حلوة الترك

[loulouat eddodja]

تعيشو بنات حطولي روابط صنع حلوة الترك
بارك الله فيكم

[نسيبة 2009]

شوفي موضوع الاخت امازيغية وافتخر

[loulouat eddodja]

وين راهو ملقيتوش

[ام سراج وملاك]

اختي وصفة حلوة الترك هنا في هاذا الرابط وصفاتها نحاتهم من المنتدى

[loulouat eddodja]

شكرا لك اختي
على هذاك مالقيتهومش
صحيتي

[ام سراج وملاك]

بلا مزية ان شاء الله نشوفو تطبيقك في اقرب وقت

[fyfy_top216]

سلام معلباليش وعلاه كاين اخوات يحطو وصفاتهم ومبعد ينحوهم مع انو هدا راح يكون في ميزان حسناتهم
المهم اختي انا وصفاتها عجبوني بزاف واحتفضت بيهم عندي قبل ما تمسحهم وراح نحطلك الوصفة


المقادير
سهلة وبسيييييييييطة
الطحينة وسبق وحطيتلكم طريقتها
وهاهو رابط الوصفة
http://www.djelfa.info/vb/showthread.php?t=1744123
كوب حليب بودرة
كوب سكر بودرة
ملعقة كبيرة فانيليا
كوب طحينة
للتزيين : فستق مرحي خشين أو لوز او كاوكاو او اي نوع مكسرات وتقدري تستغناي عليها
3 ملاعق كاكاو اذا حبيتيها بطعم الشكولا
نخلط المقادير معآ و نمزجها جيدآ حتى تختلط بشكل كامل ,
استعملي يدك للعجن حتى تحصلي على عجينة متماسكة
الطحينة اضيفيها بلعقل ونت تعجني لما تشوفيها تماسكت توقفي على اضافتها وقد تتطلب الزيادة

الجميل في حلوة ترك البيت تحكمك بكمية السكر
اذا حبتيها حلوة استعملي كل المقدار اذا حبتيها نص نص تقصي السكر
لك حرية الاختيار في الذوق
اقسميها نصين واضيفي للجزء الاخر الكاكاو اذا حابة تنوعي
لما تتلم اضيفي نوع المكسرات اللي متوفر تكون خشنة انا استعملت كاجو كاوكاو وزقوقو

أحضر صحن غامق او علبة او مول السليكون او اي شكل تحبيه فرشيه بشوي مكسرات, أو حسب الرغبة أضع بقعرها فستق او لوز

ثم ضعي العجينة فوق الفستق او المكسرات و رصيها جيدآ .

ضعي القالب با الثلاجة لمدة 3ساعات لكي تتماسك و يسهل قلبها ,
بالنسبة للي بالكاكاو اعمليها طبقة فاني طبقة كاكاو في علبة اواي شكل لما ثقلبيه تجيك متموجة

[fyfy_top216]

وهدي وصفة الطحينة

بعد الاقبال على طريقة البرغل اللي حطيتها وكنت نتمنى تثبيت الموضوع لفائدته لكونه يغني الجميع عن شرائه بأسعار مبالغ فيها
اليوم جبتلكم طريقة تحضير الطحينة وهي مكون اساسي لبعض الحلويات والمأكولات والسلطات المشرقية واللتي نشتريها بأغلى الاثمان
والطحينة هي مكون اساسي لتحضير البسبوسة او قلب اللوز حيث تدهن صينية بالطحينة جيدا ثم نضع فوقها خليط القلب اللوز او البسبوسة فتعطيها طعم مميز ورائع ورائحة روعة و تشهي وعن تجربة فجربوها
ندخل بالموضوع لتحضير الطحينة يلزمنا
كوب جيجلانية 100 جرام بيضاء مش محمصة
كوب فرينة 100جرام مش محمص
ربع كوب كاوكاو 50 جرام
ربع ملعقة صغيرة ملح
كوب الا ربع زيت 125 مليلتر
بداية
حمصي الجيجلانية شوية برك يعني ما تحمريهاش مع تبدا تسخن او تطرطق طفي النار لو تحمصيها كتير وتغير لونها راح تعطينا ذوق قاوي ولون غامق للطحينة نقطة مهمة انتبهوا لها
حمصي الكاوكاو غير كيما يشقر ما تحمريهش
حمصي الفرينة شوية برك باش انحيو منها طعم لعحين البعض ما يحمصهاش انا نسخنها شوي ما يتغيرش لونها لو تحمصيها بزاف ما راحش تشرب الزيت وتجينا الطحينة معزولة الزيت
خلصنا المرحلة الاولى
المرحلة الثانية
ارحي الجيجلانية والكاوكاو في رحاية القهوة تكون نظيفة جيدا من ريحة القهوة حتى تحصلي على بودرة ناعمة
ثالثا




في خلاط كهربائي اللي نحضروا فيه العصاير
حطي نصف كمية الزيت وبقية المكونات جيجلانية كاوكاو المرحيين والفرينة والملح خلطي جيدا مدة دقيقة ثم اضيفي الزيت كي الخيط مثل مانديروا المايونيز خلطي جيدا حت يتجانس
حطي في بلارات وضعيهم في الثلاجة وهاهي اطعم طحينة راح تذوقيها في حياتك
كطبق اليوم حضري بيها بابا غنوج ينباع ب 500 دينار للصحن بل للملعقة بالمطاعم السورية او لصلصة الطحينة اللتي تصحب المشاوي
او طبق الحمص الشهير
المهم حطيت بين ايديك مكون اساسي كنت محتارة من وين تجيبيه والتيجة بمكونات بسيطة تحصلي على شيئ مميز مثل ما ارحتك من البرغل وراح احطلكم اشياء اخرى تغنيكم عن شرائها
هه الا استحق دعوة حلوة بصلاح الحال والزوج والابناء وهذه امانة بلاكو تنساو
ملاحظة
الكمية تعطيك قيس ربع كيلو كتجربة اولية لما تعجبك حضري منها اكثر انا احضر ب 3 كيلو مونة العام لاني استخدمها بكثرة بمطبخي
وباتوفيق ان شاء الله

الافضل استعمال زيت الذرى او دوار الشمس

من الناحية الجمالية ماسك الطحينة للوجه يعطيه اشراقة وبياض
ضربنا عصفورين بحجرة واحدة

[markouja]

salem s il vous plait les filles je suis a la recherche de la recette comment préparer el bourghoul je l avais vu et je ne retrouve pas la recette de amazighia oua aftakhir et yatikoum essahaaaaaaaaaaaaa

[markouja]

salem s il vous plait les filles je suis a la recherche de la recette comment préparer el bourghoul je l avais vu et je ne retrouve pas la recette de amazighia oua aftakhir et yatikoum essahaaaaaaaaaaaaa

[fyfy_top216]

هايليك اختي ان شاء الله تعذرني اختي الامازغية


حضير البرغل بالبيت حصري لمنتدانا الغالي

نضرا لغزو الاكل السوري لموائدنا وهذا شيئ جميل للتنويع والتجديد
بعض الاكلات اخواتي يتطلب البرغل كالكبة او التبولة او البرغل المفلفل وغيرها من الاكلات اللتي تتطلب هذه المادة ولان سعرها مرتفع لكونها مادة مستوردة وكذلك لكونها غير متوفرة في اسواق بعض المناطق
ولاني عشت بالمشرق وبسوريا تحديدا ساعطيكم طريقة تحضير هذه المادة بالبيت وتكون جاهزة بين ايديكم طوال السنة
وانا متاكدة انو معظم تجار هذه المادة سينقمون من هذا لكن لا علينا
المهم عندي دعواتكم وكل ما حضرتو شيئ بهذه المادة اذكروني بدعوة بظهر الغيب وهاذ امانة عندكم
ناتي لطريقة تحضير البرغل وهي بسيييييييييييييييطة اكثر مما راح تتصوروا

ناخذ قمح حب بعني القمح العادي اللي نحضروا بيه الشرشم والزرير
الكمية حسب الرغبة ببلاد الشام ايحضروا عولة عام كامل حوالي 50 كيلو لانهم يستهلكوه بكثرة كتجربة اولى بالنسبة لكن جربو 3 كيلو
قلنا 3كيلو قمح حطيه في الماء اغمريه بالماء وحطيه ايطيب طيبه حتى تمسي الحبة تلقايها طرية
حطيه في كسكاس يقطر جيدا ثم انشريه في درا او لحاف او باش كيما ننشروا الكسكس لما نفتلوه
خليه عند لهواء وكل مرة حركيه حتى ييبس تماما من الماء كيما انشفو الكسكسي لازم ينشف مليح باش كي نخزنوه ما يفسدش مدة يومين او اكثر حسب الجو والمكان اذا جاف او مندي
بعدها اطحني هاذ لقمح كيما نطحنو لفريك عند الرحوي ماشي في رحاية القهوة
لما تجيبيه غربليه
الرقيق راح ايعود برغل خاص بالكبة والتبولة
او لخشين خاص بالشوربة والبرغل لمفلفل او لمجدرة
وهي وجبة رائعة انا شخصيا نموت على البرغل لمفلفل فهو صحي ومفيد جدا كانو كسكس القمح تماما

هكذا تحضر الشاميات برغل العولة هن يحضرن كميات كبيرة كيما حنا نحضروا الكسكسي
نتمنى نكون افدتكم ولو بالشيء البسيط
جربوه واستغنو عن شرائه بالاسعار الخيالية وهو شيئ بسيط ما يستاهل غير شوية جهد
والله بجعبتي الكثير لكني فنيانة ما نحبش تكتب بزاف
لا تنسوني من صالح الدعاء انا بامس الحاجة اليه ومشكورات
متاكدة كلكم راح تجربوه لكن فقط شرفوني بتطبيقاتكم
وشكرا

للحصول على برغل اطعم واحلى اللي متوفر عندها مطحنة لحجر تستعملها لطحنه بالطريقة التقليدية كيما لفريك تماما

ملاحظة مهمة
ماطيبوش القمح حتى يتهرى
ما تستعملوش الكوكوط


دة الطهي حتان يدخلو الطياب ويكون طري ما يتهراش ومن عادات السوريين انهم يحتفلوا بيوم تحضير البرغل او لما ايطيب القمح ايصفيوه ويحطو عليه زبدة وملح ووزعوه على الاطفال والجيران
طبعا النشير بالسطوح احسن لكن تفاديا للغبار انشريه في غرفة متهاوية وكل مرة حركيه
والاحسن بعد ما نرحيوه ونغربلوه نزيدو ننشروه باش نتاكدوا انو نشف جيدا او ما يفسدش عند التحزين وعندما نخملوه الاحسن نستعملو اواني زجاجية او ساشي قماش لا ثم لاااااااا لساشيات البلاستك

[heaven's road]

شكراً حبيبتي على النقل والله حبيت نطبقهم مي كي نحات المواضيع طفرت
اشكرك مرة أخرى

[ام عبد الرحمـ ا ـن]

Baraka allaho fiki okhti hata ana kont nhawes ala wasafatha ida mazel andek zidina rani haba njarej wasafatha

[bouchra nadjwa]

يعطيك الصحة

[lounja98]

هايليك اختي ان شاء الله تعذرني اختي الامازغية


حضير البرغل بالبيت حصري لمنتدانا الغالي

نضرا لغزو الاكل السوري لموائدنا وهذا شيئ جميل للتنويع والتجديد
بعض الاكلات اخواتي يتطلب البرغل كالكبة او التبولة او البرغل المفلفل وغيرها من الاكلات اللتي تتطلب هذه المادة ولان سعرها مرتفع لكونها مادة مستوردة وكذلك لكونها غير متوفرة في اسواق بعض المناطق
ولاني عشت بالمشرق وبسوريا تحديدا ساعطيكم طريقة تحضير هذه المادة بالبيت وتكون جاهزة بين ايديكم طوال السنة
وانا متاكدة انو معظم تجار هذه المادة سينقمون من هذا لكن لا علينا
المهم عندي دعواتكم وكل ما حضرتو شيئ بهذه المادة اذكروني بدعوة بظهر الغيب وهاذ امانة عندكم
ناتي لطريقة تحضير البرغل وهي بسيييييييييييييييطة اكثر مما راح تتصوروا

ناخذ قمح حب بعني القمح العادي اللي نحضروا بيه الشرشم والزرير
الكمية حسب الرغبة ببلاد الشام ايحضروا عولة عام كامل حوالي 50 كيلو لانهم يستهلكوه بكثرة كتجربة اولى بالنسبة لكن جربو 3 كيلو
قلنا 3كيلو قمح حطيه في الماء اغمريه بالماء وحطيه ايطيب طيبه حتى تمسي الحبة تلقايها طرية
حطيه في كسكاس يقطر جيدا ثم انشريه في درا او لحاف او باش كيما ننشروا الكسكس لما نفتلوه
خليه عند لهواء وكل مرة حركيه حتى ييبس تماما من الماء كيما انشفو الكسكسي لازم ينشف مليح باش كي نخزنوه ما يفسدش مدة يومين او اكثر حسب الجو والمكان اذا جاف او مندي
بعدها اطحني هاذ لقمح كيما نطحنو لفريك عند الرحوي ماشي في رحاية القهوة
لما تجيبيه غربليه
الرقيق راح ايعود برغل خاص بالكبة والتبولة
او لخشين خاص بالشوربة والبرغل لمفلفل او لمجدرة
وهي وجبة رائعة انا شخصيا نموت على البرغل لمفلفل فهو صحي ومفيد جدا كانو كسكس القمح تماما

هكذا تحضر الشاميات برغل العولة هن يحضرن كميات كبيرة كيما حنا نحضروا الكسكسي
نتمنى نكون افدتكم ولو بالشيء البسيط
جربوه واستغنو عن شرائه بالاسعار الخيالية وهو شيئ بسيط ما يستاهل غير شوية جهد
والله بجعبتي الكثير لكني فنيانة ما نحبش تكتب بزاف
لا تنسوني من صالح الدعاء انا بامس الحاجة اليه ومشكورات
متاكدة كلكم راح تجربوه لكن فقط شرفوني بتطبيقاتكم
وشكرا

للحصول على برغل اطعم واحلى اللي متوفر عندها مطحنة لحجر تستعملها لطحنه بالطريقة التقليدية كيما لفريك تماما

ملاحظة مهمة
ماطيبوش القمح حتى يتهرى
ما تستعملوش الكوكوط


دة الطهي حتان يدخلو الطياب ويكون طري ما يتهراش ومن عادات السوريين انهم يحتفلوا بيوم تحضير البرغل او لما ايطيب القمح ايصفيوه ويحطو عليه زبدة وملح ووزعوه على الاطفال والجيران
طبعا النشير بالسطوح احسن لكن تفاديا للغبار انشريه في غرفة متهاوية وكل مرة حركيه
والاحسن بعد ما نرحيوه ونغربلوه نزيدو ننشروه باش نتاكدوا انو نشف جيدا او ما يفسدش عند التحزين وعندما نخملوه الاحسن نستعملو اواني زجاجية او ساشي قماش لا ثم لاااااااا لساشيات البلاستك
اختي فيفي واش اتقلك الشكر والشكر الجزيل لكي على نقلك لمواضيع الاخت امازيغية وافتخر انا فرحت منين لقيت وصفاتها عندك واذا كانتي محتفظة بالوصفات الاخرى فارجو منكي نشرها في مواضيع منفصلة انا بحاجة الى وصفة اللبنة المشرقية وبارك الله فيكي وفي الاخت امازيغية وافتخر صاحبة الوصفات الاصلية شكرااااااااااااااااا

[nour batna]

شكرا لك أختي وجزاك الله كل خير

[هندة 74]

يعطيك الصحة

[..بسمة أمل ..]

اختي هذي هي وصفة حلوة الترك الناجحة

وصفة خلوة الترك للاخت امازيغيه

حلوة الترك
كوب حليب بودرة

كوب سكر بودرة

ملعقة كبيرة فانيليا

كوب طحينة

للتزيين : فستق مرحي خشين أو لوز او كاوكاو او اي نوع مكسرات وتقدري تستغناي عليها

3 ملاعق كاكاو اذا حبيتيها بطعم الشكولا

نخلط المقادير معآ و نمزجها جيدآ حتى تختلط بشكل كامل ,
استعملي يدك للعجن حتى تحصلي على عجينة متماسكة
الطحينة اضيفيها بلعقل ونت تعجني لما تشوفيها تماسكت توقفي على اضافتها وقد تتطلب الزيادة

[maloo]

جزاك الله خيرا على الوصفات فهي كلها ناجحة لفد جربت الطحينة وحلوة الترك واعجبتني النتيجة اللهم اصلح لاختنا "امازغية و افتخر" حالها وحال زوجها وابنائها كماطلبت عند مشاركتنا لهذه الوصفات

دعوة حلوة بصلاح الحال والزوج والابناء
كما الشكرموصول للاخوات اللواتي احتفظن بوصفاتها بعد ان قامت بنزعها واعدن مشاركتنا لها
بوركتن اخواتي

[chihab fcb]

يعطيك الصحة

[جوهرة الابداع]

الله يبارك