ماهي الاطعمة الممنوعة على المرضع [الأرشيف] - منتديات الجلفة لكل الجزائريين و العرب

مشاهدة النسخة كاملة : ماهي الاطعمة الممنوعة على المرضع

zineb_saib

2015-02-18, 19:46

السلام عليكم ورحمة الله وبركاته
اخواتي الفضليات اود ان اسأل عن الاطعمة الممنوعة على المرضع وخاصة اللي تسبب الغازات للرضيع لاني قريب نولد ان شاء الله
وهل صحيح ان الغازات خلال الحمل تضر بالجنين وكي يزيد يوجعوه؟؟
متبخلوش عليا بالردود من فضلكن وجزاكن الله خيرا

ام نهوله

2015-02-18, 20:34

انصحك بالابتعاد عن المشروبات الغازيه لانه فعلا تضر الجنين عندما يولد يعني تكون عندو غازات في كرشو و يوجعوه بزاف و اكيد ما يخليكش ترقدي
اما بعد الولاده ابنعدي دائما على المشروبات الغازيه و الاكلات اللي فيها توابل حاره و الادويه حذاري الا باستشاره طبيب الحمضيات كالليمون وحتى البرتقال اذا كانت حامضه و حتى العصائر التي تباع من الافضل صنعها في البيت هذا ما افتكرت و ان تذكرت ساخبرك
ربي يسلكك على خير

zineb_saib

2015-02-18, 22:46

ربي يحفظك اختي افدتيني بزاااف على الاقل نتجنبهم من الان

ام يوسف 2737

2015-02-18, 22:57

قبل الولادة تجنبي المشروبات الغازية
بعد الولادة تجنبي الخضر الخضراء مثا الفلفل الخيار الفاصولياء الخضراء الخس وكذالك الحمضيات

momrazika

2015-02-19, 14:47

ربي يسلكك اختي بخير تقريبا نفس الاراء لانو عندما تتناولي الحار والمشروبات الغازية وابنك لما يخلق يكون مريض بمصارنو هده تجربة شخصية وفي الاغلب يكون الرضيع يعاني من الامساك حصلتلي مع ابني الاول وتشنشفت معاه لكن الحمد لله الي جاو وراه ماكليت والو من الممنوعات طوال الحمل وخرجو صحيحين الحمد لله
وكما قالتلك الاخت بعدما تولدي بادن الله طوال فترة الارضاع ابتعدي عن
الفلفل الحار-المشروبات الغازية - الخيار -العنب -البطيخ-الاجاص-لانهم يديرو للرضيع جداتو وراهي واعرة بزاف على الاولاد
نتمنى تولدي بخير ويحفظلك ربي وليدك

zineb_saib

2015-02-19, 18:19

نشكركم زاااااااااف بزاااف على المعلومات بصح راني كليت الحرور بزاف في الاشهر الاولى وحبستو الآن هل يأثر على البيبي؟؟؟؟؟

ام اماسي

2015-02-19, 19:13

موضووع رائع

hadil55

2015-02-19, 22:01

لا تتناولي الادوية الا باستشارة الطبيب اوالصيدلي لان بعضها ينقص الحليب مثل الاسبيجيك

zineb_saib

2015-02-20, 14:10

شكرا أختي هديل ربي يحفظك

ام نهوله

2015-02-20, 21:47

الاشياء اللي تاكليها في 3 اشهر الاولى يعني في فتره الوحم ما تخافيهاش تقدري تاكلي حتى التراب ههههههههههههه
لكن حذاري الادويه دون استشاره طبيب

zineb_saib

2015-02-20, 22:20

ريحتيني اختي ام نهولة الله يريحك
بارك الله فيكِ

oprah

2015-02-20, 22:59

zineb_saib

2015-02-21, 07:11

lobia al bayda
malgri dir el hlib bzf mais bébé ysofri menha psq dir les gaz 3an tajroba
li dirlek ntia les gaz tajanabiha ki tkoni trad3i psq direct tdir lel bébé les gaz
ana hata choufleur kane ydoro f achehor lwala psq tkone ma3da ta3o hasasa bzf
w achrilo sirop naturelle ismo stop colic! Ana nfa3 bezaf wlidi w kaaaaaaamel doya lokhrine nta3 les gaz madarolo walo teselki bkhir w aprofiti arogdiiiiiiiiiiiiiiiiiii mlih psq ki yji l bébé techtaki noum lol

شكراااااااااااا بزااااااااااااااااااااف بزاااااااااااااف اختي الغالية على المعلومات خاصة السيرو الله ماني حابة بنتي تسوفري من لي غاز
وبالنسبة للرقاد عندك الحق كامل قالوهالي ههههههههه واش راهو جايني ربي يستر
بصح المهم نسلك انا وبنتي على خير :19: :19: