مشكلتي

[مشكلتي]

السلام عليكم يا اخوتي
عندي أمر محيرني بزاف . نتمنى تعاونوني برأيكم

قبل ما ندخل في الموضوع . أنا عندي شهادة تقني سامي تربية الطفولى الاولى , و حابة نفتح روضة أطفال اذا حاب ربي . و كاين صاحبتي اللي جات من فرنسا تبغي تفتح ثاني بصح ما عندها أي شهادة و لا باك . بصح عندا الامكانيات و القدرات المالية لفتح الروضة عكسي أنا ما عنديش بزاف الامكانيات . و كي شفتها هنا في الجزائر جات عطلة . و عرضت عليا نديرو شراكة مع بعض يعني 50 بلمئة ليا و 50 بلمئة ليها .
و يعني أنا نعطي شهادتي و خبرتي و هي تعطي المال . بصح طلبتني 50 مليون . باش نكونو بالعدل علا خاطر هي تخلص اللوكال و الأثاث و كل اللوازم و تتعدى 500 مليون .
و أنا ما نقدرش و ما عنديش المبلغ لحد اليوم .و تكلت معاها و شرحت لها و فهتها الامر بوضوح.
أسبوع برك هاتفتني صاحبتي و قالت لي سلفي يعني خو راجلها عندو 46 سنة و مطلق و عندو 2 دراري . و غني جدا من فرنسا و متدين يحب يتزوج . و قالت لي هكذا تربحي زوج و نفتحو الروضة . يعني زوجي يعطي دراهم و خوه يعطي و أنا مع انت نخدموها
علما أني صغيرة و عندي سنة فقط و رفضت كليا و خاصة كي جات مع البروجي نتاع الروضة حسيت صاحبتي تخمم برك على روحها و تحب تفتح الروضة بكل الوسائل و استخدام الزواج وسيلة لتسهي الأمور
صراحة لم يرحني موضوع الزواج و لكن بعد الرفض صارت صاحبتي تهاتفني أكثر و تحاول تقنعني باش نشوف خو راجلها و ندير رؤية شرعية
واش رايكم ؟

[منار الحرية]

هذا أمر غير مطمئن .. واضح أنه بزنس .
أنا رأيي أن تتجنبي ذالك . حاولي الحصول المبلغ المالي من عندك او بالاستلاف من احد ذا ثقة حتى لا تدعي لها فرصة الاصرار
ودعك ودعك من هذه المقايضة الخاسرة .. لا تتزوجي مقابل مجرد صفقة بغض النظر عن عمره وحالته الاجتماعية

[بنت فاميليا]

زمان وين كااااااااااااااانت علاش ما عرضاتهش عليك ...........ماكان لله دام واتصل وماكان لغير الله إنقطع وانفصل والعلاقات المبنية على المصالح تنتهي وتموت بإنقضاء المصلحة
خمي مليييييييييييييح

[خالة امير]

استخيري الله و هو يهديك

[milissa21]

اياكي و زواج المصلحة لن يدوم و زيدي ديري استخارة

[أناييس الربيع]

زواج المصلحة واضح

من أجل عمل ترضي روحك وضع كيما هذا

شوفي كشما حرفة في يديك واجمعي المبلغ من عرق جبينك

وحقي أمنيتك

[زايدي أمحمد]

أختي انا كي قريت قصة نتاعك والله ماحسيت حاجة فيها الخير الزواج من أجل فتح روضة لالا اختي لازم كي تخمي في الزواج تخممي في العفة والراحة والمستقبل الاولاد ومصير كم وفقط
لوان جات مني نقولك لالا ماتقبليش وربي يفتح عليك من جهة اخرى

[staifia]

تحوس ديرلك طريق ياختي
مدامك صغيرة اصبري يجيك خير منو

[eBusiness]

شوف يا بنت الأكابر الحل ساهل ماهل، هي تنوي أن تخصص 500 مليون سنتيم لمشاركتك في المشروع ويبدو أنه لديها المال الله يزيدها، أنت قولي لها حطي 450 مليون + 50 مليون تقرضها لك وبهذا المشروع يكتمل، يعني تسلفك 50 مليون أكتبوا العقد لدى موثق معتمد لكن وجب عليك أن تطلبي مدة أطول للقرض هذا أكيد دون فوائد (مثلا تسددين القرض خلال 5 سنوات أو أقل على حسب مقدورك وحذار تقبلين ببنود تثقل كاهنك، لا يكلف الله نفسا إلا وسعها)... وبهذا تكون هي ضمنت أنك مشاركة في المشروع لأنه صراحة طلبها أن تحطي أنت 50 مليون وهي 500 مليون طلب منطقي وهي تريد أن تضمن أنك ستكوني معنية بالمشروع حينما تحطين مالا من عندك لأنه صراحة 50 مليون ديالك لا تساوي شيئا أمام الـ 500 مليون ديالها لكنها محتاجة إليك ومجبرة على التعامل معك لأنه لديك ديبلوم لكن حذار من أن يقع الفاس في الراس لأنكي ستكوني المسؤولة القانونية... ثم أنصحكما أن تمرا عبر وكالة تشغيل الشباب "Ansej" دون طلب القرض لأن البعض يقر بأن قرضها حرام والله أعلم مع أن البعض يقول حلال ... والمراد هنا ليس الحصول على القرض لأنكما لا تحتاجانه وإنما من أجل الحصول على المزايا الضريبية المقدمة من طرف وكالة تشغيل الشباب حيث سيتم إعفائكم من قسم هام الضرائب لمدة 3 سنوات أو أكثر وستحصلون على ميزات طويلة عريضة أو أنكم تفتتحون مؤسستكم عن طريق ANDI وكالة دعم الإستثمار في الجزائر التي ستمكنكم مثلا هي وAnsej من شراء مثلا سيارة خدمة بدون دفع ضرائب على ثمن السيارات، في الغالب تخفيضات هامة على سعر السيارة وكل التجهيزات (بما أنهم لديكم أموال الله يبارك لدي شريكتك أنصحك بأن تمري عبر ANDI لكن حينها يجب أن يكون لديك محاسب ووجب عليكما الإعلان عن كل التعاملات لأنها ستكون شركة مثل SARL, EURL etc. المهم أدرسا جيدا حالة أونساج وAndi وفي الأخير إختارا الأحسن من أجل الإعفائات الضريبية)، المهم بما أنه لديكم المال، عفكم من القروض وأكتفوا بالمزايا الضريبية والله يسهل.... أختي الكريمة راني أعطيتك معلومات قيمة نسالك برك وليدي الذي لم يولد بعد إن أتت به أمه التي هي أيضا لم أجدها بعد إلى حضانتكم أن ترفضوا طلبها وتقولوا لها راجلك ما يحبش الروضات وأنه يجب عليها أن تعتني بإبنها هي لا الروضة هههههههههه

أما بخصوص الزواج فلا تخلطي الزواج بالعمل، يجب دراسة كل شيئ على حدى والأولى أن تؤجلي مسألة الزواج هذه إلى أجل مسمى وإن كنت لا ترغبين في الزواج برجل مطلق فإنسي هذا الرجل أساسا ثم فاوضي صديقتك بخصوص الشراكة وإن لم يعجبها الحال إتجهي نحو وجهة أخرى والله يسهلكم :)

[وليد1990]

يا اختي لوكان تعملي برأيي

غمضي عينيك بكل هدوء وقولي لا لا

وارفضي كل العروض وصلي على الرفض صلاة الاستخارة

وتديري روحك كأنك لم تسمعي بهذه العروض اصلا

[jissi]

تحوس تديلك 50 مليون الله يهديها
ما عليهش اقبلي بصح هي تخدم كلش وتبقى تسايلك 50 مليون كي تبداو تخدموا رجعيهملها عادي

[الألماسة]

شوف يا بنت الأكابر الحل ساهل ماهل، هي تنوي أن تخصص 500 مليون سنتيم لمشاركتك في المشروع ويبدو أنه لديها المال الله يزيدها، أنت قولي لها حطي 450 مليون + 50 مليون تقرضها لك وبهذا المشروع يكتمل، يعني تسلفك 50 مليون أكتبوا العقد لدى موثق معتمد لكن وجب عليك أن تطلبي مدة أطول للقرض هذا أكيد دون فوائد (مثلا تسددين القرض خلال 5 سنوات أو أقل على حسب مقدورك وحذار تقبلين ببنود تثقل كاهنك، لا يكلف الله نفسا إلا وسعها)... وبهذا تكون هي ضمنت أنك مشاركة في المشروع لأنه صراحة طلبها أن تحطي أنت 50 مليون وهي 500 مليون طلب منطقي وهي تريد أن تضمن أنك ستكوني معنية بالمشروع حينما تحطين مالا من عندك لأنه صراحة 50 مليون ديالك لا تساوي شيئا أمام الـ 500 مليون ديالها لكنها محتاجة إليك ومجبرة على التعامل معك لأنه لديك ديبلوم لكن حذار من أن يقع الفاس في الراس لأنكي ستكوني المسؤولة القانونية... ثم أنصحكما أن تمرا عبر وكالة تشغيل الشباب "ansej" دون طلب القرض لأن البعض يقر بأن قرضها حرام والله أعلم مع أن البعض يقول حلال ... والمراد هنا ليس الحصول على القرض لأنكما لا تحتاجانه وإنما من أجل الحصول على المزايا الضريبية المقدمة من طرف وكالة تشغيل الشباب حيث سيتم إعفائكم من قسم هام الضرائب لمدة 3 سنوات أو أكثر وستحصلون على ميزات طويلة عريضة أو أنكم تفتتحون مؤسستكم عن طريق andi وكالة دعم الإستثمار في الجزائر التي ستمكنكم مثلا هي وansej من شراء مثلا سيارة خدمة بدون دفع ضرائب على ثمن السيارات، في الغالب تخفيضات هامة على سعر السيارة وكل التجهيزات (بما أنهم لديكم أموال الله يبارك لدي شريكتك أنصحك بأن تمري عبر andi لكن حينها يجب أن يكون لديك محاسب ووجب عليكما الإعلان عن كل التعاملات لأنها ستكون شركة مثل sarl, eurl etc. المهم أدرسا جيدا حالة أونساج وandi وفي الأخير إختارا الأحسن من أجل الإعفائات الضريبية)، المهم بما أنه لديكم المال، عفكم من القروض وأكتفوا بالمزايا الضريبية والله يسهل.... أختي الكريمة راني أعطيتك معلومات قيمة نسالك برك وليدي الذي لم يولد بعد إن أتت به أمه التي هي أيضا لم أجدها بعد إلى حضانتكم أن ترفضوا طلبها وتقولوا لها راجلك ما يحبش الروضات وأنه يجب عليها أن تعتني بإبنها هي لا الروضة هههههههههه

أما بخصوص الزواج فلا تخلطي الزواج بالعمل، يجب دراسة كل شيئ على حدى والأولى أن تؤجلي مسألة الزواج هذه إلى أجل مسمى وإن كنت لا ترغبين في الزواج برجل مطلق فإنسي هذا الرجل أساسا ثم فاوضي صديقتك بخصوص الشراكة وإن لم يعجبها الحال إتجهي نحو وجهة أخرى والله يسهلكم :)


نعم الراي أخي الكريم :19::19::19:

[sami-2013]

اخخطيك مالراجل وديري روضة وحدك وقيسك افضل وان شاء الله يجيك اللي يحبك ويعاونك وتفتحي روضة كبيرة

[eBusiness]

نعم الراي أخي الكريم :19::19::19:

ومنكم نتعلم يا بنت الأكابر :dj_17:

[أم عروة]

اياك اختي ان تشركي زواجك في مشاريعك المالية
الزواج وحدو
والمشروع وحدو

[نور الرحمة]

صلي صلاة الاستخارة وسلمي امرك لربي

[sampaolo82]

عليك بصلاة الإستخارة

[sampaolo82]

عليك بصلاة الإستخارة

[أم تيم الله]

استخيري الله و هو يهديك

[كلنا راحلون]

ردود نسوة قريتها ونحترمها وبصوت ناعم اخطيك اخطيك لا لا لا واش هاد تفكير


اختي صاحبة مشكل حل سحري



انسي مال ويضرب مشروع وساعتو


هدفك غربلة صديقتك ماكرة

رؤية شرعية في مكان عمومي احد اقربائك رجل يراقب من بعيد فقط



رؤية شرعية ادا تم زواج حاولي اسر قلبه راح يفتحلك مشروع


اسر قلبه ساهلة اعتناء بأولاده وراح تفتحي مشروع وغربلي صاحبتك


موفقة اختي والله يحفظك

[sadako]

الناس راهي تهدر بل 500 مليون وناس ملقاتش واش تاكل عجب

[جويرية الإيمان]

يا اختي

إذا كنت رايحة تتزوجي برجل غني و في فرنسا

باش تفتحي روضة و انت محتاجة50 مليون

بناقص

نروح نعيش مع راجلي في فرنسا معززة مدللة

بلا الخدمة نتاع دزاير وزيدو يمرضوك بالبيروقراطية و لي زانبو .

راكي فهمتي أختي واش نقصد ؟