رجاء من حراير المنتدى

[بعيدة المنال]

أرجو من كل وحدة تحط طريقتها في المطلوع ـ إييييه المطلوع ـ وما تبخل بسر لأنني أعاني من هده المشكلة فإذا حدث واصلحلي فقط زهر وفي الغالب لا تنضبط معي طريقة إما تفيضلي خميرتو أو ما يطلعش خلاص رجاء أخد الموضوع بجدية:sdf:

[ام الهضاب]

تبعي معي و الأيدي مربعة هههههههه
خذي ثلاث كيلات سميد ملييييح و زيدي معاه كيلة فرينة ، انا نكيل بعلبة المارغرين 250 غ ثم نضيف ملعقة كبيرة و مملوءة مليييح خميرة خبز و ثلاث ملاعق زيت و نصف ملعقة سكر و ملح طبعا و ندأ نعجن بالماء الدافيء و نعجن حتى يبياض و في الاخير نكمل نعجن بكاس حليب دافئ و نخليوه طري ثم نقسمو مباشرة الى قرصات و نغطيهم مليييح و نخليهم يطلعوووو و هذا هو السر انتاعي و من بعد نقرصهم بههدوء باش ما يطيحش الطلوع و نزيد نخليهم يطلعو و لازم يكون الطاجين سخوووون و النار زائدة للآخر
ان شاء الله يجيك كالإسفنج ، اعلابالك احنا السطايفية لاااازم المطلوع هههههه و اي استفسار أختي راني هنا

[بعيدة المنال]

او على بالي لو كان ما حصلتش ما نعيط هك شكرا جزيلا لتفاعلك سأجرب طريقتك غدا بحول الله ونردلك الخبر

[بعيدة المنال]

قبل ذلك قوليلي يا أم الهضاب لما تحطي كويرات العجين على السرابت يخمروا ما يلصقوش؟؟؟؟؟

[ام الهضاب]

قبل ذلك قوليلي يا أم الهضاب لما تحطي كويرات العجين على السرابت يخمروا ما يلصقوش؟؟؟؟؟

ما تفدغيهش بزاااف عادي برك يعني طري برك و إلا حطي شوييييه فرينة على الطراشن و حطي القرصة

[زينب 83]

ديري تاع عازفة الناي هايل و ناجح و بزاف جربوه و انا منهم راهو في وصفات لحراير

[أم ياسين الزهراء]

ادا عندك البيترا جربي هدا


http://www.djelfa.info/vb/showthread.php?t=1096329

[اسمهان79]

جربي مطلوع الهام 07راهو ناجح 100/100انا جربتو واعتمدت الوصفة وما نبدلهاش أبداً
في أمان الله

[جيجلية]

شوفي انا نعطيك تاعي وكامل يشكرو فيه

كيلة سميد وكيلة فرينة حوالي 300غ في الكيلة حطي مغرفة كبيرة خميرة ومغرفة كبيرة سكر وحوالي 3ملاعق زيت وعجني بالماء الدافيء ثم ضفي الملح حوالي ملعقة ونصف

صغيرة طبعا واعجني تقدري تخليها ترتاح شوية في صاشي 5دقايق وتعاودي تعجنيها حتى تولي طرية ومطلوقة شوي خليها تخمر مليح ثم قرصيها فوق السميد رقييييييييق

حطيها فوق طرشونة في سينية وخليها تطلع شوي ماشي بزاف وحطي الطاجين يسخن مايكونش سخون بزاف باش ما تلصقش وباش ما تهبطلكش هزي السينية اللي فيها

المطلوع واقلبي المطلوعة فوق لوحة وزحزحي المطلوعة فوق الطاجين

[بعيدة المنال]

وين نلقاه؟؟؟؟؟؟؟؟؟؟؟

[بعيدة المنال]

شكرا لكن جميعا أنتظر أسرارا أخرى من حرائر أخريات

[*سيرين نور عيني *]

http://www.djelfa.info/vb/showthread.php?t=1229176

[SAMAH SAMAH]

مطلوع ام نهولة
http://im90.gulfup.com/A1l2GU.png
بول فرينه 1بول سميد 2مك خميره الخبز 1مك سكر وخلطي بماء دافئ
خليه 10د ثم اعجنيه شويه وضيفي الماء حطيه يخمر ثم قطعيه قريصات جوزيهم في السميد
و قرصيهم في سنيوه تكون مدهونه و خليهم يخمرو من بعد طيبيهم
يكون الفرن سخن مليح شاعل من فوف و من تحت
اللي تطيب ديريها في ساشي نيلون 2د و بصحتك

[SAMAH SAMAH]

وصفة المطلوع louji omri

كيلة دقيق ممتاز
كيلة فرينة
2 مغرف كبيرة خميرة خبز
1مغرف سكر عادي
1مغرف معمرة زيت مائدةملح
سانوج او جلجلانية مقلية
نضع جميع المكونات والسينوج في عجانة او قصعة
ثم نبدا نزيد الماء الدافي مع العجن الماء نزيد على دفعات في الاول تكون العجينة يابسة وكل مرة تطرا شوي حتان تولي عجينة تلصق في يديك وزيدي مغرف مش معمرة زيت مائدة و اعجني من بعد نشكلها قرص علي حساب الكمية اللي درتيها والعجينة ممكن تلصق في يديك ذرري شوي فرينة على كل قرصة و غطيها وخليها تخمر
كي تخمر قرصيها و زيدي خليها تخمر و حطي الطاجين يسخن كي يسخن مليييح نقصيلو شوي
غير تخمر شوي لوحيها في الطاجين راهي تكمل تطلع لما تعمل فقاعات نقلبها و نبقى ندور فيها باش تحمار بنفس اللون من جميع الجهات كي نكمل الطياب نولي اما نحوشيهم على الطابونة او نحمرهم في المقلة بشوي زيت في الاخير نمسح المطلوع بشوي زبدة باش نعطيها لمعة ونتخلص من شهوبية الفرينة .

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي. http://www.djelfa.info/vb/images/statusicon/wol_error.gif إضغط هنا لرؤية الصورة بحجمها الطبيعي.http://www11.0zz0.com/2015/01/11/16/953836168.jpg


http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي. http://www.djelfa.info/vb/images/statusicon/wol_error.gif إضغط هنا لرؤية الصورة بحجمها الطبيعي.http://www6.0zz0.com/2015/01/11/17/316083635.jpg

[SAMAH SAMAH]

مطلوع ome loudjeine

..ديري السميد قيس القرصات الي حابتهم وديري مغرفة صغيرة خميرة الخيز لكل قرصة وسينوج وملح ومغرفة كبيرة زيت بلي بماء دافيء وخليها تريح ربع ساعة.

اعجنيها مليح وابداي اسقيها بماء دافيء حتى تتحصلي على عجينة طرية اقسميها كويرات واطرحيها بيدك فوق طرشون وغطيها وخليها تخمر.

سخني الطاجين مليح مليح وطيبيها ماتخليهاش تخمر بزاف بزاف راهي تكمل طلوعها في الطاجين.

ملاحظة :حبيت نقولك انو نوع السميد يلعب دور في نجاح المطلوع انا نستعمل البركة تاع بسكرة.

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي. http://www.djelfa.info/vb/images/statusicon/wol_error.gif إضغط هنا لرؤية الصورة بحجمها الطبيعي.http://im72.gulfup.com/mkqY2a.jpg

[SAMAH SAMAH]

المطلوع عازفة الناي

كي ندير 3 مطلوعات هذا قيسهم
نكيل بعلبة الزبدة تاع 250غ
3 كيلات سميد
كيلة فرينة
3 ملاعق كبار حليب بودرة
ملعقة صغيرة خميرة كيميائية
3 ملاعق كبار زيت
3 ملاعق صغيرة مليانين مليح خميرة خبز + 2ملاعق سكر
ملح
ماء
الطريقة
اولا : نحط السميد و الفرينة و الحليب و الخميرة الكيميائية و والزيت ونخلط الكل ونبدى نضيف في الماء اللي بدرجة حرارة الغرفة و نعجن مليح حتى نتحصل على عجين طري بعدها نضيف الملح . نغطيها بساشي ونتركها ترتاح
ثانيا : نحط خميرة الخبز مع السكر و فنجان ماء دافئ ونغطيها نتركها تخمر مليح
من بعد نضيف الخميرة للعجين بالتدريج ونعجن حتى تولي طرية وملساء
نغطيها وخليها تخمر
من بعد نقسمها الى 3 اقسام ونجيب زبدة تقريبا نص ملعقة صغيرة لكل قرصة وندخلها في العجين
ونتركها ترتاح مدة 5 او 10دقايق
ونفردها عادي ونشعل على الطجين في الوقت اللي يسخن الطاجين هي خمرت شوي نطيبها على الجهتين ونحوشيها .


http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي. http://www.djelfa.info/vb/images/statusicon/wol_error.gif إضغط هنا لرؤية الصورة بحجمها الطبيعي.http://www10.0zz0.com/2014/11/27/21/968924460.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.
مطلوع ام اماني
السلام عليكم اخواتي
المطلوع اوكسرة الخميرة كيما نقولو في الشرق نحضروها بزاف خاصة في شهر رمضان الكريم مع شربة فريك امممم
كاين بعض الاخوات ماتنجحش معاهم قلت نحط طريقتي بالشرح وراهي تتجي كالقطن
المقادير
بالنسبة لزوج قرصات
نكيل بعلبة مرقرين صغيرة نتاع 250غ
2 كيلات دقيق من النوع الممتاز يكونو معمرين مليح،4ملاعق فرينة،2ملاعق زيت،2ملاعق صغار خميرة فورية،شوية سكر،سنوج،ملح،ماء دافيء
الطريقة
نخلط جميع المقادير السابقة ونجمعها بالماء الدافيء
http:// (http:///)http://up.top4top.net/uploads/2012/06/26/top4top_da516afb451.jpg (http://up.top4top.net/)
نعجنها بدون اضافة الماء ثم نضيف الماء تدريجيا مع الاستمرار في العجن لازم نتحصل على عجينة مطلوقة شوية
http:// (http:///)http://up.top4top.net/uploads/2012/06/26/top4top_ca724884881.jpg (http://up.top4top.net/)
نغطيها ونخليها تختمر بعدها نخرج الهواء الموجود بداخلها ونقسمها لكرتين نغطيهم لمدة 5د ثم نبسطهم نغطيهم ونخليهم يختمرو للمرة الثانية وهذا شكلها بعد ما تختمر
http:// (http:///)http://up.top4top.net/uploads/2012/06/26/top4top_c072e8b6791.jpg (http://up.top4top.net/)
نطيبها في طاجين يكون مسخن مسبقا ولازم النار تكون عالية وهذا شكلها النهائي
http:// (http:///)http://up.top4top.net/uploads/2012/06/26/top4top_19013c6cfa1.jpg (http://up.top4top.net/)
هذي طريقتي البسيطة نتمنى تعجبكم ولاتنسوني اخواتي من صالح دعائكن


ملاحظة:
كمية الخميرة ومدة الاختمار متعلقة بالفصل يعني نزيد الخميرة ومدة الاختمار في البرد والعكس في فصل الصيف
</B></I>

[بعيدة المنال]

يعطيكم الصحة جميعا ما غلطتش كي سميتكم الحراير ، راني استفدت بزاااااااف ألف شكر وربي يفتح عليكم جميعا

[Narimane2015]

يعطيكم الصحة