عدد ساعات عمل عقود ما قبل التشغيل

[منال 22]

السلام عليكم
كم عدد ساعات العمل في اطار عقود ما قبل التشغيل
انا نخدم 4 ساعات فقط في اليوم
لانو المدير طلب منا نخدمو 8 ساعات لكن رفضنا الامر رفضا قاطعا لانو الشهرية قليلة بزاف نخدمو غير قيس شهريتنا ماناش نسلكو في 5 ملاين حتان نخدمو 8 ساعات
علما اني نخدم في متوسطة
رانا نخدمو 4 اعوان صباح و 4 اعوان لعشية ومتقاسمين الخدمة والحالة ماشية عادي
والان راهو قبل نخدمو نص نهار بشرط كي ندفعو لبوانتاج نكتبو من 8.00 الى 16.30
والان كل واحد يقولي كيفاه راهو يخدم

[bech_hamza]

عمل بدوام جزئي لا كامل لكن الحق

[mouradjonson]

صراحة أنا نخدم حوالي ساعة في اليوم .نروح الصباح على 10 ندير طلة ونزيد عشية نروح ندير طلة تاع نصف ساعة .وخطرات مانروحش قع .وخطرات ننسى قع بلي أنا خدام هههه وديفوا حتى هوما يتوحشوني و كي نزورهم قع يفرحوا بيا

[chacha 87]

يوم 24 من كل شهر نروح نخدم اي نجمع في البيرو
ونخدم لبوانتج ونعطيه للمديرة jتمضيه

[fati21]

هذيك هي كيما قلتي نخدمو علي حساب الشهرية
انا نخدم في ابتدائية يعني سمانة فالشهر لخاطر رانا في بزاف
هو اصلا مكاش بلاصتنا ومكان حتي خدمة رانا قريب ثلاتين وحدة

[bibimoto6]

الحمد لله مانح الهبات مجزل العطيات، مهيئ الطيبات، مرسل النفحات.الحمد لله على حسن الكفاية، الحمد لله على جميل الرعاية الحمد لله على عزة الولاية، الحمد لله المدل على الهدى الحاجز من الردى ما حمام شدا وما بدر بدا وما طل غدا.
طرقت باب الرجا والناس قد رقدوا
وبت أشــكو الى مولاي ما أجــد
وقلــت يا أملي في كــــل نائبةٍ
يا من عليه لكشف الضر أعتمد
أشكو إليك هموماً أنت تعلمهـــا
ما لي على حملها صبرُ ولا جلد
وقد مددت يدي بالذل مبتهلاً
اليك يا خير من مدت اليه يد
فلا تـــــردنها يا رب خــــــائبةً
فبحر جودك يروي كل من يرد

[armada]

انا نخدم 8 ساعات و هذا واجب علينا

[رحيق الكلمات]

السلام عليكم
نحن نعمل اكثر من المترسمين
قريب يعيطونا الجمعة والسبت هههههههههه
الدنيا حظوظ

[moh_boulk18]

انا نخدم 8 ساعات و هذا واجب علينا

متفرك فيك هههههه يعنى هد قفازة اخى راك غير مليون و نصف استاد ميخدمش 8 ساعات فى النهار

[بين اوراق الكتاب]

نحن اجبرنا على العمل يوما كاملا بدل نصف يوم و اعتقد انه سوف يجىء اليوم الذي نجبر فيه على العمل في يومي الجمعة و السبت..

[chacha 87]

انا نخدم 8 ساعات و هذا واجب علينا
الواجب كي تكون مترسم
اما العبودية بعقود ماقبلالتشغيل تعمل 8ساعات

[moh_boulk18]

الواجب كي تكون مترسم
اما العبودية بعقود ماقبلالتشغيل تعمل 8ساعات

انا متفق معك

[سطايفي1]

لي راه يخدم 8 ساعات راه في قمة الذل الله غالب عليه

[منال 22]

والله لي يخدم 8 ساعات راهو غالط ما تقبلوش علاه شحال رانا نسلكو حتان تقبلو ب 8 ساعات
الاستاذ يجي يقري مدة ساعتين او 3 ساعات في اليوم ويسلك 5 ملاين وحنا على مليون ونص وكاينين لي يسلكو غير 800
حنا كي قالنا المدير تخدمو صباح وعشية قولنالو مستحييييييييييييييييل كل واحد يخدم قيس سلاكو نخدم غير نصف نهار حق 15 مية لي راني نخلص فيها
بصح كن نغيبو نهار يديرلنا درس في الاخلاق ويقولنا حلو دراهمكم مجبورين نخدمو شهر كامل

[mounib13]

merciiiiiiiiiiiiiiiiiiiiiiiiiiiii

[ريمة5]

عجبتني نتاع حللو دراهمكم امالا كامل يقولوها وهوما راهم السرارقة لكبار
انا كنت نخدم غير لعشية بصح ضرك كعاد عدنا نخدمو بعيد درنا نهار بنهار من الصباح لعشية
لمرسمين راهم مايجيوش خلاص

[أحمد زابانة]

أنا أعمل 4 ساعات في الأسبوع
يعني على قد 15000 دج نتاعهم
كي يزيدونا نعمل حق الزيادة
يعني أستاذ يعمل 14 ساعة أسبوعيا يخلص 35000 دج شهريا + منحة كل ثلاث أشهر تقارب 30000 دج منطقيا يا جماعة واش من حلال و حرام تتكلموا عليه .

[fo0ofi]

انا نخدم 7 ساعات فاليوم
كل يوم ما عدا الجمعة والاتنين
يعني حتى السبت نخدم
واذا غبت نهار لازم كستيونار

[mebadr]

ربي يهدي العباد.

[2013 rose]

انا نخدم نهار بالنهار من 10 الى 12 من 14الى 16

[صفية1]

7.5 سا
كل ايام الاسبوع ماعدا الجمعة والسبت
باجر لا يتجاوز 9000 دج مع الخصم في حالة التأخر او الغياب + استفسار
مهام كيم المترسم او اكثر
رخصة خروج ساعتين ممكن تقدم واحدة في الشهر لا غير
عقـــــــــــــــــــــــــــود الذل

[rima alg]

8 ساعات وكي نغيب ينقصولي من الراتب وكي نجي متأخرة تاني يحاسبوني وينحولي يحاسبونا كيمنا كيما المترسمين وعلى نهار ينحولنا 1000 دج

[sissi alg]

انا نخكم 8 سا في اليوم نهار الاربعاء جات مديره عرشتلي علي خاظر بالثلاتاءمجيتش ديرت رخصة غياب باش نروح نجوز مسابقة توظيف drh سمحلي نروح نجوز وهي بعتثلي دموند اكسبلكاسي

[مجيد10]

نعم الشيرات يحاسبوهم اكثر من الذكور عند الغياب و هذا لسبب معروف
قالهالي كاتب البلدية

[ورود ياسمين]

كل مرة كيفاه

[la perle noir]

أنا نخدم كل يوم وحتى يوم السبت الله غالب

[اربعاء]

صراحة أنا نخدم حوالي ساعة في اليوم .نروح الصباح على 10 ندير طلة ونزيد عشية نروح ندير طلة تاع نصف ساعة .وخطرات مانروحش قع .وخطرات ننسى قع بلي أنا خدام هههه وديفوا حتى هوما يتوحشوني و كي نزورهم قع يفرحوا بيا




ههههههههههههههههههههههههههههههههههههههههههههههههه

[اربعاء]

انا نخدم في مدرسة ابتدائية والمديرة تاكلةاعليا في كل شيييي.....
ليمن تشتكي . لبلاد ضاعت بالمسؤولين مش بينااا. مكاش مراااقبة .
اعطاونا خدمة مافيها حتى قانون ولا صلاحيات لينا. حسبي الله ونعم الوكيل

[ماجدة ميمي1]

حنا نخدمو من السبت الى الخميس و كان رايح يزيدلنا الجمعة لكن بعد شكوى كبيرة نحالنا الجمعة وبقينا غير من السبت الى الخميس ولكن المترسمين يخدمو اقل علينا