مساعدتكم للشراء كل من '( cuisinière gaz et réfrigérateur et machine à laver)

[hilou]

السلام عليكم ورحمته وبركاته
تحية للجميع
من فضلكم اريد شراء كل من
1- cuisinière gaz
2-réfrigérateur ثلاجة
3-machine à laver غسالة
من فضلكم ذكر النوعية والمميزات مع الثمن ان امكن

[زينب 83]

شوفي حبيبتي
الغسالة راني عندي lg الذكية روووووووعة راني درت عليها تقرير اذا حبيتي شوفيه

الفرن عندي براوند تحففففففة تاعي بالمروحة يطيب رووووعة و حتى جارتي شرات كيفها و و عجبتها بزاف

الفريجيدار عندي سامسونغ نص ثلاجة و نص مجمد تاني هايل و يبرد روعة و عمري مالقيت معاه مشكلة ، و تاني جارتي عندها lg رووووعة تاني

و اي حاجة اخرى راني في الخدمة

الأثمان على الترتيب
6,5مليون
6 مليون
6 مليون

[سمراء الدنيا]

شكرا ليك الاخت زينب فعلا ماركات هايلة

في بيتي عندي كويزينيار اونيام هايلة
و فريجيدار بيكو ايضا هايل

لكن الغسالة عندي سامسونغ ماشي مليحة
تمنيت نغير ل ال جي

[hilou]

للرفــــــــــــــــــــع

[أم زين الدين]

سلام خياتي
أنا ندبر عليك في machine à laver بحكم أن زوجي و لوسي يخدموهم

أشري machine à laver ميكانيك ماشي اليكترونيك على خاطر LA PANNE تاعها réparable par contre l'autre non elle est trés difficile vue que on a pas la main d'oeuvre qualifié.meme les de rechange de la mecanique sont disponible .

j'espere que tu trouveras tous que tu veux .
merci

[النجمة القطبية]

احسن غسالة اعتقد LG المشكل في هذه المنتجات انو الشركة الام بالخارج والمنتجات غالية مقارنة بماركات اخرى
في هذه الحالة كاين كوندور هي اجهزة مصنعة هنا يعني قابلة للتصليح اكثر لكن ماشي سوليد كيما الاولى يعجبني في هذه الماركة التلفاز مقبول الجي خير منو بزاااف لكن اذا تعطل عليك وعلى الطيارة مباشرة للشركة الام :D
اما الثلاجة لا انصح بها كوندور نص نص :mad: رغم انو فيها ميزة توفر المساحة اما سامسونغ هي نفسها كوندور معدلة لا اعتقد انو الموجودة هنا اصلية :1: بدلو الماركة برك لا ارى فرق سوى فرق بسيط جدااا تبانلي سامسونج احسن قليلا لكن كلاهما ممكن تحصل فيه مشاكل انت وحظك
بالنسبة للفرن اذا المطبخ صغير اعتقد انو الفرن الابيض العادي جيد خاصة انو هذه الماركات القديمة مضمونة ولا تاخذ مساحة والاهم تقدر تدوم لوقت طويل نسبيا
والله اعلم

[زينب 83]

حبيبتي منتجات lg مضمونة تقريبا كامل عشر سنوات ، كما انو كي يكون عطل يجيوك حتى للدار ، المهم لازم تشري من la maison ان عجوزتي فسدلها الفريجيدار lg نهار عرافة و جاوها للدار و خدموه ، برك كي تفوتي مدة الضمان تولي تخلصي الخدمة و صح المنتجات تاعهم غالية لكن تستأهل الصراحة

[مريم بنت عمران]

بحكم التجربة أنا أنصحك بمنتجات lg فهي صحيح غالية ولكنها مضمونة

[نهلةن]

السلام عليكم اختي الثلاجة سامسونغ الكويزنيار والغسالة ال جي رائعين وبالتوفيق

[زينب 83]

حبيت نزيد لك حاجة الكويزينيار ما تشريش lg او سامسونغ خاطيهم هوما اختصاصهم الكهربائي، اما المنتجات تاع الغاز شوية اشري Arthur Martin ولا براوند و لا اريستون، و حتى eniem يقولو مليحة انا ماجربتهاش ، جربت ستار لايت ما كملتش 3 سنين

[krimo500]

الكويزنيار عندي ارتور مارتان شريتها 45000دج الزوجة تشكر فيها مليح

[hilou]

بارك الله فيكم
لقد استفدت منكم
في انتظار بقية الاراء

[تغرينية]

منكم نستفيد شكرا

[*ام عبد الكريم*]

السلام عليكم
شوفي انا عندي فريجيدار و كويزينيار BEKO شريتهم منذ 9 سنين و ما لقيت حتى مشكل
و حتى LES Pièces de rechange واجدين
اما الغسالة عندي زوج واحدة اوطوماتيك arthur martin مكان مكان لازم تغسلي بدرجة حرارة عالية سينو القش يخرج كيما حطتيه
و عندي واحدة مكانيكية عندها 13 سنة خصارة فسدت لي كانت تغسل روعة القش يخرج يشعل رغم ان الماركة يبانية ماش معروفة ...بصح تتخدم زوجي برك ما تلهاش لان عندي الاخرى
و جارتي عندها كويزينيار كوندور راهي تشكر فيها بزاف

[louisa20]

Cuisiniere et refrigerateur beko mlah w sadkine

[زهرة الريف*]

الثلاجة والغسالة أنصحك بlg هايلين أنا الاثنين ومجربتهم

[زهرة الريف*]

بحكم تجربتي منتجات lg هي الاحسن وهنا أتكلم عن الثلاجة والغسالة على خاطر عندي في الدار
مبارك عليك واش شريتي

[زهرة الريف*]

ربي يسرلك أمورك ويسهلك الإختيار