كرهت من الحقرة

[مشكلتي]

السلام عليكم و رحمة الله و بركاته
بداية نحييكم خاوتي على نضائحكم السديدة بارك الله فيكم
انا اليوم حبيت نطرح المشكل ديالي او بالاحرى حبيت نفرغ قلبي ليكم خاوتي كرررررهت
انا فتاة من العاصمة نشات في اسرة بسيطة و الحمد لله عندي زوج خواتاتي بنات و ثلاثة دكور
اختي الكبيرة كتب ربي و تزوجت لفرنسا و انا اكون الصغيرة غير ما تخطبت ايضا و هاذ الايام تخطبت اختي اللي اكبر مني ل امريكا
المشكل تاعي عندي خويا يشوف بزااااف المستوى المادي تاع الانسان و انا ولا يحقرني ملي تخطبت لانه خطيبي يعمل في الفلاحة قيسو قيس حاله و ايضا يسكن في قرية انا قلتلهم قااابلة بيه المهم عندي الاخلاق و الدين فقط اما الباقي زيااادة و هو كرهلي حيااااتي دايمن يقولي انت راكي رايحة ترعاي البقر اما اختي لوخرا رايحة لماريكان و لوخرا راهي بلاس بيها في فرنسا و نهار جاو الخطاب تاع خواتاتي في زوج لوكان تشوفو كيفاه رحب بيهم و استفبلهم لانهم مرفهين و كيما قالي هو لبااااس بيهم اما انا لحد الان جاامي اهدر على ناس داري بكلمة مليحة دايمن يقولي ماشكيتش تنجحي في حياتك راكي رايحة تسكني في الريف و تولي جيبي الما من الواد انا كرررررررررهت من المقارنات ديالو مع رجال خواتاتي لوخرين علاااااااااه الحقرة هاذي علااااااه و انا مانقدرش تهدر خوفا من المشاكل كي يعايرني هكاك نسكت و نخبي في قلبي و نقول معليش مابقاليش بزاااف و نروح عروسة في هاد الصيف ان شاء الله
و عندي خويا واحد اخر هو ما راحلوش في المستوى المادي لكن دايمن يقولي انت قااارية لوكان خير ديتي واحد قاري كيما انت ماديتيش هذا ماشي قاري’’’’:mad: علااااااااه الحقرة علااه
لانه بين قوسيت خاوتي هادو هوما المسؤولين علينا بعد طلاق الوالدين يعني هوما يقومو بدور الاب لمن ماعندهومش الحق يتدخلو في حاجة خاطيهم و الله حتى وليت كرهت كل شئ , احنا تربينا في اسرة متواضعة و دوك هدا خويا كي فرج عليه ربي ولا هو المعلم زعما خلع و لا يحقر قاع اللي تحتو يحب يتعامل غير مع اللي لباس بيهم و يحقر بالعين ,,,,,,,,انا كرهت يا خاوتي من الحقرة تاعو لخطيبي و ناس داري مع انهم نعم الاخلاق ما شاء الله و خدامين في الفلاحة يجيبو قوتهم في الحلال,,,و الله يا خاوتي خطرات كي يبدا يشكر في ناس دار خياتي حتى نوض و نولي نبكي وحدي وحدي نقول علاه انا جااامي شكرهم و هادو يظل يشكر فيهم ,,,بصح معليش كاين ربي هو الرزاق يجي النهار وين يندم على النظرة ديالو
ماقدرتش نصبر على كلامه لاني فتاة حسااااااسة بزاااااااف و كل حاجة نخبيها في قلبي لكن نخاف كاشما يصرالي ديجا دوك من التقلاق ولا قلبي يوجعني خصوصا ملي جاو الخطابة تاع اختي اللي في مريكان زاد حقرني كثر و كثر,,,,,,,خطرات انقول كي نتزوج منزيدش قاع انسقسي عليهم لكن لاااازم اندير النيف قدان ناس داري بلي عندي خاوتي
خفوااا عليا يا خاوتي رايحة نطرطق الحمد لله برك عندنا الايمان و الصبر و ربي يهدي ما خلق فالدنيا فاااانية و ما يبقى لا مال لا جاه غير ربي سبحانه, السلام عليكم

[staifia]

السلام عليكم اختي
نقلك والله والله والله يا الدراهم بزاف مش ملاح لانها تعمي الانسان وتخليه متسلط
ومش هوما كلشي في الدنيا مش هما لي يجيبوا الهنا. للزوجين المهم راجلك راه خدام والاهم صالح واخلاق مليحة
اخوك خليه يهدر لانو كيما قلتي كان معندوش وضرك ولى لاباس بيه ماتزعفيش مني بصح يقولو خاف من الجيعان اذا شبع
المهم انتي خليك قوية وتفكيرك هو الصح. المال يروح كي تكوني متفاهمة انتي وراجلك ويحبك وتحبيه ومقادرين بعضاكم هادي الدنيا ومافيها والله:-)
خليه يهدر يخي الدنيا فانية والحياة تفنى. ملا عيشي حياتك كيما راهي واكيد ربي ما يخليكش
كي تروحي لدار عندهم الدراهم وما يديرولك حتى قيمة وش فايدة الدراهم????
المهم كي تكوني ملكة في دارك وفي عين راجلك
مانيش نزوخ عليك بصح والله بنات تاوعنا لاباس بيهم وجامي يلقاو كيما في دارهم بصح تزوجو برجال خدامين شهار يعني وساكنين مع اهل ازواجهم وراهم لاباس عليهم

كيما يقول بابا الرجل الصالح هو الكنز والذهب تاع المراة
ربي يهنيك يا رب

[مراد سابقا]

اخوك عندو الحق

راح تندي والله الإنسان الجاهل صعيب اختي

حتى ولو كان متخلقا

قادر اليوم ألأول تنفصلي عليه

[staifia]

اخوك عندو الحق

راح تندي والله الإنسان الجاهل صعيب اختي

حتى ولو كان متخلقا

قادر اليوم ألأول تنفصلي عليه

ماهذا الكلام?!!!!!
كيفاش عندو الحق !
الجاهل لي يكون جاهل في عقلو ويكون مش متربي ومش متخلق
وليس ما يحمله مش شهادات ورقية. قالك اعطيهلي فاهم والله لا قرا
كاينين دكاترة لكن تقول عليهم جامي قراو
ماهذا التفكير رغم انك جامعي شكرا

[مراد سابقا]

ماهذا الكلام?!!!!!
كيفاش عندو الحق !
الجاهل لي يكون جاهل في عقلو ويكون مش متربي ومش متخلق
وليس ما يحمله مش شهادات ورقية. قالك اعطيهلي فاهم والله لا قرا
كاينين دكاترة لكن تقول عليهم جامي قراو
ماهذا التفكير رغم انك جامعي شكرا


يا اختي

الجاهل وحتى ولو كان طيبا

لن تستطيعي التعامل معه

ويجب ان يتزوج جاهلة مثله اما جامعية لا

انا اعرف اناس تزوجوا بمثل هذه الحالات وتطلقوا الأمر ليس بالهين

[staifia]

يا اختي

الجاهل وحتى ولو كان طيبا

لن تستطيعي التعامل معه

ويجب ان يتزوج جاهلة مثله اما جامعية لا

انا اعرف اناس تزوجوا بمثل هذه الحالات وتطلقوا الأمر ليس بالهين

ممكن تفهمني كيفا ش جاهل !!! والمراة كيفاش تكون جاهلة!

[تسنيم الاثير]

خيلهامليح تسكني في الريف و صرراحة حنا في الارياف و الحمد الله متفر كل شئ و بزيادة الاولاد ينشؤا صالحين بالعكس في الغرب يبعوا على الدين و المخدرات بعيد الشر

[رَكان]

السلام عليكم ..
أنت مخطوبة الآن وحكاية بقاءك في البيت زمنها محدود يعني الحقرة لن تدوم بإذن الله ..فصبرا أما عن أخوك فإنه من الناس الذين يؤمنون بالمظاهر .فهذا قضاء الله واش راح ديري ..خوك ما ينباع وما ينشرى ..كل شيي يفوت ..
لاحل لك معه ..الا وضع اعصابك في الجليد ..

[رَكان]

اخوك عندو الحق

راح تندي والله الإنسان الجاهل صعيب اختي

حتى ولو كان متخلقا

قادر اليوم ألأول تنفصلي عليه

ماذا تقول ؟؟؟
كيف الجاهل صعيب حتى ولو كان متخلق ؟
يعني حسب زعمك المتعلم غير المتخلق أفضل من الجاهل المتخلق ؟؟
من أين لك بهذه ثم ماذا تقصد بالجاهل ..؟ ثم نواصل ..

[الصديق قروف]

ربي يكملك بلهنا
اصبري راكي في اصواب راهي ساعة وتفوت ‏
كوني عكس خوك كوني مليحة معاه ‏
ارجل باخلاقه يعيشك ملكة ‏
‏ ‏‎

[eBusiness]

كيما يقول بابا الرجل الصالح هو الكنز والذهب تاع المراة


هذه هدرة نتاع الرجال، رب يحفظ باباك يا بنت الأصول !!!

ثم والله يا جماعة لم أرى تجارة فيها البركة والربح الوفير في وقتنا هذا مثل الفلاحة
يا صاحبة الموضوع رب يسترك والله فرحني كلامك صح، الحمد لله مازال كاينة بنات فحلات كيفك، والله فرحتيني يا مخلوقة... شوفي ديري النيف أنت وراجلك وإستثمروا في الفلاحة ففيها الرحب الوفير والرزق على الله، راكي فحلة ما يتخافش عليك...

[عين الصقر]

حطي في بالك اخوتك يخممولك في مصلحتك ومايحبولكش الشر او يحبولك الغبينة
لكن
انت اختاريتي زوجك المستقبلي وراضية بيه وبمستواه المادي والدراسي
ماتسمعي بحتى واحد
حياتك وانت حرة
السعادة عمرها ماكانت بالاموال او بالمنصب او بالنفود
المال يوفر لك الراحة ولكن لا يمكن ان يضمن لك السعادة ابدا

وهي قضية وقت فقط باقي شهور معدودة للصيف
اصبري وامرك على الله
الله يوفقك ويكملك على خير

[sabrina el-chark]

معندوش الحق يحقرو او يتمهزا بيه انت قانعة بيه الله يسهلك انت وياه
لكن تاني ديري في بالك بلي التوافق راهو مطلوب بسكو المعيشة في الريف كيما تقولي مهيش ساهلة

[الحاج حشيشة]

ربي يعاونك اختي ويهدي اخوك

[كلنا راحلون]

اختي سؤال بسيط واجيبك عليه انت انتي ما هدفك واين تريدين وصول


هدفك ارتباط زواج وذرية صالحة ان شاء الله


اين تريدين وصول كيفاش خواتاتي تزوجو فلغربة اما هدرة خوك فقط عقلك خدعك فمشكلتك بسيطة نوضح اكثر احمدي الله جا مكتوبك



مشكلتك بسيطة وعطلي حاسة سمعك مع خوك


الى رد 2 بعد قليل

[كلنا راحلون]

ماذا تقول ؟؟؟
كيف الجاهل صعيب حتى ولو كان متخلق ؟
يعني حسب زعمك المتعلم غير المتخلق أفضل من الجاهل المتخلق ؟؟
من أين لك بهذه ثم ماذا تقصد بالجاهل ..؟ ثم نواصل ..

السلام عليكم اخي اتمنى بعد تقديم لك الدليل تحذف مداخلة اخت سطايفية ومداخلتك ومداخلتي الدليل موجود


http://www.djelfa.info/vb/showthread.php?t=1671807







انظر ما قال مراد ...........بزااااااااااااااااااف

--------------------------


بيناتنا خاوتي امريكا فيها معيشة 444444444444444444444444

تدخل فلبيت تلقى فطور عدس ما تلقى عدس لوبيا مش كيما امريكان


http://im64.gulfup.com/ofFjZw.gif

[جويرية الإيمان]

(احنا طبعا مناش عارفين المكان لي راكي رايحة ليه)

بصح أنا أقول عن تجربة ممن حولي

الريف و الفلاحة صعبة إلا إذا كنت موجدة روحك مليح وعلى دراية كافية بالمكان .


خالة زوجي تزوجت في (الريف) يعني الفلاحة وحلب البقر و رعايتها وقطف الثمار

(وهذا بالمناسبة أروع ما بالكون)

لكن هناك من لا تستطيع فعل كل هذا و تحس بالفرق بين المدينة و الريف

أنا شخصيا كنت أذهب إلى الريف في صغري و أشاهد نساء العائلة يقمن في الصباح الباكر يحلبن الماعز و ينظفن الحظائر

والرجال في الحقل للحرث أو الزرع أو للحصاد .

و كم كنا نطير فرحا وكأن كل ما قرأناه في الكتب يتحقق أمامنا .

لكن لم أتحمل كل هذا الجمال (رغم صغري ) إلا أسبوعا أوأقل .

أقصد من كل هذا أن تتأكدي مما تريدين.

و إذا تأكدتي فلا تهتمي مادامت أمك راضية

فالأهم رضا الوالدين .

[naamane3]

قال رسول الله صلى الله عليه وسلم
" إذا جاءكم من ترضون دينه وخلقه
فزوجوه إلا تفعلوه تكن فتنة في الأرض
وفساد كبير " رواه الترمذي وغيره.
اذا اهانو خطيبك مرة اخرى
اسأليهم عن اخلاقه ودينه فاذا اقروهما
اصفعيهم بهاذا الحديث

[وصال سلام]

اختي انا اعاني من نفس مشكلتك امي تقول لكل خاطب ياتيني انو اقل منك في المستوى الدراسي ومش راح تتفاهمو وووو

مثل مقولة اخوتكي الاثنين

ربي يجيبلك الخير وينور طريقك ياارب

[attia dalila]

لن اعلق عن الزوج ومستواه بقدر ما الومك على احساسك اتجاه اخوتك...............هاذو خاوتك ما حملتيلهمش نصيحة ووجهة نظر وغدا ماذا ستفعلين في الارياف مع الزوج والعائلة والمجتمع وعمر الاخ مايحب الاختو الدونية ومادامك قادرة على شقاك واخترت الرجل الذي ترينه مناسب لك ومقتنعة بكل ما يتبعه لا هروبا من البيت لاننا مازال ما شفناش واحدة لقات الخير في دار الزوج اكثر من دار والديها واذا اوصلت هذا الشعور والاحساس للزوج وما تفاخرتيش باخوتك ودرتيهم في كتافك مع وضعية طلاق الوالدين ................صدقيني رايحة تلقاي حقرة اكثر

[* الحلم سكر *]

هاذي ما حقرة ما والو هاذي وجهة نظر هوما شايفين التوافق شيئ اساسي و مقتنعين بيه و انتي ركزتي على الاخلاق و اتخذتي قرار
ربي يوفقك اختي و نتمنى تنجحي في حياتك كاملة استعيني بالله و ربي يوفقك

[staifia]

السلام عليكم اخي اتمنى بعد تقديم لك الدليل تحذف مداخلة اخت سطايفية ومداخلتك ومداخلتي الدليل موجود


http://www.djelfa.info/vb/showthread.php?t=1671807







انظر ما قال مراد ...........بزااااااااااااااااااف

--------------------------


بيناتنا خاوتي امريكا فيها معيشة 444444444444444444444444

تدخل فلبيت تلقى فطور عدس ما تلقى عدس لوبيا مش كيما امريكان


http://im64.gulfup.com/offjzw.gif


مداخلتي لن تحذف ويبقى الرجل الخلوق والصالح والمتربي احسن من واحد قاري وهو جاهل في اخلاقو وتربيتو و عقلو فارغ

[رَكان]

السلام عليكم اخي اتمنى بعد تقديم لك الدليل تحذف مداخلة اخت سطايفية ومداخلتك ومداخلتي الدليل موجود
http://www.djelfa.info/vb/showthread.php?t=1671807
انظر ما قال مراد ...........بزااااااااااااااااااف
--------------------------
بيناتنا خاوتي امريكا فيها معيشة 444444444444444444444444
تدخل فلبيت تلقى فطور عدس ما تلقى عدس لوبيا مش كيما امريكان
http://im64.gulfup.com/offjzw.gif

السلام عليكم ..
أيمن صراحة لم أفهم ما تقصده ..
لماذا أحذف ردي وردك ورد الأخت ساطيفية ؟؟
مالضرورة من وراء ذلك؟؟؟
ثم ما ذكرته عن قول أحدهم أيضا لم افهم العلاقة بما نتحدث عنه ...
هلا وضحت أكثر ربي يجازيك ..