ساعدوني في ابني

[جنان14]

السلام عليكم ابني عمرو عامين و4 شهور الا انه لا يتكلم مع انه يفهم كل شيء وسمع مليح يعني ادا فتح باباه القراج يسمعو ويفرح بلي باباه رجع مع انو كان يتفرج طيور الجنة بزاف مؤخرا بديت نحس بلي مايركزش مليح والله حرت كيفاه نتصرف معاه افيدوني الي وليدها مر بهديي الحالة تفيدني ارجوكم

[جنان14]

ارجوكم الي عندو معلومة واي اضافة يفيدني راني تائهة معاه

[mimi friend]

حسب معلومات احصائية يقولك انو قنوات الاطفال مثل قنوات طيور الجنة تفقد التركيز

[جنان14]

شكرا لك اختي الكريمة

[anissa90]

السلام عليكم اختي لاتقلقي على حساب واش راني نشوف كثرت هذه الحالة في هذا الوقت و سبب مجهول عندي اخت زوجي ابنها عندو عامين لايتكلم وحتي كمة ماما مينطقهاش علما معندهمش تلفاز ممنوع في منزلهم يوم كامل يسمع الا القران رغم ذلك مرفد والوا المهم ابنك يسمع ويفهم نحن الامهات نتقلقوا بزاف صح انا وحدةمنهم ولكن كل حاجة تعطيلها وقت ان شاء الله خير

[saraz09]

اختي بالنسبة لابنتي مازال مابداتش تهدر بصح راهي في تطور من ناحية الفهم التاست اللي درتو عن الاورتوفونيست هو اسئلة تطرحا عليك بخصوص التطور تع ابنك وملاحظات تزيد تاخدها عليه. كيما راني نشوف وليدك عندو تاخر في الكلام راكي تقولي يفهم وهدي حاجة تطمن.شوفي اقطعي عليه طيور الجنة نهائيا ونقصيلو من التلفاز وكيتكون في الدار خليه معاك يعاونك حاجة عادية رايح يتعلم حاجات بزاف حتى لو ما يهدرش حاليا راح يجي النهار وينطق هادو نصائح المختصة اللي تبع عندها ابنتي. واللعب، العبوا معاه بزاف انتي وباباه. والتطور تاع الاطفال يختلف من طفل لاخر توله بيه مي ماتقارنيهش بزاف راه وحدو راح يطور وكلما يكبر يزيد يفيق. انا كنت بزاف نتوله ببنتي اي دارت اي ما دارتش وكي طيشت عليا وليت نعيش معاها كيما راهي حسيتها كاتتحسن وتتفاعل معي.
تقدري تدي وليدك عند اورتوفونيست هكدا تطمن عليه اكثر
وربي يجيب اللي فيه الخير

[ome jade]

السلام عليكم اختي والله كانت هذي مشكلة ابني كي كان في عمر ابنك ولقيت انو السبب كان هو طيور الجنة لانو كان يتفرجها بزاف ولانوا كان وحدو في الدار يعني معندوش ذراري صغار يلعب معاهم ويهدر معاهم لذلك تاخر في الكلام والله طيور الجنة عندها تاثير سلبي علي الاولاد وانا راني جربتها ، اقترح عليك انك كخطوة اولي نحيلو طبور الجنة و بدليهالو ببراعم راهي قناة مليحة ويتعلمو منها الاولاد احسن من طيور الجنة لكلها اصوات والحان ، وكذلك ديريلو يشوف دورا راح يتفاعل معاها ويتعلم منها لانها في كل مرة تخاطب المتفرج وتقولوا احسب معي قل معي وهكذا يتعلم الصغير والله انا ابني اتعلم الحساب والالوان معاها ، وايضا حاولي تحفظيه اناشيد صغار يتحمس باش يهدر وكل مايجي يرقد اقرايلو الفاتحة وهكذا بالشوية يبدا يعاودها معاك واذا قدرتي دخليه لكراش يحتك مع الاولاد وهكذا يلقى روحوا مجبر باش يهدر معاهم وكيما يقويو الطفل يهدروا خوه ،ومتتقلقيش الطبيبة قاتلي الهدرة حتي للاربع سنوات يعني اذا شفتيه يقول كلمات ويتعلم كلمات هذا يعني انو راه يتعلم ومع الوقت يبدا يقول كلمات تحيري منين جابهم لانو في هذي المرحلة راه يخزن ومبعد يهدر انا الان وليدي راح يدير اربع سنوات لكنوا ايضا مزال ميعرفش يهدر الهدرة تاعنا يهدر يالفصحى كيما الرسوم تقولي راكي تتفرحي في رسوم قلت ندخلو لكراش انشاء الله تروحلوا وربي يطمنك علي وليدك انشاء الله

[*سيرين نور عيني *]

rabi ykhalikom merci merci merci

[kikimnarim2]

ما تتقلقيش ولد اختي حتى دخل بقرا باش عاد يفرز الهدرة بصح انت لازم تعاونيه شويه وخاصة لازم تصبري معاه

[ام سامي15]

لالا اختي ماشي من التلفزيون
ابني سامي حتى قفل 3 سنوات و نطق

يعني ممكن يكون وراثي

و كاين اطفال يتاخر نطقهم بسبب ان سمعه ثقيل

و الله اعلم

[*أم سارة*]

السلام عليكم ابني عمرو عامين و4 شهور الا انه لا يتكلم مع انه يفهم كل شيء وسمع مليح يعني ادا فتح باباه القراج يسمعو ويفرح بلي باباه رجع مع انو كان يتفرج طيور الجنة بزاف مؤخرا بديت نحس بلي مايركزش مليح والله حرت كيفاه نتصرف معاه افيدوني الي وليدها مر بهديي الحالة تفيدني ارجوكم

نصيحة لوجه الله اختي ابعديه على مثل هذه القنوات اللي مافيهاش تنبيه للطفل باش يتفاعل فقط اغاني وهو يستمع راني قريت موضوع لاخصائية نفسانية دارت بحث تقول ان مشاهدة هذه القنوات بكثرة تساهم في زيادة مرض التوحد للاطفال عافاهم الله والسبب انه يولي عايش في عالم وحدو مع هذه القنوات بعديه عليها وكثري الحوار معاه واصبري وان شاء الله يسمعكم صوته الجميل