الى اين يا بلادنا ،،، وداعا للتسوق،، موضوع للنقاش ،،،

[khelifa ziad]

السلام عليكم و رحمة الله تعالى و بركاته ....خاوتي حبيت نكتب اليوم على الحالة لي وصلت،ليها بلادنا في مجال التطور و التسوق الالكتروني ....
نحكيلكم حكايتي مع التسوق هادا ،،، انا كي سمعت بهادي العفسة تاع aliexpress,tinydeal فرحت قلت الواحد يولي يشري و يتمتع ،،، الحاصول شريت ساعة تجريبية ، و بعد يومين زدت شريت 2 ساعات اخرين عجبوني،، بعد مدة و صحابي و تاع، العايلة يقصرو بيا يقولولي ابقا استنا ام يوصلوك خخخخ بداعي الاستهزاء ،، وصلت الساعة هاديك بعد 18 يوم جبتها ماشاء الله انا قلت صاي طورنا خخخخخخخ و لكن 2ساعات لخرين من 12 اكتوبر 2014 ولا خبر ،،، :(
دركا في 26 جانفي شريت ساعة تاع حديد باهية عجبتني دخبت للجزائر يوم 1 فيفري اضن حسب رقم التتبع ... جسبتها،توصل السبت هادي لي فاتت مورمولمون 20 يوم ماكان والو ،، و بما اني في قسنطية و الغاشي يشكي من الجمارك تع 25 و نشوف في الخاوة في المنتدى يشكو السرقات اللي اصبحت بكثرة مننهم حاشا لي مايستاهلوش ،،،،
فقدت الامل مه البلاد هادي حاجة ماتليق ،، التسوق و حرمونا منو .....
هاذا الموضوع للنقاش خاوتي ، نناقش فيه قضية السرقة و ، و ، و، نرجز من الجميع المشاركة ،،
و ارجو من الاشراف ترك الموضوع و شكرا ،،،

[belgacemtech]

نفس الشيء تم توقيف بضاعة 2 مودم على الرغم من ان كل مودم باسم الا انه تم توقيفهم من عيد الفطر الماضي للان لا خبر سرقة عيني عينك رغم انها كانت اولى تجربة لي لكن ساجرب مرة اخرى والله المستعان

[nabil.novi]

أنا سرقولي 4 معالجات للحاسوب اشتريتهم متفرقين و سعرهم مجتمعين عندنا 2 ملايين
ربي وكيلهم

[khelifa ziad]

أنا سرقولي 4 معالجات للحاسوب اشتريتهم متفرقين و سعرهم مجتمعين عندنا 2 ملايين
ربي وكيلهم

وش رايح ديرخويا لعزيز رانا كامل نسوفريو .... لذلك ننصح الاخوة بعدم شراء المقتنيات ذات السعر العالي :(

[khelifa ziad]

نفس الشيء تم توقيف بضاعة 2 مودم على الرغم من ان كل مودم باسم الا انه تم توقيفهم من عيد الفطر الماضي للان لا خبر سرقة عيني عينك رغم انها كانت اولى تجربة لي لكن ساجرب مرة اخرى والله المستعان





بالفعل خويا .... راهم دارو قانون زعما جديد حطتو وزارة الاتصال يمنع بدخول لاقط ويفي و لو صغير ..... يامابالك 2 مودم .... رغم ذلك ربي يهديهم لان كل هذا خرطي .... لا يوجد قانون مثل هذا في البلدان الاخرى ... و مانشوفوش للبعيد شوف للمغرب برك ... يدخلو 5 هواتف نورمال

[hak4]

السلام عليكم انا بحيت من الحكايات و النداءات من اجل التحرك و المطالبة بحقنا في العيش كباقي البشر على المعمورة لكن لا حياة لمن تنادي وهذا اخر مثال على الفضائح اللي تصرى ادخلوا وشوفوا واذا اردتم الاطلاع اكثر ادخلوا وشوفوا ردودي
http://www.djelfa.info/vb/showthread.php?t=1756957

[tahirbadro]

أنا سرقولي 4 معالجات للحاسوب اشتريتهم متفرقين و سعرهم مجتمعين عندنا 2 ملايين
ربي وكيلهم

قمت بشراء معالج انا ايضا ربي يستر من أي ولاية انت اخي انا من ام البواقي ومتى اشتريتهم

[akrabaddz]

قمت بشراء معالج انا ايضا ربي يستر من أي ولاية انت اخي انا من ام البواقي ومتى اشتريتهم

يصل عادي اخي

جمارك قسنطينة بتجربة الاخوة هي الاسوء في البلاد كاملة
بخصوص لاقط ويفي
اردت ان اتأكد من الخبر اشتريت واحد
في انتضار وصوله او حجزه ههه

[MEDO_DZ]

اخي لا تتعجل فبعض السلع تطول مدة وصولها حصل معي هذا 3 اشهر وووو كذا يوم :confused: المهم وصلت وهذا لايعني انها لا تسرق ههه
المهم اذا تخطت مدة شهرين بصحة الديواني اللي شريتهاله:D لانهم طماعة الا من رحم ربي
ندعولك الله تلحقك ساعتك اخي لان فرحة استلامها تبقى لها ميزة خاصة :19:

[khelifa ziad]

اخي لا تتعجل فبعض السلع تطول مدة وصولها حصل معي هذا 3 اشهر وووو كذا يوم :confused: المهم وصلت وهذا لايعني انها لا تسرق ههه
المهم اذا تخطت مدة شهرين بصحة الديواني اللي شريتهاله:d لانهم طماعة الا من رحم ربي
ندعولك الله تلحقك ساعتك اخي لان فرحة استلامها تبقى لها ميزة خاصة :19:






انشاء الله خويا والله حرمونا من فرحة وصول السلع .... ربي يهدي ماخلق ....

[nabil.novi]

نفس الشيء تم توقيف بضاعة 2 مودم على الرغم من ان كل مودم باسم الا انه تم توقيفهم من عيد الفطر الماضي للان لا خبر سرقة عيني عينك رغم انها كانت اولى تجربة لي لكن ساجرب مرة اخرى والله المستعان


رد بالك تزيد تشري يحجزوهم
ممنوع شراء المودام و لواقط الويفي من الخارج

[toufik_dj]

شوف يا خويا
مدام كي تهدر مع واحد وتقلو البلاد راحت والعباد فسدت اخلاقها
ويرد عليك باننا بخير وش راه خاصنا
ومادام الناس تصفق للحمار حاشاكم وللبغل
وتخون الشريف والفحل
فلن يتغير شيء .... عليكي مني سلام يا جزائر اجدادي

[Moh-Hope]

سلام عليكم
اليوم وصلني لاقط ويفي عادي جدا و في مدة 24 يوم
علما أني تابع للجمارك العاصمة .

[amine-simo]

سلام عليكم
اليوم وصلني لاقط ويفي عادي جدا و في مدة 24 يوم
علما أني تابع للجمارك العاصمة .

لا يوجد قانون يوجد نتا وزهرك مبروك عليك اخي

[Moh-Hope]

لا يوجد قانون يوجد نتا وزهرك مبروك عليك اخي

نعم أخي لا يوجد قانون أنت و زهرك مع الجمركي لتحت معاه ههههه ;)
الله يسلمك و لعقوبة ليك

[khelifa ziad]

نرجو من زوار الموضوع طرح تجاربهم هنا لنستفيد جميعا ....

[belgacemtech]

TP-LINK TL-ER5120 5-port Gigabit Multi-WAN Load Balance

رجاء من الاخوة التوضيح اردت شراء الجهاز هذا علما ان له علاقة بالشبكة يعمل على تطوير الشبكة وتوزيع كم خط انترنت بالتساوي من فضلكم لكل من لديهم خبرة يرد والله امر تعسفي اخاف يحدث معي نفس الشيء ويحجز الجهاز قيمة الجهاز حوالي 184 دولار

[abdelvet]

ana men 17 octobre trois clolier maban alihoum khber multiviamine mechi heta electroncis

[khelifa ziad]

tp-link tl-er5120 5-port gigabit multi-wan load balance

رجاء من الاخوة التوضيح اردت شراء الجهاز هذا علما ان له علاقة بالشبكة يعمل على تطوير الشبكة وتوزيع كم خط انترنت بالتساوي من فضلكم لكل من لديهم خبرة يرد والله امر تعسفي اخاف يحدث معي نفس الشيء ويحجز الجهاز قيمة الجهاز حوالي 184 دولار






99.99% تجمرك يا خويا باه تجيب لاقط ويفي صغير و ممنوع يامابالك هاد الجهاز + اذا فات نورمال يجمرك و تدفع عليه لان السعر مرتفع جدا تخسر بزاف

[khelifa ziad]

السلام عليكم خاوتي نهاركم مبروك
الحمد لله وصلوني 2 اشعارات تاع البريد لاذهب لتلقي سلعتي و اللتان هما عبارة عن كابل و الساعة اللي تكلمت عليها في الموضوع .... غدا انشاء الله نجيبهم و نحل نوضوع جديد خاص بيهم .......
لعقوبة ليكم خاوتي ....

[nabil dadi]

مبروك عليك اخى

[nabil dadi]

سلام عليكم
اليوم وصلني لاقط ويفي عادي جدا و في مدة 24 يوم
علما أني تابع للجمارك العاصمة .

مبروك عليك اخى حتى انا لست بعيد منك اسكن فى البليدة بدات فى الشراء منذ حوالى سنة اشتريت حوالى 20مرة

والسلع كلها وصلت سالمة الحمد لله اعتقد ان كل منطقة و ظروفها

اشتريت فى الصيف الماضى لا قط ويفى وصلنى عادى لحد الساعة لم نفهم الجمارك الجزائرية

[النجم الاسود]

ألف مبروك اخي على وصول ساعتك اولا

اما بخصوص ضياع سلع الناس او سرقتها فهذا الامر اصبح من المسلمات عندنا

و لم نعد نراه امر شاذ لاننا نعايشه كل يوم .فهذ الامور انقرضت منذ قرون عند

الغرب و مازلنا ننحن نتخبط في هذه المشاكل رغم ان التكنولوجيا متوفرة و

يستطيعون وضع اجهزة مراقبة في مراكز الفرز لضبط اي جمركي او عامل بريد

يمد يده الى سلع الناس .لكن الله غالب هذه هي الجزائر.

و انا انتظر طرد من انجلترا منذ 40 يوم و لا خبر الى غاية اليوم و

قد فقدت الامل في وصوله و اعتقد ان قطاع الطرق كانوا له بالمرصاد.

[raemmounir]

انا من بجاية اشتريت حوالي 10 تابلات ليس دفعة واحدة على فترات
واكثر من 15 هاتف ايضا ليست دفعة واحدة

حكمولي تابلات وحدة فقط شحنتها عن طريق dhl وراكم تعرفو الديشال الالكترونيك يحجز قيما يقولو بالزهر كنت شريت تابلات وب dhl دخلت عادي هههه
او البلاد راهي تمشي بالزهر تحوسو علينا حنا ههههه

[djamelbarcelone]

قانون نتا وزهرك مبروك عليك اخي

[El-Asmarani]

true story..

[hak4]

سلام عليكم
اليوم وصلني لاقط ويفي عادي جدا و في مدة 24 يوم
علما أني تابع للجمارك العاصمة .

والله ثم والله لوكان كنت تابع لقطاع طرق قسنطينة والله والله يديوهولك بحجة انو ممنوع لذلك انا نقلك الف الف مبروك عليك اخي انك غير تابع لقطاع طرق قسنطينة وانك استلمت سلعتك بامان

[MERILLA]

السلام عليكم
الرسائل من الخارج و اصبحت تضيع فما بالك بسلع
السرقة اصبحت في دم اصغر طفل حتى اكبر مسؤول لازمنا نصلحو انفسنا و نحاول تصليح الغير لاننا فعلا ننحدر الى الهاوية بهاته الاخلاق ,
انا توقفت منذ مدة عن الشراء الالكتروني لكني ادخل الى هذا القسم لاشارك فرحة لي سلعته و صلت بعد ان مرت على ايد شريفة و نظيفة باش نقول الحمد الله مازال كاين ناس تحمل الامانة.

[passerby]

لدي 4 تجارب شراء كلها ناجحة الحمد لله
الاولى جربت شراء فارة لجهاز الكمبيوتر ثم ساعة ووصلت الثالثة اشتريت ساعتين لصديقين ووصلت كلها من aliexpress
اخر تجربة شاركتها في موضوعي من المانيا بدون مشاكل على الاطلاق ربي ادومهاا
http://www.djelfa.info/vb/showthread.php?t=1707538
عضو في المنتدى اشترى مثلي تماما سلع الكترونية لكنه تعرض للجمركة لانه من قسنطينة
انا تابع لجمارك الجزائر للعمل فقط:mh31:

[IchimaruGin]

انا اشتريت فلاش ديسك في ايام لبلاك فرايدي ووصل بعد 35 يوم و ان من قسنطينة و البارحة اشتريت ساعة من aliexpress ربي يستر مالا

[latrasse]

نفس الشي
انا شريت نواظر شابين
بعد 3 اشهر لحقني الوصل فيه تاريخ تع شهرين قبل .كي رحت النهزهم قالولي راك طولت رانا رديناهم للمرسل
قلتلهم الوصل لحقني غير اليوم قالولي هذاك مشكل الفاكتور
حسبي الله ونعم الوكيل

[hak4]

انا من بجاية اشتريت حوالي 10 تابلات ليس دفعة واحدة على فترات
واكثر من 15 هاتف ايضا ليست دفعة واحدة

حكمولي تابلات وحدة فقط شحنتها عن طريق dhl وراكم تعرفو الديشال الالكترونيك يحجز قيما يقولو بالزهر كنت شريت تابلات وب dhl دخلت عادي هههه
او البلاد راهي تمشي بالزهر تحوسو علينا حنا ههههه
لا لا خويا انا نقلك ولايات التابعة للعاصمة وخاصة ولايات القبائل يديرولهم الف حساب وحاجتهم في معظم الاحيان ما تروحش و السبب معروف عندما يهابك القوي قبل الضعيف فان الجميع سيحترمك والكلام قياس

[alisamo]

السلام عليكم الى اي جمارك تابعة ولاية ورقلة

[أيمن الاوراسي]

الحل هو عريضة الى المدير العام للجمارك محمد عبدو بودربالة لربما اقولها و اكررها لربما يستمع

[th3viper]

انا شريت نوكيا lumia 830 unlocked مع العلم اني ارسلتو الى viabox وغيرة سعر السلعة الى 150 هل يجمرك ام لا ومشكورين

[فؤاد العباسي]

الله اعلم حسب ما قرأت ردود الاعضاء
المشاكل مع الجمارك فقط بالشرق الجزائري

[th3viper]

للعلمة انا من ولاية بسكرة وارسلة السلعة بال usps

[TOTOTITO]

وكل ربي يا اخي

[hak4]

الله اعلم حسب ما قرأت ردود الاعضاء
المشاكل مع الجمارك فقط بالشرق الجزائري

للتوضيح فقط ان جمارك قطاع طرق قسنطينة هي مركز جهوي لعدة ولايات من الشرق و الجنوب اذكر على سبيل المثال لا الحصر ولاية جيجل ولاية قسنطينة ولاية باتنة ولاية الوادي ولاية ورقلة كل هذه الولايات وغيرها تابعة للمركز الجهوي لقطاع طرق قسنطينة

[-nadir]

اخواني سكان قسنطينة ان كان لابد من اجتماع لمعالجة الموقف فلكم ذلك اين وتى وسأكون ان شاء الله من اولى القادمين لان هذا الامر يخص مالنا وان الامر لا يعالج على المنتدى وشكرا

[Med west]

ربي يهديهم راهم غيل يزيدو يعقدولنا فالأمور..

[espoire]

انا 12 سلعة من اوت 2014 حد الان والله لا خبر ما جاءءت ان شالله لي سرقهم الله يخرجها فيه وفي صحته

[tah306]

اخواني المشكل انه البعض يشتري بالبريد العادي وعندها يضيع اى حق لك فى المطالبة بالسلعة اما البريد المسجل فلا يمكنهم لانه المرسل يستلم فور وصول السلعة الى الجزائر وصل بالوصول وهنا يمكننا رفع عريضة والمطالبة بمكان او حالة السلعة و عن رأي انا لابد من التكاتف ورفع عريضة جماعية لانه من خلال دردشة مع جمركي بحكم انني فى منطقة حدودية التقي بهم يوميا لا يوجد حاجة اسمها حجز على السلع الشخصية مادامت لا تدخل فى المحضور ابدا ولا يوجد اي نص قانوني عليها وهنا تولي انت وزهرك مع العون لي يستقبل السلعة يفوتها ولا يبخلك فيها هذا رد حرفي له