نصحني الطبيب بعملية لازالة الفيبروم في الرحم

[mimi happy girl]

سلام انا بنت عمري 17 سنة كان عندي فيبروم في الوالدة من فترة وعطاني طبيب دواء وكي عاودت رحت ليه قلي راهو زاد كبر ومدابيك تنحيه احسن ميوليلك حاجة اخرى كي تكبري والله غبير خايفة بزااااف ربي يحفظكم الي تعرف كاش علاج طبيعبي يفيد ولا تعاوني ربي يعطيكم ما تتمناوو

[عماد الدين2]

السلام عليكم
= جيبي 1 لتر زيت اضيفي له 100 غرام ثوم اشربي 3 ملاعق ك فجرا
= ملعقة ك عسل + ملعقتان عصير بصل تتركيه نصف ساعة ثم تشربيه
قبل (( الفطور - الغداء - العشاء )) بنصف ساعة و عند النوم
= سنة ثوم بقشورها اشويها حتى تحترق القشور و لما تبرد قشريها
ثم غمسيها في العسل و الزيت و استعمليها تحاميل supos شرجية
صباحا و عند النوم
= نبات القطف + البردقوش بنفس الكمية ارحيهم في robot و امزجيهم
جيدا ضعي ملعقة متوسطة في كأس صبي عليهم ماء في درجة الغليان
و غطيه لمدة 20 دقيقة ثم اشربيه مرة صباحا و مرة مساءا
التزمي بهذه الوصفة لمدة شهر ثم اعملي تحاليل و اخبرينا بالنتيجة
الله يشافيك

[..بسمة أمل ..]

سلاااااام اختي حاجة عادي متخافيش
كاين ياسر ينات عندهم نفس المشكل وقاموا
بعمليات جراحية وعادي تزوجوا وجابوا ذراري
انا نعرف دواء طبيعي كاين ياسر جربوه و راحلهم
انتي جربيه فترة و اذا منفعش روحي ديري العملية
احسن ما يزيد يكبر والعملية راها ساهلة
الوصفة هي القطف تلقايه عند العشاب اشريه
يابس وارحيه و ديريه مع الياغورت و كوليه
هاذي الوصفة راها مجربة وراه كاين موضوع مثبت على القطف في قسم
الطب البديل حطوا عضوا جزاه الله خيرا وفيه كل الفوائد زيدي اقراي عليه ربي يجيبلك الشفاء امييييين

[ذكرى أبي]

أنا أيضا أعاني من نفس المشكلة ، شريت القطف هو عشبة مالحة جدا نفختني لكن في أول التجربة
شكرا على وصفاتكم
و بالشفا أختي و كل الأخوات إن شاء الله

[yasminh]

السلام عليكم
أختي أنا كان عندي فيبروم ولكن الدوا مادرلي والو أتصحني طبيب بعملية وعندي عامين ملي اجريت العملية نحاولي 3 فيبروم
اتكلي على ربي وشوفي طبيب مليح ونحيه أحسن ملي يكبر .............. وكل وحدة والحالة نتاعها وحدة نعرفها نحاتو وزوجت وجابت اولاد لكن أنا حالتي شوية صعيبة المهم انت ربي يشفيك وماشي قاع لمراض يتشابهو كل وحدة وحالتها

[yasminh]

أنا أيضا أعاني من نفس المشكلة ، شريت القطف هو عشبة مالحة جدا نفختني لكن في أول التجربة
شكرا على وصفاتكم
و بالشفا أختي و كل الأخوات إن شاء الله

انا حكاولي بزاف على القطف ولكن بعد يوم كي شربتو جاتني ليموراجي بزاف اليوم درت جميع التحاليل اللازمة وبعد غد عندي موعد في الجزائر مع طبيبة يجعل خير إن شاء الله

[..بسمة أمل ..]

انا حكاولي بزاف على القطف ولكن بعد يوم كي شربتو جاتني ليموراجي بزاف اليوم درت جميع التحاليل اللازمة وبعد غد عندي موعد في الجزائر مع طبيبة يجعل خير إن شاء الله




المراجي اكيييد تجي بعد ما تشربي القطف غدوى روديلنا بالخبر لازم