خلعتني الطبيبة ا فهلا ارحتموني

[ome jade]

السلام عليكم والله البارح ديت بنتي اسراء للطبيبة وهذا بعد ما جربتلها كامل وش قالوا الاخوات جزاهم الله خير علي الامساك لكن مكان حتي نتيجة
قاتلي الطبيبة مدام راهي ترضع طبيعي ملازمش يكون عندها امساك ورجحت انو يكون مصرانها طويل ، والله خلعتني اول مرة نسمع بهذا
المصران الطويل ، رجاءا قولولي كفاش نتعامل مع هذا الامر واذا كاين دوا او اي حلول اخري وهل رح تبقي كامل حياتها هكا، والله قسمتلي قلبي وهي
تبكي وتتوجع وانا منحيتلها الكوش في هذا البرد ومطلعتلها رجلها كمحاولة للاخراج ، مزالها صغيرة علي هذا الالم هذا وين عندها شهرين ونصف

[إكليل]

ربي يكون في عونك و يشافيلك بنيتك. عادة الإمساك يحكم الأطفال اللي يرضعوا الحليب الصناعي أما حليب الأم فلا يحدث ذلك عادة

[أم مبين]

يا أختي جربتيلها شميعات غليسيرين انا ابني كنت نرضعو طبيعي ومن بعد بديتلو الحليب الاصطناعي وحكمو الامساك عانيت معاه ومدولو راديو وتحاليل والله ماعملتهم لو وجربتو غليسيرين حاشاك غير تديريهالها رايحة تخرج كل شيء حتى وحدو فاته الحالة

[ome jade]

بارك الله فيكم و جزاكم كل خير
اختي انا الان نديرلها في غلسرين لكن قالك مالزمش تكثري منهم يعني لازم تكون عمليت الاخراج طبيعية

[البوسعادية]

مرحبا اختي
هادي الطبيبه نظن انو خلعاتك برك.......
انا وحده من الناس صرات لوليدي..مش امساك برك انا المخلوق كان لسع شهر ولا شهر نص يقعد ازير في روحو والو والجهد معندوش ومرات باليومين منشوف والو فالكوش حشاك..وطبيبتو هي جراحه انتع اطفال ملي زاد نتعامل معاها برك..قاتلي نورمال وعطاتني شميعات جيليسرين هدوك نفعوه صح مي مش دائما قاتلي كتحسيه فشل ديرهملو...وقاتلي نورمال حتى 3 متشوفي والو في الكوش باش تخافي ...
ولحد الان مرات يعاني من هدا المشكل...كما البنان منعتوا عليه بتاتا ياكل غير شوي برك يعشي حاصل المخلوق..
وربي يحفظلك بنتك

[ام نهوله]

راني قلتلك اختي من قبل صراتلي و انا قالتلي الطبيبه مصرانها عريض بزاف و عندي ما جريت هادو راديووات هادا دواء انا هاداك الوقت كنت نتعذب بزاف معاها كنت حاشاكم نشد كوردو تاع الاسنان و نحاول نعاونها بصح تبعت مع الطبيبه و كملتلها دواها من هاداك الوقت نسيت هاد الامساك ما زادش كامل حكمها و انا ما خلطتلهاش تبعت غير الطبيبه و بنتي راهي 7سنوات في عمرها اسمحيلي طولت عليك حبيت نشجعك ماتخافيش ديري الشجاعه و تبعي علابالي الام تخاف بزاف و ربي يشافيها

[قلماني]

يالأختي لا تقلقي هذا ما قالو الطبيب لابنة اختي لما كانت في سن بنتك لكن مع الوقي كبرت وتحولت الى عادية جدا والان هي قي المتوسط

[بشيرة 13]

متتقلقيش حتى بنت خويا كان عندها امساك نهار وهي تبكي
جيبي صابون الطرف التقليدي قطعي شويه وذوبيه بصباعك تدلكي فيه حتى يرطاب ديريه كما شميعات و...... راكي عارفة نقولك مكانش 5دقايق حتى ....................
والله يشافيها

[أم شروفة]

إن شاء الله لاباس .جربي اللي قالوه الاخوات

[محمد بن عبدالله]

اان شاء الله ما كاين والو انا بنتى صرالها امساك وهى عمرها عشرة ايام وكانت مسكينة ما عندهاش الجهد درتلها صابون الجيراف شميعات المرات الاولى وبعد درتلها المساج فى بظنها بزيت الزيتون والرياضة وما لازمش تكثرى من الشميعات لازم يكو الاخراج طبيعى

[الجزائرية المحبوبة]

ياختى احنا لما يكون عندنا رضيع نقروهم زيت زيتوناى نشربوه بصح بالعقل من تحت اللسان باه مايشرقش

ثانى شيء لازم يكون الكل انتاعك لي يساعد الرضيع على عدم الامساك

ياختى ممكن يكون غازات البطن
وماتنسايش مرة على مرة اعملي له بيبرونة انتاع اعشاب

[أم عبد الكريم]

ان شاء ميكون والو.........
صح الإمساك يحكم لولاد أما بسبب المصران يكون طويل أو عريض و باش تتأكد الطبيبة لازم تشوفلو من داخل

[ome jade]

ريحتوني ربي يريح بالكم ويهدي حالكم

ان شاء الله نزيد نصبر معاها حتي تكير شوية يلاك ترتاح كما قالوا الاخوات
جزااكم الله كل خير وربي يشبفي مرضانا ويعافي اصحاءنا

[malak mimi star]

انا ولدي عاوناتو زيت الزيتون نديرهالو فالسوسات

[al djazayria]

اهلا اختي شكون ماصراتلوش بصح انا درت لابنتي مغرف زيت زيتون صغيرة راهم يتباعوا جربى والله الحمد الله

[ome jade]

مفهمتش عليك وشنو لراهم يتباعو ،

[ام مريم الجزائرية]

شربيها زيت الزيتون وعملي قطنة شمخيها مليح بالزيت وديرهالها في الدبر وماصيلها كرشها شوية راح ترتاح ان شاء اللهوتيزانة تاع النعناع مليحة خفيف شوية وشربيها راح تتنقا

[nassira81]

شوفي اختي انا ولدي كان يخمج حاشاكم كل خمسة ايام واحيانا اكثر كان هو يبكي وانا معاه حتى ديتو وحدالنهار لطبيب تاع اطفال وجراح كي شافو قالي ولدك ضيق من تحت ودارلو صبعو حتى بكى وفحم و من هداك النهار وانا في رحمة

[النجمة القطبية]

شوفي اختى متنخلعي ما والوا
اول شئ اتبعي انتى ريجيم غذائي متكليش الاغذية اللى ممكن تسبب غازات مثلا كالمشروبات الغازية وتجنبي حتى الخضر اللى تعمل غازات وتسبب صعوبة في الهضم
اتبعي ريجيم غذائي جيد
اما بالنسبة لطفلتك تقدري تتبعي النصائح التالية
ديريلها شوية ماساج في البطن بحركات دائرية بزيت الزيتون مثلا بالحنانة غير بشوية
ديريلها تيزانة مثلا البسباس صدقيني سمعتها اليوم من عدن بروفيسور في الطب كان يحكي على موضوع قراه انو البسباس علاج جيد لالام البطن وتسهل الهضم
جربيه اختى
وفي نفس الوقت راقبي الاغذية اللى تاكليهم انتيا ممكن تكون مجرد حساسية من نوع معين من الغذاء
اذا تحسنت اللهم بارك واذا لا اديها لطبيبة اخرى
وطمنينا
وان شاء الله خير

[*فاتن*]

السلام عليكم .انا نعطيك حل و انشاء الله يفيدك لانو فادني في بنتي بزاف و من اول استعمال.شربيلها منقوع التمر راه مفيد للصحة و للبطن جربيه و ناكدتك بلي مارايحاش تستغني عليه

[Basketteuse]

يأختي تبعي رأي الطبيبة عندها الحق، انا عندي نفس المشكل ، والمصريان الطويل يكون ملهوث ، يعني شبه مربوط ، وتعرفي انه القولون يقوم بامتصاص السوائل من البراز اثناء مرورها به، وقد مايطول البراز فيه راح ينشف، وفي حالتي وحالة بنتك حركة المرور تكون صعيبة ، يعني راح يمتص اكبر قدر من السوائل ، وتخرج ناشفة توجع،
ماعندك ماديريلها اختي انا راني عايشة به ، شربيلها بزاف الماء، باه قد ما يمتص يبقى شوي طري،،،، وشربيلها زيت زيتون تاني بزاف باه تلين البراز، و مين تولي تاكل، بعديلها العجائن، والشكولا،، كثريلها من الفواكه ، والخضر والسوائل ، الالياف هي للي راح تعاونها ، وربي يخففلها ان شاء الله

[milissa21]

اسال الله العظيم رب العرش العظيم ان يشفيها عاونيها اختي بالغليسيرين و زيت الزيتون مع كل رضعة

[روح مراد]

أختي ادهنيلهل كل يوم بزيت الزيتون سخونة شوية و سخني أوراق الخس و حطيهم على كرشها
تفوتي تدهني بالزيت و حطي ورق الخس سخون على كرشها و اربطيه و شوفي النتيجة

[om romaissa]

اختي ما تنخلعي ما والو انا بنتي رضعها طبيعي وتقعد بالاسبوع صح تنضر وتبكي كيما راكي تقولي وممبعد كي ولات تاكل ريحت الاطباء فاني يخلعو http://www.djelfa.info/vb/attachment.php?attachmentid=95511&stc=1&d=1424270472

[ايمان2009]

انا اولادي في اثنين عانيت بيهم نفس المشكل احنا عندنا يقولو الصغير يخمر يعني يخبي باه يكبارو مصارنو
انا فالاول كنت نديرلو صابون الطرف شميعات ومن بعد وليت ندير الشميعات تاع الجليسرين والحمد لله
ماتقلقيش روحك

[sabrina el-chark]

سخني زيت زيتونة و اغطسي شوية برك تاع قطن حتى تتشمخ مليح و من بعد ديريه على راس التيرمومتر و دخليه غير شوية من تحت لبنتك ..باه توساع شوية و تلين هاديك البلاصة و تاني اعطيها شوية زيت زيتونة تشربو
و هادي حاجة عادية للصغار
ربي يشفيها

[ome jade]

بارك الله فيكم اخواتي علي الردود وكل شئ راكم قلتوه انشاء الله يكون في مزان حسناتكم
اما علي ابنتي راني نعاون فيها بالجلسرين زيت الزيتون مادرلها والوا،

[sabrina el-chark]

مالا بدليلها الطبيب و شوفي واش يقلك
ربي يشافيها

[hanadel]

ان شاء الله ميكون والو.

[kakinova]

السلام عليكم

اختي ديريلها طرف صغير شحمة تكون طرية و اعجنيها بين يديك و شكليها شكل الشمعة و خليها تبرد شوي و ادهنيها بزيت زيتون و ديريهالها

ان شاء الله تمشي كرشها

و اعطيها الماء تشرب حتى ولو انك ترضعي فيها رح تساعد كرشها تمشي

لانو كيما يقول كاين حليب نفاع و كاين حليب نتاع ام تقول ماء

[ام ورود]

يا اختى بنتك مازالت صغيرة متخلطيش فيها .انا تانى صراتلي عنها 7 شهور كانت بنتي تخمج ب3 و4 ايام وكاين ايامات وصلت حتى 6 ايام وتقلقت كثير وديتها الى الطبيب اعطاني شميعات الغلسرين ونصحني اني منكترش منهم ونصحني نعطيها كل يوم 3 قطرات زيت الزيتون.وكيما كان الحال استعملت الشميعات مرتين فقط وحبستهم لكنى واضبت على زيت الزيتون وبقيت صابرة عليها فات شهر رجعت عاديةوالان راهي في عمرها 9 اشهر ماشاء الله عليها رجعت ما لحقش بليكوش .اما بكاء بنتك ممكن من لغاز في الكرش مديلها التزانة التى تتباع عند الصيدلية المخصصة للرضع.اصبري عليها برك راهي حاجة عادية وربي يشفيها

[maya t]

salam okti lhal lwahid dirilha cham3at glisirin 3dkayak tathana lwlad kamal hakda mathayri rohak ma walou rabi m3ak

[ساندريلا]

اختي نفس المشكل مع ابني من لما كان بعمر بنتك و حتى الان عمره عامين ومازال نفس المشكل هدا وين عملتلو راديو قالي الطبيب مصرانو طويل اما عادي ماشي حاجة تخوف لازمه ريجيم تاع خضر و فوتكه و قالي مين يكبر يرجع لاباس عليه
هدي الطبيبة راهي تخلع فيكي في الباطل كاين الامساك المؤقت مع الوقت يروح
ربي يكون معاك فعلا حاجة صعيييييييبة

[sampaolo82]

ربي يشافي إبنتك

[Shoushounette]

إن شاء الله لاباس

[أم تيم الله]

السلام عليكم و ربي يكون يكون في عونك حبيبتي

شربي بنتك الماء الدافئ مع العسل الحر الصباح على الريق

و حاولي توكليها زيت الزيتون تحت لسانه باه متشرقش حليهولها بالعسل الحر تجنبي السكر

و مادام راكي ترضعي فيها اشربي نتي ثاني زيت الزيتون و حاولي دخليه في الماكلة نتاعك فايدة ليك و ليها اختي

و الهدرة لي قاتلك عنها الطبيبة مديريهاش في بالك ديري ربي في بالك ضرك تريح بنتك ان شاء الله

و بالتوفيق اختي

[ome jade]

بارك الله فيكم اخواتي وجزاكم كل خير والله ارتحت من مؤانستكم حتي وانو بنتى مزال مرتحتحش لكن اعطيتوني الامل والدفع باش نصبر معاها حتي ترتاح فجزاكم الله خير وربي يحفظ ابناءنا وابناء المسلمين ويشافي مرضانا ويعافي اصحاءنا

[loji]

اختي بنتي كانت هكا بصح ترضع حليب الصناعي و تعاملت معها بالغليسرين تحميلات و كانت تتنفس عادي وتقضي حاجتها متخلعيش روحك

[chouchou w]

السلام عليكم والله البارح ديت بنتي اسراء للطبيبة وهذا بعد ما جربتلها كامل وش قالوا الاخوات جزاهم الله خير علي الامساك لكن مكان حتي نتيجة
قاتلي الطبيبة مدام راهي ترضع طبيعي ملازمش يكون عندها امساك ورجحت انو يكون مصرانها طويل ، والله خلعتني اول مرة نسمع بهذا
المصران الطويل ، رجاءا قولولي كفاش نتعامل مع هذا الامر واذا كاين دوا او اي حلول اخري وهل رح تبقي كامل حياتها هكا، والله قسمتلي قلبي وهي
تبكي وتتوجع وانا منحيتلها الكوش في هذا البرد ومطلعتلها رجلها كمحاولة للاخراج ، مزالها صغيرة علي هذا الالم هذا وين عندها شهرين ونصف

kheti llimsak dirilha zit siton ocharbiholha darba bdarba

[سرور2]

راهم الاخوات وفاو وكفاو

ربي يجيب الشفا ان شاء الله

[ome jade]

بارك الله فيكم اخواتي والله زيت الزيتون مجابش نتيجة معاها والان راني نديرلها غلسرين مرة في الثلاث ايام هكدا باه تقدر تدير

فقط سؤال للاوات لدارو الغلسرين هل معليش تطول المدة وهي بيه

[loji]

نعم اختي بنتي كنت نستعملهولها كم من يوم وهو احسن من الصابون لان الصابون يحرق ولا ضرر في ذلك وان شاء الله ربي يكون معاك ومع البنوته