تطبيقي لباناكوتا تاع الهام07 !!!!!!!!

[RYMOU2011]

السلام عليكم و رحمة الله و بركاته
البارح جربت وصفة الباناكوتا اللي حطتها الاخت الهام
درت الكريمة السائلة نصف لتر و علبة فلان فانيلا و سكر و فانيلا كيما مذكور في وصفتها ومن تحت درت puree de fraise مصنوعة في البيت. درتهم في أكواب صغيرة verrines جاو قيس 8 اكواب.
و كنت فرحانة بيهم و نستنا فيهم يبردو بصح كي ذقتهم حكمتني خيبة أمل هيهيهيييي.
الكريمة ثقيلة بزاف كأنها كريمة الزبدة و الطعم أكيد ماشي تاع الباناكوتا.
مافهمتش علاه مع اني جربت وصفات أخرى لالهام و نجحولي لكن للاسف هذه الوصفة ماعجبتنيش. و الأكل طبعا أذواق.


http://im48.gulfup.com/EY3dWj.jpg (http://www.gulfup.com/?P9V26e)

[ام نوارة]

زيدي تاكدي من المقادير انشاله تنجحى فيها

[إلهام07]

السلام عليكم عزيزتي

شفت موضوعك والله فشلت يومين باش راحلي الشوك وقدرت ندخل للمنتدى :D:D
نهار الخميس العشية جات أختي توالي قاتلي لاكرام فراش فسدوها شريتها ودرت بيها اسكالوب بالكرام فراش جات تقول تاكلي في الزبدة قلتلها حتى انا شريت ضرك عدة ماركات وحدة جارية ووحدة جامدة وطعمها تقول زبدة ووحدة حامضة مافهمنا واش من ماركة نشريو.
ماكانش ساعتين حليت المنتدى لقيت موضوعك هذا :o.
فقط المشكل واضح انو من الكرام فراش بصح حبيت ثاني نقولك انو الباناكوطا تحلية غريبة علينا وحاجة جديدة وأصلا في الواقع جي جامدة بزاف في اصلها تقدري تقصيها كيما الكيك شوفي الصورة

https://encrypted-tbn0.gstatic.com/images?q=tbn:ANd9GcT0IV6jX310Rp_Ih2EDV7ghb3WBT7vaM tsrhNdSDq_a__0Hmldcrg

ومصنوعة اساسا بالكرام فراش يعني المادة الدسمة اللي يصفيها الحليب النيء ولهذا تكون ثقيلة ومشبعة ولهذا نديروها في اكواب صغار انا نديرها في اكواب الشاي.
طبعا الأكل اذواق لكن نحب ناكدلك مستحيل نحط وصفة قبل مانجربها اكثر من مرة ونذوق منها لعدة اشخاص ونشوف ملاحظاتهم ولهذا الاخوات عندهم ثقة في وصفاتي.

آسفة انك ماتوفقتيش في هذا التطبيق لكن ناكدلك أنو عائلتي تعشق حاجة اسمها باناكوطا.

تحياتي :mh31::mh31:

[RYMOU2011]

شكرا على اهتمامك و على ردك اللطيف.
و الله حتى أنا ماعنديش شك في وصفاتك اللي جربتها كلها ناجحة يعطيك الصحة و ربي يجازيك.
يمكن صح الكريمة أصلا ثقيلة و دسمة زيادة.
و ماتفشليش لأنو اكبر les chefs يتعرضون للانتقاد. شكرا و ننتظر المزيد من وصفاتك.

[naiissou89]

شكرا على الردود الراقية

[Nami31]

ممممممممممممممممممممممممممم جاتك هايلة ههههه الله يسلكها على خير كلما ندخل لهذا القسم ندوخ

[aya33]

انا من عاشقات وصفات الاخت الهام ربي يعطيها ماتتمنى

[aya33]

وان شاء الله تتوفقي في الوصفة rymou2011

[oumhadjer]

انا جربت الباناكوتا و خرجت روووووووووووووووووووووووووعة

[ManouraHilwa]

الله يحفظك يا الهام ويبعثلك عريس يقدرك انا درت مايوناز النشا وجات روعة

[idron0]

جزاك الله خيرا