هل أنا متكلف في شروطي للزواج ؟

[mohamed mahi]

السلام عليكم

منذ مدة وأنا أبحث عن زوجة حسب ما أريد بناء على قوله صلى الله عليه وسلم " خَيْرُ النِّسَاءِ إِذَا نَظَرْتَ إِلَيْهَا سَرَّتْكَ وَإِذَا أَمَرْتَهَا أَطَاعَتْكَ ، وَإِذَا غِبْتَ عَنْهَا حَفِظَتْكَ فِي مَالِكَ وَنَفْسِهَا "

مثلا اريدها بيضاء كأساس أول ولا أقبل غيرها بتاتا هكذا نفسيتي ، مرات ألوم نفسي أقول ربما أنا لي شروط تعجيزية لكن في نفسي أقول لاأريد ان أتزوج بنت أظلمها فاساس الزواج ركون كل واحد منهما للآخر ، المهم أريد نصيحة منكم لأنه مرات أريد التراجع مثلا عن كونها لا تعمل لكن لا أجد بديلا المهم أرجو التجاوب معي مع العلم انا جامعي 26 سنة ..

[الصديق قروف]

اسمحلي اشرط تاعك ماوش شرط
انا يقولولي متلقاش الي تقبل بيك
على خطراكش نحب تكون محجبة قدقد متدينة متربية اشكل لا يهم و العمل لا تعمل الا في البيت ولنساء فقط وليس على حساب البية و الاطفال

[salim.salim]

اسمحلي اشرط تاعك ماوش شرط
انا يقولولي متلقاش الي تقبل بيك
على خطراكش نحب تكون محجبة قدقد متدينة متربية اشكل لا يهم و العمل لا تعمل الا في البيت ولنساء فقط وليس على حساب البية و الاطفال

يسلم فمك و الله نفس حكايتي و على بالك واش قالولي: قالولي اتنازل شوية على الشروط تاعك ههههههه
لا حول و لا قوة الا بالله
قلتلهم هاذي موش شروطي هاذي شروط ربي سبحانو قالوليلي معليهش الزمان تبدل!!!

[sadako]

الرجل الحقيقي مايهمو لا زين ولا اي شيء يهمو الطاعة المهم ربي يرزقك بمراة المطيعة اما الزين راه منو وعليه خمم مليح لخطرش تديها شابة ومنبعد تبقا تتقلش عليك

[لحن الحياة.]

نعم انت متكلف ............لان البيوض متوفرييييييييييييييين بكثرة يعني عندك شروط اخرى كثيرة بيضاء و وووووو

[ام نهوله]

ما فهمتش راك حاب واحده بيضاء هذا هو شرطك

[fella987]

يسلم فمك و الله نفس حكايتي و على بالك واش قالولي: قالولي اتنازل شوية على الشروط تاعك ههههههه
لا حول و لا قوة الا بالله
قلتلهم هاذي موش شروطي هاذي شروط ربي سبحانو قالوليلي معليهش الزمان تبدل!!!

يا اخي اتق الله ، انت اللي راك تقول ربي سبحانو شرط تعدد الزوجات ، ربي أباح التعدد ماشي شرط التعدد ، و التعدد لازم يكون لأسباب مقنعة ماشي " مرا وحدة ما تقنعنيش " ، الله يهديك و يصلح أحوالك ، التعدد مباح و ليس مشروط ، و شكون ضمنلك انت تكون زوج مليح باش تروح تعدد ؟؟؟؟ كي تصيب وحدة اللي تقبل تكون الاولى خمم في الثانية

[سفير الأيام]

هدا مكان بيضاء ............. عادي

راهم بالمليار


شوف اللي باباها يحكم في الدار


واللي تفهم وضعيتك الحقيقية

[corlionne22]

عادي يا أخي، إذا أردت الزواج فاختر الجميلة و المتدينة و المتخلقة و من تعجبك و تقتنع بها و هن متوفرات و لكن عليك فقط البحث و الخروج بعض الشيء، و لا تستمع للكلام المحبط، لأنك أنت من سيتزوجها و يعيش معها. فاشترط و إختار بعناية من تهبها قلبك و اسمك و ركزلي على البيضاء ههه.

[نسيبة2012]

يا اخي شروطك كلها عادية جدا ومافيها حتى تعجيز .
وكاين اللي يقللك ما تلقاش الللي متحجبة قدقد لا كاينة وبلا مزيتها وتقدر حتى تفرض عليها الحجاب فرضا لانه من واجبك امر زوجتك بطاعة الله كيف و ان كان الحجاب حنا في منطقتنا لازم تكون محجبة ولو كانت تعيش في فرنسا ما عدا المنحل والديوث هو اللي يقبل مراة بلا حجاب ...سبحان الله السترة جزء لا يتجزا من ثقافتنا
وازيدك من الشعر بيتا عندنا الراجل كي يجطب ؤحدة ويقوللها ديري النقاب لا مجال للنقاش وهي في بيت ابيها....وكاين اللي ما يديروش ماشي كامل ...
توكل على الله ولاتتنازل عن الاساسيات كي تكون متحكم في زمام امورك منذ البداية .....
الزواج هو اهم مشروع في الحياة لا يمكن التلاعب فيه.

[نسيبة2012]

بالنسبة للجمال لك ان تختار ما تشاء انت حر ...تطلب المراة لمالها وجمالها وحسبها ونسبها .............تقدر حتى تشرط الي عينيها خضورا واحد ما يسالك .المهم تصبر وتطلب الحلال .

[عابد لله]

صراحة لا ادري هل يمكنك ان تتزوج فتاة ليست جميلة لكنها قمة في الاخلاق؟ صراحة لا يمكن ان يحدث هذا لاني سوف اضع نفسي في ورطة كلما خرجت الى الشارع ورأيت الكم الهائل من الجميلات ولا تقل لي غض بصرك لاني وبكل بساطة اجدهن في الشارع وفي عملي وماما عيني بمعدل 7 ساعات يوما ومن كل الاشكال. لهذا يجب ان تختار من تقنعك شكلا واخلاقا. فلا هذه تنفعك لوحدها ولا الاخرى تنفعك

[آنثى آلمطر]

ان شاء الله
متوسسوسش روحك اخي
معظم البنات بيض
لكن ارصى بقدر الله و قضائه

[الألماسة]

لم افهم شروطك
يعني عاملة و بيضاء؟؟؟؟؟

[ام ملاك.]

بيضاء وتخدم؟؟
ويسمعك الاخ e هههه خلات عليك
مايتزاوجو حتى يتشابهو
هذي قاعدة اديها مليح

[ام نهوله]

وعلاش جويا البيوضا خلاصو حبيتها بيضاء جيبها كيما حب قلبك وين راه المشكل

[mohamed mahi]

عادي يا أخي، إذا أردت الزواج فاختر الجميلة و المتدينة و المتخلقة و من تعجبك و تقتنع بها و هن متوفرات و لكن عليك فقط البحث و الخروج بعض الشيء، و لا تستمع للكلام المحبط، لأنك أنت من سيتزوجها و يعيش معها. فاشترط و إختار بعناية من تهبها قلبك و اسمك و ركزلي على البيضاء ههه.

بارك الله فيكم

شكرا لكل الإخوة المتفهمين لفكرتي ، انا لم اقل أريدها عاملة بل أنا ضد ذلك لكن مؤخرا عرضت علي عاملة في التعليم ولم أتخذ قراري بعد لأني مازال ما شفتش البنت أنا شخيا لو عجبتني صراحة اقبل بها ومع كونها عاملة لا اسألها شيئا من مالها لان القوامة للرجل ...

بالنسبة لصاحب التعليق شكرا لك مامعنى عليك بالخروج ؟