بخصوص الاجتماعيات

[rittel]

والله راني في حيرة من امري مزلت ما حفظتش وكتاب محمودي جاني فيه بزاف

[ردينةأريج]

ما تتقلقيش أختي رانا كامل مزال مابديناش و إنشاء الله بالإرادة نحققو المستحيل وننجحوا كامل ونفرحوا يما و بابا

[miss manar]

والله نفس المشكلة اختي

لا اجتماعيات لا شريعة

[AMINONA]

لا تقلقي والله انا مثلك إنشاء الله نوصلو

[yasser2099]

توكلي على الله ثم ابدئي :)

[ماريا كلارا]

انصحك بالاعتماد على حفظ عنصر كل يوم ومنه حتى الباك تكوني حفضتي كلش

[black dark knight]

رانا كيف كيف

[ميمي سمية]

راني كيفك

مزال ماحفظت والو

[سارة 16]

Mezel lhal ma soeur mais beleki metzhefdich psk tesheki had lesapoints après tenedmi wlh
Mezell 3zendek kamell lwekt
W deja heda howa lwekt bech tebdey

Lakhsii chwiya erefdi ghir lisntl surtt fel chakhsoyat yham l fatra li kan chaya3 fiha w wech kanet mohimto w aham hadja darha
Bn chance ma soeur

[soundous 98]

it's hight time but never toooooooooo late:19::19::19::)

[Nihal Oglo]

أنا المشكلة بديت نحفظ و أنهض على الساعة 04:00 صباحا بصح تدخل منا تخرج منا
واش ندير كرهت ؟؟؟؟

[ورود العلم]

السلام عليكم ورحمة الله تعالى وبركاته
اصدقائي الغاليين راه يبانلكم برك بلي راكم تنساو وش تحفظوا وهذا من تشتت اذهانكم فحسب ...
اولا مالازمش تقولوا وش راح نحفظوا وش راح نخلوا..الدروس راها ياسر ..لا لا مش هك ...نتوما ماتشوفوش الدروس من الاول الاخير ....ابداو خطوة خطوة ...وبشوي بشوي راح تلقاو رواحكم ان شاء الله حفظتوا كلش اصبروا برك ...وتوكلوا على ربي سبحانه...
وكنصيحة باه ماتنساوش وش حفظتوا لازمتلكم تستعينوا بالمخططات ...حاولوا تهيكلوا الدرس على شكل مخطط والله باذن الله هذه الطريقة راح تخلي الدرس يترسخ في اذهانكم ..وتأكدوا ان الحفظ تع تهزوا كراس وتحفظوا منو مباشرة بلا ما تفهموا وبلا ما ديرو تخطيطات راه مايفيد والوا...لخطراه العقل راح يهز غير بعض المعلومات المحفوظة في الذاكرة ..الباقي كامل راح يروح ..اما اذا ركزتوا مع الدرس كلمة كلمة وفهمتوه مليح ..ودرتولوا مخطط ..فهذا راح يسهل على الذاكرة امر الترسيخ ...
وكذلك انصحكم بالاكثار من حل البكالوريات ..واحفظوا الشخصيات والتواريخ والمصطلحات الواردة فيها ..لخطراه معظمها تتكرر كل عام حتى الوضعيات تتكرر ثاني ..والله افضل طريقة ثاني هي حل البكالوريات...
موفقين اصدقاء الاعزاء ..ارجو لكم النجاح من كل قلبي ...سلام...