تحطمت كليا ........ارجوكم هل من اذان صاغية

[رميساء خولة]

السلام عليكم ورحمة الله تعالى وبركاته
ساختصر الكلام ....................هده الايام امر بحالى نفسية جد متعبة اشعر وكان ا البكالوريا غدا وانا لم اقدم شيئا .......بل اني لم ابدا اصلا
احس ان الوقت الدي تبقى لن يكفيني لم اجد طريقة جيدة للمراجعة بل وللاستدراك
ارجوكم لوجه الله تجربكم تفيدني ارجو النصيحة ............والله محطمة انا

[ai*cha]

أختي لماذا كل هذا التشائم :rolleyes: البكالوريا ليس بالإمتحان الصعب وليس نهاية العالم . فقط مجرد إمتحان فيه أسئلة على واش قريتو . هذا مكان و ليس أسئلة من سطح القمر !
لماذا القلق و التوتر و مرات اليأس !! , أنت أفضل مخلوق خلقه الله . فلو كان أي إنسان في الدنيا حقق شيء , يمكنك أنت أيضا أن تحققه بل و تتفوق عليه بإذن الله تعالى
ولي صح صح حاب يدي الباك avec mention أرجـــوكم فقط حلو من مواضيع البكالوريات السابقة من 2008 ألــى 2014 و كررو الحل في كل مرة . و ستكتشفون أن المواضيع مجرد أسئلة تتكرر ولا يوجد جديد .
أدعو لكم الله أن يحقق لكم السلام الداخلي و الهدوء النفسي و السعادة في الدنيا و الآخرة , و أن يساعدنا على تحقيق اهدافنا و أن نصبح من عباده المخلصين :19: توكلي على الله هاذ الوقت هو الحاسم أختي مدة 3اشهر تقريبا تفصلنا عن تاريخ امتحان شهادة البكالوريا لسنة 2015، كونه وقت مهم جدا، وهو الوقت الذي يمكن استغلاله من طرف جميع الطلبة للتحضير بشكل جدي للأمتحان ولا يوجد توقيت افضل منه لا قبل ولا بعد. للأسباب التالية :
_ مدة شهرين تكفي لمراجعة جميع الدروس بانتظام
_ لا يمكنك نسيان ما قمت بمراجعته خلال مدة شهرين
_ خلال هاته المدة توجد بكالوريا تجريبية يمكنك تقييم مستواك ومدى نجاعة ما قمت بمراجعته
_ مباشرة بعد انتهاء الإمتحان التجريبي توجد فترة يمكنك خلالها تدارك النقائص :19:
و ادعيلي معاك :rolleyes:
بالتوفيق

[رميساء خولة]

ربي يخليك على الاقل كاين لي يطلع المورال ربي يجازيك

[3ahmed3]

لا تياس من رحمة الله...انه لا يياس الا القوم الكافرون...لماذا لان الدين يقول هذا فلتؤمن به اذن...........

بسهولة رتب افكارك فقط

[بنت الجزائرية]

ممممممممم مالقيت واش نقولك يا بنتي فكري شوي هدا باك برك ناس قرات في شهر وجبتو كلش ساهل بصح ادا بقيتي هكدا باك باي قراي مازال بزززاف وقت 3اشهر ورانا فاضراب نوضي مع صباح حفضي وفالعشية مواد علمية ومبروك عليك 16 او 17 تاع الباك

[biba.fbi]

salam
اولا ختي الحالا اليراكي تمري بيها حاجا عادية و حالة ممتوقعة من طلبة الاكالوريا خاصة مع قرب الامتحانات و انك قلتي انكي لم تدرسي اي شيئ و ربما الذي زادك احباطا و يئسا هم زميلاتك و زملاؤك في القسم عندما ترينهم يشاركون و يتفاعلون وو انت تنظرين الى نفسك كاننك خارج التغطية هنا ستنهارين كليا و تتحطمين خاصة مع هاجس النفسي و الافكار السلبية التي تراود الممترشح قبيل الامتحان انا لم ادرس جيدا ... انا جد متاخر ... يا ويلي لقد ضاع الوقت و لا يمكنني ان اتدارك ... ماذا افعل الكل قد انهى البرنامج و انا لم ابدا بعد
الى غير ذلك من الاسئلة التي تحبط من منيات الفرد و التلميذ
لذلك اختي انصحك اول شي طلعي renvoi على اعالم الخارجي
ثاني شي اذا بديتي تقراي حاولي تكوصونتري مليح مع الدرس و ما تبدايش تخمي في passe الي فات مات شوفي ضروك واش عندك بين يديك
خلي ايمانك بربي كبيــــــــــــــــــــــــــــــــــــــــــر و راكي غير المكتوب تاعك الي تديه ما كانش قع حكاية يا لوكان و لا كنت قادرا ندير ذيك و ذيك و هذا الحرطي تاعنا
و نذكرك كل ما تجيك هاذي الحالة من اليأس و الاحباط نوضي توضاي و صلي ركعتين بالاك ربي يرفد عليك هذا الستراس
و اكيد مالغري تو راهو مازال الحال و ما زال كاين امل راهو باقي اكثر من 95 يوم زعما ماشي قادرا غي تجيبي الباك قادرا تنجحي و بامتياز
نتمنا اني كنت فدتك و ما تنسايش
البــــــــــــــــــــــــــــــــــــــــــاك مـــــــــــــــــــــــــــــــــــــــــــــــــ ـــــــورال
بيبا
و الله ولي التوفيق

[Nacer Legend]

Khti ana 2 ème année ms el wa9t mazalelkoum juste conçentri brk w matewaderiche el wa9t f e takhmam wesh fatek c est tout w b rebi nshlh avec une exellente moyenne ^^ :)

[linda dz]

والله نفس المشكل نعاني منو لكن قررت نحاول نستغل الاضرابات و نقرا من الفصل الاول شوي و الفصل الثاني شوي يعني مثلا نحل تمارينات الوحدات الاولى تمارينات هذه الوحدات و ان شاء الله ربي يجيب الخير و نلحقو متقلقيش ديري ربي في بالك

[menassel oussama]

ماكان والو الباك مشو حاجة كبير باه تخافي منو

[sweet girl2]

السلام عليكم

اختي راني كيفي كيفك لكن ما رانيش يائسة بالعكس هادا وين بدات القرايا تاع الصح قبل كامل خرطي كي الي يضرب الريح بالعصا

وقت الجد بدا 3 اشهر تكفي باه تراجعي و تعاودي المراجعة

هدا وقت الي ما تنسايش فيه واش راجعتي

انا عن نفسي نظمت وقتي كل اسبوع فيه مواد لازم يكملو من حيث التمارين و البكالوريات و الدروس و كل شيء

نظمي وقتك و صدقيني رايحة تلقي بلي عندك الوقت حتى باه تعاودي المراجعة

ما تبعيش الزملاء الي رايحيين يهبلوا و يهبلونا بقرايتهم

انا كي نشوفهم صدقيني نقول انا غبية و بلهاء و مانيش تاع باك مي لالالالالالالالالا نقرا على حسب قدراتي و بربي ناجحة وماشي هوما الي يطيحولي المورال

موفقة

[دعاء 13]

يا اختي ديري ربي في بالك و الله المستعان

[bac2015sin]

ومن يتق الله يجعل له مخرجا ويرزقه من حيث لا يحتسب

[زمان رتاب]

when u are great you attract great

[miss manar]

السلام عليكم

اختي راني كيفي كيفك لكن ما رانيش يائسة بالعكس هادا وين بدات القرايا تاع الصح قبل كامل خرطي كي الي يضرب الريح بالعصا

وقت الجد بدا 3 اشهر تكفي باه تراجعي و تعاودي المراجعة

هدا وقت الي ما تنسايش فيه واش راجعتي

انا عن نفسي نظمت وقتي كل اسبوع فيه مواد لازم يكملو من حيث التمارين و البكالوريات و الدروس و كل شيء

نظمي وقتك و صدقيني رايحة تلقي بلي عندك الوقت حتى باه تعاودي المراجعة

ما تبعيش الزملاء الي رايحيين يهبلوا و يهبلونا بقرايتهم

انا كي نشوفهم صدقيني نقول انا غبية و بلهاء و مانيش تاع باك مي لالالالالالالالالا نقرا على حسب قدراتي و بربي ناجحة وماشي هوما الي يطيحولي المورال

موفقة


قلتي الشيء لي راح نقولو

وجبتيها كيما قلتي القراية تع قبل كامل خرطي

خاطش قريت وحليت تمارين بزاف

و دوكا كي احتجتهم لقيت روحي نقلب في يديا كي شغل عمري هزيت كراس في حياتي

المهم القراية تع الصح هي تع دوكا

[floura]

والله حتى انا راني محطمة



موفقيييين

[منار 96]

اختي قبل مانقلك اي حاجة ديري في بالك بلي الصحة هي كلشي ماتتقلقيش على اسباب تافهة اذا كنت بصحتك قادرة ديري كلشي و شوفي ياختي اخدمي على قد قدرتك ماتحمليش نفسك اكثر من طاقتها و احمدي ربي انو مازال الوقت باش تستدركي وش فاتك على خاطر هدا هوا وقت الصح قادرا تجيبي الباك بكل سهولة اذا نضمت وقتك مثلا تخصصي الفترة الصباحية للحفض و المساء المواد العلمية كل يوم مادة معينة و قبل ماتنامي راجعي شوي مواد ادبية و استغلي فترة الاضراب قدر الامكان للتحضير للامتحانات فصل 2 تبقالك الععطلة خصصيها لدروس الفصل الاول يبقالك شهر فقط خصصيه لحل لمواضيع البكالوريات السابقة وتوكلي على ربي رايحا تجيبيه باذن الله ربي يوفقنا كامل و ينجحنا

[رميساء خولة]

كلامكم والله
يثلج الصدور بل ويبعث الامل عندما اجد ناس تنصحني حتى واني لا اعرفهم اعتبر نصيحتهم شعار للنهوض من جديد
بالامس فكرت جيدا وتوصلت الى حل كيما قال الكثير منكم لازمني نعاود باه نتفكر ونحل مواضيع وفي نفسالوقت مراجعة جدية بادن الله
رب يوفقنا اجمعين يارب والله المستعان

[مطيعة ربها]

السلام عليكم اختي صدقيني الاسبوع الماضي مريت بنفس حالتك وممكن اكثر لكن لقيت روحي مرضت برك ومااستفدت والو من اليأس فرميتو عليا ونتي ثاني حطي الياس جتنبا وابداي وكي تكرهي ريحي شوي ومبعد اقراي المادة لي تحبيها تفتحلك الشهية وقبل كل هذا توكلي على الله واخاصي له النية لان الشهادات تزول لكن عندما تخلصي النية تنالي الاجر الكبير. وكما تعلمين ان طالب العلم تستغفر له كل المخلوقات واسفة على الثرثرة وبالتوفيق