هل انا على صواب

[مشكلتي]

السلام عليكم هذه الدنيا لا تخلو من المشاكل انا متزوجة منذ ثلاثة سنوات واسكن مع اهله سوف احكي باختصار لاني مللت الكلام فقط اريد استشارة اعاني من مضايقات من اهله وصبرت لان والدي طلبا مني ذلك لكني تضررت كثيرا واريد سكنا مستقلا لكن زوجي رفض الفكرة لم اطلب منه ان يبتعد عن اهله فقط ان يبني لي غرفتين فوق مسكنهم كيف اقنعه بذلك علما اني مللت جدا :sdf::sdf:

[اياد حياتي]

اصبري هذا ما نقولك

[رحمةز]

الصصصصصصصصصصصصصصصصصصصصصصصصصصصصصصصصبر

[عائشة 88]

السلام عليكم اختي ماعليك الا بالصبر هو مفتاح الفرج

[milissa21]

الصبر ثم الصبر

[samirovich]

اذا كان قادر يسكنها وحدها
علاه تصبر؟؟؟؟
هي تزوجت ولا دخلت حبس حتى تصبر؟؟؟

[milissa21]

الصبر مفتاح الفرج ولو كان جا قادر يكريلها لو كان دارها الراجل تزوج باش يتهنى و يعيش مع والديه و هي ممكن تتفادى المشاكل بشوية ذكاء 3 سنين كاين اللي عاشو 15 سنة في مشاكل مع اهل الزوج وفرج عليهم ربي علابالي ماشي ساهلة و لكن الزوجة لازم تقدر ظروف الزوج و حنا ماعلاباناش اذا قادر يكري و لا لا و الدين نصيحة هادي وجهة نظري

[attia dalila]

اختي الكريمة عليك بالتغيير من نفسك في التعامل مع المشاكل وتفاديها فمثلا ان سمعت كلمة جارحة حاولي تجاهلها والرد بمزحة وضعيه في الصورة كأن مثلا عند اجتماع العائلة بمزحة تذكري كلمة قيلت اونقاش حتى تتفشي صدقني اذاكان الزوج غير مقتنع أو ظروفه لا تسمح لن تستفيدي شضيئا سوى تعكير صفو حياتك بالزن يوميا عليه والشكوى وستجدين ان احلى ايامك مرت دون ان تستغليها وتكرهي الزوج في الزواج ربي معاك

[ghecham mohamed]

من المفروض و لو رجعنا للواقع أن الرجل قبل أن يتزوج يجب أن يوفر السكن أي يكون مستقل و ذلك لتفادي المشاكل و الخصومات بين الزوجة و اهل الزوج و تبقى العلاقات ودية مهما طال الزمن و اظن أن طلبك بالسكن المستقل من حقك أختي الكريمة فهذه هي متطلبات الحياة

[النجمة القطبية]

من حقك يا اختى ان تطلبي سكن مستقل اذا كنتى متضررة
فنحن لا نعلم ما هي ظروفك ولا ظروف زوجك انتى ادرى بها وبينك وبين مولاك قلت لك هو حق لك لكن بشرط ان تتقي الله في زوجك
بمعنى ان كنتى حقا متضررة فاطلبي حقوقك بذكاء وبالحسنى واحدة واحدة حسب مقدرة زوجك ولا تطلبي المستحيل مع وعد منك انكى لن تتغيري من ناحية لهل زوجك خاصة انهم مجرد غرفتين فوق البيت يعني بيت واحد
يعني بدلا من ان تقولي له اريد بيتا لان اهلك فعلو كذا وكذا وتذكري عيوب اهله فيغضب منك قولي له بالعكس اريد الاستقلالية حتى يبقى الاحترام بيننا ويكون استقرار في بيتنا ولاولادنا ونحصل على بعض الخصوصية وفي نفس الوقت احافظ على علاقتي مع الاهل وننزل ليهم كل يوم ونعاونهم ووو فهمتى
بعمنى هكذا يكون الجميع مستفيد انتى تتحصلي على بعض الراحة النفسية وتحافظي على صحتك وتكون عندك خصوصية مع زوجك بالمقابل تبري اهله
الاهم يا اختى شوفي هل فعلا زوجك قادر حاليا ماديا على البناء ولماذا هو يرفض هل لانه لا يملك المال او من حيث المبدا
ابحثي عن الاسباب وعالجيها وكوني رزينة
وفي الاخير نقولك الجئي الى الله سبحانه وتعالى وبفضل الدعاء والصلاة سوف يرتاح بالك ويتوسع خاطرك وتولى قادرة على الصبر والمواجهة
وندعيلك ربي يطيب العشرة بينك وبين زوجك واهله ويرزقكم من حيث لا تحتسبون
موفقة

[اياد حياتي]

والله يا اختي ديري كيما قالولك الاخوة لانو مشكلتك تقريبا كي حالتي انا قالي واش يقولو الناس وهي باب واحد ندخلو منو اصبري ورجعي لله هدا العلاج الوحيد ا

[زبدة ذايبة]

ماتخربيش دارك بيدك على جال حاجة تافهة

الحياة هذي علمتلنا حاجات بزاف ماكالاه تحطي العقدة في المنشار

روحي مع مشكلاتك بهدوء وماتتسرعيش.

في بعض الأحيان الرجل يكون عندو ظروف ممكن تكون شخصية عائلية أكثر منها مادية ومهما طال الزمن راح تديري دارك وحدك إذا حافظت على زوجك وبيتك.

كاين وحدة نعرفها مليح. عندها شهادة الدكتوراه وعائلة زوجها الألف ماتعرفوش إلا من رحم الله .

يماه جاهلة هذاك مافيها. ناس فقراء لأبعد حد ...إلخ

كي نقولك العجوزة جااااااااااااااااااااااااااااااااااااااهلة ماتقدريش تتصوري والمشاكل معا يماه من التحت للتحت يعني ماكاش مواجهات دامية بيناتهم.

اقترح الزوج على زوجتو أنه يبنيلها فوق دار باباه ودير كوزينتها وحدها .

رفضت الدكتورة وقالت أبدا مانقبل بهذا لو كان يشيع الخبر ويعرفو بلي درت دار فوق دار باباك يقولو هذي ماشي بنت فاميليا كيفاش دير كوزينتها على العجوزة وبنتها. هذي أمرأة ماتسواش.

أنا مانخليش العيب في أهلي إذا راك قادر ديرلي دار بعيد عليهم واش معناتو نطلع الفوق نسكن.

هاكاك انت كي تطلعي الفوق تسكني ماراحينش يخليوك إذا كان عندك مشكل في السمانة كي تطلعي الفوق راح يولي كل يوم لأنهم ماراحينش يرحموك أبدا وممكن حتى يجيبوك خارج حياة الزوج.

ننصحك شدي في راجلك وطيعيه واهتمي بيه. وديري كلام العجوزة (دخلت منا خرجت منا ) وماتخليهاش تستفزك إطلاقا كلما تقلقت كلما زاد الضغط عليك وكلما وليتي ماتقدريش تفرقي بين المشكلات التافهة والمشكلات الحقيقية.

ديري رضا رب العالمين أكبر همك من رضا لعجوزة وبناتها

[hodahodahoda]

الامر صعب
لكن حلك الوحيد و الناجح 100/100 هو الصبر
سيقتنع زوجك لوحده بضرورة السكن منفرد
عدم صبرك سيفسد الامور
هم اهله عليك بالصبر الصبر
لا تكلميه ثانية عن الموضوع

[farah hiba]

اذا باستطاعته ماديا هذاك حقك اختي و لازم طالبي بيه

[زايدي أمحمد]

مكانش لي عطاك اجابو مقنعة مع احترامي لهم

نقولك اختي اول حاجة ديريها هو تقرب من الله عزوجل وتدعي ماتتمنايه
ثانيا عليك تحدث مع زوجك بطريقة ودية لا تتذمري من اسرته ابدا مهما كان الاحوال

[staifia]

اصبري ياختيوزيدي اقنعي راجلك يديرلك دارك وحدك
وخليه يشوف الظلم تاع اهله
ربي معاك

[naamane3]

اذكار الصباح والمساء
وكثرة الاستغفار

[sami-2013]

ادا علابالو معاملت اهلو معاك لازم يتكلم معاهم ويقفو دا الشي وادا ما علابالوش قوليلو وبرهنيلو وقوليلو لازم نخرج من مانيش متحملة

[merimeri]

شوفي اختي كنت اعاني نفس مشكلتك , كنت كل يوم نقولو حابة نسكن وحدي نزعف نعيط نضارب و ماكان حتى نتيجة المهم بدلت العقلية انتي امرأة لازم تتعلمي طرق اربحي راجلك في صفك كيما نقولو قزبيلو جيبيهالو بلملاحة قوليلو نحب نكون وحدي باش ,,,,, كذا و كذا راكي تعرفي ما تسكتيلوش بصح بلا تقلاق و اعرفي كيفاش اجيبيهالو انا هاكا درت و دار الموحال و كرالي و تهنيت و الحمد لله

[أم تيم الله]

من حقك يا اختى ان تطلبي سكن مستقل اذا كنتى متضررة
فنحن لا نعلم ما هي ظروفك ولا ظروف زوجك انتى ادرى بها وبينك وبين مولاك قلت لك هو حق لك لكن بشرط ان تتقي الله في زوجك
بمعنى ان كنتى حقا متضررة فاطلبي حقوقك بذكاء وبالحسنى واحدة واحدة حسب مقدرة زوجك ولا تطلبي المستحيل مع وعد منك انكى لن تتغيري من ناحية لهل زوجك خاصة انهم مجرد غرفتين فوق البيت يعني بيت واحد
يعني بدلا من ان تقولي له اريد بيتا لان اهلك فعلو كذا وكذا وتذكري عيوب اهله فيغضب منك قولي له بالعكس اريد الاستقلالية حتى يبقى الاحترام بيننا ويكون استقرار في بيتنا ولاولادنا ونحصل على بعض الخصوصية وفي نفس الوقت احافظ على علاقتي مع الاهل وننزل ليهم كل يوم ونعاونهم ووو فهمتى
بعمنى هكذا يكون الجميع مستفيد انتى تتحصلي على بعض الراحة النفسية وتحافظي على صحتك وتكون عندك خصوصية مع زوجك بالمقابل تبري اهله
الاهم يا اختى شوفي هل فعلا زوجك قادر حاليا ماديا على البناء ولماذا هو يرفض هل لانه لا يملك المال او من حيث المبدا
ابحثي عن الاسباب وعالجيها وكوني رزينة
وفي الاخير نقولك الجئي الى الله سبحانه وتعالى وبفضل الدعاء والصلاة سوف يرتاح بالك ويتوسع خاطرك وتولى قادرة على الصبر والمواجهة
وندعيلك ربي يطيب العشرة بينك وبين زوجك واهله ويرزقكم من حيث لا تحتسبون
موفقة

الاخت كفت و وفت ربي يكون معاك

[الاءنهال]

اختي الى كان هو مقتنع شئ سهل لكن المشكلة فيه على ذاك اصبري برك وماهومش تامينلك كونك هانية