مشكلتي اخي المراهق

[مشكلتي]

السلام عليكم و رحمة الله و بركاته
جمعة مباركة للجميع
انا فتاة ابلغ من العمر 22 سنة انا الكبيرة في المنزل
نحن عائلة محافظة و الحمد لله والدي الكريمين نعم الوالدين و جميع من يعرفنا يشهد بذلك و سبق لهما الحج الى بيت الله الحرام اطال الله في اعمارهما انشاء الله
مشكلتي هي اخي المراهق يبلغ من العمر 15 سنة و هذه السنة لديه امتحان شهادة التعليم المتوسط
لا يوجد شئ سئ الا و فعله رفقاء السوء,التدخين .استدعاء الى مركز الشرطة,الهروب من المدرسة و احيانا عدم الحضور بتاتا معدل ردييييئ في الفصل الاول
و استدعاءات بالجملة الى المدرسة
و الله يا اخواني اكتب سطوري هاته و قد نفذت كل السبل لارجاعه الى الطريق الصواب والدي الكريم شخص فاضل و الكل يشهد بذلك حاول معه بكل الطرق الضرب و الكلام و جميع السبل لكن الناس لا ترحم حتى اصبح والدي لا يستطيع النظر في اعين الناس الذين يعرفهم ..هذا كله و هو في هذا السن الصغيرة نخاف ان يفعل ماهو اكبر مستقبلا
بالله عليكم اخواني انصحونا كيف نتعامل معه و من لديه تجربة يخبرنا كيف تعامل معها و لكم جزيل الشكر مسبقا ا

[Brahim 9]

رفقاء السوء في سن المراهقة ليدير المشاكل يشفوه هو القدوة
ههه

الله يهدينا

[Ms aya]

نحن عائلة متدينة الحمد
كل اولاد عمي واخوتي مؤدبون
لكن كاين واحد ملي كان يقرا في الابتدائي عاقل منسمعوش حسو كامل كي راح للمتوسطة
ولا التدخين الهروب من المدرسة يدخل للابتدائية ويسرق
يعني انا كنت فايتا من المتوسطة
تاعو تشوكية كي شفتوا يصوطي من الحيط
يعني قلت هذا هو العاقل
ومنبعد كي شفت معاه واحد يعني ماشي عندو ولا ذرة اخلاق
رحت نجري للبيرو تع بابا قاعد نحكيلوا حتى عيط المراقب وقد بشكي لباب على وليد عمي
ومنبعد بابا راح قال لعمي واخذ ظرب مبرح والان المراقيبون يترصدونه اتفه حاجة يديرها يعيطو لباب

[knives66]

يلزم حبسه و زيد ضرب مبرح وإذا لم ينفع

يلزم إعاده الى مكان اخر منزل جده او عمه في ولاية اخري

[سطايفي1]

الله يهديه ......

[didoinps]

الله يهدينا ويهديه

[nour beyane]

الله يهديه ويقدر الصواب..

[الامل نور]

والله انا محتارة مذا اقول لك
العنف لا يجيب ان نتعامل معهم به فالقسوة لا تولد الا القسوة لفشوش بزاف مشي مليح
رحولو غير باللتي هي احسن المعاملة الحسنة التكلم معه حولوا تكونوا اصدقائه وتكسبوه لكم خصوصا الاب دويوه بالحب
الام الكريمة تاخذه في احضانها و تهدر معاه بشوية و تحاول تفهم منو واش ناقصو
هذه الفترة حرجة
وواعرة بزاف و في نفس الوقت بعدو عليه رفقاء السوء و خليوه يصاحب واحد يكون عاقل مثل ابن العم
او ابن الجار رزين اذا وجدتم يروحو كيفكيف يحوسو ولا يحكي معاه حتى يولي صحبو و بشوية بشوية يغرس فيه القيم
لان المراهق في هذا السن ما يحبش الاوامر
و الله يهديه و يهدي ولادنا و ولاد المسلمين

[face moon]

السلام عليكم
كيما قالت الاخة الي قبلي جيبوهاله بالهداوة
واحسن حل تشوفوله صحاب تختاروهم نتوما وخصوصا
نتي مين خته الكبيرة سيي بالعقل تعرفي الدوافع تواعه وعالجيهم
دافعي عليهم قدامهم باش يولي يحبك
ومبعد سيي تكوني صديقته وغي بالهداوة
المراهق مين يشوفكم مركزين على حاجة ما يحبش يديرها

[زبدة ذايبة]

شوفي يا بنتي

هذا خوك صغير بزااااااااااااااااااف

ومع بداية البلوغ حب يولي راجل بين يوم وليلة

مالقى غير أصحاب السوء اللي أقنعوه أن هذه هي الرجلة.

واسمحيلي في غياب النموذج المثالي ماكاش في راسو غير هذا النوع من الأصدقاء.

الحل بإذن الله

موجود عند باباك

اسمحيلي نعاودهالك مع احترامي لوالديك باباك هو السبة.

خوك يحوس يبينلكم بلي راهو راجل وانتوما مازال مافهمتوهش.

باباك مارهوش يدير في دور كأب مانقولكش يضربو لالالالالالالالالالالالالالالالا ولكن نقولك يديرو عندو يصاحبو

ماكالاه يدير دور الرجل الضعيف اللي ماشي قادر يسيطر على وليدو لأن هذي نقطة ضعف كبيرة وهي اللي ولدت هذا المشكلة في خوك.

خلي باباك يكون راجل حازم معاه بكل ماتحمل كلمة الرجولة من معنى. مايكون قاسي ومايكون حنين.

الأمر الثاني: وهذا مهم

يحملوا مسؤولية الدار بالتدريج يروح يقضي يوصل يماه للطبيب يبعثوا عند الجار يالوكان يفتعل مواقف ويدير السبايب باش يشغلو ويحسسو بلي راه مهم في الدار.

هذا خوك راه يقوللكم راني هنا شوفوني ولكن انتوما ماقدرتوش تفهموه.

انتبهو ليه وردوه ليكم بعقلانية وبحب يرجع للطريق بإذن الله وإذا تركتوه فإنا لله وإنا إليه راجعون

[سوستال]

ربي يهديه.. ويبعد عليه الاشرار

[نسيبة2012]

والله يا اختي دائما الخت يغيضوها خاوتها كي تشوفهم قاعدين يخرجو على الطريق وهي ما تقدر تدير والو..................
انا الحمد لله خاوتي ما شي هكا وراهم غايضيني ...........
لازم تصاحبيه بالاك يسمعلك لانك قريبة منو في السن والدراري عادة يحبو الاخت الكبيرة ...........استغلي الفرصة وفهميه بالشوية واعطيه امثلة حية على اللي دارو كيفو وما نجحوش بالعكس قعدو غير يتمرمدو..........((احملي همه وادعي له الله ان يهديه لعل الله يتقبل دعائك))..لا تياسي حتى ترجعيه للطريق لانو ما فاتش الحال راهو صغير بزاف ...في الاول حاولي تتعاطفي معاه كي يضربو باباك ومنبعد فترة كي يعود يحب يحكي معاك ثم يبدا عملك..............ربي يهديه ويردو للصواب امييييييييييييييين.

[aminazy]

السلام عليكم اختي
يجب معرفة اخوكم ماذا يحب ثم ادخاله الى شيء يحبه مثلا
انخراط في الكشافة
ادخاله في نوع من انواع الرياضة
ابعثوه في الصيف الى احد الاقارب خاصة لي يسمعلوا
ويدبرلوا عمل بسيط حتى يحس بقيمة الحياة
حاولوا انكم تجبدوه ليكم مثلا اطلبوا منوا رايوا في اي شيء
ونقولك ربي يحسن العون ..........قولي يماك تنوض في منتصف الليل وتدعيلوا ربي يهديه

[sarabih]

اللهم احفظ ابنائنا واخواننا من رفاق السوء

[milissa21]

الخلطة و اصحاب السوء حاولو تنصحوه و الدعوة لله عز وجل ربي يهديه

[sabi foufa]

ربي يهديه انشاء الله

[مناد بوفلجة]

السلام عليكم

حاولوا عدم ضربه أو الإعتداء عليه

أحيانا تسوء الأوضاع بإستعمال القوة

حاولوا التقرب منه أكثر و إستمالة عاطفته
و دعوا الأيام تفعل ما تشاء

و إن شاء الله حتى و إن لم يتحصل على الشهادة
فسيصبح رزين العقلية بعد سنوات التمرد طبعا

[amel nadia]

أختي أنا ننصحكم تبعدو على الضرب الضرب للبهايم والله ما يجيب فايدة هاديك بكري اللي كان الضرب ينفع بالعكس يزيد يتعوجلكم اكثر و يشفاهالكم و نقصو من العياط و التشناف و الهدرة معاه بزاف تعطولو الفرصة باش يحط روحو باللي راكم نتوما اللي غالطين اذا حبيتو تنصحوه النصيحة قولوها مرة وحدة تكفي ماشي كل يوم لأنو يتعود عليها و يوالفها و ما توليش عندها قيمة و الحل أكييد عند الاب قادر يجبد ولدو ليه و يصاحبو لازم يخليه يحكيلو بلا ما يحاسبو لازم تنساو بللي غلط و بهدل العائلة قادر يتصلح وعلاه لا و ادا قدرتو تبدلو مكان الاقامة مادام راهو في البداية احسن لانو من بعد تبدلو ولا لا يلقى يلقى أصحاب السوء في كل بلاصة و نزيدلك المصروف نقصولو مي ماشي كلش و الله يولي يسرق ولا يبيع حتى المخدرات الوقت هادا صعيب صاحبوه من الافضل ..و ربي يهديه و يهدي كل المومنين ...هادا نقولهولك عن تجربة وربي يفرج عليكم

[MAMISSA]

ندعو الله ان يهديه الى الطريق الصحيح فهي تقريبا اصبحت عامه