كيف اعود ابنائي على الحفظ لوحدهم

[أمّ علي]

كيف استطيع تعويد ابنائي على الحفظ لوحدهم والله لقد تعبت عندي طفلين الاول يدرس سنة ثانية والثاني سنة الخامسة والعام المقبل انشاء الله تلحق اختهم راني نخمم كيفاش ندير باش يتعودو على مسؤولية الحفظ علما ان معدلاتهم ممتازة وراني خايفة كون نبعد عليهم ما يقدروش يحفضو وزيد هاد المرة نحس في روحي تعبانة كي نبدا نحفظ معاهم راسي يرجع يسطر ونرجع نقلق عليهم راني حابة تفيدوني شكرا

[janso]

من نفس المشكل راني نعاني
يا ريت الي عندها حل تفيدنا
وأجرها عاى الله

[الاء هبة الرحمان]

السلام عليكم
شوفى عوديهم يحفظو وحدهم ويجو يسمعولك واذا تمارين خلى يحاولو وحدهم ومنبعد صحيلهم بالعقل حتى يوالفو وحدهم تتهناى وهما يعتمدو على ارواحهم وطبعا المتابعة لازم وربى يوفقهم

[أمّ علي]

شكرا اختي راني عارفة لازم المتابعة لكن ابنائي تعودو نحفظهم حرفيا (انا نقرا وهما يعاودو ) معضم لي نعرفهم قالولي طريقتي خاطئة لكن لم يفيدوني بطريقة اخرى لان اطفالهم في الروضة

[ounissinauha]

نفس المشكل راني نعاني

[أمّ علي]

ربما لا يوجد حل شكرا رايحة نعود نفسي ما نتعبش

[ام التوائم]

والله يااختي حتى انانعاني منهذا المشكل مع ابني يقرا تحضيري باش يكتب حرف لازم نكتب قبلو في اللوحة ولا في كراس اخر والله تعبت
تعبت معاه بكري قلت المهم يتعلم ولكن والف رجعت انا لنقرا

[أمّ علي]

ربي يكون في عون جميع الامهات اللواتي يتعبنا لفائدة ابنائهم وهدا واجبنا لا اقل ولا اكثر

[*وردة الشرق*]

السلام عليكم
شوفى عوديهم يحفظو وحدهم ويجو يسمعولك واذا تمارين خلى يحاولو وحدهم ومنبعد صحيلهم بالعقل حتى يوالفو وحدهم تتهناى وهما يعتمدو على ارواحهم وطبعا المتابعة لازم وربى يوفقهم

انا كان عندي نفس المشكل لكن العام هدا درت طريقة الاخت وتهنيت شوية نعطيلو الخلاصة ونقولو عند مدة كدا وتحفظها في الاول ما عجبتوش بصح مبعد عاد يزرب وينعتلي في روحو حاولي واكيد بالصبر رايحة تنجحي

[أمّ علي]

شكرا لك اختي

[attia dalila]

نعطيك نصيحة اخت في الميدان ونطبقها مع اولادي في البيت اشري لهم كراس اضافي واطلبي منهما الحفظ ثم اسحبي كراس الدروس واطلبي منه اعادة كتابة ما حفظه صدقيني ستضربين عدة عصافير بحجرة واحدة تنقصي الفوضى وتعوديه على الاعتماد على نفسه الدعم في الاملاء والخط ويخطيك الصداع

[kakinova]

انا بنتي عندهم المعلمة كل اسبوع طلعهم بالصف يعرضوا واش حفظوا فالمادة و تنقطهم كانت تضربهم و تعاقبهم من الخوف ولاو كامل يحفظو الدرس فالقسم قبل ما يروحوا خخخخخخخخخ

[أمّ علي]

شكرا شكرا والله فكرةجديدة تاع الكراس رايح نطبقها بتاكيد وكيما قلت نضرب عصفورين بحجرة واحدة زيادة على تحسين الخط والاملاء تقبلي مني هده القبلات الحارة شكرا لكم جميعا

[ام عرفات]

يا اختي نعطيك تجربتي
انا عندي بسلامتهم 4 كامل ابتدائي وانا نقريهم السنة 5 و3 و1 وتحضيري
ما تضحكوش عليا جبتهم كامل في مرة وتهنيت
المهم علميهم اول حاجة الاعتماد على النفس لانو شخصيتو تنضج يحس روحو كبر و يتكل على روحو ويبدى يزوخ شوفي واش نعرف
الحفاظة ماشي لازم يحفظ كلش في نهار انا كل يوم يحفظو يا لكان 2 سطر بصح يغلق البيت على روحو كي نعارضلو نصيبو حفظ نبدا نشجع فيه و يزيد من عندو
حتى الي يقرا تحضيري نعلمو يقر الكلمة وحدو يهجي بالشوي .....حتي يجيبهاا
اما التمارين وحدهم يديرو وانا نصحح باه يشفاو على الغلط ما بتكررش واذا مديتيلو انت تدخل و تخرج ما تبقاش في الذهن لانو ما تعبش عليها

[ام عرفات]

و كل نهاية الأسبوع حفظيهم
وانتي ما تجبديش روحك عليهم مرة وحدى لازم بالتدريج
و اياكي التوبيخ و تزقي عليهم لازم دايما تشجيع كي يحفظ سطر واحد وحدو راه دار حاجة كبيرة بالنسبة ليك زيدي شجعيه والله صدقيني هكذا نتصرف معاهم ما عنديش صعوبة
نهار الي ما يقراوش فيه انا نكون الصباح مع الشغل و هما نقولهم الي يحفظ عشية نخليه يلعب ب الميكرو او نجبد الالعاب
لان وقت الدراسة نخبيهم وفعلا اعطت نتيجة الكل يبذل جهد باه يحفظ
لازم الطفل تعطيلو الدور تاعو يقوم بيه في المنزل يحس روحو كبير وقادر على شقاه
مثال الصباح كل واحد يلبس وحدو انا نتحف برك
في المائدة كل واحد يرفد صحنو .
في غرفتهم كل واحد يخمل فراشو malgré مكرفس بصح دار حاجة
المقصود من كلامي عودي اولادكي على تحمل المسؤولية
لان هاذي ليهم على تحمل الصعاب في الخارج
وهذه تبقى في الاول والاخير تجربتي ولك الاختيار
وسمحيلي على الاطالة .........

[أمّ علي]

اختي ام عرفات شكرا لارشداتك هذا ما اطمح اليه حابة نعودهم ما يعولوش عليا نحفظ معاهم وبالتاكيد لازم في الأخير المراقبةاما عن تخميل الفراش والالعاب صدقيني أرى انهم صغار وما نحبش نتعبهم لاكن عندك حق المسؤولية لازم منذ الصغر ماشي حتى يكبرو

[ام عرفات]

صدقيني يا اختي هذا الشي لمصلحتهم وإلى باه يتعودو تدريجيا اذا ما تعودوش من ال صغر خلاص تولي كل ما تطلبي منهم طلب يقولك راني عيان

[hbb2010]

بارك الرحمان فيك موضوع جميل

[دلال 30]

و كل نهاية الأسبوع حفظيهم
وانتي ما تجبديش روحك عليهم مرة وحدى لازم بالتدريج
و اياكي التوبيخ و تزقي عليهم لازم دايما تشجيع كي يحفظ سطر واحد وحدو راه دار حاجة كبيرة بالنسبة ليك زيدي شجعيه والله صدقيني هكذا نتصرف معاهم ما عنديش صعوبة
نهار الي ما يقراوش فيه انا نكون الصباح مع الشغل و هما نقولهم الي يحفظ عشية نخليه يلعب ب الميكرو او نجبد الالعاب
لان وقت الدراسة نخبيهم وفعلا اعطت نتيجة الكل يبذل جهد باه يحفظ
لازم الطفل تعطيلو الدور تاعو يقوم بيه في المنزل يحس روحو كبير وقادر على شقاه
مثال الصباح كل واحد يلبس وحدو انا نتحف برك
في المائدة كل واحد يرفد صحنو .
في غرفتهم كل واحد يخمل فراشو malgré مكرفس بصح دار حاجة
المقصود من كلامي عودي اولادكي على تحمل المسؤولية
لان هاذي ليهم على تحمل الصعاب في الخارج
وهذه تبقى في الاول والاخير تجربتي ولك الاختيار
وسمحيلي على الاطالة .........

السلام عليكم
اسمحولي نتدخل
والله كل كلامك صحيح ام عرفات
وهو ما يجب ان يكون
ولدي الي يقرا سنة رابعة ايام الامتحان نهبل معاه
انا نقرالو وهو يفهم ومن بعد نمدلو اسئلة ةامتحانات يحلهم من الانترنيت
المهم هو عندو ميول للحفظ
يعني مايحفظش كلش
لانو الاسئلة ماعادتش تجي بالحفظ
تجي بالفهم وبتوظيف المهارات والكفاءات
واسئلة غير مباشرة
يعني مش كل شيء حفظ
اما بخصوص الاعتماد ع النفس
ابني الي يقرا سنة اولى نصحتني الطبيبة النفسية نخليه يعتمد ع روحو
باش يبني شخصيتو
لانو جد خجوول
حتى ف المرحاض اعزكم الله قاتلي خليه يغسل روحو
مع اني مش قادرة نعتمد عليه ف هاذ الشيء
فراشو .. العابو... وكل شيئ يقدر يديرو
قاتلي مام ف القراية خليهم يعتمدة ع انفسهم
انتي كوني مشرفة من بعيد فقط
وراني حقيقة نشوف ف النتائج
والله رائعة
ان شاء الله نكون افدتك بتجربتي

[أمّ علي]

بالفعل التربية حاجة صعيبة لازم الأم تراقب وتنضم تخطط لكل شيء شكرا والله لقد استفدت الكثير من خلال تجاربكم... حفضكم الله لأبنائكم

[ام عرفات]

شكرا الاخت دلال على التدخل
لقد اعطيتيني حماس اكثر باش نكمل خاصة كي نصحاتك الطبيبة معنتها راني في الطريق الصواب باش نكمل
لان هاذي تجريبتي الخاصة
كانت عندي البنت الكبيرة تقرى السنة الثالثة وكان بابا الله يرحمو مريض بزاف كنت نظل في دارنا ما كنتش لاتية بيها لانها والفت بيا
لازم انا كلش ولات تدي المعدل 5 و6 مسكينة راهي مليحة كي طلعت
المهم من هذاك الوقت قررت نبدل عقليتي معاهم واليوم الحمد الله راهي السنة 5
في الاخير كل عثرة في الرجل تزيد عفسة في العقل
وشكرا لكل الاخوات على مروركن
وربي يوفقنا جميعا