ساعدوني يرحم والديكم عاااجل

[oum hanin]

السلام عليكم ورحمة الله
جيتكم يا الفحلات واملي فيكم كبييير
ملي تزوجت قليت بيت شيخي يستعملو جومبو بزااااف كل ما يطيبو بلا لحم لازم يحطو جومبو وانا صراحة تعودت عليه لكن لما قريت على اضرارو حبيت نستغنى عليه ونعوضو بكاشما توابل او اي حاجة تزيد البنة كيما هو
يا ريت تساعدوني واجركم على الله

[*وردة الشرق*]

انا ما نستعملوش نحط فلفل عكري وتوم ودبشة ومعدنوس وكرافس وزعيترة وشوية زعفران وكلهم يكونو غبرة
حطي من كل وحدة مثلا ملعقة كبيرة من كل نوع وامزجيهم حطيهم في برطمان ضيفيهم وقت التقلية تاع البصل والتوم

نصيحة لما ما طيبيش باللحم حطي خضرة متلا حبة جزر ولفت انا نستعملهم مام مع الحبوب يجيو رايعيم مبعد الخضر هديك نهرسها للاطفال ياكلوها والكبار نحطلهم المرق والله تجي بنة احسن من اللحم

[oum anas 69]

أنا ثاني عمري مانستعملو و لا نشريه حتى في دارنا جامي يستعملوه ... نظن ماكاش لي يعوضو .. أختي أشري التوابل الجيدة لي تكون ريحتها زاكية أو طيبي باللحم و الدجاج و زيدي التوابل الجيدة والله تنساي هذا الجومبو

[oum hanin]

يعطيك الصحة اختي زينب وام انس والله انا جديدة في عالم الطبخ نعرف ننقل برك ما نعرفش للتوابل ونخاف نجتهد نعميها
المشكل راه في غياب اللحم لما ما يكونش نحصل

[oum hanin]

اختي زينب واش هي الدبشة

[أم أسامة 07]

الدبشة = الكسبر = حشيش مقطفة
تشبه نوعا ما للمعدنوس

[oum hanin]

شكرا على الرد

[ام الهضاب]

نحن نستعمله دائماً مع اللحم ًجومبو دجاج ً فقط و هذي عدة سنوات ولاحظت حتى حصص الطبخ المصري يستعملون هذه المكعبات و لو كانت خطيرة لتوقف إنتاجها و تزيد في البنة ومستحيل بنتها تعوضها التوابل ، و هذا رأيي و الله اعلم

[أم تيم الله]

نحن نستعمله دائماً مع اللحم ًجومبو دجاج ً فقط و هذي عدة سنوات ولاحظت حتى حصص الطبخ المصري يستعملون هذه المكعبات و لو كانت خطيرة لتوقف إنتاجها و تزيد في البنة ومستحيل بنتها تعوضها التوابل ، و هذا رأيي و الله اعلم

انا مع الاخت كي نطيب كمية كبيرة ندير جومبو حتى اني والفت بيه

[أم أيوب 11]

الله غالب اختي حتى انا من المدمنات عليه الله يجيب الحفظ

[*سيرين نور عيني *]

انا نطيب بيه كي مايكونش اللحم ياو نورمال ملي كنا صغار كنا ناكلوه و الحمد لله الستار ربي

[oum hanin]

شكرا اخواتي على الرد
انا تاني والفت بيه حتى لوكان الماكلة تجي بنينة بلا بيه نقول ناقصتها حاجة مع انو ماما عمرها ما استعملاتو وطيابها بنين بلا لحم
ربي يستر

[fyfy_top216]

وحنا تان في دار رجع حاجة اساسية مستحيل نستغناو عليه
وانا مرة كنت نتفرج في حصة طبخ على سبيسي سفرة قال بلي هو عادي ميضرش هي مجرد اشعات ومازال مثبتوش اي اضرار ليه والله اعلم

[jojo dj]

يا اختي احنا جامي نستعملوه استعملي توابل مليحة مثلا الكركم او العرق الاصفر راس حانوت يكون مخلط مليح .....

[lyzzabel]

اختي حنا في دارنا جااامي استعملناه ولا دخل عندنا و مين تزوجت لقيت عجوزتي و حماتاتي يطيبو بيه حتى ولو كاين اللحم يديروه معاه مين قلتلهم و علاش الماكلة ما تجيش بلا جمبو ؟؟ قالتلي عجوزتي راه يزيدها فالبنة ،، امالا وليت نطيب بيه حتى انا ،، و مع مرور الوقت خممت وقلت بلي ماما عمرها ما طيبت بيه و طيابها بنيييييين ،، فاستغنيت عليه و وليت نطيب بلا بيه مام مين ما يكونش اللحم ،، عجوزتي من كثرة لي يعجبها طيابي تقولي درتي جمبو ياك خطرات نقوللها واه درت ههه ربي يسمحلي خاطرش لوكان نقوللها ما درتش تقولي الماكلة سامطة ،، دونك هي ما علابالهااااش بلي ما درتهش و تقولي ممممم عليها الماكلة بنييينة ههههههه
و حتى للان راني مستغنية علييييه و السر فالبنة هي التقلية مين تقلي البصل اقلي معاه جمييييع الخضر و التوابل لي تستعمليهم في طبقك على نار هاااادية مع التقليب ومن بعد مرقي و خلي دايما فطورك ولا عشاك يطيب على نار هادية و ما تكتريييش الماء باش ما تجيكش الماكلة سامطة
راني طولت فالهدرة ولكن بغيت نفيدك نتيا او اي وحدة تدخل لموضوعك و بالتوفييييق عزيزتي

[*سيرين نور عيني *]

merci liza

[scorpionoir]

حبيبتي انا ولا مرة طيبت بيه ومراحش نطيب بيه .
مانيش نفوخ عليك بصح طيابي بنين بلا لحم .يعني كي نطيب بالزيت يجي بنين .نقلك هلاه
- اولا نستعمل التوابل جديدة يعني نشري بالشوي وكي يخلصو نزيد باش يبقاو جدد
-كي نحط البصل والتوابل نقلي مليييييييييييييييييييييييح على نار هادية الى متوسطة وخليها تتقلي حتى تخرج زيتهاومرقي بشوية ما ء ما تكثريش

-راح نقولك المرقة البيضا ندير فيها .بصل وحدو . مع الملح وفلفل كحل برك وساعات نزيد الزنجبيل مرحي وكصبر
-اما المرقة الحمرا تحب الثوم والبصل وملح وفلفل كحل وفلفل حمر حار وحلو وراس الحانوت والا كسبروساعات نزيد زنجبيل
وكاين حوايج كيما البقوليات تحب الكمون

[تهليل]

عزيزتي تقدري تستغناي عليه وتعوضيه بتوابل الزاكية وعلى رأسها كيمل نقولو حنا في منطقتنا راس الحانوت ايضا الزعيترا والهيل و الكركم كلهم طيبين جربي وشانشاله تلقاي البديل

[زينب 83]

يا حبيبتي عندنا توابل و حشائش تغنينا على جانبو راهو مضر للصحة و يصنع من البقايا تاع اللحوم و لك ان تتخيلي
و علاه جداتنا كان عندهم جانبو و لا كان عندهم اللحم يخي حتى الثلاجة كانت ماكانش و طيابهم بنيييييييين ، حبيبتي نصيحة لوجه الله استغناي عليه و مع الوقت راح تتعودي و طيابك يجي بنين تبعي برك نصائح الاخوات

[nesrinwarda]

السلام عليكم ورحمة الله وبركاته ،
حنا في دارنا كي نشرو الجاج نقسموه و كل قطعة نحطها في ساشي في الكونجلاتور هكذا كل منطيب نرمي قطعة دجاج او كي يطيب نفتتو لداخل،هكذا تجي المرقة بنينة كل مرة

[oum hanin]

كل وحدة كتبت كلمة نفعتنا بيها ان شاء الله ربي بعطيها اضعاف عدد حروفها اجر ويبعد عنها كل شر

[OUM DANIA]

السلام عليكم لقد لفت انتباه هذا الموضوع في الحقيقة منذ سنوات حذروا الاخصائيين من استعمال مثل هذه المنتوجات لاضرارها والتي تظهر على المدى البعيد وخاصة الاطفال دون الاربعة سنوات و هذا لاثاره على الدماغ و الله اعلم
.كما اضن ليس هناك ما يعوض التوابل الطبيعية لانها مضمونة والمهم كما قالت الخت انه التقلية هي الصح

[محمد الخامس]

عليك بلحم الخروف
وشكرا

[oum hanin]

وشكون يقدر عل لحم الخروف يوميا؟؟؟؟؟؟؟؟؟؟؟