فتح مقهى أنترنت هل هي تجارة مربحة أم لاداعي لها ؟

[omar-fadel]

عندي 20 مليون حاب نحال مقهى انترنت لكن متخوف وهاداك ما عندي يعني غير 20 مليون
لي راهم مجربينها وفاتحين مقهى نت هل هي تجارة مربحة أو لا تنصحوني بها أرجو الصراحة وربي يرزقكم ويرزقنا كل حلال

[omar-fadel]

أرجو الإرشااد بارك الله فيكم

[berrag]

خو انا منيش مجربها بحص نقولك
دوركا اغلب الناس عندم الإنترنات في الدار
عندو الوفي نتاع جارهم
وإذا مكانش في دار كاين 3ج و 4ج
ونت دبر راسك

[omar-fadel]

خو انا منيش مجربها بحص نقولك
دوركا اغلب الناس عندم الإنترنات في الدار
عندو الوفي نتاع جارهم
وإذا مكانش في دار كاين 3ج و 4ج
ونت دبر راسك

نعم معك حق أخي

[امير03]

خويا omar-fadel 20 مليون واش راح تعمل برك في مقهى انترنات اللهم انك راح تعمل مقهى صغير
و المقهى عموما تعتمد على المكان المتواجد فيه الحركة من مكاتب و اداراة و ما شابه
نعم كما تكلمو الاخوة انه مع وجود 3ج و 4ج نقست شويه الخدمة و لكن الحمد لله مزال ماشي الحال

و بالتوفيق ان شاء الله .

[ghecham mohamed]

مقهى الانترنت فيها خدمة من كل الجوانب سواءا التصفح او استخراج البحوث ونسخ الاقراص و تحميل الميديا و غيرها
لكن 20 مليون ما هيش حاجة يعني ما تفتحلكش سيبار اتكلم من 50 مليون فما فوق
وفقك الله أخي

[djaweb]

السلام عليكم اخي
انا عندي مقهى انترنيت صغير انعم خويا 20 مليون ديرلك مقهى صغير بشرط المحل يكون تاعك وعندك الانترنيت
تكفيك باه تشري 5 كمبيوتر و سيرفر كمبيوتر التحكم مع الطوابل ومع الكراسي
انت مع الوقت طورها دير العاب ، موسيقى ، افلام ، مسلسلات ، بحوث ، سيديات
انت تعرف واش راح يمشي عندك
صح كيما قالولك الاخوة في الردود لي قبل كاين 3ج و 4ج بصح ماتنساش كاين لي عندو في االدار الانترنيت ويحبو يروحو لتاع الدراهم
كاين ناس ياسر مساكين اذا عندو ميكرو ماعندوش انترنيت واذا ما عندو ما ميكرو ما انترنيت يروح لتاع الدراهم
المهم ربي يسهلك
بالتوفيق اخي

[مصطفاوي واعمر]

مشروع مليح و مربح

[khaled47011]

مشروع فاشل اغلب الشباب يضيعون اوقاتهم في اللعب ومشاهدة الافلام وتضييع اوقات الصلوات فلاتكن سببا في ضياعهم والله اعلم

[mohamed405]

salam alikom atwakal ala allah moi jai fait un cyber cafae a 205 si bient mais il faut savoire comment criee des chose dans le cyber par exemple : le dossier de vosa la retraite de france .....je suis la pour tu aide contacte moi

[3ahmed3]

دير مقهى عادي بدون النت... راح تربح بالخف...

[Izake]

الرزق الدي تجنيه من مقهى النت مشبوه فلا نعرف إدا كان حلال أم حرام، لأنك لا تستطيع أن تسيطر على الزبون أو تعرف ما يشاهده من مشاهد مخلة بالحياء و دردشات مشبوهة...إخ ...نصيحتي إبحت عن رزق حلآآل

[oushrinada]

خويا نعطيك نصيحة اخطيك من السيبار لانه اصبح الآن الكل عندو الانترنت في دارو و كل عام سيزيد عدد الناس التي ستدخل الانترنت لمنازلها اذن سيقل عدد الاشخاص الي يجيوك للسيبار
ربي يكون في عونك

[ماريـام]

و الله اعلم مشروع فاشل و تعبو بزاف و ناس تعرف واش دير بالميكرو تدي غير الذنوب

لو قلتلي محل للالعاب ممكن المهووسين يجيو يلعبو في مجموعات لكن رغم ذلك 20 مليون متكفيش للحواسب الكبيرة للعب

[sofiane001]

مشروع فاشل اغلب الشباب يضيعون اوقاتهم في اللعب ومشاهدة الافلام وتضييع اوقات الصلوات فلاتكن سببا في ضياعهم والله اعلم


صح عندك الحق، و نزيد ننصح خونا نقولو اخطيك منها و شوف حاجا اخرى خيرلك...فيها معاصي بزاف و مالها مشكوووك.