زوجي الصامت

[om hind]

انا أعاني من مشكلة وهي زوجي الصامت هل برأيكم مشكلة ام انا التي أحب الدردشة والتحاور و هو المطبق لحكمة خير الكلام ما قل ودل

[المتمرّد]

هدا سامط و ليس صامت

[نبراس للامل]

ههههههههههههههه ممكن هو ميحبش يحكي وأنتي ثرثارة بزااااااااااااااف نقصي شوي هدرة.. ههههههههههههه نتمسخر ...كانوا اللي هك متخافيش بشوي يوالف مح حكاياتك

[om hind]

انا تاني مانحبش نهدر بزاف مي هوtro

[*سندوسة*]

انا فسخت الخطبة لهذاالسبب

يعني متقدريش تعرفي واش بيه ولا واش يحب ولا واش يكره

الله يعطيك الصبر

[المتمرّد]

يعني لا يتكلم اطلاقا ام ربما المواضيع هي التافهة

[jiji17]

يعني لا يتكلم اطلاقا ام ربما المواضيع هي التافهة


والله ضحكتني عندك افكار وحدك

[jiji17]

انا أعاني من مشكلة وهي زوجي الصامت هل برأيكم مشكلة ام انا التي أحب الدردشة والتحاور و هو المطبق لحكمة خير الكلام ما قل ودل


اختي عادي كي تسكتي يولي يهدر مخليتلوش الدالة برك ههههههههههه
تلقيه هو ثاني يشكى في كاش منتدى يقلهم مرتي متهدنيش كامل نهدر هههههههه
ماكين والو وخييتي متدريش في بالك وانتي تعرفي كفاه تصرفي مع رجالك وتنطقيه قدر
ربي يكون في عونك

[om hind]

الصح انا من نهار خذلني وهو مشوكيني نهار اول مرة هدرت معاه بعد ما تفاهمنا و عقدنا قلي روحي بدلي الباسبور تاعك قتلو ما تغدرش اليوم عيط في وجهي تشوكيت و من بعد حبيت نهدر معاه في ال***** باه نفهمو ما قدرتش و كي دخلت عندو. ربي يسمحلي حبيتو لنيتو الطيبة مي لواحد لازم يضحك يلعب يقزب باه تمشي لحياة ديفوا كي نهدر معاه يكون مكونسونطري في التيلي ومن بعد يقلي واش قلتي

[رندة نهاد]

منعرف علاه جيت نقراها زوجي الصامت قريتها زوجي الصامط

[chouchou w]

rajli tani haka mayhaboch yahadro fi haja farga igoli ahkili 3la hwayaj ifidoni wifidok salam

[hajer.joujou]

لا يقلقك الامر المهم الهنا و الصلاح و ما يخصك والو معاه
انا لي ابن عمي ما رات عيني مثله يتكلم كلمة في اليوم و خاصة في رمضان حتى يكلم زوجتو بعد الافطار نص كلمة عند الضرورة و اذا سقساتو حاجة حتى يرد عليها غدا و هي بالعكس خفيفة الظل و كثيرة الكلام(ليست ثرثارة و انما بالنسبة اليه) و لكنها تحبه و عايشة لباس عليها و راهو متهلي فيها و فاولادو كيما يلزم............المهم الهتا اختي
ربي يصلحك و يهنيك و يسعدك

[كنزة88]

انا تاني خاطيبي مايحكيش بزاف مي مش لهذ الدرجة كاين وقت تمصخير وضحك كاين وقت الج والمورال يلعب دور لازم تكوني ذكية يعني مش تهكي برك لازم تكوني مستمعة جيدة يعني ماتقطعيهش لانو ماتصدقيش بلي راح يحكي يعني عوديه يشكيلك وجامي تعاكسيهه بش يصيب راحتو في الحديث حتى يوليو عندكم مواضيع مشتركة لطرح

[غير هام]

السلام عليكم

انا العكس انا الساكتة وهو لي يحكي بزاف من ذكائه عرف كيفاش ينطقني ويخليني نحكي غير روحي

[سوستال]

الصمت لغة العظمااااااااااااء

[غزلانْ]

الصمت حكمة و السكوت علامات الرضا (و لما تلومينه على صمته و لاتلومي نفسك عن دردشتك )

[نسيبة2012]

الكثير من الرجال يميلون الى الصمت ..........خاصة اذا كانت المواضيع اللي تتكلم فيهم المراة لاتعجبهم او لا يجدون لها حلا فيلزموا الصمت كي يبدون اكثر حكمة وتعقلا لا ثرثارين او فاشلين في ايجاد الحلول....معضمهم يحب الحديث في الامور الخارجة على نطاق التخطيط للمستقبل او التكاليف والاعباء ......وكي تجربي تحكي معاه على موضوع مضحك مثلا او قصة واقعية جميلة او تمتدحينه ...............فانه يقبل على الاقل الا ستماع.................ربي يوفقنا .........

[fadi02]

انا راجلي ماشي غير ساكت حجرة في فترة الخطوبة كي كان اعيط لي ما يزيدش من 2 كلمات من بعد انقول له ابقى على خير حتى الان مازال كيما الاول مزيا كاين التلفزيون يقعد قدام و خاصة بين سبور و انا كي انكمل الشغل قدام لنترنات

[السي محمد]

انا راجلي ماشي غير ساكت حجرة في فترة الخطوبة كي كان اعيط لي ما يزيدش من 2 كلمات من بعد انقول له ابقى على خير حتى الان مازال كيما الاول مزيا كاين التلفزيون يقعد قدام و خاصة بين سبور و انا كي انكمل الشغل قدام لنترنات


كلميه في الرياضة بما انه يحب الرياضة


حاولي تستفهمي منه بعض الامور


الرجل يحب ان يرتدي ( قبعة الخبير)...

نصيحة بما انك تدخلين النت وبماانك متزوجة

اتبعي هذا الرابط وابحثي عنهع اليوتييوب تيليشارجي الفيديو...و اتفرجيه اكثر من 5 مرات على الاقل

Tale of Two Brains part1 عقل الرجل وعقل المرأة الجزء الأول


Tale of Two Brains part2 عقل الرجل وعقل المرأة الجزء الثاني


ستستفيدين منه و تتعلمين كيف تدخلين عقل زوجك و قلبه

[أم شروفة]

سكوتو أحسن من كلامو الجارح ...............راني نحكيلك عن تجربة

[بشرى بيبا]

انا ثاني بصح الحمد الله تعودت عليه وشكرا على الموضوع

[ام التوائم]

حتى انا زوجي قليل الكلام لما يدخل البيت يا عندالتلفزيون ومتابعة الاخبارفي الجزيرة والله حتى كرهت صوت الجزيرة ياعند النت ومتابعة الاخبار حتى نقولو راح ترجع خبير سياسي والله احيانا احس نفسي قطعة اثاث من البيت

[abdu99]

انا أعاني من مشكلة وهي زوجي الصامت هل برأيكم مشكلة ام انا التي أحب الدردشة والتحاور و هو المطبق لحكمة خير الكلام ما قل ودل

السلام عليكم ورحمة الله وبركاته،
اختي الفاضلة
ليس العيب فيك او فيه .. انما العيب في عدم ادراكنا احيانا للاختلاف بين تفكير الرجل والمرأة .. والاختلاف نعمة .. وهذه من الحكم الربانية في الزواج .. طبيعة الرجل غير طبيعة المراة .. فهو لا يستطيع التفكير في عدة اشياء في نفس الوقت فعندما يفكر في شي يتشتت ذهنه عن سواه .. عكس المراة .. تستطيع ان تتحدث في الهاتف ومع اكثر من شخص وتكون مدركة لكلام الكل لذلك تجد النساء عندما يجتمعن كلهن يتحدثن في نفس اللحظة ويفهمن من احاديث الكل..المراة تتحدث اكثر مما تسمع بينما الرجل يسمع اكثر مما يتحدث .. الرجل ينظر إلى الامور او إلى الصوره بشكل كامل ,أما المرأه فتنظر إلى تفاصيلها..
يحب الرجل تخطيط الحياة والنجاح والعمل وتحب المراة الحياة الاجتماعية والاسرية الناجحة.. لا اطيل في تعدد الفوارق وهي كثيرة
علينا تفهم الاختلافات التي خلقنا عليها الله سبحانه وتعالى اولا
ثم عليك
تحليل شخصيته .. فهم عمله .. طموحة في الحياة .. ايجاد هوايات مشتركة .. البحث عن المواضيع اللتي تهمه ..
للمراة قوة جباره تفوق الرجل في التحمل وادراك التفاصيل .. استعيني بالله اولا واخيرا ثم بفهمك لزوجك
وأسال الله يهنئكم بحياتكم الزوجية

[karim.dz]

انا أعاني من مشكلة وهي زوجي الصامت هل برأيكم مشكلة ام انا التي أحب الدردشة والتحاور و هو المطبق لحكمة خير الكلام ما قل ودل

بعض الرجال لا يحبون الكلام الكثير ...وهذه ليست مشكلة ...

[رامي23]

انت محظوظة يا أختاه............... تخيلي لو كان ثرثارا .. و ينتقل بك من موضوع الى آخر حتى يقع بينكما سوء تفاهم و يحدث ما لا يحمد عقباه ... خليه ساكت أفضل لك ... خلي الراجل اترانكيل يزي بلا ظلم.... باين ناس املاح.





الرجل الساكت كالبركان اذا انفجر...ربي يستر

[*ام عبد الكريم*]

بالنسبة ليا شئ عادي سوف يتغير مع الوقت و خاصة كي يعودو عندكم اولاد و رغم ذلك الرجل بصفتو ما يحبش الثرثرة و الكلام طالع نازل ...شكرا لك و ربي يهنيك

[milissa21]

عادي بالاك هو داير هكا ماهوش ديفو مع الوقت توالفي عليه او بالاك انت تهدري بزاف ههههههههههههههههههههه

[happy luck butterfly]

كيما قلو ناس زمان اعقب على الواد الهدار وما تعقبش على الواد الساكوتي
الشخص الي يهدر تفهمو وتقدر تتناقشي معاه بصح الساكت ما تفهميه عاجبو الحال ولا ماديها في روحو ولا ما هوش لاتي بالغاشي ولا...............
رانا الكل في الهوا سوى يا حبيبتي
انا خدامة لما نروح للدار ما بيا للعشاء ولا للاولاد ولا...ولا.....
هو يخرج 600 ويرجع على 6 00
لما يدخل بلا ما ينحي صباطو يلوح يدو يشعل الميكرو يفوت يتوضى ويصلي ثم يبلاصي روحو لصلاة العشا
يخرج يصلي انا نعشي الاولاد باه يرقدو يجي يتعشى ويزيد يرجع وين كان 22.00 روح طول للفراش ما نسمعوش حسو غير كي يلقاني نعيط على الاولاد
ربي يصبرنا ويهدي ما خلق

[noor_ab4]

غير خليه ساكت راكي لا خليته يحكي مارح يسكت ههههههههههههههه

[samirovich]

هو اكيد انه يحب الكلام في مجال معين
اذا كان مثلا يحب الرياضة حدثيه في الرياضة
قولي له من غلب اليوم ؟؟ الريال أو البرصا
(حتى لو كنتي لا تعرفين اذا كان الريال فريق كرة قدم او مسحوق غسيل) المهم أن تجعليه يتحدث وينفتح شيئا فشيئا مثل القنفد

بالتوفيق

[papino]

كل رجل له مميزات عن غيره الامر عادي (بركاي مديري المشاكل) اياكي و المقارنة بينه و بين الاخرين المهم يكون ولد حلال يخاف ربي فيك