ابني كثير الحركة

[ام محمد امير]

صباح الخير عليكم راني مقلقلة بزاف مالقيت حتى حل نديرو مع وليدي في عمرو عامين يتحرك بزاف تغفلي عليه دقيقة تلقايه دار كاشما حاجة نظل نجري عقابو عياني تاع الصح راسو يابس نهدر ولا نعيط كيف كيف هو مزال مايهدرش مليح بالصح لحوايح ليديرهم تقول هذا راهم يعلمو فيه،مايلعبش باليجوي كان يحب يتفرج ضكة وااااالو ينوض مالنوم يتبعني للكوزينة نشريلو ليجوي مادورش عليهم ربع ساعة يكسرهم شريتلو قصص تلوين قلت يتعلم مابقاتش ليلة ربي يرحمها دارها كي فتات الشخشوخة :sdf:
فالدار ماعندوش معامن يلعب ومايخرجش بزاف غير اذا مايخدمش باباه قلت راجلي نديروه فالاكراش غير عشية ولا صباح مبغاش قالي هذا الموضوع ماتناقشينيش فيه ،مالقيت حتى حل قلت نجي للمنتدى تمدولي رايكم كل واحدة فاتت ولا راهي عايشة هذا الوضع تقولي كفاش نتعامل معاه واش تنصحوني نشريلو العاب ولا كشما خاجة يلتى بيها بلاك يعقال شوية ماتقراوش موضوعي بلا ماتخلولي رد من فضلكم والله راني بحاجة نصيحتكم :sdf::sdf::sdf: :sdf::sdf::mh92:

[أم مبين]

هدو هما الاولاد حتى انا وليدي مهبلني وراهو في لاكريج بصح دايما يتحرك بزاف



حبيت نسالك مرة اكتبتي بلي مايهدرش راهو يهدر وكيفاه عملت معاه باه تكلم

[ام محمد امير]

يا اختي والله مايهدر يقول غير باي باي ديتو لطبيب قالي لباس بيه راه يخزن فالهدرة كي عاد يسمع ماتخافيش عليه مع الوقت يولي يهدر قالي لازم يلعب معلولاد

[الدر المكنون 7]

ربي يحفظلك وليدك أختي هذا أمر طبيعي لأن ابنك ما يلقاش مع من يلعب والأولاد كثيري الحركة يخرجو أذكياء المهم ما تظغطيش عليه وما تحاوليش تمنعيه من الحركة بالعكس أوجدي له أعمال يقوم بها تتناسب مع عمرو يفرغ فيها الطاقة نتاعو أو غيريلو الألعاب مثلا الألعاب الهندسية لي تكون قطع ويركبوها والأهم أنك تطولي بالك عليه ونوصيك اياك والصراخ أو الضرب رايح يتعقد مسكين
أما فيما يخص النطق ما تتقلقيش عليه حتى هذاك أمر عادي وصرالي مع ولدي كان في عمرو عامين يفهم كلش واذا حب حاجة يشرحهالي بالحركات والايحاءات ومن بعد بدا يهدر عادي

[ام محمد امير]

هدو هما الاولاد حتى انا وليدي مهبلني وراهو في لاكريج بصح دايما يتحرك بزاف



حبيت نسالك مرة اكتبتي بلي مايهدرش راهو يهدر وكيفاه عملت معاه باه تكلم

اختي سامحيني ماقدرتش نجاوبك فالخاص نقاطي ماتسمحليش وليدي ديتو عند طبيبة اطفال قاتلي وليدك راه لباس بيه كي عاد عندك واحد تظلي تعسي فيه قاتلي مديلو الالعاب وخليه قاتلي اشريلو مكعبات شوفيه اذا يعرف يركبهم خبيلو حوايج وشوفي اذا يعرف بلايصهم درت واش قاتلي وشفتو يدير كلش بالصح المشكل في وليدي يحب يلعب شوية ثم ثم يكره يحب يقعد فالكوزينة مع لماعن والتخدام ،وليدي تقريبا نتاج هو وليدك عندو عامين واسبوع وليدي كان كي نعيطلو مايسمعنيش يبقى مبرونشي مع التيليفزيون منهار نقصت عليه يتفرج شوية الصباح وليت نخلي قرآن يمشي ولا شريط ولا كي نتفرج انا افلام يبقى يشوف معايا ،هاذ اليامات تعلم يناديني باسمي كما يسمع باباه والله راني فرحانة وعلمتو ارقام بالفرنسة ينطق آن،دو،سانك قاتلي طبيبة اشريلو قصص تلوين يتعلم يخربش ومكعبات يركبهم قاتلي ماتعسيهش خاليه يكبر بعقلو ماتقوليش هذا هدر وهذا وهذا قاتلي كل واحد والنمو تاعو ،انا وليدي برك كثير الحركة ،ماتقلقيش اختي كل حاجة في وقتها كشما جديد عندك خبريني هكذا تفيديني ونفيدك .

[ام محمد امير]

ربي يحفظلك وليدك أختي هذا أمر طبيعي لأن ابنك ما يلقاش مع من يلعب والأولاد كثيري الحركة يخرجو أذكياء المهم ما تظغطيش عليه وما تحاوليش تمنعيه من الحركة بالعكس أوجدي له أعمال يقوم بها تتناسب مع عمرو يفرغ فيها الطاقة نتاعو أو غيريلو الألعاب مثلا الألعاب الهندسية لي تكون قطع ويركبوها والأهم أنك تطولي بالك عليه ونوصيك اياك والصراخ أو الضرب رايح يتعقد مسكين
أما فيما يخص النطق ما تتقلقيش عليه حتى هذاك أمر عادي وصرالي مع ولدي كان في عمرو عامين يفهم كلش واذا حب حاجة يشرحهالي بالحركات والايحاءات ومن بعد بدا يهدر عادي


شكرا اختي هنيتيني ربي يهنيك .

[البوسعادية]

مرحبا اختي
كيف الحال ...
والله هدا الشيء رانا كامل نعانو منو ...اولادنا كثيري الحركة العابو ميلعبش بيهم ويحب يلعبلي بالماعن هههههههههههه
المهم عندي صحبتي اخصائية تخاطب في المملكة العربية السعودية حكيتلها على النطق قاتلي متراقبيهش كفوتلك اكثر من 3 سنوات صح خافي عليه وعطاتني برنامج تدريبي على النطق للاطفال العاديين ..نورمالمو من عامين ونصف الى 3 سنوات واكثر تقريبا ...وقاتلي تقدري تبداي مع ابنك بحوايج خفاف....راني غير نلهي نحطولكم تستفادو منو...
وربي يحفظلك وليدك يارب

[فرح حياتي]

نقرا في موضوعك ونتخيل فيه
بسلامتو احمدي ربي ولدك كثير حركة احسن مايكون شاد بلاسة ومايدير والو
على الاقل راكي عارفى بلي لاباس عليه ماتحيريش راه في سن اكتشاف لازم يتفتف باش يتعلم
انا بنتي عندها عام وبدات تخرب الحمد لله نتعب بصح نفرح ونضحك من فعايلها

[ام محمد امير]

مرحبا اختي
كيف الحال ...
والله هدا الشيء رانا كامل نعانو منو ...اولادنا كثيري الحركة العابو ميلعبش بيهم ويحب يلعبلي بالماعن هههههههههههه
المهم عندي صحبتي اخصائية تخاطب في المملكة العربية السعودية حكيتلها على النطق قاتلي متراقبيهش كفوتلك اكثر من 3 سنوات صح خافي عليه وعطاتني برنامج تدريبي على النطق للاطفال العاديين ..نورمالمو من عامين ونصف الى 3 سنوات واكثر تقريبا ...وقاتلي تقدري تبداي مع ابنك بحوايج خفاف....راني غير نلهي نحطولكم تستفادو منو...
وربي يحفظلك وليدك يارب

يعطيك الصحة اختي هكذا قاتلي الطبيبة ماتعسيهش فالهدرة ،ماتنسايش اختي البرنامج رانا كامل محتاجينو شكرا مرة اخرة

[ام محمد امير]

نقرا في موضوعك ونتخيل فيه
بسلامتو احمدي ربي ولدك كثير حركة احسن مايكون شاد بلاسة ومايدير والو
على الاقل راكي عارفى بلي لاباس عليه ماتحيريش راه في سن اكتشاف لازم يتفتف باش يتعلم
انا بنتي عندها عام وبدات تخرب الحمد لله نتعب بصح نفرح ونضحك من فعايلها

شكرا على مرورك وربي يحفظلك بنتك والله كما قلتي ساعات نفرح بالصح كي نكون عيانة والله تلقايني نبكي نعطيلو الحلول كامل اتخيلي مالي ينوض معايا على الثامنة مايعاودش يرقد انا نعيا وهو مايعياش كون نبات سهرانة يبات سهران نورمال ربي يقدرنا ان شاء الله

[milissa21]

ضحكتيني يا اختى والله غير فكرتيني في وليدي الكبير هادو هوما الدراري ويكبر انشاء الله ويعقال ربي يشدهولك

[ام ياسمين10]

ربى يحفظهولك اختى والله رانى حاسة بيك اختى مرت عليا بابنى كنت كيما انتى مرات نبكى نتاع الصح بصح كى ولا ميهدرش وشكيت فى التوحد وليت ندعى فى ربى يكون لاباس عليه ويهدربرك كيما نتاجو لبغى يكسر الدار كاملة معليهش والحمد لله تبعتو عند الاخصائى وراه لاباس عليه والحركة الزايدة رانى الى حد الان نعانى منها وهذا شىء عادى
انتى قولى الحمد لله كى راه بصحة جيدة ويكبر وتنساى تعبو

[Simassim]

صباح الخير عليكم راني مقلقلة بزاف مالقيت حتى حل نديرو مع وليدي في عمرو عامين يتحرك بزاف تغفلي عليه دقيقة تلقايه دار كاشما حاجة نظل نجري عقابو عياني تاع الصح راسو يابس نهدر ولا نعيط كيف كيف هو مزال مايهدرش مليح بالصح لحوايح ليديرهم تقول هذا راهم يعلمو فيه،مايلعبش باليجوي كان يحب يتفرج ضكة وااااالو ينوض مالنوم يتبعني للكوزينة نشريلو ليجوي مادورش عليهم ربع ساعة يكسرهم شريتلو قصص تلوين قلت يتعلم مابقاتش ليلة ربي يرحمها دارها كي فتات الشخشوخة :sdf:
فالدار ماعندوش معامن يلعب ومايخرجش بزاف غير اذا مايخدمش باباه قلت راجلي نديروه فالاكراش غير عشية ولا صباح مبغاش قالي هذا الموضوع ماتناقشينيش فيه ،مالقيت حتى حل قلت نجي للمنتدى تمدولي رايكم كل واحدة فاتت ولا راهي عايشة هذا الوضع تقولي كفاش نتعامل معاه واش تنصحوني نشريلو العاب ولا كشما خاجة يلتى بيها بلاك يعقال شوية ماتقراوش موضوعي بلا ماتخلولي رد من فضلكم والله راني بحاجة نصيحتكم :sdf::sdf::sdf: :sdf::sdf::mh92:

راكي تحكي على حالتي بالضبط حتى ولدي فشلني. مع الحمل وقدوم الأخ ماقدرتش انا ولدي دخلتو للروضة هدا النوع من الاطفال الكتير الحركة لازم يخرج طاقته باللعب. انا ولدي دخل للروضة نص نهار صباحا قبل مانولد كان يروح تلات مرات بالأسبوع نهار يروح صباح العشية يجي كالم مايغبنيش لانه يكون شبع لعب الصباح فالروضة ونهار اللي مايروحش يهيج عليا :sdf:

[Simassim]

ان شاء الله نرجع نقولك على نصائح لي درتها مع ولدي فالأيام لي مايروحش للروضة

[زينب 83]

صباح الخير

شوفي حبييبتي ابني لكبير كان كيما ابنك و ممكن اكثر ، مستحيل يقعد في بلاصة ، وكل ما نروح الناس يوجهولي ملاحظات حتى وليت تحشم ، لكن عام على عام بدا ينقص بشوي و دوكا ولا ما شاء الله في عمرو 8 سنوات ذكي جدا و عاقل و مؤدب

و ابني الثاني دوكا عمرو عامين و نص كان ما يهدر والو في با با و ماما حتى وصل عامين و شهرين ، ديتو للطبيب قالي كيما قالك انت و فعلا في شهر ما فاقتش لقيتو انطلق سبحان الله ولا يهدر كلشي و يعاود كلشي كيما الببغاء هههههههههه

و الحركة ما عندي ما نقلك مهبلنيييييييييييي
الصبر حبيبتي واش نديرو هذه هي التربية ، اصبري و احتسبي الأجر راهو صغير و يقلق في الدار لازم يخرج الطاقة نتاعو ، و ماتعيطيش عليه و تتقلقي قدامو راح يزيد لانو بهذه الطريقة يجلب انتباهك ، مع الوقت راح يعقال و كيما قالت الأخت هذه الحركة دليل انو ابنك ذكي و طبيعي ، ربي يحفظو و يطول في و يقدرك على تربيتو

[ام محمد امير]

شكرا على مروركم ربي يخليلكم ماعندكم

[فراشات العمر]

السلام عليكم
اختي هذا ماكان برك كثير الحركو عادي عند الذكورة بصح مالحقش ولادي ابني الكبير راه يقرى سنة الرابعة راه نقص شوية برك مازال حركي في القسم يدي الضرب حتى تخلى عليه صح ذكي في الرياضيات واللغة بصح الحفيضة ربي يجيب مايقدرش يركز
حبيت نقلك ماتقارنيش ابك بابني لانو ابني هبلناه من الصوط الكفوف بالصباط ثم التويو ثم الكابل ضرك راه يعيط بالخوف والفشلة ننصحك نصيحة من اخت لاخت جامي تهدري للناس على فعايلو لانو راح يهزوه في عقولهم بلي واعر وهو لي يدبر انا ابني لي يجي يضربو حرموه من عيطة تاع ولاد حرموه من اللعب يقولولو انت طفل انت لي واعر ما يقدرش يدافع على روحو بلاكي ثم بلاكي تخلي اي شخص مهما يكون يعلق عليه سكتيهم والله غير راني نشوف ولادهم يعملو العجب المعجب ديرو نورمال التصرف تاعهم طفرت في البني
مافاءدة الندم لما تتعثر القدم

[ام محمد امير]

السلام عليكم
اختي هذا ماكان برك كثير الحركو عادي عند الذكورة بصح مالحقش ولادي ابني الكبير راه يقرى سنة الرابعة راه نقص شوية برك مازال حركي في القسم يدي الضرب حتى تخلى عليه صح ذكي في الرياضيات واللغة بصح الحفيضة ربي يجيب مايقدرش يركز
حبيت نقلك ماتقارنيش ابك بابني لانو ابني هبلناه من الصوط الكفوف بالصباط ثم التويو ثم الكابل ضرك راه يعيط بالخوف والفشلة ننصحك نصيحة من اخت لاخت جامي تهدري للناس على فعايلو لانو راح يهزوه في عقولهم بلي واعر وهو لي يدبر انا ابني لي يجي يضربو حرموه من عيطة تاع ولاد حرموه من اللعب يقولولو انت طفل انت لي واعر ما يقدرش يدافع على روحو بلاكي ثم بلاكي تخلي اي شخص مهما يكون يعلق عليه سكتيهم والله غير راني نشوف ولادهم يعملو العجب المعجب ديرو نورمال التصرف تاعهم طفرت في البني
مافاءدة الندم لما تتعثر القدم





صح في كلامك اختي هدرت الناس هي لتزيد على لواحد وتالي كل واحد يشوف روحو ويعس حياتو ماتزيديش تضربيه حدثيه بالعقل يولي يفهم هكذا اختى يقولولها بنك واعر ماهوش متربي هذاك الغش تقلبو في بنها ربي يجيب الخير

[البوسعادية]

مرحبا اختي..
صح والله كاينه منها الاخت الي قالت اهزوه في لفام...ومتعيطيش عليه ثاني قدام الناس ..وعجبتني الفكرة انتع هو الي خير عقوبتي بنفسو..جربتها صحبتي وصلحتلها ولا بينها الله يبارك ...مرات تعطيه 3 عقوبات مرات تقلو خير عقوبة ليك..وهو يخير ويلزم روحو باش يطبقها...لما يكبر طبعا مش ضرك...
وراني كنت نشوف في تقرير قبل قليل قالك الطفل نشيط الحركة نقصيلو السكريات واعطيه الخضر المفورة راها تساعدو على الهدوء والتركيز...وثاني الشكولا السوداء تهدئه..والقاطو والكيك متعطيهلوش....وزيدي اطلعي على الموضوع اكثر في قوقل
موفقه اختي

[jawada22]

اصبري عليه برك انا ولدي كان كتر منه حتى قلت بالاك ولدي متوحد و خفت و ديته للطبيب و طلعت و نزلت و اليوم راه عنده 3.5 سنين هادا وين بدا يهدر و حركته قلت و استعقل ما شاء الله و راه يسمع للكلام و الحمد لله..غير ما تتقلقيش اختي هدري معاه العبي معه غادي تهبلي معه بصح اصبري و ان شاء الله ما يكون غي الخير

[ingénieur sabrine]

سلام عليكم

ياخواتاتي ارانا في نفس الحالة انا ولدي عندو عامين كل لي حكيتوه على ولادكم راه يديرو راه مهبلني ربي يحفضه و يحفض وليداتكم تقولي ماما مادوربيهش باه ما يزيد يش

في وعارتو مي انا نلقا روحيي غير نزعف عليه و نضربو ========================= واش نقول تربية ماشي ساهلة و الله يسمحلينا من والدينا اااااااااااااااامين

[sousourose]

Hhhh walah gtaltini bedahk tkhayaltek tahki 3la benti walah ana benti 3amain wdayra fiya tir wzid 3andi bébé rayha nahbal wmanich hata griba ldarna bach y3awnouni rabi yjib lkhir ya khti waykoun m3ana

[perle f]

شوفي في youtube عجبتني الطريقة تاع la super nanny cathy
انشاء الله تفيدك