حكاية سالي

[Basketteuse]

لست ادري كم كان عمري انذاك، كنت فتاة صغيرة ادرس بالابتدائي ، كنت مولهة ككل الفتيات بالرسوم المتحركة سالي، احببت تلك الشخصية الطيبة والمظلومة ، وتعلقت جداا بتلك الغرفة في العلية ، التي حبست فيها،وما جذبني اكثر تلك النافذة المثلثة الشكل حيث كانت سالي تجلس على حافتها العريضة، وكلها أمل ..... تعلقت اكثر وأكثر بها ، وتمنيت من كل قلبي ان تكون لي غرفة مثلها في العلية ونافذة مثلثة الشكل مثل نافذتها ، تمنيت ان اجلس مثلها على تلك الحافة وانظر للسماء وما حولي........
ومرت السنين،ونسيت تلك الامنية ...
اكملت دراستي ، خطبت من رجل في غير ولايتي ، اتفقنا ان نسكن بيتهم الكبير مع أخواته ، في ملحق في الطابق الاخير ، لان أمه متوفاة رحمة الله عليها، وابوه يعمل في ولاية اخرى،وهو الرجل الوحيد في البيت ،،
مرت الشهور واتى يوم عرسي الذي كان احزن يوم،،، فارقت فيه عائلتي و صديقاتي ومدينتي، الى حياة اجهل معناها!!، دخلت غرفتي لأول مرة ، لم اصدق ماأرى !! انها هي ! انها هي!!! حلمي منذ الصغر، نافذتي ! انها تقريبا نفس نافذتها! الحافة العريضة ايضا موجودة!!!!!!!!!! كل التفاصيل موجودة،،، يال سعادتي !!







ولكن للاسف لم تكتمل سعادتي فبعد ايام معدودات اكتشفت ان الانسة منشن ايضا تحققت مع امنيتي



انا الان أعيش شبه محبوسة فيها منذ تقريبا 5 سنين ، انتظر ان يأتي الفرج ،لربما سوف احصل على النهاية السعيدة مثل سالي

[ام محمد امير]

ربي يفرج عليك اختي

[نور الرحمة]

تحقق حلمك الذي كان في خيالك لكن صدمت بالواقع ربي يفرج عليك

[YASMINE SILA]

ربي يفرج عليك اختي اصبري فبعد العسر يسر

[imi25]

السلام عليكم
والله العظيم ضحكت على الانسة مينشن
ممكن نعرف شكون هي الانسة مينشن
ربي يرزقك الذرية الصالحة تنسيك شوية
انا تاني مثلك تعلقت بسالي بزاف

[Basketteuse]

السلام عليكم
والله العظيم ضحكت على الانسة مينشن
ممكن نعرف شكون هي الانسة مينشن
ربي يرزقك الذرية الصالحة تنسيك شوية
انا تاني مثلك تعلقت بسالي بزاف

وعليكم السلام ،شكرًا على مرورك الكريم
الانسة منشن هي احدى اخوات زوجي، تشبهها قلبا وقالبا،ههههه ربي يغفرلنا ويهدينا ويفرج عنا ان شاء الله

[imi25]

وعليكم السلام ،شكرًا على مرورك الكريم
الانسة منشن هي احدى اخوات زوجي، تشبهها قلبا وقالبا،ههههه ربي يغفرلنا ويهدينا ويفرج عنا ان شاء الله

ان شاء الله تفرج يا رب
ربي يثبتك ويوفقك يا رب

[ام ادرىس]

يبدو ان حالتك النفسبة سيءة فقد اختلط الواقع مع الخيال عندك :o ربي يفررررررج عليك يا اختي:mh92:

[Basketteuse]

يبدو ان حالتك النفسبة سيءة فقد اختلط الواقع مع الخيال عندك :o ربي يفررررررج عليك يا اختي:mh92:

تحليلك صحيح100/100 اختي،اختلط علي كل شيء، ربي يفرج على كل مهموم ان شاء الله

[Basketteuse]

ان شاء الله تفرج يا رب
ربي يثبتك ويوفقك يا رب
شكرًا،،امين لكل مؤمن ان شاء الله

[ام نهوله]

و الله يا اختي و انا اقرا ما سردت ذهب بي خيالي الى تلك الغرفه و كم سعدت عندما قلت انها تحققت امنيتك و لكن اعذريني ضحكت عن غير قصد عندما ذكرت منشن
اتمنى من قلبي ان تنصلح احوالك و تسعدين كما سعدت سالي

[سيرين 5]

أختي أنت ماكثة بالبيت ؟ علاش ما تديريش هوايات تسلي نفسك بيهم عملي كروشي ماكرامي ، التلوين على القماش البرودي .... كاين حاجات بزاف ممكن يسلوك و يشغلو مخك خير من الفيد ألي راكي فيه صدقيني أنا نخدم بصح في الويكاند بالجمعة مع الشغل و السبت راجلي يخدم و أنا نقعد وحدي و دارهم التحت نقعد نبكي بلا سبة و نتقلق و نعيطلو كل دقيقة ؟؟؟ وليت بالجمعة نخدم كامل شغلي و بالسبت نقلع لدارنا ولا نخرج نقضي ما نقعدش في الدار وحدي ؟
و أنت الله غالب داركم بعاد لازم تشغلي نفسك بهوايات مفيدة باش ما تعمريش راسك بآنسة منشن ما تستاهلش تقلقي روحك علاجالها ؟

[anfale 86]

ياااااا ذكرتني بأيام الصبا من كترت ما كنت نبغيها تفررجتها حتى بالفرنسية ،ربي يفرج عليك و يجعل أيامك سعيدة و عاملي الآنسة منشن كيما عاملتها سالي و ديها على حساب عقلها ربي يهديها و يهدينا و تأكدي قد ما ضياقت توساع

[توبة89]

ربي يفرج عليك من اوسع ابوابه يارب

[أم أيوب 11]

اختي ضحكتيني و بكيتيني الله يفرج همك وانا نقولك زيدي حلمي بالنهاية السعيدة نتاع سالي ممكن تتحققلك

[Izake]

ولله يا أختي كما قالت الأخت سرين 5، شغلي نفسك خدمي شي حاجة خياطة أو قاطو، الفراغ هو عدو الإنسان، و هادي منشن خرجيها من عقلك ماتفنيش حياتك تخمي فيها، فني حياتك في حاجة إيجابية تفيدك

[Orchidia]

ربي يفرج عليك أختي و يرزقك ماتتمني

أسلوبك في السرد رائع

ماشاء الله

[سحابة أمل]

استعيني بالله أختي وبإذنه تعالى ستصل الحلقة الأخيرة من سالي

وستصبحين السيدة الأولى لكن لا تسافري للهند راهي بعيدة بزاف
حبيت نحيلك على خاطرك ربي يكون في عونك

[Basketteuse]

استعيني بالله أختي وبإذنه تعالى ستصل الحلقة الأخيرة من سالي

وستصبحين السيدة الأولى لكن لا تسافري للهند راهي بعيدة بزاف
حبيت نحيلك على خاطرك ربي يكون في عونك


ههههههههههههههههههه والله العظيم ضحكتيني من القلب!
ماتدري وبالاك نروح للهند، انا من لي كنت ويعيطولي الهندية !!!!!!
بارك الله فيك

[Basketteuse]

ربي يفرج عليك أختي و يرزقك ماتتمني

أسلوبك في السرد رائع

ماشاء الله

شكرًا لك اختي، وبارك الله فيك

[Basketteuse]

ولله يا أختي كما قالت الأخت سرين 5، شغلي نفسك خدمي شي حاجة خياطة أو قاطو، الفراغ هو عدو الإنسان، و هادي منشن خرجيها من عقلك ماتفنيش حياتك تخمي فيها، فني حياتك في حاجة إيجابية تفيدك

هي لي عائلتين انا مانيش عايشتها، لكن الانسان ساعات كي يلم بزاف ، لازم يفرغ الباطن تاعو ولا يترتق، انا الان مشغولة في تربية ابنائي الصغار والحمد لله

[Basketteuse]

أختي أنت ماكثة بالبيت ؟ علاش ما تديريش هوايات تسلي نفسك بيهم عملي كروشي ماكرامي ، التلوين على القماش البرودي .... كاين حاجات بزاف ممكن يسلوك و يشغلو مخك خير من الفيد ألي راكي فيه صدقيني أنا نخدم بصح في الويكاند بالجمعة مع الشغل و السبت راجلي يخدم و أنا نقعد وحدي و دارهم التحت نقعد نبكي بلا سبة و نتقلق و نعيطلو كل دقيقة ؟؟؟ وليت بالجمعة نخدم كامل شغلي و بالسبت نقلع لدارنا ولا نخرج نقضي ما نقعدش في الدار وحدي ؟
و أنت الله غالب داركم بعاد لازم تشغلي نفسك بهوايات مفيدة باش ما تعمريش راسك بآنسة منشن ما تستاهلش تقلقي روحك علاجالها ؟

نصائح جيدة ، شكرًا لك صح الواحد كي يقعد وحدوا مع المشاكل يتوسوس ، ربي يهنئنا ان شاء الله

[Basketteuse]

ياااااا ذكرتني بأيام الصبا من كترت ما كنت نبغيها تفررجتها حتى بالفرنسية ،ربي يفرج عليك و يجعل أيامك سعيدة و عاملي الآنسة منشن كيما عاملتها سالي و ديها على حساب عقلها ربي يهديها و يهدينا و تأكدي قد ما ضياقت توساع

هنا يكمن المشكل، انا نعاملها بلطافة ، وفي معظم الاحيان نتفادى التجمعات الا اذا كان راجلي معايا ، باه مايديرو والوا، لكن في حالات الله غالب لازم تنفرد بيا هي واخواتها، وتبدا تسربي وانا نسكت، ومن بعد العائلة كامل يزعفوا وراجلي يسمع وكامل يشهدوا معها، ونولي انا الغالطة
والمشكل الاكبر، انها في نظر زوجي وجميع الاقارب حتى البعيدين، تلك الفتاة الخجولة ، التي تسكت عن حقها ، !!!!!!!!!!!!!!!!؟؟؟؟؟؟؟؟؟؟؟؟؟؟. ؟؟؟؟؟؟؟؟؟؟؟؟؟؟؟؟؟ والله مافهمت كيفاه

[بنتك يآأقصى]

ربي يفرج عليك اخيتي

[belavita]

jamais de rose sans épines w hadi hia dania
wa tab9a ahlam tofola ahla ma yatamannaho l2insane
éééééééééééééh oui

[anfale 86]

هنا يكمن المشكل، انا نعاملها بلطافة ، وفي معظم الاحيان نتفادى التجمعات الا اذا كان راجلي معايا ، باه مايديرو والوا، لكن في حالات الله غالب لازم تنفرد بيا هي واخواتها، وتبدا تسربي وانا نسكت، ومن بعد العائلة كامل يزعفوا وراجلي يسمع وكامل يشهدوا معها، ونولي انا الغالطة
والمشكل الاكبر، انها في نظر زوجي وجميع الاقارب حتى البعيدين، تلك الفتاة الخجولة ، التي تسكت عن حقها ، !!!!!!!!!!!!!!!!؟؟؟؟؟؟؟؟؟؟؟؟؟؟. ؟؟؟؟؟؟؟؟؟؟؟؟؟؟؟؟؟ والله مافهمت كيفاه

الله يهديها ماتخافيش يمهل و لا يهمل وكلي ربي و تفرجي يجي نهارها وأكثري من الاستغفار الناس للي كيما هاك يخلصوها في الدنيا قبل الآخرةربي يهديناو يهديها

[nesrina18]

ربي يفرج عليك اختي

[ahlem 05]

اول امنية وتحققت باذن الله وارجو ان تتحقق كل امانيك

[Basketteuse]

ربي يفرج عليك اختي

امين بارك الله فيك

[Basketteuse]

اول امنية وتحققت باذن الله وارجو ان تتحقق كل امانيك

اميين يارب، ولَك بالمثل شكرا لك

[oumhana]

ربي يفرج عليك اختي
مراكيش وحدك لتعاني

[ام مهدي 03]

ربى يفرج عليك اختى

[~ دروب الخير ~]

ربي يفرجها عليك ... ادعي ربي برك
قال تعالى (( و بشر الصابرين)) ...اصربي و ان شاء الله الفرج يكون عمّا قريب

[monie96]

شكراا بارك الله فيك

[Basketteuse]

شكرااااا لكن جميعااااا، حبيت نبشركم راني استقليت بداري وحدي !!! الحمد لله مفرج الهموم ، عطاني على حسب نيتي
ربي يفرج على كل مكروب

[0ibtissam]

شكرااااا لكن جميعااااا، حبيت نبشركم راني استقليت بداري وحدي !!! الحمد لله مفرج الهموم ، عطاني على حسب نيتي
ربي يفرج على كل مكروب
الف مبروك وان شاء الله تكون عتبة خير

[Basketteuse]

الف مبروك وان شاء الله تكون عتبة خير

شكرًا لك جزاكي الله كل خير

[Zahra 30]

ربي يفرج عليك و الله يلاهي الآنسة منشن في همها

[التشلساوية]

ههههههههههه والله قصتك غريبة عجيبة

[♥قمر♥]

ربي يفرج عليك حبيبتي

[الطالب العائد]

الرسوم المتحركة رايعة

[Basketteuse]

الحمد لله لقد رحلت الى بيتي الجديد، لعقوبة للي مازالو شكرًا لكم جميعا على الاهتمام، وعذرا ان تأخرت في الرد، بصراحة نسيت الموضوع

[kala11]

السلام غليكم...أحسني المعاملة..و اكثري من الدعاء سوف تنفرج الأمور

[koukita4]

انا تاني كنت نموووت على سالي وللان نتفرجها فايوتوب
وانت ربي يفرج عليك وتتهناي من الانسة منشن

[koukita4]

الحمد لله لقد رحلت الى بيتي الجديد، لعقوبة للي مازالو شكرًا لكم جميعا على الاهتمام، وعذرا ان تأخرت في الرد، بصراحة نسيت الموضوع
مبروك عليك الدار بالهناء ولعقوبة ليا