هل من علاج للحر عند الرضيع

[ome jade]

سلام الله عليكم اخواتي عدت لاسالكم من جديد والله مولودتي تعبتني مع المرض فمن مشكل الامساك لكنت سالتكم عليه والي بالمناسبة نشرككم علي ردودكم
وجزاكم الله خير واللي مزال مرتاحت منو مليح زاد جاها الحر فبمجرد منعطيها ترضع تدور وجها وتبدا تبكي فهل من علاج ولا لازم الطبيب لانها مزالها صغيرة عندها ثلاث اشهر وانا والله كرهت الطبيب فهل من حلول من تجاربكم ولكم مني كل الشكر

[ام الخير 05]

اختي العزيزة اذا تقصدي البياص اللي يجي في فم البيبي مرة نصحني الطبيب بالاسبيجيك في الماء وبواسطة كومبراس جديدة نمسح فم الببي لكن عرفت مؤخرا ان الاسبيجيك ماشي مليح للاطفال رانا كامل عايشين مع الطبة هذو هوما ولاد هادا الوقت ممكن تتصلي بالفرماسي وهو ينصحك اكثر

[loji]

ابنتك يااختاه صغيرة انصحك بزيارة الطبيب وعدم المخاطرة بتجارب الناس ربي يجيب الشفاء

[sabi foufa]

حبيبتي اذا كان بياض برك ديري ماء مغلي و خليه يبرد من بعد غطسي كوبراس وعصريها و مسحيلها مليح يومين او ثلاثة يتنحالها انا دويت ولد اختي وكان عندو اقل من شهر بصح اذا كان الحر فيه شقوق حمر بالعامية فيفط ولا شلفط لازم طبيب.
ربي يشافيها

[ام مريم الجزائرية]

كاين دواء خاص بالحر يعطيه لك الفارماسيان بلا طبيب انا نربي بيه ومايخطينيش في البيت لانه مفيد حتى للكبار
ادا ترضعيها صدرك اغسلي ثديك بالماء والملح ودهنيه بيه وخليها ترضع لانه ادا راحلها في فمها يبقى في ثديك العسل بالليم فان مليح بصح ماتكثريلهاش غير شوية فوتيلها على فمها وماتحمصيهش بزاف وربي يشافيها

[ome jade]

بارك الله فيكم والله كرهنا الدوا تع الطبيب ملي يزيد البيبي هو معاه

رحت عند الفارماسي اعطاني بوماد اسمها داكتران درتهالها ارتاحت اشاء الله برك ميرجعش

[*وردة الشرق*]

اختي لو سمحتي ما هو الحر

[الإدريسي العلوي]

بارك الله فيك

[alibadis]

ربي يشافي ابنتك .

[kikimnarim2]

اذا كان ما شي مقلقة فيه خليه ما تديري حتى دوا

[أم عبد الله ياسين]

اختي لو سمحتي ما هو الحر

أختي الحر هو le mycose اي البياض الي يجي للرضيع في فمو في اللسان و حتى الأم ايجيها في صدرها

[(( هبة الرحمن ))]

السلام عليكم
أفضل علاج هو هذا الجال اللي فالصورة
حتى ولو بلعاته بنتك عادي جدا
لا تتهاوني لأان الحر سينزل إلى الجهاز الهضمي ويوصل حتى المستقيم ويرجع البرار ( أعزكم الله ) فيه الدم وتتوجع بزاف وتبكي دايما
ربي يشفيها.
https://encrypted-tbn0.gstatic.com/images?q=tbn:ANd9GcQrm2PxyUnO20pPKBLeVV2aKui3qXZlR vKelt2qCt9tb_pfWy6Ktg