نصيحة لوجه الله

[مشكلتي]

السلام على أهل الثقة و الخبرة و النصائح الذهبية السلام عليكم و رحمة الله تعالى و بركاته
أنا عضوة متابعة لمنتدى الجلفة هاذا المنتدى المميز الأكثر من الرائع
دون إطالة لي شخص جد عزيز على قلبي عندو مشكل و رغم معرفتي بإيمانه القوي في الله لكنه حكى لي مشكلته هذه طالبا مني النصيحة
أنا نصحته بالإستغفار و الصلاة و الدعاء و التضرع لله و الصبر على البلاء لكني أريد منكم النصيحة,هل من حلول أو تجارب و الرقية خاصة لأنو المخلوق ديما عاكستلو
سأسرد عليكم حكايته طالبة منكم النصيحة
هذا الاخ عندو 24 سنة خاطب و عاقد و قاريين الفاتحة و عرسو قريب ان شاء الله
كان يشتغل فلاح مربي أبقار كسبهم من خدمة أونساج
اشتغل فيهم 6 أشهر دون فائدة يعني كان المدخول لي يدخلو من الحليب يسلك بيه الدين تاع الماكلة تاع البقرات البقرات كانو كلهم على ميلاد و ولدو كاامل في شهر واحد الله يبارك و كانو المواليد مختلفين ذكور و إناث
كان كل واش يملك سيارة من نوع megane classic
تعرف على وحد السيد قالو عندي مجموعة من الشاحنات الصغيرة chana يجيب فيهم من الصين مباشرة و يعاود بيهم السوق في الأول باعلو 3 بـ 60 مليون هو ما كانش عندو هاذ المبلغ استلف مني أنا شخصيا 50 مليون و استلف المبلغ المتبقي و شراهم و تكاتب هو و الراجل و راح عاود بيهم السوق و استفاد منهم و كان عند كلمتو سلك الدين لي عليه و استفاد مبلغ تاع 60 مليون كان حاب يبدا يبني بيهم دار
واش دار؟ راح رهن 5 بقرات عند واحد و عطاه فيهم مبلغ معتبر
كي كمل هاذ المعاملة زاد عيطلو هاذ السيد و قالو إذا تحب نجيبلك دفعة تاع شاحنات بسعر جد رخييييس و تعاود بيهم السوق انا نستفاد و انت تستفاد
هنا بدات المشاكل اتغر و غامر بالمبلغ لي عندو و زاد استلف 50 مليون من عند واحد و 30 مليون من عندي
بدات المعاملة مع بائع الشاحنات
البائع حكم عليه الدراهم و راح و مازادش بااااااان و غلق تيليفون
صبحو صحاب الدين يدقدقو في الباب يحوسو على سلاكهم
هو واش دار؟ باع البقرات لي بقاولو سلك بيهم الدين و بقا بلا خدمة
كل واش بقالو سيارة COMPUS شابعة خبط تجيبلو 70 مليون على الأكثر عرسو بعد أشهر لا دار لا خدمة لا دورو في الجيب كون يبيع السيار ما تكفيهش يكري الدار و مصاريف العرس و الأثاث تاع الدار و كيفاه يقابل أهل زوجتو
واش تنصحو هاذ الأخ مع العلم أنو و الله إنسان صالح و وحداني مسكين ما كانش لي في كتافو دار التاويل وحدو و طاحت بيه لقا روحو وحدو و هدرة الناس كثرت عليه

[محمد جديدي التبسي]

بداها بلونساج النتيجة معروفة المفروض تنصحوا من الأول يبعد عن الربا والحرام
كاين حل واحد إنو يبيع السيارة ويهني روحو من المال الحرام ويبدا حياتو من جديد
ومازالو صغير 24 سنة يقدر يزيد عام ولا عامين ويتزوج ويكون في حالة أحسن
واذا أهل زوجتو ملاح راح يتزوج وما يصرفش كثير والبيوت تبنى بالصبر مش لازم تكون مجهزة قبل الزواج
هناك كثير يبدا يجهز بعد الزواج ويجيب اللي يلزم بالشوية ..ربي يفتح عليكم

[عباس الجزائري]

سبحان الله تقولون انسان ذو ايمان قوي و صالح ,,,,, ثم ماذا ؟؟؟؟؟؟ لونساج أو بتعبير صريح ربا ,,,,,,,,,,,,,,,, ألم يعلم بأن الربا حرام و انها محاربة لله و رفع السيف امام الله و رسوله ,,,,,,,,,,,,,,,, يمحق الله الربا و يربي الصدقات ,,,,,,,,,,,,,,, و أحل الله البيع و حرم الربا ,,,,,,,,,,,,,,,,,, من الذي أفتاه بجواز الربا ,,,,, هذا جزاء من يتعدون على حدود الله و يعثون في الارض فسادا ,,,,,,,,,,,,,,,,,,,,,,, إنها الربا يا عباد الله
ألم يسمع قول الله تعالى :" و من يتق الله يجعل له مخرجا و يرزقه من حيث لا يحتسب " ,,,,,,,,, لماذا الاستعجال في الرزق بالوسائل المحرمة ,,,,,,,,,,,,, تب يا عبد الله و أخلص في الدعاء و التضرع و الاستغفار ,,,,,,,,,,,,, و عليك ان تتجه الى امام مسجدكم الثقة و استفسر منه

[ولد الميلود]

السلام عليكم
يقول المثل الجزائري " واحد "1 " في الجيب خير من عشرة "10 " في الغيب " كان عليه من الأول الإهتمام بمجموعة البقر التى كانت لذيه، ولا يغامر بالسيارات التي لم يكن يملكها.
1- عليه أن يكثر من هذا الدعاء : اللَّهُمَّ إِنِّي أَعُوذُ بِكَ مِنَ الْهَمِّ وَالْحَزَنِ، وَالْعَجْزِ وَالْكَسَلِ، وَالْبُخْلِ وَالْجُبْنِ ، وَضَلَعِ الدَّيْنِ، وَغَلَبَةِ الرِّجَالِ
2-عليه أن يجد عملا بأسرع وقت ولا يستسلم للعجز والكسل، " الخدمة مع النصارى ولا القعاد خسارة "
3- يصارح خطيبته وأهلها بالمشكلة التي يواجهها، لعلهم يرشدونه إلى بعض الحلول : " وشاورهم في الأمر "
بالتوفيق إن شاء الله تعالى
وفيما يخص الدين، فإن كان ينوي رده فسوف يرد الله عنه هذا الدين لا شك في ذلك، ((عَنْ أَبِي هُرَيْرَةَ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ مَنْ أَخَذَ أَمْوَالَ النَّاسِ يُرِيدُ أَدَاءَهَا أَدَّى اللَّهُ عَنْهُ وَمَنْ أَخَذَ يُرِيدُ إِتْلَافَهَا أَتْلَفَهُ اللَّهُ )) البخاري

[كتائب القسام]

لاحول ولا قوة الا بالله

[naamane3]

اللهم اكفني بحلالك عن حرامك واغنني بفضلك عمن سواك
داوم على هذا الدعاء وان شاء الله سيقضى دينك

[ام نهوله]

ربما لان هذا الشخص طيب كما تقول اراد له الله ان يبدا حياته من دون شبهات في مكسبه وربي يعوضه خيرا ان شاء الله

[حميمد سلطان]

بسم الله و الصلاة على رسول الله

اختى ما بني على باطل فهو باطل و هذه عاقبة الربا فلونساج قد اغرقة الكثير من الشباب في مستنقع الربا

و الديون و نصيحتي هي ان يتوب الى الله و يصلح نفسه و انا ادعو الله ان يساعده و يفرج عليه

وشكرا

[0ibtissam]

اول شيء لازم يصارح اهل زوجته بتأجيل العرس وشحنا لي عندو يستثمرها في بقرة ويبدا من نقط الصفر مزلو صغير وان شاء الله يكون اخذ درس جيد من تجربتو

[زبدة ذايبة]

الربا

فأذنوا بحرب من الله ورسوله

واش تستنى في مصير ناس يحاربهم رب العالمين

أعظم من هذا ماكانش

وزيد اداه الطمع وعرف هذاك الشخص كيفاش يصيدوا

ماعندنا مانقولو في حالتو هذي

ربي يفرج عليه ويقضي عنو الدين ويتوب عليه لازم يعرف بلي غلط في حق رب العالمين

لازم عليه يتوب توبة نصوح ويحس بلي غلط ماشي قاعد يفكر في العروسة والعجوزة كيفاش يزهيلهم عرسهم

وهو مع رب العالمين مزاقيها وماشي جايب خبر

[saladin17]

أرى أن الشباب سبقوني في الرد خصوصا في قضية لونساج... لا داعي للتكرار إذا فقد وقع الفأس على الرأس ...
على كل .. هاذا الفتى ربي أحب له الخير فخلصه من المال الحرام قبل أن يتزوج و يغذي أولاده بالحرام ...
قل له ربي يفتح عليك بيبان الخير ....
لا تترك الدعاء في الليل فأنها سهام الليل التي لا تخطئ ...

و عذرا لا أجد ما أحمله عليه ..

ربي يعفو عليك و يغفرلك و يعوضك خيرا منه ....

اللهم إغنني بحلالك عن حرامك و بطاعتك عن معصيتك ..

السلام عليكم

[*توبــــة*]

ربي يفرج عليييييييييييه

[mr.smiley]

كيفاش انسان مليح وايمانه قوي وخاصة ان قلت ايمانه قوي

ويروح يدير لونساج

هادي ما فهمتهاش

تنجم تفهمهالي يرحم والديك عقلي حبس

[halimshf]

تقوية الذات

[05Mayssem]

ربي يفرج عليه وعلى جميع المؤمنين

[Ms aya]

سبحان الله

[mostafa28]

Nada samouh eltma3 et oui il mérite loujken kne3 bec hi kil mec hi raya

[عائشة 88]

ربي يفرج عليك

[om romaissa]

نصيحة قال رسول الله صلى الله عليه وسلم [من حسن اسلام المرئ تركه مالا يعنيه ] قيل لاحد السلف وهو يطلق زوجته لما تطلقها فقال ما كنت لافشي سر زوجتي فلما طلقها قالو له فلم طلقتها قال مالي ولامراة صارت اجنبية عني http://www.djelfa.info/vb/attachment.php?attachmentid=95461&stc=1&d=1424178807

[النجمة القطبية]

الحمد لله الاخوة راهم وضحو الكثير من الامور
الان بقي ان يستغفر الله ويتوب ويبدا من جديد
اول شئ الصراحة راحة يصارح زوجة المستقبل بوضعه ويطلب منها مهلة واذا كانت زوجة صالحة راح تصبر عليه وتوقف معاه
ثاني شئ يحدد بنفسه وقت معين يتحدى نفسه فييه ويرجع يوقف على رجليه
ويرجع للعمل وافضل عمل هو اللى يعرفه وعندو خبرة فيه وهو تربية الابقار
يبيع السيارة ويشري المطلوب ويخطط ويحدد الوقت اللازم ويرضى بالربح القليل لكن يديرفي بالو انو هذا مؤقت حتى يوقف على رجليه لانو مع الوقت يكبر الاستثمار ويزدهر المال
ويحدد وقت يلم فيه مبلغ معين لاتمام الزواج وهذا يكون افضل من الزواج دون عمل او مصدر دخل خاصة انو راح يكري
وربي يوفق