ومعادلتي الصعبة في طبخ الروز

[nadjet boumaraf]

السلام عليكم لبنآت كي راكم نتمنى تكونوا كامل بالصحه والعافية
عمبالكم عندي عقدة من الطبخ عامة وانا والروز منتفاهموش حقيقة ...ديما منين نديروا ميخرجليش كيما نتاع امي مفهمتش علاه
اولا كي نحطو في الماء يغلي منعرفش وكتاه نطفي عليه
وزيد شحال من مرة تفوروه انا 2 مرىت ...المهم يا لبنىت فهموني وش ندير من ألف إلى اليآء....صحبتكم راهي بدائية في الطبخ للأسف :sdf:

[om kamilia]

وصفات الهام ووصفات ام حمزة تلقاي
اما طريقتي يا ما في الفرن او مغلياو محمص غير بلعقل كي ترقد بنتي ان شاء الله نكتبهم ليك ومع الجلفة مكانش معادلة صعبة

[امازيغية وفتخر]

اختي ما تغليه ما تفوريه
احسن طريقة واسهل بعد انك تفلفليه
اعسليه مليح
حطيه مع مورصو زبدة او مرقرين و مغرف زيت باش ما تتحرقش الزبدة
قليه جيدا حتى يشرب ليدام
مرقيه بالمرق او الماء ايكون يغلي كيلي لكل كاس روز 2 كيسان مرقة خليه يغلي على نارقاوية لدقائق حتى ايدير فقاعات ئم نقصي خلاص للنار او غطيه ومن الاحسن لغطاء تلفيه في سرفيته باش يشرب الندى او يتغم مليح خليه على النار 15 دقيقة او اقل
حلي عليه اذا لقيتيه ناقص طياب زيدي شوية مرقة راح ايجيك مفلفل وكل حبة وحدها هذه طريقتي من سنين وروعة جربيها ما راح تندمي
تصلح مع كل انواع الروز خاصة البسمتي روووووووووعة جربي ورديلي لخبر

[nadjet boumaraf]

شكــــــــــــــــرآآ ربي يخليكم ويحفظكم ويجازيكم كل خير وإن شاء الله راني نجرب طريقتك أمازيغية ونردلك بالخبر

[تقوى اماني]

444444444444444444

[G I R L]

الطريقة تاع مـاما ودايما تجي ناجحة وأكــيد البنة ممممممم

تحط البصل مغ الفلفل لكحل و الملح والدجاج فالكسكاس من تحت تخليهم يتقلاو شوية اومبد تمرقهم وتحط الطماطم >> الطريقة العادية
حتى دوكا نورمال بصح الطريقة تاع ماما انو كي تحط الروز في الكساكاس كل مرة تصب عليه زوج كيسان ماء حتى يولي طري

أومبعد تحطوا في صينية تحط فوقوا المرقة هاديك وتحطوا في الفرن حتى ينشف
ممممم على هاذيك البنة خير ملي تفوريه ولا تغليه ويخرج حبة حبة