عاونوني الله يستركم

[مشكلتي]

السلام عليكم
انا فتاة عمري 22 سنة ، السنة نتخرج ان شاء الله و نتوظف مباشرة
ملتزمة بديني و اخلاقي الحمد لله
لما كنت قادمة من الجامعة الى البيت في الحافة رمى لي شاب كان يجلس امامي رقم هاتفه في حجري بعد محاولات عدة منه باءت بالفشل لاني لمتنعت عن امساك الورقة الا انه اصرّ و رماها في حجري لم استطع ارجاعها له خفت ان يروني و قبل ان انزل ترجاني ان اقول عن اسمي و من اين الا اني اتمنعت
بعدها قال لي تهلاي في روحك و لتيليفون بيناتنا ، انا اخدت الورقة و قلت لامي عن الموضوع و قالت لي مزقيه مزقته لكن الرقم بقي في بالي بمجرد قراءته حفظته فهو سهل جدا ، احيطكم علما ان الشاب يبدو انسان محترم فهو لم يتكلم معي ابدا سوى لما كنت نازلة ، حقيقة اعجبني و لم استطع ان اقول لامي اني اعجبت به خجلت منها ، تاتيني افكار اني نعيط للرقم لعله يريد الخير و لم يستطع ان يتكلم امام الناس خشية ان يحرجني امامهم
و انا لم امر بموقف كهذا من قبل
اريد نصحكم و رايكم في الموضوع
خاصة انتم الرجال لو عجتكم واحدة محترمة في لباسها و باين عليها اخلاقها المحتشمة و كنتم لا تعرفونها هل تتصرفون مثله

[فارس الجزائري]

السلام عليكم
خيرا إن شاء الله
أختي الكريمة الذي يريد الحلال يأتي من الباب وليس عن طريق ورقة ولا عن طريق هاته الأشياء
إياك والخضوع لمثل هاته الأمور فأنت ملكة في بيتكم وعرشك هو العفة والحياء
فأنتظري في بيتكم معززة مكرمة من يطرق بابكم فإن كان الله قد قدر لك أن يكون هو فسيكون وإن لم يقدر فلن يكون
بالتوفيق إن شاء الله

[حضنية28]

كما الاخ الكريم فارس الجزائري
اللي يجيك بالحلال الباب مفتوح
وكون جا انسان محترم ميتصرفش التصرف هذا
يا اختي العفة والحياء راس مال المراة
تاكدي بان الله سيرزقك من حيث لا تحتسبين
لاتدعي وساوس الشيطان تتغلغل الى عقلك حتى لا تحدث امور انت في غنى عنها

[knives66]

والله يا أختي ما نفتيش عليك هي هذي أكثر طريقة

يستعملها شباب للحور مع بنت تعجبوا لانهم يعرفوا ان فتاة راح ترفضواا

أذا طلب حديث معها في شارع

وممكن راه معجب بيك وحاب يخطبك والله اعلم متقريش نقص

انت تصلي ب ماسكي من رقم مختلف وأعرفي طلب تاعوا

إذا موش نوي لحلال غير يروح يربح جربي انت مكي خاسرة والوا

به هكذا ما يبقاش يتبع فيك وقلقك

مهم يعطي بالماسكي به ما يشدش نمروك و أفضل من رقم مغاير

موش تاعك

[نور الرحمة]

السلام عليكم كيما قالوا كامل لوكان نوى الخير وكان حاب تكوني زوجته لو كان تبعك وشاف وين تسكني وهدر مع عايلتك عادي مكان حتى مشكل انا هذا واش نعرف ولي موالف يعطي رقم تاعوا ماشي غير انتى وما تتسرعش لانه كاين النفس الامرة بالسوء ديره كلي معطاكش رقم الهاتف والشيطان راهو الزينلك في الامور فقط

[aymen01]

ههههههه حابا تعيطلو و تقلك ملتزمه بديني و اخلاقي

عيطي و عيشي الحب و الغرام في الحرام عام و را عام

استني لي يجيك في الحلال يا لي ملتزمه بدينها يخي انتم تحبو الحلال الملتزمين و لا تنافقي فينا برك

[mrmilano1984]

اختي شوفي نصيحة الا السيد هدا ناوي الصح علاقة جدية معاك الله مابارك الا نون غر خليه المهم ماخسرتي والو جربي اتصلي به ومش بالرقم الحقيقي تاعك رقم مختفي المهم تعرفي واش يحب صح ويفسرلك الا صح راهو ناوي الحلال معاك قوليلو مش مشكل نتكلم معاك والا ناوي يتمسخر احطك

[محمد جديدي التبسي]

كيف حكمت عليه بأنه محترم؟!!
يبدو أنك تحكمين على الناس من خلال المظهر فقط شفتيه بوقوس لابس مليح قلتي محترم؟؟!!
إياك أن تغتري به أو تحاولي الاتصال به فستدخلين نفسك في متاهة أنت في غنى عنها
اللي يحب يخطب يجيك من الباب وحتى ان كانت ظروفه لا تسمح يبعثلك مع فتاة مثلك سواء أخته أو غيرها
كان عليك تمزيق الورقة او رميها على الأقل قبل نزولك ..ربي يفتح عليك

[aymen01]

اختي شوفي نصيحة الا السيد هدا ناوي الصح علاقة جدية معاك الله مابارك الا نون غر خليه المهم ماخسرتي والو جربي اتصلي به ومش بالرقم الحقيقي تاعك رقم مختفي المهم تعرفي واش يحب صح ويفسرلك الا صح راهو ناوي الحلال معاك قوليلو مش مشكل نتكلم معاك والا ناوي يتمسخر احطك

و انت في رايك رايح يقلها نتمسخر بيك باينا يقلها ناوي الحلال

امبليش باين فيك تقبل خواتاتك يهدرو مع الرجال

[**د لا ل**]

السلام عليكم

نصيحتي لك اختي الكريمة ان تصرفي النظر عن الاتصال بهذا الشاب

من يرد الحلال فهو اعلم بما يفعل لا ان يقف على الطرقات ويرمي رقم هاتفه للبنات ...وقد لا تكونين الوحيدة التي يفعل معها هذا

قال تعالى **من يتقي الله يجعل له مخرجا ويرزقه من حيث لا يحتسب **

عزيزتي اثبتي واصبري وربي يرزقك بالزوج الصالح الذي يقدرك ويقدر اهلك ويأتي البيوت من ابوابها


كلامي لمن ينصحها بالاتصال به ........الله يهديكم .

موفقة

[no name rix]

أعرف بعض الاشخاص كل يوم يكتبون أرقام هاتفهم على الاوراق الصغيرة
وعند قيامهم بجولة يقومون بتوزيعها على الفتينات
صراحة أنت تقول ملتزمة بدينة وتريد أن تعيش العشق عبر الهاتف ؟؟
ههههههههه الله يهديك ويهدينا

[nilly]

هجمته المسكينة حرام عليكم
المستورة راهي حاية زواج برك مراهيش حابة تتمسخر ؟
طفلة باين عليها عجبها بزاف والا مكنتش راح تجيب الورقة لدار كان فيها ترميها في الكار
كيما قالك knive66 ديري رقم ماسكي واعطيلو وراني متاكدة انك راح يقولك شكون فيهم هههههه
صراحة كيفاش راكم تامنوا نتاع نميووات اكيد راه يمد لكل واحدة يشوفها قدامه هدوك ماعندهم حتى معنى لا هدف ولا منفعة
بصح حتى ماتحسسيش بتعديب ضمير جربي ومتاكدة راح تندمي
ولو نفترضه انه حاب يخطبك صح انتي حتتزوجي بيه؟

[amel03l]

اول مرة تصرالك!!!!!!!!!! اكيد دوك كي كملتي لقراية توالي تروحي في نقل عمومي كل يوم تصرالك ادا ماشي 2 و الا 3 مرات في اليوم...و ماتقويليش كل مرة تعيطي!!!!!!!!!!! اياكي تعيطيلو...هدا النوع دايما يديرها و واش راح يقول عليك كل واحد تصيبي رقمو في حجرك تعيطيلو الله يهديك...ماكاش طفلة ماصراتلهاش في حياتها كاش 50 و الا 100 مرة ...اسمحيلي مي هادا باين دايما يديرها انتي ماشي الاولى او الاخيرة....لازم صح تكوني عندك شخصية و بنت فاميليا ماشي لي يمدلك رقم تحفضيه و تعيطيلو ...انا فتاة مي كي نسمع وحدة عيطة الواحد نحكم عليها ماشي بنت فاميليا ...و الله يااختي كي قريت في الجامعة بعيدة و كنت كل اسبوع او اقل نروح في النقل العمومي و ملي كنت 18 سنة تصرالي كل مرة اذا ماشي اكثر من مرة في اليوم و عمري في حياتي مااخذت رقم او مديت رقمي مع انني كنت اصغر منك ..لا تخوني ثقة والديك و الوقاية خير من العلاج لا تفتحي باب لشيطان و كي يجي مكتوبك تكوني عفيفة عمرك ماكلمتي غيره و هو يكون مثلك

[louai louai]

ساعدوني حابة أكتب مشكلتي معرفتش وين الروح

[وفاء الصحراوية]

ختي الغالية الا تاخذي رايي ماتعيطيلو مايعيطلك
الا راه ناوي الحلال يجي لداركم و ما تخافيش الا ربي كاتبو حلالك راهو يوصل اخطينا من التليفون و الهدرة
وربي يقدملك الي فيه الخير ماتزعفيش مني انا قتلك الي كنت انا نديرو لو كان جيت في بلاصتك
ربي يهدينا

[fella111]

بالنسبة للاخوة اللي قالو تكلمو بالماسكي و تعرف واش بحوس...........................بصراحة طاحلي المورال خيبتم املي يا رجال المنتدى .
ثم ماذا طريحة يلوحلها الورقة في حجرها و كأنها يعاملها كالجارية ................طريقتة فظة ........على فكرة حدثت لي مرة كان تصرفي كعورتها و رديتهالو في وجهه بطريقة لعب القيطان تعرفوها؟؟؟؟
قد تقولون انه ممكن يكون ناوى الحلال و و و ....الخ .......................انتم رجال و تدركون اللي ناوي الحلال كيف يتصرف انا شخصيا حفظت الدرس...................."رب احب الي مما تدعوني اليه"....
نصيحتي لصاحبة المشكلة ............لا تتبعي خطوات الشيطان عن ما قلتي انه اعجبه و و و و هذه اول خطوات الشيطاااااااااااااان ابليس ما يصدق يجد ثغرة .......اصلا هو فاضيلنا واش قاعد يدير .............اخطيك لانك تلعبي بالناااااااااااااار

[dahmane42]

السلام عليكم
أنا شخصيا لو تعجبني فتاة نسأل عنها و أذهب الى والديها للدار و ليس في الطريق امام الناس

[naamane3]

بما انك متدينة وتعرفي امور الدين
واش يقول ديتك في مثل هاذ الامور
انا اقول لك قال رسول الله صلى الله عليه وسلم
ما بني على حرام فهو حرام
وان لم تستطيعي فافعلى كما فعلت احدى
الاخوات الفضليات عندما وقع في قلبها في ما يسمى بالحب
قالت عندما كان يأمرني قلبي باتباع ما يسمى بالحب
ويأمرني عقلي بقطع هذه العلاقة
صليت استخارة والحمد لله وفقني ربي لما فيه الخير
وقطعت هذه العلاقة وزال الاعجاب وارتحت نفسيا

[nilly]

راني حيرانة فيكم املا لو. كان المستورة تستنى ليجيها لدار بلاك تولي 60 سنة وحتى واحدة مايجيها لادر كاين مناطقق محال يخطبوا واحدة قبل مايهدروا معها بتلفون
ماشي غلط انك تخيري لينساك ماشي اي واحد يجي يخطبك تتزوجيه سمحيلي هده لمعندهاش العقل لتقبل باي واحد يطرق الباب
هدا لمدلك نميرو فالكار باين عليه ماشي مليح ليمدو فالكار ولا فطريق باين انهم معندهم حتى منفعة راهم عايشين برك باه يكلوا ويشربو ويمدوا نميروا هدا مكان لدلك ابتعدي عنه
وهدا ماشي اعجاب كي عاد اول مرة ومن شدة فرحكحسبيتيها اعجاب فقط هو اول من احسسك بالانوثة واعطى لكي القيمة كبنت
ومايحصل معاكي ناتج من الكبت الدي يعاني منه كل الجزائرين صغار وكبار وتريدين اخراج كبتك وحرمانك العاطفي مع هدا شاب لكن حدار

[عابد لله]

ملي عطاك رقم الهاتف لا خير فيه.
لي تعجبه وحدة يتبعها ويعرف دارهم
اذا عيطتيليو راكي رحت فيها اللى الهاوية
مكتوبك يجيك فلا تستعجلي عليه لانه مش قفازة ولا ذكاء ولا فرص

[aymen01]

راني حيرانة فيكم املا لو. كان المستورة تستنى ليجيها لدار بلاك تولي 60 سنة وحتى واحدة مايجيها لادر كاين مناطقق محال يخطبوا واحدة قبل مايهدروا معها بتلفون
ماشي غلط انك تخيري لينساك ماشي اي واحد يجي يخطبك تتزوجيه سمحيلي هده لمعندهاش العقل لتقبل باي واحد يطرق الباب
هدا لمدلك نميرو فالكار باين عليه ماشي مليح ليمدو فالكار ولا فطريق باين انهم معندهم حتى منفعة راهم عايشين برك باه يكلوا ويشربو ويمدوا نميروا هدا مكان لدلك ابتعدي عنه
وهدا ماشي اعجاب كي عاد اول مرة ومن شدة فرحكحسبيتيها اعجاب فقط هو اول من احسسك بالانوثة واعطى لكي القيمة كبنت
ومايحصل معاكي ناتج من الكبت الدي يعاني منه كل الجزائرين صغار وكبار وتريدين اخراج كبتك وحرمانك العاطفي مع هدا شاب لكن حدار

شوف اسيدي درك الحلال ولا حرام و الحرام و لا حلال

انت تقولي مشي مليح يهدر معاها و يمدلها نيمرو و من جهة مالزمش تستنى لي يجيها للدار فهمي روحك

على رايك انت لي يجي يقلها نتعرفو تعطيه نيمرو و هكذا كل يوم تتعرف على واحد و هوما كامل راهيم يتمسخرو

تقول مكيش عايشا معانا على هاذي ربي حرم الهدرا

و قال يجيب اهلو و يجي للدار و ثما يتعرفو ان شاء الله 10 سنين يا نحير كفماه طبيبه على هاذيك راكم تقتلو في الناس

[أم زين الدين]

السلام عليكم و رحمته تعالى و بركاته

اللهم صل على سيدنا محمد و على آله و صحبه أجمعين

شوفي ختي انتي بنت فاميليا و امك تاني على خاطر في هذا الزمان تاع العجب رانا نشوفو بلي الأم هي اللي تشجع بنتها على الحرام هكدا

أنا ننصحك لوجه الله ما تعيطيلو لا بالماسكي و لا بغير الماسكي اذا صح عجبتيه و ناويك للحلال يجيك لداركم .

يا تمسخير محسوب اذا عيطتي للسيد بغير رقم تليفونك و تهدري معاه راكي رايحة تعرفي نيتو.

و الله غير هادي ولات مودا يكتبو رقم التليفون في الورق و وين مشاو و عجبتهم واحدة يرميوهولها.

ربي يبقي الستر علينا و على ولادنا و على أمة محمد أجمعين.

[زبدة ذايبة]

راني حيرانة فيكم املا لو. كان المستورة تستنى ليجيها لدار بلاك تولي 60 سنة وحتى واحدة مايجيها لادر كاين مناطقق محال يخطبوا واحدة قبل مايهدروا معها بتلفون
ماشي غلط انك تخيري لينساك ماشي اي واحد يجي يخطبك تتزوجيه سمحيلي هده لمعندهاش العقل لتقبل باي واحد يطرق الباب
هدا لمدلك نميرو فالكار باين عليه ماشي مليح ليمدو فالكار ولا فطريق باين انهم معندهم حتى منفعة راهم عايشين برك باه يكلوا ويشربو ويمدوا نميروا هدا مكان لدلك ابتعدي عنه
وهدا ماشي اعجاب كي عاد اول مرة ومن شدة فرحكحسبيتيها اعجاب فقط هو اول من احسسك بالانوثة واعطى لكي القيمة كبنت
ومايحصل معاكي ناتج من الكبت الدي يعاني منه كل الجزائرين صغار وكبار وتريدين اخراج كبتك وحرمانك العاطفي مع هدا شاب لكن حدار

الله الله عليك يالالة

منين جبتي هاذ الشي

هذا ماداروه والديك ولا والديا

هذا مادروه لاجدودك ولا جدودي

هذا الفكر تاع جاكلين وأوبرجين اللي ماعندهم لادين ولاملة

هذا ديرو اللي ماعندهاش الراجل في الدار وفي المخ

يعني

ماعندها لا أب ولا أخ ولا دين و لا تربية ولا .....ألخ

وزيد حسسها بأنوثتها شوف آسيدي

اللي حسسها بأنوثتها الراجل اللي هي تكون تسوى وتغلى عندو ماشي نيميرو تاع تليفونها أهم عندو منها


لو كان يحوس عليها تاع الصح يجي كيما يجو الرجال

ويديها بالزغاريد قدام الناس راجل جاب لدارو إمرأة

ماشي راجل يحب يهدر ويتمسخر ببنت الرجال. ( إنتهى ردي عليك)

بالنسبة للفتاة

شوفي يا بنتي

هذا الرويجل اللي دار معاك هكذا ماشي راجل

احتمال كبير جيبو معمر بالتيكيات اللي فيهم النيميرو انتاعو وين تعجبوا وحدة ويعرفها ماشي تاع هذاك الشي يديرلها هكذا باش يخلطلها حياتها ومن بعد

يخليها ويروح. وكثير من البنات لما تقع في هذيك الحاجة اللي راهم يسميوها الحب ؟؟؟؟؟؟؟؟؟

يقوللها لو كان تحبيني أعطيني شوية من الشرف انتاعك

يقوللها أعطيني الدليل بلي تحبيني صح ؟؟؟؟؟؟!!!!!!!!!

نخليك تكملي بقيت السيناريو كل وحدة تكملوا على حساب دينها وعلى التربية اللي تربات عليها

وماشي محال كان يشوفك في الطريق تمشي وقال لصحابو هذي اللي راكم تشوفو فيها عاقلة وبنت فاميليا نطيحها اليوم قبل غدوة.

فكري مليح مليح مليح

شوفي لرب العالمين راه مايرضالكش هذا الشي ثم لباباك قبل ماتديري حاجة

كاين غلطات ايديروهم لبنات إذا صراوا في حياتهم يديوهم للهاوية

شوفي هاذاك النوع من النساء اللي راه موجود في بلادنا في بيوت ................................و .......................................

في رايك منين جاو . مانضنش بلي جايين من بلاد واحدو أخرى

هاذو عندهم أهلم لكن غلطو وتماداو في الغلط ونهايتهم ربي يستر على بناتنا .

خلي روحك جوهرة ماياخدك إلا رجل يدفع مهرك ويجيب الرجال والنساء من أهلو يحضرولك ويزغردو عليك. وماتخليش روحك رخيصة لأن الرجل حتى

وإن كان في نفسو رخيص ومايسواش مايتزوجش بإمرأة رخيصة كلما عززت نفسك على هذي الأمر كلما كنت غالية

وتأكدي يابنيتي أن من يتق الله يجعل له مخرجا ويرزقه من حيث لايحتسب"


شوفي

ماعندنا نحن الأعضاء حتى سلطة عليك وماهي إلا نصائح ننصحوك بيها لوجه الله تعالى والقرار بيديك أنت

[رَكان]

السلام عليكم ..
أتعجب لم نينصح صاحبة السؤال بان تتصل به عبر الهاتف لتعرف إن كان يطلب الحلال ...والله غريب ..الأمر ..
طيب إن كان لايرد الحلال هل سيخبرها أنه لايريد الحلال ؟
أفيقوا ..
هو ذلك ما يسمى الطعم ..يا أخي استخدمي عقلك ..
لو كان يريد طلب يدك ...لتتبعك حيث تسكنين ..ثم انبرى على أي محل مجاور لكم ليسأل عن لقبك ومعلومات عن أبيك ..ثم يستشير ..بعدها يتوجب مباشرة الى ابيها مع أحد اقاربه ويعرض عليه الأمر ...
لاأرى طريقا غيره ..
فإن ورطت نفسك بطلبه سيقول أنه معجب وأنه سيطلب يدك ولكنه قبلها يريد التعرف عليك أكثر مكالمة يتبعها لقاء والله عليمك بالنيات ..وقد تخسرين من وراء ذلك الشيء العظيم إن انتشر بين الناس أنكما على اتصال وسيثني من كان يفكر بالتقدم اليك من أقاربك أو اصدقاء العائلة . ..لاتتصلي به ..نصيحة ..فإني اشتم رائحة غدر ..حفظك ربي..