رفض طلب تجديد العقد بعد 6 سنوات

[mohelil]

لقد تم رفض تجدييد العقد المنتهي في 28/12/2014 بعد 6 سنوات من عقود الذل من طرف مدير المركب الرياضي وعندما ذهبت لمذير الشبيبة و الرياضة رفض ايضا طلب تجديد العقد و قال لي بصريح العبارة روح اتفاهم مع المدير نتاعك ومن بعد ارواح نجددلك ماهو الحل ربي يجازيكم ؟
هل نقدر نرفع دعوى بسبب الرفض التعسفي؟

[informatic]

لالا ما تقدرش خويا القانون يمد للمستخدم حرية التجديد ما تقدر اديرلو والو المهم حاول توصل ليه ب اي طريقة باه يجددلك هادا الحل الوحيد

[ika2012]

لالا ما تقدرش خويا القانون يمد للمستخدم حرية التجديد ما تقدر اديرلو والو المهم حاول توصل ليه ب اي طريقة باه يجددلك هادا الحل الوحيد

و الا ابحث عن قطاع اخر و جيب موافقة اي مدير و روح يجدولك خير من تروحلك الكونترا ربي يفرج ان شاء الله

[المرسم]

و الا ابحث عن قطاع اخر و جيب موافقة اي مدير و روح يجدولك خير من تروحلك الكونترا ربي يفرج ان شاء الله

ربي يفرج عليك خويا

[لامية دلس]

حاول اقناعه باي طريقة ربي يفرجها عليك

[moh_boulk18]

نعم هدا هو المشكل فى العقود بهدا تعتبر العقود غير مفتوحة قادر فى اى وقت يحاوزك

[سليمان سونيك]

نعم هدا هو المشكل فى العقود بهدا تعتبر العقود غير مفتوحة قادر فى اى وقت يحاوزك

وش بينك وبين المدير حتى مقبلش يوافقلك انت لازم هناك مشكل

[fadilasor]

لكنت التعليمة ملزمة لكافة المؤسسات نورمالمون ماعندوش الحق ماكانش منها يحاوزك

[الطالب المتواضع]

نعم ضرورة ان يوافق لك مدير المركب الرياضي التي تعمل فيها كي تجدد لك المديرية و هكذا قال لي احد العاملين في وكالة التشغيل لانام حيث قال لي ان التجديد يمكن بعد نهاية ستة 6 سنوات لكن لابد من احضار موافقة مدير المؤسسة التي تعمل فيها ليتم التجديد.
ولا يمكنك رفع دعوى بسبب رفض المدير لان مدراء المؤسسات لهم صلاحية رفض او قبول طلبات التجديد لعمالهم المتعاقدين في مؤسساتهم.

[houda128]

نحن تحت رحمة المدراء
خخخخخخ قالك مدى الحياة

[mohelil]

االمدير لي حاكمنا يحوس على الشيتة زيد نقلك معانا مربي في الشبيبة و الرياضة مرسم من 2009 ماجاش و الشهرية تاعو تمشي و كلش عادي
خاوتي وش نقوللكم ربي يفرج

[nour-eddin-k]

خويا باينة روح شوفله معريفة قله جددلي واذا ماكش راغب فيا بدلي المكان المهم يجددلك وبالتوفيق

[mohelil]

مانقدرش نجذذ خارج القطاع لي راني فيه
أما داخل القطاع المدير الولائي قالي ما نجددش ليك حتى تحل مشكلتك مع مدير المركب الرياضي

[سليمان سونيك]

علاش خويا تعب روحك شوف له احد يعرفه يتوسط لك جدد عنده ثم طول دير تحويل من عنده هذا الحل متعبش روحك

[يوسف بن الحاج]

بصراحة اتفه قطاع خدمت فيه عام وشفتو
مشاكل مدراءه انهم يعانون من مشاكل نفسية
من كثرة الفراغ

[mohelil]

وش را ح نعمل هذا هو الحال

[fatih84]

بوس الكلب على فمو و اقضي حاجتك منو ..................كما يقول المثل الشعبي...افهم خونا

[mohamed780]

السلام عليكم ورحمة الله وبركاته
ماعندوش الحق يا أخي إرفع عليه قضية في المحكمة الإدارية و يرجعوك عادي
أنا نعرف واحد ما حبوش يمدولوا الكونترا في البلدية رفع عليهم قضية في المحكة الإدارية ربحهم و رجعوه
أسأل محامي أفضل