إبنتي تعاني أفيدوني

[علي بن محمد]

بسم الله والصلاة والسلام على أشرف المرسلين أما فهذه قصتي مع ثمرة فؤادي التي لم تتعدى السنتين مع المشي والرجلين مقوستين إلى الداخل وهذا بسبب جلوسها والرجلين منطويتين إلى الوراء ولعلمكم كنت زرت عدة إختصاصيين وأخبروني أنه شيء طبيعي ونصحوني بعدم تركها تجلس على رجليه بل تعويدها جلسة القرفصاء ولكن مع مرور الأيام ألاحظ أن رجليها تتقوصان أكثر أفيدوني رحمكم الله في ثمرة فؤادي

[/زهرة عصفور الجنة/]

اختي خذيها لمختص في جراحة العظام

[attia dalila]

لا اظن ان الامر محيير لان جميع الاطفال في سنها تظهر ارجلهم مقوسة لا بسبب وضعية الجلوس ولكن بسبب الحفاظات لكن لتقطع الشك باليقين اطلب الاستشارة من طبيب الاطفال وان كان الامر الله لا يبلي هو من يوجهك لطبيب عظام الاطفال

[بوسماحة 31]

معظم حالات تقوس الساقين عند الأطفال هي حالات طبيعية وتتحسن لوحدها بعد مرور 03 سنوات وقد يستغرق التقويم الذاتي عدة سنوات
و يجب استشارة طبيب الأطفال عن تقوس الرجلين أو الساقين في احدى الحالات :
عند وجود انحناء شديد وواضح في الساقين
عند وجود انحناء شديد وواضح في احدى الساقين
ازدياد تقوس وانحناء الساقين بعد 03 سنوات
استمرار ملامسة الركبتين لبعضهما من الداخل لما بعد 11 سنة
قصر قامة الطفل أو عدم نمو طول الطفل مع وجود تقوس في الساقين

وانصحك باستشارة طبيب الأطفال للاطمئنان على صحة ابنتك .

[مسك القعدة]

أخي ما تتقلقش إستشيرطبيب مختص في جراحة العظام هو يفيدك
وأغلب الظن رايح ينصحك بحصص التأهيل الحركي réducation
مايكون غير الخير إن شاء الله

[ام نهوله]

ما تقلقيش روحك اختي اديها عند مختص وهو اكيد ينصحك بمصحات للتقويم يديرولها كيللي بلاتغ صابو وشويه شويه يرجعو
و الله ما مشكل يقلق لكن اديها عند مختص باش يسرع في تقويم الارجل

[أم همام 2015]

أسأل الله رب العرش العظيم أن يشفي إبنتك عاجلا غير آجل

[oprah]

ya rabi chafiha

[سرور2]

السلام عليم

اختي اديها لمختص وهي صغيرة ( كيما قالو الاخوات ) باش تتعالج انا ابني نترولو ذراعو ولاني علجتو على الجدية مع العلم انو الي شافو قالي ميبراش والحمد لله مع انو الان ناقص فيه شوي بصح يحركو ورجع للامام مش كيما زاد كان لاصق في ضهرو متديش على لعرب راها غير تفتي انت قومي ببنتك ووكلي ربي ومتفرطيش فيها كيحالي وخليتو بلا عملية

ربي يجيب الشفا ان شاء الله

[أم شروفة]

ربي يشفيها

[kikimnarim2]

لازم يشوفها طبيب مختص في جراحة العظام عند الاطفال في الجزائر ما نعرفش بصح في قسنطينة كاين الطبيبة بن حبيلس ممكن تنصحك بكرسي خاص او باحذية خاصة لعلاج المشكل و احتمال كبير ما كاين والو لا خاطر قد ما تكبر قد ما تتحسن لكن مهما كان لازم يشوفها طبيب خاص وحتى انت تطمني وتنساي المشكل وربي يجيب لي فيه الخير

[ام ياسمين10]

ربى يشافيها

[sabrina el-chark]

هادي مش حاجة عادية لكنها تصرا للاطفال كانت وحدة نعرفها بنتها هك دارولها بلاتر في رجليها و درك راهي تجري نورمال و رجليها عادي
لكن لازم تدوها للمختص

[ayaranim]

ربي يشفيها انشاء الله

[عطر الياسمين الاصلي]

السلام عليكم انا شفت حالات كما هده وحدة بنت خالتي ووحدة بنت عمي لما كانو في عمر بنتك ربي يحفظها والان راهم كبار وما شاء الله عليهممابيهم والو يعني رجليهم تسقمو وحدهم يعني كي شافهم الطبيب قالهم ما تقلقوش ريحين يتسقمو وحدهم وفعلا اتمنى الشفاء لابنتك

[loji]

اختي رايت حالة كيما بنتك عند لمعالج الفيزيائي kini عندما كنت اخذ صغيرتي اليه

[ام مريم الجزائرية]

هدا امر عادي وماشي من الجلسة بنتي كانت تجلسها حتى كبرت وماصرالها والو وبنتي الثانية ماتجلسهاش ورجليها ولاو o مديتها لا للطبيب لاوالو وحدها رجعت عادية صح تقلقت في الاول ماكانت تمشي مليح وماتجريش لانها طيح بلخف وو والان الحمد لله راهي عادية جداا الى راك مقلقة اديها للطبيب يشوفها وربي يشافيها

[chouchou w]

kheti ida hatitiha fal machaya bakri momken manha ka3ad alahna fi franca mayhaboch thati lolad fal machaya igolo t9awas arajlin rabi ikon m3ak wicha fiha