هـــــــــام بكالوريا احرار

[رقة قلب]

السلام عليكم و رحمة الله و بركاته

لا تتجاهلو سؤالي ان شاء الله كل من يجيب و يرد علي يفرحو ربي و يكون من الناجحين بمعدل جيد باذن الله

اخوتي و احبتي في الله انا في امس الحاجة اليكم ارجو ان تفيدوني انا عندما سجلت في بكالوريا احرار سجلت على انني كفئ لاجراء امتحان الرياضة لكن الان تغيرت الاحوال لا يمكنني اجراء امتحان الرياضة كيف لي ان اصحح معلوماتي و ان اغير من كفئ الى غير كفئ بمعنى معفاة
ارجو منكم ان تفيدوني لعلى و عسى ان يكتبها الله في ميزان حسناتكم شكرا لكم

ربي يفرحكم كاملين ان شاء الله لا تنسوني بصالح الدعاء شكرا

[ابتسام smile &hope]

السلام عليكم ورحمة الله وبركاته
اذا كنتي مريضة ربي يشافيك
في رايي لازملك شهادة طبية عند طبيب محلف تديها المديرية التربية تاع ولايتك
وفي كل الاحوال لازم تروحي لمديرية التربية
w rebi ywef9ek

[3ahmed3]

ولا تقلق المهم هو الحضور يوم الامتحان وعدم الغياب الأستاذ يراعي ذلك والسي البدلة وبدون عمل أي؛شي نقطة مرتفعة فهي للمساعدة فقط والكل يتحصل على علامة رائعة

[rahma broken soul]

كنت سأقول لك نفس ما قاله لك احمد اختي
البسي سيرفات وروحي راهم يراعيو الظروف
لبارح قالتلي صحبتي واحدة مادرت والو دات 17
نتي ديري اللي تقدري عليه وربي يجيب الخير لكن مانظنش تقدري تبدليها
بالتوفيق اختي

[فريال العلمية]

يا اختي ربي يشافيك و يجيبي الباك و تفرحي بزوج فرحات انا ندبر عليك روحي جوزي خير مي متخدميش راهي نقطة السبور كادو من عند الوزارة هههه انا و باش تاكدي لا كنتي تقراي العام اللي فات روحي للاستاد نتاع الرياضة بالاك يوصي عليك. اجزاء زيادة فالباك خير من والو ربي يوفقنا باعلى المعدلات

[سمو امير الكلمات]

خذي ملفك الطبي وتوجهي به الى مديرية التربية في هذه الفترة واذا قالوا لكي لا يمكن هذا و اذا كان هنالك عائق صحي يمنع صحيح ماعليكي سوى ارفاق ملفكي الطبي معك يوم اجراء باك سبور وهنالك سوف يتم اعفاؤك موفقة ان شاء الله

[جيهان عماري]

انا من رايي مازال تاكيد التسجيل روحي ليهم وعدلي ملفك ادا ما كونتيش قادرة تعقبي الباك الرياضي واديلهم تبرير من عند الطبيب ذك يعدلولك وربي يشفيك ان شاء الله لعلو خير انك متعقبيش الرياضة

[رقة قلب]

السلام عليكم ورحمة الله وبركاته
اذا كنتي مريضة ربي يشافيك
في رايي لازملك شهادة طبية عند طبيب محلف تديها المديرية التربية تاع ولايتك
وفي كل الاحوال لازم تروحي لمديرية التربية
w rebi ywef9ek

بارك الله فيك انا عندي سبب اخر مارانيش مريضة و مانقدرش نكدب و لا نزورربي يفرحك و تفرحينا معك بالباك هاد العام ان شاء الله

[رقة قلب]

ولا تقلق المهم هو الحضور يوم الامتحان وعدم الغياب الأستاذ يراعي ذلك والسي البدلة وبدون عمل أي؛شي نقطة مرتفعة فهي للمساعدة فقط والكل يتحصل على علامة رائعة


هادا واش راح ندير نشكركم بزاف انت و كل لي ردوا عليا ولله كنت خايفة اني اذا رحت و مادرتش الرياضة ما يعطوليش نقطة لكن مادام هكدا و مادام رأيكم كلكم راح ندير برايكم و لي فيها الخير ربي يجيبها ربي ينجحك خويا و تكون من ضمن الاوائل يا رب

[رقة قلب]

كنت سأقول لك نفس ما قاله لك احمد اختي
البسي سيرفات وروحي راهم يراعيو الظروف
لبارح قالتلي صحبتي واحدة مادرت والو دات 17
نتي ديري اللي تقدري عليه وربي يجيب الخير لكن مانظنش تقدري تبدليها
بالتوفيق اختي


انا كنت حابة نبدلها و ندخل في مشاكل واوراق و شهادة طبية و انا عندي ظروف اخرى لكن ندير واش قلتولي
ان شاء الله ربي يجبلنا الخير لينا كاملين و يفرحلك والديك و والدين جميع شخص حاب يفرحهم

[رقة قلب]

انا من رايي مازال تاكيد التسجيل روحي ليهم وعدلي ملفك ادا ما كونتيش قادرة تعقبي الباك الرياضي واديلهم تبرير من عند الطبيب ذك يعدلولك وربي يشفيك ان شاء الله لعلو خير انك متعقبيش الرياضة


لكن اكيد راح يكون فيها مشاكل خاصة ان انا السبب ماشي صحي انا بصحة جيدة و الحمد لله ظروف اخرى لكن راح ندير براي الاغلبية مادام قالولي ان نقطة الرياضة ماشي لازم اني نجري ....الخ نروح و نهدر مع الاساتذة انت فقط ادعيلي يا اختي و انا بدوري راح ندعيلك ان شاء الله تنجحي و بامتياز ان شاء الله

[رقة قلب]

يا اختي ربي يشافيك و يجيبي الباك و تفرحي بزوج فرحات انا ندبر عليك روحي جوزي خير مي متخدميش راهي نقطة السبور كادو من عند الوزارة هههه انا و باش تاكدي لا كنتي تقراي العام اللي فات روحي للاستاد نتاع الرياضة بالاك يوصي عليك. اجزاء زيادة فالباك خير من والو ربي يوفقنا باعلى المعدلات


مشكورة على الفكرة بدل ما نروح نجري الجريات هدوك كامل في لاكاديمي نروح نستفسر على الاساتذة لي يكونوا حاضرين و نقولهم على اسبابي و ان شاء الله يتفهمو وضعي ان شاء الله اختي تفرحي بيا و نفرح بيك و ربي يفرح جميع شخص تحرم من هاديك الفرحة تاع ناجح فهو ولي ذلك و القادر عليه شكرااا

[رقة قلب]

خذي ملفك الطبي وتوجهي به الى مديرية التربية في هذه الفترة واذا قالوا لكي لا يمكن هذا و اذا كان هنالك عائق صحي يمنع صحيح ماعليكي سوى ارفاق ملفكي الطبي معك يوم اجراء باك سبور وهنالك سوف يتم اعفاؤك موفقة ان شاء الله




بارك الله فيك اخي مشكور على اهتمامك ان شاء الله يتفهموني انا ما عنديش ملف طبي بصحة جيدة الحمد لله لكن اكيد لما اخبرهم بأسبابي راح يتفهموا شكرا على الرد ان شاء الله ربي يفرجها عليك و يسهل عليك ما صعب و يجعلك من بين الاوائل في قائمة الناجحين هاد العام يا رب

[ai*cha]

لازمك شهادة طبية و تديها لمديرية التربية ان شاء الله يوافقولك

[manelchahad]

الله يشافيك روحي برك نهار الامتحان وراهم يمدولك النقطة ان شاء الله