المرفه ال انا الزوالي و انا لي اكسبتها مي هناك معضلة هي غيورة الي اقصي الدرجة علي و انتا والله معندي والو خدام الحمد الله نسكن عند الوليدين ربي يحفضهم منيش منهدوك الشبان مي الحمد الله اكرمن الله بي حسن الخلق الموفيد كي قوتلها وعلاش راكي اديري هكداك قاتلي نغير تخطفك كاش واحدة يتبع
مني قتلها الله يهديك قاتلي انت معلباكش انا لي اعلبالي قاتلي ان رضيت بيك كي جيت عندك الاخلاق مدين و زيد خاطيك النساء قاتلي زيد عندك حاجة عجبتني فيها كي تغض البصر تاعك قاتلي في الحي تاعنا البنات قاع رام يهدرو اعليك و انا اني خيف تديك كاش واخدة مني سبحان الله انا راني معلباليش بلي وليت حاجة عند الناس غير من غض البصر سبحان الله انا هدا الشئ درتو لي وجه الله و ربي رزقني بي واحدة جامي احلمت بيها في حياتي لك الحمد يا الله مي انا مشكلتي هد الغيرة المفرطة واش اندير معنديش تجربة مع النساء فهمونا واش اندير امعها

[كلنا راحلون]

حافظ على لؤلؤة وغيرة مفرطة معندها حل

[didoinps]

هذا امر عادي والله شئ مفرح

[سجل أنا جزائري]

ما علاباليش علاش جاتني القصة تعك مجرد قصة خيالية
وحدة أية في الجمال و دين و تربية و تحبس الخدمة على جالك رغما كانت تخلص 6 ملايين و زيذ دير الجلباب و الستار ثاني على جالك و نت زوالي وو زيد تغير منك ...

هذي جامي شفتها تلقاها في الجنة برك ...

[ouissamak]

وانا اقرا قصتك يا اخي احسست نوعا من التلاعب ممزوج بنوع من احلام اليقضة
اسمحلي لكن جاتني قصتك غريبة نوعا ما

[ibrahim1968]

بدون الردود يضيع المجهود

[mounyabiskra]

الله غالب يا خويا الكمال لله، الغيرة تنقص مع العشرة و كي تعرفك مليح بعد الزواج و الثقة..... المهم راك لقيت كنز حافظ عليه و الصفات لمليحة لي فيها راهي تغطي على لعيوب ربي يكمل بالخير ان شاء الله

[naamane3]

يا أخي بارك الله فيك ولك ولها
أدعو الله لي أن يرزقني مارزقك

[الصديق قروف]

الله يبارك
الى غاية ان الكثير لم يصدق
‏ هادم هوما انساء يتاثرو بزاف لبيلها طلباتها فقط
ربي يكمل ويبصت لك في ارزق

[zalamite]

[انا سمحلى نقدر نامنك في كلش مى تاع تخلي خدمتها على جالك او تخلص 6 ملاين اسمحلي هدى مكاش منها الا ادا كنت تحكي على كائن فضائي هدى حاجة اخرى .

[نسْمۃ إِرتقـآء]

السلآلآم عليكمْـ

لم يعد دوري في التعقيب عن الموضوع ،،
بل التعقيب عن بعض الأخوة ..لمآ العجب من
إمرأة تركت العمل و المال من أجل رجل صآلح يغض بصره
(على حسب ما فهمت من القصة أعلآه)
؟؟؟؟

- الرجل الصآلح بحق تترك عليهآ الدنيآ -
فلمآ العجب ؟؟

[النجمة القطبية]

السلام عليكم و رحمة الله و بركاته


يا خوتي خطبت واحدة نعم زوجة ان شاء الله الاخلاق التربية اية في الجمال حبست الخدمة علا جالي و كانت تخلص 6 ملين مي مغرتهاش الخدمة داير الجلباب و قاتلي اندير السيتار علاجالي شعرها كاسواد غراب في حيها الكل نتمنها من المرفه ال انا الزوالي و انا لي اكسبتها مي هناك معضلة هي غيورة الي اقصي الدرجة علي و انتا والله معندي والو خدام الحمد الله نسكن عند الوليدين ربي يحفضهم منيش منهدوك الشبان مي الحمد الله اكرمن الله بي حسن الخلق الموفيد كي قوتلها وعلاش راكي اديري هكداك قاتلي نغير تخطفك كاش واحدة يتبع
مني قتلها الله يهديك قاتلي انت معلباكش انا لي اعلبالي قاتلي ان رضيت بيك كي جيت عندك الاخلاق مدين و زيد خاطيك النساء قاتلي زيد عندك حاجة عجبتني فيها كي تغض البصر تاعك قاتلي في الحي تاعنا البنات قاع رام يهدرو اعليك و انا اني خيف تديك كاش واخدة مني سبحان الله انا راني معلباليش بلي وليت حاجة عند الناس غير من غض البصر سبحان الله انا هدا الشئ درتو لي وجه الله و ربي رزقني بي واحدة جامي احلمت بيها في حياتي لك الحمد يا الله مي انا مشكلتي هد الغيرة المفرطة واش اندير معنديش تجربة مع النساء فهمونا واش اندير امعها

شعرها اسود كالغراب
كامل في الحي ديالنا يضاربو عليها من المرفه للزوالي
دارت الجلباب علاجالي والستار على جالي بين قوسين هذه الامور الناس يديروها لله وليس لبشر
تخلص ست ملايين ومغرتهاش الخدمة وطبعا علاجالي
في الحي تاعنا البنات كامل راهم يهدرو عليك
عموما بعد الكثير من الوصف بحثت عن المشكلة فلم اجدها لدرجة انى شككت انك كتبت هذه الكلمات للموعضة فقط وكانك توصل رسالة ما
الى ان وجدت ان تلك الملايكة التى خطبتها تغير عليك غيرة كبيرة من فرط الحب ربما ولا ادري اين المشكل هنا
واش تدير الجواب ما تدير والوا اي زوجة تغيرعلى زوجها وهذا طبع الاغلبية من النساء كن عند حسن الظن فقط
لدي تعليق في الاخير بصراحة لم اقتنع بالقصة لم استوعبها
لا يعني انو مكانش بنات حلال لا بالعكس الخير كاين واثقة من ذلك
لكن القصة اعلاه بهذه الطريقة في السرد :rolleyes::o

[منقذة الغد]

فعلا الأخت النجمة القطبية لا زيادة على كلامك

[نسْمۃ إِرتقـآء]

كامل في الحي ديالنا يضاربو عليها من المرفه للزوالي
دارت الجلباب علاجالي والستار على جالي بين قوسين هذه الامور الناس يديروها لله وليس لبشر



معك فــي هذه ...،،
الأعمآآل تكون لوجه الله خآآلصة ...~

[FELLA BIO]

قد تترك المراة العمل من اجل زوجها وهذا عادي
وقد تتزوج ذات الجمال الفتاك من هوقليل ذات اليد و حتى الوسامة وهذا منتشر
وقد ترتدي الجلباب و الستار بطلب من الزوج وهذا شائع
وقد تغار المراة علي زوجها و هذا هو الطبيعي
ولكن شئ ما في مشكلتك يجعلها تبدو اضغاث ترهات تلفيقات لا اعرف ربما لغة كتابتها او رنة قرااتها
اعذر اخي صراحتي وفقك الله لما فيه الخير لكما

[SKYALGERIA]

السلام عليكم أظن أنك إرتكبت خطأ و عجل بإصلاحه و هو مسألة عمل زوجتك المستقبلية أنصحك بأن تتركها تعمل خاصة إذا كان عملها ليس فيه إختلاط كثير و أجرتها ما شاء الله جيدة و خاصة أنك لا تعمل و حتى و لو كنت تعمل فالمشاركة المادية بينكما ضرورية في هذا الزمان و مفيدة لمستقبل أولادكما أيضا

[نورالهدى بيولوجيست]

خويا موقفك ماعجبنيش في حاجة:

الرجل كي يستخسر المرأة في نفسو و تضحي على جالو يبدأ يحس بالامتنان اللي يخليك ممكن تتغاضى على عدة امور فيما بعد و ما تقدرش تكون سيد في بيتك

كثرة الامتنان مش مليحة ما أحسنش من التكافؤ!!!! و الله اعلم

ان شاءلله برك ماتكونش عارفة رأيك فيها

[رجل من هذا الزمان]

الغيرة تقتل يا صديقي ومانيش نقصد مرتك و الفاهم يفهم

[nour beyane]

فيلم تركي من نوع الدراما المريخية .....الله يهديك يا مخرج.

[بنت فاميليا]

اللي ما فهمتهش علاش قولت "شعرها أسود كالغراب"
القصة تحتاج إلى المصداقية والربط بين ماجاء فيها لأنك ذكرت أمور أراها غير هامة أو ليس لها أهمية في أن يعرفها الأعضاء
والمشكلة في حد ذاتها ماراهيش مشكلة
وااللي قالو عن البنت نعم البنت نقولهم المرأة الصالحة هي اللي تسارع لأوامر الشرع طبقها لوجه الله ماشي في خاطر فلان وعلان

[محمد جديدي التبسي]

اذا القصة حقيقية خليها تغير ودير واش تحب لبغى تخدمها انتا بعينيك وما تخرجش من الدار عادي !!
احترموا عقولنا !!