حرت كيفاه ندير معاها

[مشكلتي]

السلام عليكم ورحمة الله وبركاته


سأحاول أن ألخص حكايتي وأتمنى أن أتلقى ردود مفيدة فثقتي فيكم كبيرة....


خطبت منذ عام ونصف والعرس ان شاء الله مقرر بعد الصيف أي عامين من الخطبة حتى للزواج وهو ما اتفقنا عليه في الأول
في العام الأول لم يصادف طريقنا أي اشكال بتاتا كنا متفاهمين على كل شيء وتعلقنا ببعض لدرجة كبيرة جدا مع العلم أنا كنا نحكوا في التليفون صراحة لكن من دون لقاءات الا في المناسبات في دارهم .
حتى لحظت تغيرها في خلال يومين فقط من خلال طريقة كلامها معي وفي اليوم الثالث قاتلي المكتوب انتهى من دون سبب واضح (من دون ان تعلم اهلها)، أنا صراحة ما امنتش لأنو مش ممكن يكون فراق من غير سبب ومتأكد ألف بالمية مادرتلها والو وقاتلي سامحني وخلاص مع اقرارها أنها غالطة في حقي
بعد يومين اتصلت بي والدتها اللي هي قريبتي واعتذرت موضحة لي انها لاحظت تغير تصرفاتها خلال اليومين وجابولها الراقي قال بها أعراض حسد كبير وعين
بعدها كلمتني واعتذرت وقاتلي راني حاشمة ملي درتهولك وكذا وكذا ..... وراني ما كنتش طايقة صوتك خلال اليومين الاخيريين وما كنتش حاسة واش راني ندير .....
أنا صدقتها صراحة وفاتت 5 اشهر ملي الحكاية درك لكن مارجعتش كيما قبل أصبحت ساكتة في الهدرة واجابتها تحسها باردة المهم ماهيش تحوس عليا كيما قبل ، كي نقلها واش بك تقولي ما بيا والو
وليت مرة نعذرها ومرة نتقلق منها تاع الصح + مانيش مقصر معاها حتى ماديا خصوصا عندها باك السنة
أنا حبيت تقولي هي واش باغية فقط لكن الاجابة نفسها دائما ما بيا والو

انا حرت كيفاش ندير خصوصا الشرط قريب نديه
هل الحسد والعين دير هاكا ، أم لصغر سنها 19 سنة ام ضغط القراية
المهم ماعدت فاهم والو
صراحة مانيش حاب نفرط فيها + قبل متعلق بيا أكثر مني لكن بعد حكاية الرقية مش عارف ؟؟



كاش واحد سمع مثل هده الحكاية يقولي كيفاه ندير أو نتصرف
بارك الله فيكم

[مراد سابقا]

لربما يا اخي عندها مرض نفسي ولربما تتعاطى الأدوية او ماشابه

سقسي مليح يا اخي

العين والحسد يشفى منهم الإنسان بسهولة

[hodayena]

اخي الكريم الحسد يفعل اكثر مما تتوقع واسوء روح بلعقل برك وايضا مدام عندها الباك بلاك مقلقة وتخمم بزاف احرص كل الحرص على تفهمها ولا تتسرع وربي يهنيكم مع بعض
ومرة اخرى ادا مفتح عليها انصحك بالرقية معها انت وهي ويكون والدها معها ايضا لمعرفة المشكل
ايضا حاول تعرف الاعراض التي تعاني منها خطيبتك لمعرفة اما حسد او عين او غير دلك
هنا في المنتدى يوجد قسم الرقية الشرعية وموجود فيها موضوع عن اعراض العين والحسد وغيرها وطريقة العلاج
وادا خطبيتك رقاة فكان لابد عليها ان لا تحدث به احد الا انت وامها وابوها وانت كان لازم متقول لحتى واحد انها رقات وربي ما فيه غير الخير

[nilly]

Kayane wahadf 7aytha w akid hiya fdhlato 3lik kyane bnate mayfhmoche ghir bdraham

[قمر السلام]

اخي من الممكن ان امها سيفت عنها باش رجعتلك ولكن هي صغيرة يمكن كانت نزوة واعجاب لما قبلت بيك في الاول ودرك بلاك ندمت وحابة تقرا وتروح للجامعة والله اعلم
انت اسئلها اذا راهي حابة تكمل حياتها معاك هادي مش حاجة ساهلة اذا كملتو هكدا بعد الزواج مش رح تمشو بزاف على حساب حالتها

[ROMMEL]

حبيبي لو كان جيت في بلاصتك نخليها تقلب المزاج واعر و لي يقولك عين و حسد يخرط عليك اصلا انتوما ما تتلاقاوش الا في المناسبات شكون راح يشوفكم ويحسدكم نقولك واش راهي تخمم خطيبتك راهي تقول انا مازلت صغيرة و حابة ندخل للجامعة ون عيش حياتي و نلقى لي خير منك و معاودة الاتصال بيك راهي فوق قلبها لانو اهلها ضغطو عليها

[ام نهوله]

انا نظن و الله اعلم ان الفتاه ليست مقتنعه بك و بالاك بانتلها شوفه اخرى كلشي ممكن في هاد الوقت انا ننصحك تتروى شويه في هاد الزواج زيد تاكد منها هي شخصيا ايلا راهي حابه ترتبط بيك و لا لا لا

[simmou]

السلا م عليكم يا اخي انا نقولك استخر الله هو يبين لك طريقك واترك لها بعض الوقت ولا تضغط عليها لتعرف اذا ما كانت تريدك او صحيح انها كرهتك دون سبب .بالنسبة لقولك ان كان ذلك حسد او غيره فهذا احتمال وارد جدا فنحن في وقت يحسدوك حتى على ضحكة في فمك ،وانا قبل زواجي حدث لي مثل هذا الموقف من جهة زوجي وتبين ان هناك سحر بيننا ونحن نعاني منه لحد الان بالرغم من مرور عام ونصف فيا اخي الحسد او العين ذكرهم الله عز وجل في كتابه الكريم وان نكرنا وجودهم نكونو من الذين يؤمنون ببعض الكتاب وليس كله ،كن صبورا واسال الله ان يبين لك الطريق الصحيح . حظ موفق

[محمد جديدي التبسي]

المشكلة في الهاتف وطول فترة الخطبة عام ونصف وانتم تحكو (خاصة اذا لم يكن هناك عقد شرعي) فطبيعي أن يتسرب الملل إلى علاقتكم خاصة إذا عرفتو سلبيات بعضكم البعض هذا من جهة
كذاك ربما تفكير الفتاة في البكالوريا والجامعة جعلها تندم لأنها ربما تقول أنها تسرعت ولم تحقق طموحاتها!!
لتحسم الأمر عليك بمصارحتها ومن ثم طلب لقاء مع أهلها وضعوا النقاط على الحروف إما المضي قدما أو فسخ وفي كلتا الحالتين الخير فيما اختاره الله ..ربي يفتح عليك

[..بسمة أمل ..]

اللسلام عليكم اخي الكريم
شوف خويا نص الجبانة داتها العين
و الرسول عليه الصلاه والسلام قال بلي العين كاين منها
المهم حاول تعذرها و هي ثاني انصحها تعاود ترقي و
ربي يفتح عليكم في زوج و متنساش باه تستعين بصلاه الاستخارة
بالتوفيق

[سجل أنا جزائري]

كيما قال الأخوة يجب وضع النقاط على الحروف


خاصة اذا راهي صغيرة و هذا وين بدات يتفتحو عينها نظن ظهرتلها شوفات وحدخيرين

بالك ضغطو عليها اهلها و رجعتلك ما بقاتش كيفاه و راهي تديلك هكذا باش تكرها و تجي من عندك

ما تديش وحدة مش باغيتك حتى و لو كنت متعلقة بيها

أهدر معاها قولها ادا مش مقتنعة نحبسو خير ذرك و ما تخفيش من أهلك انا الي نقولهم حبست مش هي باش تنحي عليه الضغط

اذا تجاوبتت معك تسما كانت تحوس عليه و حبس خير و شوف وحدة مجمول عقلها خير

لأانو صغارات يتعبوووك بزااااف

[lhossin]

يا خويا نقولك ومجرد راي انا مكانك نبعد لاني لا استطيع ان اعيش مع انسانة تظن ربما انها تستحق احسن مني فقد حدث هذا وقالت امراة لزجوها هاد الزين خسارة فيك ولي تخليك خليها وكاين ما احسن منها لكن مجرد شك والشك لا يغني من اليقين شيئا انصحك ان تبتعد عنها وتنظر ردة فعلها على حساب الحكاية تاعك راك تحبها بزاف واي شخص تظهر له المودة زائدا في الحد يملك كما قيلا تكثر على املوك حتى يملوك لا زم تبدل طريقة معاملتك وتعز نفسك شويا ماتبينش بلي راك منها والدنيا حبست ثم الا لقيتها تحوس عليك اعرف بلي راها تبغيك وفي الاخير هذا مجرد راي و يبقى القرار بيدك خويا اتمنى لك التوفيق والسلام

[KARIO]

اخي يمكن مارهيش مقتتعة بفكرة الزواج اصلا، ندير روحي في بلاصتها نقول ندي الباك و نروح الجامعة و نعيش حياتي، نصيحة خذ وحدة اللي تكون ناضجة و حقت واش كانت حابة، لأنو الزواج مشي ساهل و مسؤولية كبيرة على البنت حتى و لو تزوجتو رح توقعو فمشاكل كثيرة، الله يوفقك أخي

[كتائب القسام]

أعرف السبب يبطل العجب

[mrmilano1984]

يااخي صراحة ماكان ني عين ني حسد ني والو لمرا دايرة هكا تتخيل بزاف في راسها الله غالب نتا علابالك صح راها تحبك ودايراتك في قلبها وناوياتك للزواج النسا هكا دايرين من عند ربي صدقني تتوقع كل شيء منهم رها تهدر معاك 0 سنين يبانلها واحد تتخيلو في مخها احسن منك تبدلك وتروح عليك
افهمو ياعباد الله لمرا مخدومةةةةةةةةةةةةةةةةةةةةةةةةةةةة هكا تبقي تدور تدور تدور تقلب في النت في الفايس بوك في الشارع في الخدمة وووو حتي هي تطح في الراجل لي ترسمو في مخها وهكا ياربي باش من بعد الا تصوراتو هو طح فيه وخلاص ماتبدلوش
الله غالب انا مانتزوج ماوالو نعرفهم كفاه دايرات

[عابد لله]

اخي وانت واش يهمك فيها عندها حسد عندها رمد هدي مش مشكلتك. انت درت لي عليك ابتعد وهني راسك. اما جاها من هو احسن منك، اما ندمت وحابة تكمل القراية اما ضربها بلحمر من جيهنك المهم النتيجة واحدة راك تضيع في عمرك باطل. خليها كي تطلع عليها الشمس تعرف قيمتك. والحياة ما تتوقفش على طفلة حبيبي كون رجل مش حاجة تافهة كيما هذي تهزك

[كنزة88]

انا صاريتلي كيما خطيبتك عندي عام ونص خطبة دي فوا نحس بلي مانيش قادرة نكمل معاه رغم انو يموت عليا ولخطبا تقليدية مانعرفوش هوا ناس ملاح بزاف ونا تاني رقية من سحر منعرف اعدرها راهي في حالة صعبة وزيد زواج مسؤولية بصح مانقدرش نجرحو لاني حاسة انو وسواس مع الوقت ايروح اهتم بيها اكثر من قبل وبينلها بلي راح تعيش معاك bien

[mrmilano1984]

يااخي الا لمرا ماهاش حباتك الله يسهل اخسر وفارق كما قال السيد الحياة ماراهش تتوقف علي جال مرا سبحان الله

[لاعبة النرد]

لا حول و لا قوة الا بالله ..........

الله يستر

استغفر الله

والله كوارث راها تصرا هنا

وشبيكم ياناس .... قالكم كاين فتور في علاقتو معاها درتو هاك ؟؟؟؟؟


لا اخي بالالالالالاك تسمعلهم ............ استغفر ربي ... البنت عمرها 19 سنة راها بنت وبعقلها ....

يا سيدي معليش حتى تقطع الشك باليقين ...... اسالها بطريقة لينة و قولها وشبيك تغير حالك .... راكي حابة تكملي الجامعة او لا ؟؟؟

الا راك انت قابلها الجامعة قولها راني معاك ومايكون الا الخير ....

الا مراكش قابلها ...اهدر معاها واسالها ...ممكن تكون بدلت رايها وحابة تكمل قرايتها .... شوف قرارك في هاد الموضوع --هادا امر خاص بيك على اية حال--


الا مكاش مشكل من ناحية جامعة و كدا ..... قولها بهدوء انو ممكن الباك والتوتر نتاعو دايريلك هكدا .... وانو امر و يفوت


ادا كانت هادي البنت في نظرك مليحة و بنت عايلة و متخلقة .... علالالاش تفرط فيها ... تمسك بيها يا اخي فقصدك الحلال ...

ادا تكلمت معاها و هدءتها و بانتلك مكاين والو باين اكدلها انك ناويها في الحلال ولكن حالتك مراهاش تعجب و شدد معاها اللهجة معليش --- ولكن بعد ما تتاكد انو مزالها عادية من ناحيتك ---

وعلى اية حال يا اخي رانا في فيفري و مابقاش على الباك .... حاول تكون سند ليها و اقترح عليها تجيبلها حوليات باك او ملخصات دروس ... حتى تحس انك واقف معاها ...

و زيد ننصحك ماتهدروش بزاف بالتلفون حاول انت ثان تليكيديها مرات حتى تحس هي ثان شوي بيك انك مقلق من ناحيتها ... يعني قرصة اذن ...

المهم حاولو انو الزواج يتم بسرعة وربي يهنيكم و ماديرش على اللي قالو ...... ملت منك او راها حابة تعيش حياتها وكدا ....

يا عمي حتى و لو ..... ديرها طفلة صغيرة ومش عارفة صلاحها ....ديرها وسوسولها صحاباتها ..... ياك انت راك شاتيها ؟؟؟ وراك عارف صلاحها ؟؟؟ وناوي معاها الحلال ؟؟؟ وحابلها الخير ؟؟؟ يمالاتيك ماتفرطش فيها .... ماتخليهاش تضيع بلاك ...وحتفظ عليها ... وادعي ربي دايمن يكون معاكم ... وخلي المودة دايمن بيناتكم .....سلالالام

[staifia]

لا حسد لا عين لا عين لا والو
هي تحوس تليكيديك مالباتش كيفاش هذا مكان

[dotnet]

يا أخي نعطيك نصيحة تنفعك بدون ما تندم
- اذا بغيت تتأكد من أنه حسد أم شيء آخر انتضر نتيجة الباك وستتأكد حينها !!!!

أو ربما يكون الاهتمام الزائد هو السبب !!!!!

[hodayena]

خافو ربي في ردودكم طايحين عليه تليكيديك وراهي شايفة شوفة واشبيكم راكم استغفر الله الشيطان هرب وانتم اخدتم بلاصتو اتقو الله اهدرو هدرة مليحة او لا وتشعلوش نار الوسوسة
حسبنا الله ونعم الوكيل

[زايدي أمحمد]

السبب طول مدة الخطبة اتمنى لك كل الخير اخي العزيز

[mrmilano1984]

واش رانا نشعلو النار نتوم النسا هاك دايرات دايمن تحبو نفوسكم بزاف وتتخيلو غر الراجل لي تحبوه في راسكم وقلبكم الور بلاك كرهاتو الور لكداتو مع الاول كان يعجبها مع الوقت شافت عقليتو ماهجبتهاش حبست لمرا رانا حتفضين عقلية النسا كفاه يخمو

[عبد الله 34]

واش رانا نشعلو النار نتوم النسا هاك دايرات دايمن تحبو نفوسكم بزاف وتتخيلو غر الراجل لي تحبوه في راسكم وقلبكم الور بلاك كرهاتو الور لكداتو مع الاول كان يعجبها مع الوقت شافت عقليتو ماهجبتهاش حبست لمرا رانا حتفضين عقلية النسا كفاه يخمو

رتك تشوف اخويا...ويقلك علاه ارتفاع نسبة العنوسة في الجزائر
السيد صاحب الموضوع باين متربي وولد فاميليا وهي كل مرة كيفاش تخرجلو...
نصيحة من عندي يا صاحب الموضوع الحياة لا تتوقف عند فتاة ...خيرها في غيرها
المهم انت كون راجل ودير لي عليك
والا شفتها مزالت تتكسل كي لاستيك ...لوح عليها vـــوايجيا رمل وبدل طريقك
سلام