مشكلتي نفسيتي

[مشكلتي]

السﻻم عليكم

عمري 20 سنة جامعية //

مشكلتي هي نفسيتي
والله اني حايرة في عمري
بعد ما طلعت للجامعه تبدلت والكل ﻻحظ
وليت وحدي منحب نهدر وﻻ نجمع وﻻ نقصر وﻻ عندي القدرة ندي ونجيب مع الناس واذا كثروا عليا نقلبها مجامﻻت فوق القلب
ممكن انا الوحيدة الي يحسبوها لي برا والداخل وحش متنقل قنبله تتفلق مع لي يهدر معاها عبد هاز روحه
بصح انا مشكلتي موليتش نحب ني نهدر وﻻ نرد من اصله موش احتقار للناس ﻻ والله
بصح نرتاح كي نبعد عليهم راحتي كي نبقى وحدي

حتي الوالدة تاعي تحاولني باه نقعد معاها ونحكي شوي .... وانا والله نضغط على روحي حتى نحس
بلي راح نموت ونحكي زوج حكايات ونوض وانا نفسي تؤنب فيا على الضغط الي حطيت روحي فيه

وليت عبد خﻻف نرتاح كي نبعد ع الناس الي نعرفهم ولي منعرفهمش
صحاباتي فيزوج عندي 4شهر مهدرتش معاهم وبعثولي ميساجات وانا والله يثقال عليا نرد عليهم

ممكن تقولوا صراولك مشاكل بصح انا مصراتليش حتى حكايه يعني ﻻ قاسني حد وﻻ قست حد
ﻻ عﻻقات وﻻ غيرهم من بكري وانا وحدي ودركا زدت وخليتها بعد

[سفير الأيام]

حوسي ديري هواية مليحة

قد يكون انطوائك حادثة لكن لم تعطيها اهمية بالغة جعلت تصرفاتك تتغير


مثلا عندي فترة صراتلي حادثة المتني جعلت مني شخصا منعزلا ووليت نشوف في الدنيا كحلة حاولت ندي عطلة مرضية طويلة وتغيير الولاية نروح نحوس توجهت للطبيب وطلبت منه يساعدني

قالي ضرك غادي تهرب من مشكلتك بصح غادي تكمل العطلة اللي نمنحها لك ووتولي هل راك متيقن ما تزيدش تتفكر مشكلتك


هنا فطني الطبيب وشريت قيطارة وانا الان ابحث عن مؤسسة خاصة لتعلم القيطارة والاندماج في عالم اخر بعيد عن العالم الدي كنت اعيش فيه



اما انتي حاولي تشرحي مشكلتك ليماك غير هي اللي داويك وتفهمك

وفي وقت الفراغ خرجي وضحكي الدنيا فايتة بصح لازم تعيشي كل لحظة منها تبقى لك دكرى