كيف اطعام صغير

[0ibtissam]

أبني قريب يكمل الشهر الخامس معرفتش كفاه نوكلو كنت نطيبلو الزرودية مع البطاطا ونحيها ولا كرجات ونوكلهالو مي درنا قلولي مزال الصغير تسويس هل كل يوم ام مرة في الاسبوع لا بلامين هل تاخد كوجب ام نضيفها مع الحليب ابني رني كل يوم نجربو خيف يمرضو مع انو ضعيف ان شاء الله تمدلي طريقة الصحية في التغذيتة

[التـــــــــــــــــــائهة]

شوفي أختي أنا بديت مع بنتي في بتسويس نورمال نمدل وحدة ثم زوج نكسلو بمعنى نرفع راسو شوية و نبدا نوكلو شوية شوية و نشوف ردة الفعل تاعها
.... نديرلها les soupes toutes sortes كي ماتاكلش بامغرفة نجرب البيبرونة نديرة la soupe في البيبرونة ثقب شوية كبير و نمدلها إذا شدت اللهم بارك سينو نخليها
لا بلامين كيف كيف ....

[0ibtissam]

شكر أختي معنديش مشكل في طريقة الاكل وعدي نوكلو بلمغرف مولفها مي هل كنت تمديلهاالاكل المطبوخ كل يوم في شهر بدتي توكليها

[ام الاحباب]

اختي توكليه ابتداء من الشهر الخامس .....انا اولادي الاولين بديت لهم ابتداءا من الشهر الرابع ...وكيما قاتلك الاخت تبداي بنوع واحد من الطعا -يعني لاسوب او بتي سويس لمده اسبوع باش تعرفي لا ما يسببلوش الحساسية ثم تمري الى نوع اخر لمدة اسبوع ايضا شرط ان يتناوله لوحده.
..وهكذا يعني كل ما تحبي تمديلو شيئ جديد توكليه هذاك النوع وحدة لمدة اسبوع حتان تجربي كامل الاطعمة امبعد توكليه نورمال

[ام نهوله]

انا بنتي بديت نوكلها كي كانت 5شهور و نص بديتلها بحساء الخضر يعني بطاطا جزر قرعه و نرحيهم و يكونو خفاف بزاف و نمدلها غير 2 مغارف في اليوم لمده اسبوع اومباعد
وليت نمدلها 4 مغارف و هكذا و جيرفي الصغير باطه في اليوم بلا ما تنساي الماء اما لبنامين اعطيتهولها في 7 شهور مرتين في الاسبوع و تكون تاني جاريه باش ما تضرهاش

[saraz09]

لاحظت باللي كل واحدة عندها طريقتها في التغدية
بالنسبة لي عندي بنتي في عمرها 5 شهر ونص بديت نوكلها من حوالي شهر بديتلها بحساء الخضر نحط فيه الزرودية والقورجات (نحيلها الزريعة) وشوية بطاطا منكترش ونوكلها بالمغرف + علبة فروماج فري (الصومام او جبن البادية الطازج) هدوا عند الغداء وباقي النهار حليب، واليوم ديرتلها عصيدة الكابويا عندها فوائد كبيرة. كيتكمل ست شهور نولي نعطيها نص حبة بنان عند 10 او كومبوت تفاح (تحضير منزلي). وفي الغداء نكمل بالحساء ومرات نعطيها الارز نجيب الرز الابيض ماشي المفور ونرحيه مليح ونعديه في السيار باش نهبط غير الرقيق يعني في النهاية نتحصل على فرينة الرز ونطيبلها في الغداء منو .ويولي الرنامج ديالها كالاتي بيبرون في الصباح، بنان او تفاح عند 10. حساء الخضر او الرز في الغداء وبقية النهار حليب. نتمنى نكون ساعدتك

[0ibtissam]

يعطيكم الصحة جزاك الله

[um alaa]

صباح الانوار اختي انا بنتي بديتهالها كي كان عندها 5شهر ونص بديتلها بحساء الزرودية و البطاطا خفيفة لمدة ااسبوع مع سائر الايام بديت نوعلها مع الصباح نمدلها شوية عصير برتقال مخفف بالماء و شوية سكر و بعض الاحيان كمبوت التفاح اللي نديرو في ورق الالمنيوم ونفورو وبعد ما يفور نزيدلو سكر و نرحيه
بالنبة للحساء لازم نوعو باش ما يكرهش البيبيمنداك ندير بسباس+ بطاطا ونرحيهم مليح
زرودية+قرعة
حساء الكابويا
حسء بالدجاج واالخضر
يتم ادراج انواع اللحوم بعد الشهر السادس بكميات قليلة وتكون مطحونة
الاطفال بحاجة الى اللحوم لاحتائها على الحديد
البتي سويس و الجزر ما تكتريش منهم يديرو constipation
و الخضر من الافضل نفوروها لكي لا تفقد الفيتامينات
ولا ننسى ان نضيف قليل من االملج للخضر باش ماجيش سامطة
نشالله نكون افدتك

[0ibtissam]

شكر ويعطيك الصحة um alaa

[أم شروفة]

نظن مازال صغير اعطيه بداية غير الماء اللي تطيب فيه الخضر وليبلامين وبوتي سويس حتى 7 الى 8 أشهر ابدايلو الخضر

[النجمة القطبية]

شوفي اختى راح نقولك بعض المعلومات الطبية التى درستها واتمنى تكون نافعة لك
اول شئ لازم تعرفي انو احسن غذاء للطفل هو صدر الام لانو يوفرلو كل ما يحتاجه جسم الانسان ويحميه من عدة امراض حاليا مثل السمنة والالتهابات وامراض المعدة والقولون وفي المستقبل لما يكبر يعطيه جسم قوي ضد امراض العصر
الان اذا كان ابنك ياكل صدرك تقدري متعطيه واااالوا حتى يبلغ ست اشهر فقط حليب
اما اذا كان يرضع البيبرون هنا تقدري تعطيه اضافات بداية من الشهر الرابع
اول حاجة لازم تعرفيها هي التدريج يعني متعطيهش اغذية صلبة لازم تكون جارية
الخضر ارحيها مليح مليح ميكسيها
تقدري تبداي تمدي الجزر الكورجات
السلق ابتداء من الشهر الرابع
والبطاطا ابتداء من الشهر الخامس
اما الممنوعات في هذا السن القرنون والبصل مثلا والشوفلور اوكي
الان اذا كان طفلك صغيراقل من خمس اشهر ديري الخضر وميكسيها مثلا جزر وسبانخ وكورجات وديريها جارية بمعنى شربة خفيفة لان معدة الطفل تكون صغيرة وحساسة تقدري تحكيهالو في البيبغون وتمديها
بعد خمس اشهر مدي الخضر بدون اضافة ماء يعني تميكسيها فقط وتكون نصف جارية
في هذه المرحلة تقدري تمديلو فرينة القمح اللى تتباع تاني كاضافة
اما الفواكه تقدري تمديلو عصير جاري مثل البرتقال ابتداء من اربع اشهر
ولما يبلغ خمس اشهر تقدري تطيبيها وتميكسيها مثل التفاح والاجاص او تميكسيها مباشرة مثل الموز
الياغورت ابتداء من ست اشهر هو والفروماج والبتي سويس
اما الفرماج مثل كاموبيغ او الانواع الاخرى الصلبة ممنوعة حتى بعد العام من العمر
الاسماك تقدري تمديها لطفلك ابتداء من ست اشهر مثلا saule == dorade
اما السردين والروجي ابتداء من ثمانية اشهر
التونة بعد سنة كاملة
تقدري تمدي الدجاج واللحم مرحي مع الخضر ابتداء من ست اشهر
ارجو نكون قدرت نساعدك ولو قليلا

[hayam1988]

صباح الانوار اختي انا بنتي بديتهالها كي كان عندها 5شهر ونص بديتلها بحساء الزرودية و البطاطا خفيفة لمدة ااسبوع مع سائر الايام بديت نوعلها مع الصباح نمدلها شوية عصير برتقال مخفف بالماء و شوية سكر و بعض الاحيان كمبوت التفاح اللي نديرو في ورق الالمنيوم ونفورو وبعد ما يفور نزيدلو سكر و نرحيه
بالنبة للحساء لازم نوعو باش ما يكرهش البيبيمنداك ندير بسباس+ بطاطا ونرحيهم مليح
زرودية+قرعة
حساء الكابويا
حسء بالدجاج واالخضر
يتم ادراج انواع اللحوم بعد الشهر السادس بكميات قليلة وتكون مطحونة
الاطفال بحاجة الى اللحوم لاحتائها على الحديد
البتي سويس و الجزر ما تكتريش منهم يديرو constipation
و الخضر من الافضل نفوروها لكي لا تفقد الفيتامينات
ولا ننسى ان نضيف قليل من االملج للخضر باش ماجيش سامطة
نشالله نكون افدتك
السلام عليكم انا حبيت نفيدك برك الملح و السكر اختي قريت بلي مش ضروري و زيد مش ملاح للطفل الصغير لانو ازال ميعرفش من الاحسن تمديلو الطعام عادي وانا طفلي عندو اربع شهور و نصفو بديت نوكلو بدون ملح ولا سكر عادي :19:

[0ibtissam]

جزاكي الله خير نجمة القطبية

[zinebou]

السلام عليكم أخواتي أنا عضوة جديدة و أريد أن أطرح مشكلتي علي أجد الحل عندكن وهي : عندي طفل يبلغ من العمرسنتين و 7 أشهر وجسمه ضعيف جدا جدا لأنه لايأكل أرجوا تقبل مروري و مساعدتي

[0ibtissam]

أختي خذيه لطبيب ريح يمدلو سرو تاع هبتجيل يفتح الشهية حاولي مدلو الخظر والفواكل مليح بزاف وان شاء الله يرفد صحتو

[jana jiji]

انا راني كيما نتي عندي اول مولود وكمل 5اشهر ودخل فالسادس وكنت حايرة
وراتني عمتي الطريقة باش البيبي منخلطولوش وتجيه التخمة بديتلو البتسويس سمانة كاملة ومبعد السمانة الثانية بديتلو خضر كورجيت زرودية وروز نطبخهم مع بعضاهم ونرحيهم ثاني سمانة ومبعد زدتلو حبة فرماج بدون ملح مع الخضرة وسمانتين درتلو عصيدة فيغور فالعشاء شكروهالي مليحة فيها الفيتامينات هاكدا باش يوالفلي والحمدو الله راه بدا يجيب روحو
وشكرا على المعلومات القيمة لي طرحوها الاخوات في موضوعك