ساعدوني

[kikimnarim2]

السلام عليكم
ابنتي عمرها ثلاثة اشهر قررت مؤخرا اضافة الحليب الاصطناعي قبل ان ان تخلد الى النوم وبعدها اصبحت ترفض حليب ثديي وذلك اصبح يؤرقني جدا وانا محتارة كيف اجعلها ترضع كما كانت في السابق
لمن لديه حل فليفيدني به واجركم على الله

[happy luck butterfly]

دعيها تجوع اي لا تعطيها الحليب الاصطناعي عندما تجوع ستقبل بثديك
كان من الافضل ان تعطيها الحليب الاصطناعي مند تابداية

[kikimnarim2]

بارك الله فيكي ربي يجعلها في ميزان لحسناتك يوم القيامة ويعطيكي واش تتمناي يبقى مشكل الرضاعة الاصطناعية اتمنى تفيدوني اذا عندكم الخبرة واجركم على الله

[kikimnarim2]

حتى الساعة ما زالت ابنتي ترفض الرضاعة من صدري بالرغم من اني اقوم بتجويعها ترضع قليلا ثم تبكي مع ان الحليب متوفر و الحمد لله الا توجد في المنتدى من مرت عليها هذه الحالة ام انكن تبخلن غلي بالاجابة
صدقوني ان نسبة الاحباط مرتفعة جدا لان عدد المشاهدات ما شاء الله لكن لا احد يرد
برك الله فيكي اختيhappy luck butterfly مرة اخرى

[ايمان2009]

اختي شوفي راس البيبرونة (لا تيتين) ادا كانت الثقبة تاعها كبيرة غيريها واثقبيها غير بابرة تاع خياطة برك لانه كي يكون الحليب يجيها من الرضاعة بسهولة ماتحبش تغلب روحها في المص من الثدي

[kikimnarim2]

راني كنت نعطيها مرة واحدة في الليل بعد ما تنام ومع ذلك شفات عليه الان حبستها الحليب الاصطناعي خلاص قلت ربما تنسى عليه بصح لحد الان لانتيجة

[أم عبد الكريم]

الرضيع كي يكون يضع رضاعة مختلطة يجي عليه وقت و يرفض أحدها اما الصدر و أما البيبرون اختي بنتك خلاص عفت صدرك خلاص
ممكن تحقيقها رأس نتاع البيبرون باش تعافي و ترجع تضع رضاعة طبيعية ولا استشيري طبيب اطفال

[ام مريم الجزائرية]

ماتفشليش خليها جوع وتعيا ترضع وكل ماترفض ماتغيضكش وتعطيها الصناعي وانت كي فيك الحليب علاه تخلطيلها حليبك انفع من الاصطناعي ملاحظة لازم تكبري قلبك باه ترجع يعني ممكن طول شوية باه ترجع ونساي البيبرون ربي يسر اختي

[kikimnarim2]

بارك الله فيكن اخياتي في الله فرحتوني بزاف وخاصة رجعتولي الثقة في نفسي ربي يحفظكم ويسترلكم اولادكم يا رب
ادعولي باش ربي يسهل معايا الرضاعة تاع بنتي عن قريب ان شاء الله

[إكليل]

لست ادري ما أقول لكي يا أختي الذي أعرفه و من تجربة أمي أن الطفل لما يرضع الحليب الإصطناعي يعيف صدر أمه

[kikimnarim2]

مشكلة ابنتي هي اني ما لحقتش ندخلها حتى الاصطناعي واذا بيها عافت كلش ما ترضعش خلاص غير شوي برك وغير كي تكون راقدة والمشكل الكبير انها ضعيفة خلاص

[nassira81]

شوفي اختي ما تياسيش انا تاني عندي ولدي عمرو 6اشهر درك عانيت معاه الويلات كل مرة يزعف على صدري ونجيب مدة نحاول فيه حتى يرجع و درك يرضع غير فالليل و من جهة وحدة شوفي حاولي كي تحبي ترضعيه تديه لغرفة هادية ومظلمة شوي ولا اسنايها ترقد وهزيها رضعيها وحطيها فوق صدرك بدون ملابس لاكبر وقت ممكن وما تنسايش الدعاء وانشاء الله ينتهي المشكل

[ام مريم الجزائرية]

ربي يسهلك وعلى ضعيفة الة بصحتها ماشي مريضة ماتتقلقيش وماتخليش الهدرة توسوسك بناتي يترباو ضعافات حتى يقولولي كيفاه عاشو والحمد لله ربي يباركلي في اولادي ربي حفظهم وماعمرتش راسي بالهدرة

[kikimnarim2]

بارك الله فيكن جميعا وما تنساوش تدعولي لانه في هذه الحالة ما ينفع غير الدعاء والطفل مخلوق ضعيف ربي اللي يسير فيه وربي يحفظكم امييييييييييييييييييين

[نسيبة نوسة]

مساء الخير اختي الكريمة متحافيش باذن الله ترجع ترضع من صدرك انا وليدي كي زاد مرضعنيش مدة 10 ايام مبغاش يحكم درتلو الحليب الاصطناعي وديما نخاول نرضعو ومبعد قالتلي سلفتي يذكرها على خير-بلي كي نمدلو يرضع ندير صورة البقرة ديما يعني كل يوم والله العظيم حكملي وراه يرضع والحمد لله وزيدي اقرايلها قران ويلا ديري الرقية الشرعية تع الاطفال بويسك موجود موضوع بهاد العنوان وان شاء الله خير

[kikimnarim2]

سلام اختي نسيبة علابالي صورة البقرة فيها فائدة عظيمة بصح كيفاش نديرهالها لاني نحاول نرضعها اكثر من عشر مرات في اليوم

[نسيبة نوسة]

مساء الخير احتي انا كنت نديرها كي نجي نرضعو يعني خليها تمشي ديما ونتي كل دقيقة مديلها وان شاء الله خير انا وليدي عمرو 7 اشهر يرضع من عندي ومعاوناتو بالحليب الاصطناعي مدايرتلو بيوميل