الملابس السوداء ؟؟؟؟؟؟؟؟؟

[ام خليل §]

شكون عندها طريقة لغسلها لانو بعدما نغسلها و تنشف نلقى خطوط بيضاء و نعاود نشللها شحال من مرة و يبقى نفس المشكل
مع اني راني نغسلها بــ ازيس نتاع الاواني

ارجو المساعدة

[mokatil]

الغسيل باليد أم بالآلة ؟

[ام خليل §]

كل خطرة و كيفاه و ضرك راني نغسلهم بيدي و والو

[ام الخير 05]

اختي انا نغسلهم في المشينة بالصابون العادي ولكن التشلال نشللهم بيديا مليح مليح ويخرجو ملاح لكن طبعا على حسب نوع القماش اذا كان حريري مثلا او للعبايات اضن ان الشمبوان الخاص بالشعر افضل من ازيس والله اعلم

[ام نور78]

أختي أنا نغسل في machine a laver
ب اريال وكي تكون ملابس سوداءمانكثرش الاوموونشلل مليح مليح

[*وردة الشرق*]

اختي الحبيبة جربي المنتج هدا رايحة تلقاي راحتك بلاما تكتري التشلال راني نستعمل فيه مند 3 سنوات مكش رايحة تندمي راهو يدي 75000


[http://www.up.djelfa.info/uploads/142445909325351.jpg


:dj_17:

[كروان الصحراء]

اختي
احسن حاجة اننا نغسلو الملابس السوداء بالصابون السائل وضرك كل مركا راهي دارت صابونها السائل الموجود في قارورات وهي خاصة بالمشينة وممكن تستعمليها حت في اليد
ولكن دايما ماتكتريش واذا كتري الصابون السائل شللي مليح

[farah hiba]

اغسليها بالماء البارد وشمبوان هذاك المش غالي

[أم شروفة]

اغسليهم بشمبوا نتاع الشعر.مش ضروري الغالي أرخص نوعية وشلي مرة واحدة

[ام خليل §]

شكرا جزيلاااااااااااااااااااااااااا

[radmoh2006]

كي تبغي la machine تشلل زيدي شوي خل ابيض للما ء تع تشلال متخافيش كي تنشريهم غادي تروح ريحة تع الخل و هكدا يخرج القش مشلل مليح وتحافضي على المشينة تاعك

[sirine3000]

اضيفي الخل في ماء التشلال لان فيه الكلكا ريشهب الحوايج