اللباس

[مشكلتي]

سوف اعطي تصورا عاما لمشكلتي لكي لا تقولوا متناقض: انا اولا يانهبل او الطلاق او الزواج مرة ثاية؟؟؟؟؟
زوجتي متدينة طباخة ماهرة مثقفة لكن ماكثة بالبيت تصنع العجايب من نظافة البيت او انواع الموائد او اهتمامها بدينها لكن عقدتني بخلل فيها وهو اللامبالاة بشكلها او ملابسها مرات نشوف زوجات الاخوة او ابناء العم بحكم انهم كاخوتي مع انو حرام نشوفهم لكن هم مايحجبوا عليا كاخوتي حاب نهار تقولي عاجبني فستان حجاب نوع جديد لكن بدون فائدة نصحتها اكثر من مرة بدون فائدة مرات( نقول راني جبت زاهدة وخونية) وخايفها تنعكس على الاولاد مستقبلا هل عيب المراة تلبس امام الاهل او الاقارب ؟و انا في حقي مسامحها غير ماتلبسليش المهم المظهر انا مهنتي محترمة ويحق لها ان تتفاخر بيها متعلقة بالابداع والفن والديكور وتعكسها على الاقل في لباسها وخايف نظغط عليها نزيد نعقدها اكثر ...
ارجوكم الحل وخاصة من الرجال الافاضل و النساء الفاضلات نصيحة للحفاظ على اسرة بصدد الخراب.

[مياسم الصمت]

السلام عليكم ورحمة الله وبركاته
الأخ الكريم اصلح الله حالك وعائلتك
الحق ما تفعله زوجتك من أمر الاحتجاب عن اخوتك هو المطابق للدين
ألم يقل الرسول صلى الله عليه وسلم ( الحمو الموت )
والحمو هو أخ الزوج
وماغير ذلك هو المخالف لشرعتنا وهو السائد في مجتمعنا للأسف لذلك نراه غريبا

طيب يمكن لزوجتك أن تتجمل لك في غرفتكما الخاصة أكيد لن تقضي وقتها كله في المطبخ

اللهم إلا ان أردت أن تتباهى بها أمام البقية؟

الأخ الكريم ان بمقدورك الإنفصال ببيت مستقل فافعل وستجد ان شاء الله راحتك مع زوجتك ولن تضطر هي للاحتجاب ما ما. لم يزركما زائر

أسأل الله أن يؤلف بين قلبيكما ان شاء الله ويبعد عنكما كل مفسدة

[lila z]

و الله عجييييييييب ! ماشي مهم ليك المهم في نظر الناس يا أخي على ما أرى العيب فيك انت ماشي فيها ربي يهدينا
و انا في حقي مسامحها غير ماتلبسليش المهم المظهر

[Shoushounette]

السلام عليكم ورحمة الله وبركاته
الأخ الكريم اصلح الله حالك وعائلتك
الحق ما تفعله زوجتك من أمر الاحتجاب عن اخوتك هو المطابق للدين
ألم يقل الرسول صلى الله عليه وسلم ( الحمو الموت )
والحمو هو أخ الزوج
وماغير ذلك هو المخالف لشرعتنا وهو السائد في مجتمعنا للأسف لذلك نراه غريبا

طيب يمكن لزوجتك أن تتجمل لك في غرفتكما الخاصة أكيد لن تقضي وقتها كله في المطبخ

اللهم إلا ان أردت أن تتباهى بها أمام البقية؟

الأخ الكريم ان بمقدورك الإنفصال ببيت مستقل فافعل وستجد ان شاء الله راحتك مع زوجتك ولن تضطر هي للاحتجاب ما ما. لم يزركما زائر

أسأل الله أن يؤلف بين قلبيكما ان شاء الله ويبعد عنكما كل مفسدة

بارك الله فيك

[لحن الحياة.]

ساهلة روح اشريلها فستان جديد و قولها راني حاب تلبسيه ولا نغضب عليك
سوف ترى النتيجة وادا ما حبتش تلبسو قولها راني نحب المرا لي تلبس مليح.....ما تستناهاش تطلب منك بالاك راها تحشم تطلب منك ولا ماهيش فايقة بلي راك تحبها تلبس..........

[sabrina el-chark]

مدامك مهتم بشكلها معناها راهي عزيزة عليك و هادي حاجة مليحة
انا فهمت من كلامك انو متهتمش بمظهرها سواءا امامك او قدام الناس و المظهر مهم
انت تكلم معاها او اشريلها لي يعجبك و اطلب منها تلبسو

[نور الرحمة]

السلام عليكم من الواجب في الزوجة المسلمة ان تكون محجبة عن اخوتك او اي شخص من غير محارمها فلبس زوجتك بهذه الطريقة دليل على ان منزلكم جد مختلط مما يدفعها الى القيام بذلك واذا كانت لاتلبس امامك ملابس جميلة فلك الحق وان كانت على عكس ذلك لي تتحجب من اخوتك ومهتمة بملابسها امامك فعليك ان تقدرها كثيرا لان قليل من النساء اللواتي يفعلن هذا المشكل لا يدفع مباشرة الى الطلاق فعليك الاخذ بالاسباب يمكنك ان تنفرد ببيت خاص بعيد عن الاختلاط وان شاء الله سوف تكون عكس ما تقول

[Ms aya]

صارحا فالصراحة راحة لكن بشويا باش متجرحاش لان طبيعة المراة حساسة

[ام نهوله]

هذا المشكل يتحل بالحوار قل لها انك تحب هيها التغيير و الاهتمام بشكلها و لو انك اخطات عندما قلت انا حقي سامح فيه المهم المظهر
لا يا اخي ارضاؤك انت هو المهم لانك زوجها و تحب رؤيه محاسنها
وان كنت مرتاح ماديا فلما لا تستقل ببيت منفرد حتى تجد هي راحتها
[/size]

[bibi fares]

ربي يطرح البراكة بيناتكم وربي يرزقني بوحدة كيما هاذي

[shams7]

اي حظ انت فيه اي ح
ملاييير الرجال تحسدك على هذه المراة
انا فتاة عزباء الان البس الكثير من الملابس ولكن حبي الكبير لخطيبي دفعني للتفكير بان تكون ملابسي وكل مكياجي الا لعيناه ولا شيءء غير عيناه
فانا من الان اعود نفسي على الحجاب في البيت كي اعتاد على هذا امام اخوته وابيه



ان كنت تريد امراة متبرجة ورائعة هذا منحقك لكن هل انت توفر لزوجتك هذا الجو واقصد هل انتما تعيشان في بيت لوحدكما
فهي مقصرة ولا باس بقليل من الجديث معها
مثلا كلنا نحب الهدايا فلما لا تشتري لها فستانا رائع وتهديه لها فالبطبع ستلبسه
كن انت محفزها



كم من امراة غيرت رجل وكم من رجل غير امراة
فلاتلم احد لم نفسك ان لم تقدر على تغييرها والتغيير ياتي بالكلمة الحلوة والطيبة لا بالخشونة واول قرار هو الطلاق
ونصيحة لك امراة كهذه ستخسر حياتك ان فكرت فقط في تطليقها
بالتوفيق اخي الكريم واكرمك الله بعيشة هنية

[أمة الله 12]

ساهلة يا اخي، اشريلها فساااااااااتين جميلة و مستورة كالقفطان بانواعو
اكيد راح تلبسهم، و الله ما تستاهل تطلق و لا تجرحها علجال حاجة كيما هكا

[~ 하난]

نور الحكمة و مياسم الصمت وفوا و كفوا

بارك الله فيكما

هدانا الله و اياكم

[محمد جديدي التبسي]

ممكن تلبس أمام النساء فساتين محترمة وفضفاضة لكن أمام الرجال يجب أن تكون بحجابها
وأنت يجب عليك أن تغض بصرك عن النظر في قريباتك من النساء خاصة زوجات أخواتك هذا الشيء حرام والكثير يتساهل فيه في مجتمعنا فعليك وعلى زوجتك أن تنصحوا إخوتك وزوجاتهم وتبينوا لهم أنه يجب نشر الستر والحجاب في اللقاءات العائلية ..ربي يهديكم ويفتح عليكم

[رجل من هذا الزمان]

انا اعزب وبالتالي فلن افيدك ففاقد الشيئ لا يعطيه هههههه عل العموم بارك الله لكما و فيكما تقبل مروروي

[nilly]

شوف يااخي للاسف معظم الجزائريات يتزييون فقط من اجل زواج يعني لما يكونوا قبل زواج فانهم يخرجون باحلى حلة وعندما يوصلون لهدفهم وهو زواج يقلبوا 180 درجة لطاي تولي ماشي لطاي . سمنة الكرش راهو خارج لهيه وتصبح القامة غير متناسقة تماما والبشرة تولي كانها ترعى غنم والملابس غير ارحل بعيد ........حدث ولا حرج وتش تدير مفهوم الجزائريات لزواج مفهوم حاطئ للاسف انانيات يفكرن في انفسهن فقط ودايا انهم بمجرد زواج يتخلين على انفسهن ولا يهتمون بزوج وادا خاانهم يا حواجي خاني وتبكي وتشكي وتطلب طلاق ونسيت انها هي سبب لاانها اهملت نفسها واصبح منتهية صلاحية .
وايس فقط المرءة الماكثة حتى العاملة المتزوجة تولي تحمل فقط اسم امراءة انظر الى نساء العاملات من حولك وراح تشوف المتزوجات كيفاه يخرجوا حتى صباط مخلوع .
سبحانه الله العظيم كي الماكثة كي العاملة وعندك حق انك تضوف في الاخرين هي لدفعتك واكيد هي لتدي دنوب نتاعك .
شوف اد هي محبتش تحشم على روحها انت فاتحها بالموضوع عيطلها وكي تجي اهدر معها باسلوب لين اولا هي مخصهاش برك لابسة قبل كل شي لازم تتوجه لرجيم الصحي والرياضة حتى ترجع طاي نتاعها كيما كانت ومبعد اشريلها ملابس لتتباع في المحلات وماشي تقولي لابسة غالية اد حبيت تشوفها كيما نتاع برا تحمل مسؤولية المصاريف10 ملايان مدهم في لابسة باه تولي تلبس غير لفيزو
جبد دراهم من جيبك قبل ومبعد كلش ساهل

[amel03l]

تبانلي راك شايف وحدة و حاب طلق مرتك او تتزوج عليها و راك تحوس تصيبلها السبة و نتيجة عدم غض البصر هي هده بذاك مرتك تولي تشوفها اقل من النساء ....مع كل احترماتي ليك الغلط فيك مرتك امرة و نص ..محافضة على حجابها و نضافة و دين و رغم انها عايشة في جو عائلي و مع ناس بزاف المس من كلامك انها ماشي تاع مشاكل و لا اضن انك في يوم ما جبتلها لباس عجبك و ماحبتش تلبسولك لا اضن هذا...جيبلها لبس تلبسلك واش تحب في غرفتكم....مي ارضاء الناس غاية لا تدرك ...سبحان الله واش دير المراة تحير تلبس مليح قدام رجال تديرولها حالة ماتلبسش مليح و تلتزم بالحجاب مايعجبكمش الحال ماتعرفش طيب مصيبة تعرف و تتهلى في البيت ماشي عجبتكم ...دير مشاكل مع اهل زوجها واعرة و صعيبة و ماشي متربية و.....خطيها المشاكل و تحمل و مهنية راجلها هو راح يحوس على المشاكل....بكل بساطة رائي الشخصي راك تشرشيلها و هادا واش لقيت سبة لانني متاكدة وكان تشريلها تلبسلك ...الله اعلم علاش راك تشارشي ....انا نقولك الله يهديك و حل مشكلتك غض بصرك راح تشوف زوجتك ملكة

[naamane3]

واش جبيبنا تحوس خوك يفتتن بزوجتك
ولا تحوس الناس كامل تشوفها
لو رزقني الله مثلها لن اطلب المزيد
اتقي الله في زوجتك وغض بصرك
يصلحك الله ويصلح لك اهلك

[zalamite]

اياك و التسرع في مثل هاته الامور ..روح بلعقل في ميزان الربح و الخسارة على ما اظن راك رابح بادن الله امراة متدينة ..مثقفة ...طباخة ماهرة(الله يبارك) ...مشكلتها اهمالها لنفسها من حقك ان تعترض و من حقك ان تتدمر لكن عالج الامور بلطف و لين لكى لا تخسر كل تلك الحسنات الموجودة في زوجتك و التى ربما ان خسرتها لن تحصل عليها مرة اخرى فالعرض شحيح.. يعني كن حدرا.

[ريحانة24]

با اخي اشكر الله الدى وهبك امراة تخاف الله وقارنها بنساء هدا الزمان ولباسهن فسوف ترضى ارضاك الله فهي نعم الزوجة فاحفضها لانها كما تبدو درة ثمينة