هل نبلوكي العام تاعي على خاطر العقود هادي؟؟

[lamia_23]

السلام عليكم
بلييز اعطوني رايكم على الاقل راي واحد خير من زوز
انا كي سمعت بلي يوقفو في لي كونترا تع لي يقراو
حبيت اني نوقف الدراسة
مع العلم اني منيش ندي في لابوغس
باسكو قالو راهم يديرو في تحقيقات صارمة على الناس لي يقروا
وانا بكل صراحة نحتاجها الكونترا هادي
وش رايكم نرود غدوة نبلوكي العام ولا نخلي الساع؟؟؟؟؟
خاطر كاين لي يوقفوهالهم مفاجأة

[ASKme]

اذا متديش لابورس حتى واحد سامع بيك ابقاي في عقود الادماج

[lamia_23]

هيه اخي منيش ندي في لابوغس
مبصح قالو راهم يديرو في تحقيق ويحبسو فيهم طول
وانا خقت كشما يسمعوا ولا حاجة والله مفهمت والو

[عاشقة السكـون]

ههههه يديرو في تحقيقات. والله غير راني حابة نبكي. على زوج دورو كل شهرين يندفعوا. قاعدين يديروا في تحقيقات . خلاو لي داو الشكاير وراهم يسرقو عيني عينك. بلا تحقيق وجاييبن لينا. ‘ خلاو مدراء المؤسسات والمسايد لي راهم يستغلو في مناصبهم الشهرية من جيهة والرابال ولابريم. وزيد دراهم الرشاوي ن وجايين لينا‘
مالقيتش واش من دعوة تليق بيهم..
عموما انصحك مادام مازال مابان والو ماتستعجليش‘ الرزق بيد ربي سبحانه

[houda128]

انا الحمد لله عندي 11 vurg ولا يوجد لكلمة paie عندي
فقط حوالات بريدية حوالي 1.5 مليون سنتيم
اعتقد ان paie هو المبلغ المالي الرسمي الصادر عن المؤسسات الرسمية
اما vurg هو المال الذي وصعته انا في حسابي عن طريق حوالة بريدية

[ASKme]

هيه اخي منيش ندي في لابوغس
مبصح قالو راهم يديرو في تحقيق ويحبسو فيهم طول
وانا خقت كشما يسمعوا ولا حاجة والله مفهمت والو
لاداعي للخوف اذن

[kameld1982]

دراهمكم حرام ..تخلصوا بدون عمل...خيري يا العمل يا الدراسة

[أحمد زابانة]

العمل أو الدراسة .... اختاري

[عاشقة السكـون]

للاخ لي راهو يقول دراهمك حرام ‘ تذكر الآية لي راهي مكتوبه فوق التعليق‘‘
تقدر تقيس واحد او تظلمه لانك لاتعرف ضروفه.
انا مثلا عشرين كونكور جوزته وكل مرة المناصب تروح لفلان وفلانه. اخدمت ف لاكاديمي ثم في اكمالية. بعقد لانام من 7,45الى 12,15 /و من 12.45 الى 17,15 مدة عامين بهاد التوقيت المدير وشلته ماتلقاهمش كيما تلقانا احنا ‘ وكي جازو خمس سنين وماكاين لاادماج لا والو فرضت رايي بنص نهار وبديت دراسة ماستر. راني مقسمه بين العمل والدراسة. .
وماتقوليش لوكان شديتي الدار ‘ خاطرش واحد ما يحب انه يتمرمد على زوج دورو‘

[أحمد زابانة]

اختي الكريمة للأسف القانون دائما فوق الضعيف . لذلك لا تستغربي ان كان القانون يطبق علينا بصرامة بينما يقف مكتوفا أمام الواصلين كيما يقولو .
للأسف .
- القانون يقول بلي اذا كان يدخل في حسابك البريدي منحة غير منحة عقود ما قبل التشغيل فانه سيتم فسخ العقد تلقائيا و عدم التجديد

[lamia_23]

دراهمكم حرام ..تخلصوا بدون عمل...خيري يا العمل يا الدراسة

يا احي الكريم اتقي اللله في نفسك
علاه دراهمي حرام؟؟؟ الرداهم الباهيةّ؟؟
على زوز دورو كي وصلت ليا ولات حرام
وزيد منيش نخلص في لابوغس عندي غير الكونترا هادي وزيد نروح نخدم في وقت الفراغ
هاذي حرام؟؟
مجرد سؤال نوغمالمو تجاوب بأحترام اخي الكريم
وشكرا

[lamia_23]

اختي الكريمة للأسف القانون دائما فوق الضعيف . لذلك لا تستغربي ان كان القانون يطبق علينا بصرامة بينما يقف مكتوفا أمام الواصلين كيما يقولو .
للأسف .
- القانون يقول بلي اذا كان يدخل في حسابك البريدي منحة غير منحة عقود ما قبل التشغيل فانه سيتم فسخ العقد تلقائيا و عدم التجديد

وي اخي عندك الف حق
ادا وين فهمت والحمد لله عندي غير الكونترا هادي
تسمى ماعندي علاه نخاف نكمل العام تاعي وخلاه
بارك الله فيك اخي

[lamia_23]

للاخ لي راهو يقول دراهمك حرام ‘ تذكر الآية لي راهي مكتوبه فوق التعليق‘‘
تقدر تقيس واحد او تظلمه لانك لاتعرف ضروفه.
انا مثلا عشرين كونكور جوزته وكل مرة المناصب تروح لفلان وفلانه. اخدمت ف لاكاديمي ثم في اكمالية. بعقد لانام من 7,45الى 12,15 /و من 12.45 الى 17,15 مدة عامين بهاد التوقيت المدير وشلته ماتلقاهمش كيما تلقانا احنا ‘ وكي جازو خمس سنين وماكاين لاادماج لا والو فرضت رايي بنص نهار وبديت دراسة ماستر. راني مقسمه بين العمل والدراسة. .
وماتقوليش لوكان شديتي الدار ‘ خاطرش واحد ما يحب انه يتمرمد على زوج دورو‘

ونعم الكلام اختي
ربي يبارك فيك هاذا جواب مليح لعباد كيما هك
ربي يفرج عليك وعلينا

[فاهم روحو2]

دراهمكم حرام ..تخلصوا بدون عمل...خيري يا العمل يا الدراسة




يا اخي اتقي الله لست انت من تحرم و تحلل ........ هاذي راها سماها منحة الدولة معتبرتها منحة حتى يتوظف الشاب و الدليل الشاب نتاع العقود محروم من الامتيازات التي يتمتع بها الموظف