Stayfiya mission ** اعمال المشاركات ** [الأرشيف] - منتديات الجلفة لكل الجزائريين و العرب

مشاهدة النسخة كاملة : Stayfiya mission ** اعمال المشاركات **

stayfiya

2015-02-03, 21:58

http://xm.tl/a1027277

السلام عليكم ورحمة الله تعالى وبركاته
مرحبا بالجميع
ان شاء الله تكونوا بالف خير

****

http://xm.tl/a1027278

هذا الموضوع سيوضع خصيصا للاعمال الخاصة بكم
وبعد انتهاء الوقت المخصص لاول مهمة
والتي كانت
jupe

سنضع الاعمال التي وصلتنا

وقبل ذلك
نقوم بالتذكير بالمتسابقات اللي شاركو معانا
وهم

http://xm.tl/a1027282

Racha2010
Biba04
...amel
موجو موجو
Polyma
ام ياسين الزهراء
ام رشدي
*منى*
تقوى اماني
ام معاذ ام معاذ
Faiza2008
شابر محمد
فخوره بحجابي
ندى قدور
امي العسل
Loudjeine2000
جيجليه
باسم وبيسان
حورية38

http://xm.tl/a1027278

**************************************
*************************
*****************
********
**
*

http://xm.tl/a1027972

http://xm.tl/a1027966
http://imagizer.imageshack.com/img631/780/bbQobU.jpg
http://xm.tl/a1027965
http://imagizer.imageshack.com/img661/2097/FghmxD.jpg
http://xm.tl/a1027968
http://imagizer.imageshack.com/img633/8030/WjiK5v.jpg
http://xm.tl/a1027969
http://imagizer.imageshack.com/img537/5992/OlGa7C.jpg
http://xm.tl/a1027970
http://imagizer.imageshack.com/img673/2911/EiOahg.jpg
http://xm.tl/a1027971
http://imagizer.imageshack.com/img537/779/0Ifb4f.jpg
http://xm.tl/a1027976
http://imagizer.imageshack.com/img633/1319/zJ0I0Y.jpg
http://xm.tl/a1027980
http://imagizer.imageshack.com/img901/1831/cGbY69.jpg
http://xm.tl/a1027984

http://xm.tl/a1027985

http://xm.tl/a1027986

http://xm.tl/a1027987

http://xm.tl/a1027988

http://xm.tl/a1027990

http://xm.tl/a1027991

http://xm.tl/a1027992

http://xm.tl/a1027993
http://imagizer.imageshack.com/img912/9421/OV0tsb.jpg
http://xm.tl/a1027994
http://imagizer.imageshack.com/img633/9018/7fDuNB.jpg
http://xm.tl/a1027996

صاحب الامل

2015-02-03, 22:57

مساء النور للجميع
وان شاء الله تكونوا بالف خير
وبارك الله فيكم على المجهودات المبذولة
واكيد تحية خاصة للاخت STAYFIYA
على التعب والسهر لوضع الافضل

*******

قبل التعليق
حيت نقولك ان هذا التعليق يعبر عن وجهة نظري
يعني كاين ناس ممكن تتقبل وكاين ناس ممكن لا
فاكيد راكم كامل مجتهدات وعملتو اللي عليكم
يعني هاذي بلا ما نزيدو نقولولها راكم في المستوى
ولكن انا تعليقي راح يكون حول النقاط اللي لازم تركزوا فيها المرات القادمة

************

http://xm.tl/a1027966

http://imagizer.imageshack.com/img631/780/bbQobU.jpg

الاخت رشا
العمل بشكل عام في المستوى
عجبني اللون اللي اخترتيه
اما الحزام انا ضد هذا النوع من الاحزمة هو سامبل وبسيط ولكن ما حبيتش السلسلة اللي هابطة منو
اما الجزء الداخلي لافينيسيون مليحة
وكنتي قد المهمة
فقط حبيت لوكان عملتي 2 بليات على الجنب نظن كان راح يكون افضل

وان شاء الله التوفيق في الاعمال القادمة

************************

http://xm.tl/a1027965
http://imagizer.imageshack.com/img661/2097/FghmxD.jpg

الاخت ندى
بشكل عام نقولو كنتي موفقة
وكذلك لافينيسيو نتاعك من الداخل ممتازة
فقط ما حبيتش الحزام المستعمل
وبشكل عام بداية موفقة

*****************

http://xm.tl/a1027968
http://imagizer.imageshack.com/img633/8030/WjiK5v.jpg

موجو جوجو

ما فهمتش بصراحة اذا la jupe جاهزة او لا ؟؟؟؟؟؟؟؟
في انتظار المعلومة

*************

http://xm.tl/a1027969

http://imagizer.imageshack.com/img537/5992/OlGa7C.jpg

بوليما
الفكرة مليحة ولكن طريقة التنفيذ كانت ناقصة
وبالاجمال حاولي كي تحطي الصور تعتمدي في التصوير على المناطق اللي يكون فيها تفاصيل
باه نفهموا اكثر

*********

http://imagizer.imageshack.com/img673/2911/EiOahg.jpg

عمل متقن وواضح الاتقان فيه
انا ضد هذا النوع من الاحزمة بصح في هاذ la jupe حبيت الحزام ( ما نعرف علاه)
المهم بشكل عام
كنتي موفقة

**********

http://xm.tl/a1027971

http://imagizer.imageshack.com/img537/779/0Ifb4f.jpg

نقولك كلمة واحدة

top

سواء من ناحية القماش او الفكرة
باين عندك افكار
ولكن الاهم تعرفي تستغليهم
وان شاء الله مع التحديات او المهمات القادمة راح نكتشفوا هاذ الشيئ

**********

http://xm.tl/a1027976

http://imagizer.imageshack.com/img633/1319/zJ0I0Y.jpg

ام رشدي

رغم انه متقن
بصح حسيت انو باين مخيط ما نعرف علاه ؟؟؟؟؟؟
فيه حاجة غالطة
وش هي ما نعرف

********

http://xm.tl/a1027980

http://imagizer.imageshack.com/img901/1831/cGbY69.jpg

منى باين اعتمدي البساطة من دون تكليف او الخروج من المعقول
بسيط انيق الفكرة تقليدية
بشكل عام كنتي موفقة
وان شاء الله في المهمة القادمة نشوفوا ابداعات اكثر

**************

http://xm.tl/a1027994

http://imagizer.imageshack.com/img633/9018/7fDuNB.jpg
ختامها مسك
مع ام باسم وبيسان
بصراحة عجبني المزج بين الااقمشة او القالون اللي استعملتيه
كان في القمة
وحسيت بنكهة ابداعية في la jupe نتاعك
كنتي في المستوى
افكارك قمة
بالتوفيق في التحديات القادمة

stayfiya

2015-02-03, 23:13

السلام عليكم و رحمة الله و بركاته
مساؤكم سعيد واش راكم
اليوم راني عيانه بغيت غير نحطلكم الملاحظات و نروح
راح نشكركم كي قدرتو طبقو الورشه هاذي من القلب و في نفس الوقت ميش راح نجاملكم
راح نولهكم لنقاط كي ما تبعتوش الدرس راكم طحتو في اغلاط و ان شاء الله راح تتفاداوها. المرات القادمه
و هنا تعرفو فايدة التطبيق لانك تشوفي بعينك الديفوات و تتعلمي الدرس في الميدان
نبداو على بركة الله
ميش راح نرتبكم على الزهر نبدااااو ب
منى
http://imagizer.imageshack.com/img537/7624/V1ewL5.jpg
http://imagizer.imageshack.com/img661/613/VN4HjJ.jpg
منى لاحظي انك كي ما ستعملتيش البانس في السجاف و فصلتيها مستطيل راكي تشوفي كيفاش جات مبوطه معناه الدخلاني يجي مشبوح بارابور لفوق نتي ما رقدتيش لخياطه من داخل كيما قتلكم كي تعودي لابستها يخرجلك السجاف و نقطه اخرى منى ني راني نلاحظ ان لخياطه نتاعك قريبه للحاشيه بزااف على الاقل تخلي واحد سم خاطر مع لغسيل را تزنق لخياطه و تتفتح الزيق زاق عرضي فيه شوي و ديريه على الحاشيه قدقد ميش بين الحاشيه و لخياطه اخر ملاحظه الفيرميتور نورمالمون تخيطي على حاشية السنسله ما يجيوش لي كوتي بعاد على بعضاهم خاطر كي تجمليهم راح تتعرضي لمشكل جيك بومبي
هي اي واحد ميش راح يلاحظ و حتى انت ممكن متكونيش تولهتي ليهم يعطيك الف عافيه حبيبتي تلبسيها بالصحه و لهنا
ثاني وحده فايزه
http://imagizer.imageshack.com/img538/6858/3pNeyI.jpg
تطبيقك هايل من الباترون للفصاله للخياطه لنوع لقماش. قوليلي برك البانس هنا ماشي جاي مايل ادا كان تحت لبياسات هاذو من المفروض يجيو متوازيين مع بعضاهم ميش متوازيين مع خط الجنب من داخل و من برا مستيكيه صحيتي
ثالثهم شكوووون
ام رشدي
http://imagizer.imageshack.com/img538/4526/So66jk.jpg
http://imagizer.imageshack.com/img673/8468/21lhQw.jpg
لقماش لي خيرتيه ماعلاباليش وعلاش جاني كي وشغل يتكسل. ليبانس تبانلي خرجتي طول ميش بالتدريج لانو جا شكلهم غير عادي يبانو دي بلي ميش دي بانس ولا نتي ما حددتيش مليح كيما وصيتكم بكتانه مشمخه و قوليلي هبطتي في البطن و الظهر و لا لالا انا ما بانليش؟ و بغيت لوكان درتي لخياطه من داخل احسن و حتى على حواشي الفيرميتور كون قتلتيها مليح بالحديد ما تحتاجيش ديري لخياطه. و زيد راهي تبان مديكاليا هههه بقاو لقفايل. من رايي كون درتيهم في كوتي مع البانس ليمن و درتي حجم اصغر و يجيو ثلاثه او اربعه تحت بعضاهم و حتى لوكان ديتي لقماش و غلفتيه عند لمزابي يجيو هايلين و تبانلك مشريه ميش مخيطه المهم يعطيك الصحه حبيبتي
موجو جوجو
http://imagizer.imageshack.com/img913/4396/Qtcj1L.jpg
. خدمتك مزال ما كمالتش. نعذرك المهم درتي لي تقدري عليه. فينيسيون مليحه و هايله فقط هنا الاشكال جات مبوطه ريكتيفيه كي جي تكملي لخياطه و ما تنسايش قيسيه ليماك و احكمي بليزيبانقل كيشغل راكي تخدمي على المانكان لازم باش ما توقعيش في حتى خطأ
رشا 2010
http://imagizer.imageshack.com/img912/5007/38WpSL.jpg
http://imagizer.imageshack.com/img537/8470/kOmEk3.jpg
فهميني كيفاش لي بانس الامامي والخلف اليمين قدقد و اليسار نفس الشي كي نفتحو لا جيب جينا بانس صغير و بانس كبير هذا كي قلتي ندير من راسي هههه و من داخل لاه ما درتيهمش ؟؟ بنتك كي عادت رقيقه ما بانش الديفو !! و بالنسبه للعراوي من الاحسن يكونو فوق البانس كيما نشوفوهم في القش تاعنا و تعليهم شوي الباقي خدمتك نظيفه و متقونه
بوليما
http://imagizer.imageshack.com/img909/593/Z7tatW.jpg
http://imagizer.imageshack.com/img538/299/pzyK6f.jpg
لاجيب كنت حابه توري للبنات كيفاش فصلتي الفولون هاذي لي بانس وحده في الشرق و وحده في الغرب ما تبانليش درتي قياسات لي مديناهم. الديفو لي درتيه في البطن و الظهر مزالو يبان لخياطه ما حبيتهاش من فوق كتانك مليح ماكانش يحتاج تثبتي بخياطه برانيه كولور باهيه و الفوله مليحه مالغري راكي هربتي على المقرر هههه
لجين
http://imagizer.imageshack.com/img633/8033/Pl4iUr.jpg
كيما بوليما حنا جيب كلوش و نتي جيب. آبانو يعني ميش راح نديرلك ملاحظات غير حويجه برك. تبانلي كي تخيطي راكي تجبدي لقماش حتى يتكسل. و بما انو البانو يتفصل مايل معناه راح يولي يتكسل عليها بين لخياطات جات مبوطه و حتى لحديد بالماء و الفابور ميش راح يخلصك من المشكل هذا من فوق ما بانتليش مليح راهي الظلمه المهم يعطيك الصحه
باسم بيسان
http://imagizer.imageshack.com/img537/5607/5qIgQe.jpg
http://imagizer.imageshack.com/img631/3006/7OyeQH.jpg
من برا هلا هلا و من داخل يعلم الله ههه لالا راني نقصر بصح لوكان درتي دوبلير احسن.
لبياسه الدخلانيه راكي تلاحظي كيفاش راهي ملضوضه على لاطاي حتى خلقت التكماش تحتها
من رايي كون ما درتيش لباسه الفوقانيه وحدها و التحتانيه وحدها شوفي لقرون لي خرجولك في لي كوتي ؟؟؟
ما بانتليش كلوش تقدري تخطوي بيها نورماال؟ هههه راكي تتعكلي و تحصليها فيا
يعطيك الصحه
الوحيده لي مالقيتش فيها ديفو تاع ندو قدور
http://imagizer.imageshack.com/img537/7076/LMm6R6.jpg
غير لقماش ما عجبنيش واللون و هذا ميش مشكل هههه فقط قوليلي نتي فصلتيها بالقماش مايل لالا ؟؟ جات هايله والله
علابالي راكم تشوفو فيا فلو بصح حبيت نولهكم لكامل المشاكل لي يواجهونا في لخياطه صغار و كبار مابغيتش نجاملكم نحوسكم تتعلمو على الصح
بارك الله فيكم وحده وحده
في كرونو و صاحب الامل

faiza2008

2015-02-03, 23:16

تصبحي بخير سطوف

جلفااوية

2015-02-03, 23:18

بصحتكم لبنات راكم ماشاء الله الله يبارك هايليييييييييييييييييييييين نجحتو في الامتحان بصحتكم بالتوفيق

فريولة ابتسام

2015-02-03, 23:18

.................................

باسم وبيسان

2015-02-03, 23:21

اعطيكم الصحة لبنات كامل
شكر خاص للاخت سطايفية على المجهودات لقمتها معنا هبلناها وصهرناها بصح كانت ايام :19::19::19::19:

جلفااوية

2015-02-03, 23:22

:1:

و.................................

غير الحير واش الي بيك:confused::confused::confused::confused::confus ed::confused::confused::confused::confused::confus ed::confused:

stayfiya

2015-02-03, 23:26

جلفاويه. هاذي لازمك تتعرفي عليها الاستاذه فريوله ابتسام اكيد غير الخير ورا هاذ النقط راهي حكمت بلاصه خاطر راهي من لجنة التحكيم هي و الاخ عمر
لبنات نتلاقاو غدوه ان شاء الله سلام

باسم وبيسان

2015-02-03, 23:29

جلفاويه. هاذي لازمك تتعرفي عليها الاستاذه فريوله ابتسام اكيد غير الخير ورا هاذ النقط راهي حكمت بلاصه خاطر راهي من لجنة التحكيم هي و الاخ عمر
لبنات نتلاقاو غدوه ان شاء الله سلام

هههههه سطايفية واش رايحييين نسمعووو انتقدات ربى تستر وقيلا زهقات علينا ياك تحامى علينا ياك احنا تلاميدك ولالالالا
تصبحى بخير

ام رشدى

2015-02-04, 07:13

صباح الانوار ليكي اختي سطايفية ولكل لجنة التحكيم انشاء الله خير

*منى*

2015-02-04, 07:22

صباح الفل على الجميع
ماشاء الله لبنات جيباتكم خرجو هايلين نتاعي عادت ماتبانش قدامهم

المهم كي تدخل لجنة التحكيم نشوفو يادرا انا ؟؟؟؟؟؟؟؟؟؟؟؟؟؟؟؟؟من ضك ما نعتش وجهي ندرق خير

ندى قدور

2015-02-04, 07:39

صباح الخير والخيرات تبارك الله على البنات يعطيكم الصحة بصح اغلب الصور ما ظهرتش:confused::confused::confused:

*ام عبد الكريم*

2015-02-04, 07:49

صباح الخير لبنات كيف اصبحتو ...مشاء الله على الخياطات كامل هايلين يعطيكم الصحة استمتعنا كثيرا نتمنى تكووون ورشات اخرى ان شاء الله شكرا سطوف على تعبك معنا

*ام عبد الكريم*

2015-02-04, 07:52

صباح الخير والخيرات تبارك الله على البنات يعطيكم الصحة بصح اغلب الصور ما ظهرتش:confused::confused::confused:

صباح الخير اخت ندى ...الاخت سطيفية خيرت منهم برك انا ثاني بعثلها بزاف و خيرت غير 4 برك

باسم وبيسان

2015-02-04, 08:32

بنجووووووغ عليكم
هههه وقيلا نفس لكليك لى تدخل :mh31: رشا :mh31: فيزا :mh31: منى:mh31: ندى قدور :mh31: ربى تستر نروحووو نخبووو وجوهنا كى يدخلووو النقاد ههههه

*أم كوثر*

2015-02-04, 09:04

بالتوفيق للمشتركات
وشكر خاص للقائمين على الورشة

faiza2008

2015-02-04, 09:23

:)صباح الخير على الخياطات الفحلات ، صباح الخير سطوف

OM AYA

2015-02-04, 09:24

الله يبارك عليكم كاااامل

سطووووف كي تكملوا حطيلنا الدروس باه نراجع دروسي ونطبق كي نشري ماشينة طبعا وديجا والله ما عندي جيبات طوال عندي غير السراول ههه يعني محتم عليا

OM AYA

2015-02-04, 09:26

سطوووووف وين راه تطبيقك ماشي قلتي نطبق

stayfiya

2015-02-04, 09:29

صباح الخير لبنات كيف اصبحتو ...مشاء الله على الخياطات كامل هايلين يعطيكم الصحة استمتعنا كثيرا نتمنى تكووون ورشات اخرى ان شاء الله شكرا سطوف على تعبك معنا
ياختي ام رشا راني خارجه كونجي هههه
صباح الانوار ليكي اختي سطايفية ولكل لجنة التحكيم انشاء الله خير
صباح النوور ام رشدي ماكان والو علاش تخافو اذا راح يحطو ملاحظات فتاكدو راه في مصلحتكم هوما ادرى و ركزو مليح لانو نصائح المجربين هي مفتاح النجاح
صباح الفل على الجميع
ماشاء الله لبنات جيباتكم خرجو هايلين نتاعي عادت ماتبانش قدامهم

المهم كي تدخل لجنة التحكيم نشوفو يادرا انا ؟؟؟؟؟؟؟؟؟؟؟؟؟؟؟؟؟من ضك ما نعتش وجهي ندرق خير
صباح النور بالنسبه ليا كي درتو مجهود و ما حشمتونيش. برافو
صباح الخير والخيرات تبارك الله على البنات يعطيكم الصحة بصح اغلب الصور ما ظهرتش:confused::confused::confused:
ندى قصدك حلى صور المشتركات الباقيات ؟؟ انا تعمدت نحط اسماواتهم و تكون بلاصتهم شاغره
صباح الخير اخت ندى ...الاخت سطيفية خيرت منهم برك انا ثاني بعثلها بزاف و خيرت غير 4 برك
ام رشا انا خيرت لي يبينو خدمتكم و بالنسبه لصورك كانو واضحين و الاربعه هوما لي يبينو الخدمه ضك اي وحده تحب دير ورشتها تحطها على روحها في قسم الورشات انا ورشتي واجده والله البارح روحت للدار في الليل جيت كملت الفيرميتور و صورتها و كملتلكم الموضوع مزيه عاوني الاخ عمر ربي يخليه
بنجووووووغ عليكم
هههه وقيلا نفس لكليك لى تدخل :mh31: رشا :mh31: فيزا :mh31: منى:mh31: ندى قدور :mh31: ربى تستر نروحووو نخبووو وجوهنا كى يدخلووو النقاد ههههه
ام باسم صباح النووور عندك مشكل مع الاسماوات فايزه رديتيها visa الخطوط الجويه ههههه راني نقصر شوفي المشرف و فريوله ابتسام خدامين كيفي يعني يعني للمساء يروحو عليا نقولكم ما تستناوش يدخلو الصباح و انا خليوني نرتب واش نقول ههههه تاكدي راح يكون نقد بنااء
بالتوفيق للمشتركات
وشكر خاص للقائمين على الورشة
لاشكر على واجب. ام كوثر

loudjeine2000

2015-02-04, 09:30

صباح النور عليكم واش لحوال والله مت البارح من التعب كلمة ما قدرت نزيدها درت الهرج لروحي حتى ولايت نخلط في المنامات هههههههه :24:
اعمال لبنات روعة

stayfiya

2015-02-04, 09:31

سطوووووف وين راه تطبيقك ماشي قلتي نطبق
اهلا ام ايا انا تطبيقي واجد نهار تخبطلي في الراس نحط الورشه نتاعو
الله يبارك عليكم كاااامل

سطووووف كي تكملوا حطيلنا الدروس باه نراجع دروسي ونطبق كي نشري ماشينة طبعا وديجا والله ما عندي جيبات طوال عندي غير السراول ههه يعني محتم عليا

ههههه لي ما جا مع لعروس مايجي مع امها اصبري ام ايوش كاش نهار هههههه

stayfiya

2015-02-04, 09:33

لجين يعطيك الصحه ممكن نتي اكثر وحده تعبت كثرتي على روحك و غصبتي في اخر يوم الباترون و لفصاله و لخياطه و حتى رحتي شريتي لحوايج نتيريلك الشابو ختي

loudjeine2000

2015-02-04, 10:53

لجين يعطيك الصحه ممكن نتي اكثر وحده تعبت كثرتي على روحك و غصبتي في اخر يوم الباترون و لفصاله و لخياطه و حتى رحتي شريتي لحوايج نتيريلك الشابو ختي

شكرا حبيبتي والله كلامك كبير انا لي نرفعلك الشابو

الاء هبة الرحمان

2015-02-04, 11:19

يعطيكم الصحة على مجهوداتكم الكل المشتركات ولجنة التحكيم وطبعا المميزة سطايفية

stayfiya

2015-02-04, 11:20

هههههههه انا راني. طريبيان هههه في فترة نقاهة هههه
وين راهم لبنات خفتو تدخلو ههههه ادخلو الدار داركم و حتى اي عضوه تدخل ممكن تمد رايها منى واش درتي للغدا ليوم ؟؟ ام باسم. راهي عند زابوري لاجيب لي نواتها لمها دورتها ليها ههههه لازم تشريلها قماش خلاف ههه وينهم الباقي ام رشا و ام رشدي و فايزه و بوليما وندى و بيبا و ام ياسين و ام محمد و جيجليه و حوريه
و تقوى و ام معاذ ...!

باسم وبيسان

2015-02-04, 11:25

faiza2008

2015-02-04, 11:33

راني هنا سطوف،اليوم تفكرت منين كنت نقرى ونكملو الاختبارات ندير الي بغيت نتفرج، نلعب.............ههه
نستناك تحطي الورشة انتاعك ونعودها .....راه سخن فيا الدَم على لاجيب

stayfiya

2015-02-04, 11:40

الرد كتبتو نجاوب في لجين عندي ساعه هذوين وصل ههههه شكرا الء و ام ايوش و كامل لي يدخلو

stayfiya

2015-02-04, 11:45

هههههه فايزه الورشه نخمم نبعثهالكم على الخاص. ام باسم. انا ضك نسترااح باي بااي لاحجاب لا سروال آديو
راني من الخدمه شوفي كي كنت نع الورشه يا سبحان الله تلمت عليا الخدمه برا و لداخل و المنتدى و لخياطه ههههه و ضك الدنيا تصفصي هههه راني حيطيست

*ام عبد الكريم*

2015-02-04, 11:55

*منى*

2015-02-04, 12:08

اليوم راني خلعانا فشلت مانديرلهم لغدا
هههههههههههههه حالة الخدامة ياكل لعشاء تاع البارح

*منى*

2015-02-04, 12:21

انا راني في الخدمة ونسرق برك طلات على المنتدى لايشفني المدير ويديرلي الجيبات على راسي

المهم انا الصراحة عجبتني لاجيب تاع faiza2008 الكتان باهي والخياطة ماعندي مانقول والديكور سامبل وباهي يعطيك الصحة اختي faiza2008

بصح هذا مايمنعش بلي البقية ثاني هايلين ونتاعي ماتهدروش عليها عيشكم راهي شوكاتني

faiza2008

2015-02-04, 12:39

الله اسلمك منى لكن الكل باهيين،و صراحة لوكان ماشي سطوف ما كنتش رايحة نجرأ وننوي انخيطها، كانت عندي عقدة لا دوبلير و لافرميتور ،واش انقلك يا سطوف الله يعطيك كثر ما تتمناي ان شاء الله

polyma

2015-02-04, 13:24

polyma

2015-02-04, 13:26

حت أنا عجبتني لاجيب تاع faiza2008 الكتان شحل شريته

faiza2008

2015-02-04, 13:32

حت أنا عجبتني لاجيب تاع faiza2008 الكتان شحل شريته
اشريتو 650 دج للمترا

ام رشدى

2015-02-04, 15:25

مساء الخير عليكم من الصباح وقلبي يغلي باه نشوف النتائج اداوين جات لاكوناكسيو
اخي الكريم صاحب الامل ممكن توضحلي الملاحضة الي وضعتهالي انتاع باين مخيط كيفاه باين مخيط انا الي خيطتو ولا قصدك مشري من فضلك وضحلي الملاحضة وملاحضاتك على العين والراس ماتخليليش غموض خاصة وانو اول مرة نشارك في الورشات
ارجو انك تجاوبني والخطا وين راهو باه نستفاد منو والف شكر ليك على تعبك ومجهودك معانا
اختي سطايفية الله يعطيك ماتتمناي والللللف شكر على تعبك وسهرك معانا الله يرحم الوالد ويتغمد روحو الجنة

*منى*

2015-02-04, 15:45

شكرا جزيلا اخي صاحب الامل انا كنت حاطة تقولي غير هني روحك

صح عندك الحق الفكرة تقليدية بصح هذي اول مشاركة ليا في هذا النوع من المسابقات . وبربي ان شاء الله ماتكونش اخر مرة لانو بالفعل الجو لي دخلتنا فيه الاخت سطايفية (ربي يرضى عليها ويرضيها) كان رائع جدا جدا حركت فينا مشاعر المنافسة الخوف لامنخلصوش مع الوقت تواصلنا مع بعض وردودنا على بعضنا يعني شعور رائع فعلا الف الف الف الف شكر ليكم كامل صاحب الامل -كرونو - واكيد شكر زائد للسطايفية

faiza2008

2015-02-04, 16:08

شكرا اخي صاحب الامل ،بالفعل عندي افكار لكن ما نعرفش نجسدها، ناقصتني الجراة ، منين نحكم المقص نحس روحي رايحة ارتكب جريمة في حق القماش ، اشكر كذلك الاخت كرونو ، و انت سطوف مهما شكرتك قليل ،الله ايجازيك و يعطيك على حساب نيتك، وتهلاي مرة على مرة
انعاودوها ............ههههههههههه ،قوليلي ولفتي .....اييييييييييه عجبني جو الحماس و التحفيز....لبنات يعطيكم الصحة كل وحدة باسمها :19::19::19:

باسم وبيسان

2015-02-04, 16:49

[SIZE="5"];hggi[/مساء الخير عليكم
اشكرك اخى عمر على تقيمك واهتمامك وتشجيعاتك نشالله نكون على قد التقة ونبدع مستقبلا (مانشوكيكش بانها جات صدفة ههههه)والله فرحتنى بزاف وانى رايحة نطير من الفرحة:D:D شكرررا على تشجيعك وها العمل راجع للاستادة والشرح تعها المبسط وتحفيزاتها الله يرضى عليا والله:19::19: روح المنافسة والحماس خلتنا نخرجوووو من الروتين اليومى سخطووو انا SIZE] ونقولكم لبنات اعطيكم الصحة كل وحدة باسمها وتلبسوهم بالصحة نشاء الله ونلتقى فى ورشات اخري انشاء الله:mh31::mh31::mh31:

amel...

2015-02-04, 17:03

السلام عليكم
تع الصح اعمال رائعة ... كنت نتمنى نكون معاكم ويكون التطبيق نتاعي معاكم بصح الله غالب ... الثلج حصرلنا الخيوط تع الهاتف و اليوم وين جاو من الولاية باه يخدموه
ان شاء الله تكون ورشة وحدة اخرى ونكون بيناتكم
شكرا للسطايفية عله المجهود ... ربي يحفضك و تاكدي كنت نتمنا نكون معاكم

موجو جوجو

2015-02-04, 19:07

السلام عليكم ورحمة الله تعالى وبركاته
مرحبا بالجميع
ان شاء الله تكونوا بالف خير

****

http://xm.tl/a1027278

هذا الموضوع سيوضع خصيصا للاعمال الخاصة بكم
وبعد انتهاء الوقت المخصص لاول مهمة
والتي كانت
jupe

سنضع الاعمال التي وصلتنا

وقبل ذلك
نقوم بالتذكير بالمتسابقات اللي شاركو معانا
وهم

http://xm.tl/a1027282

racha2010
biba04
...amel
موجو موجو
polyma
ام ياسين الزهراء
ام رشدي
*منى*
تقوى اماني
ام معاذ ام معاذ
faiza2008
شابر محمد
فخوره بحجابي
ندى قدور
امي العسل
loudjeine2000
جيجليه
باسم وبيسان
حورية38

و عليكم السلام اخت السطايفية
و مشكووورة على كل مجهوداتك لي بذلتيها منذ اشتراكك في منتدى الجلفة و بالاخص المساهمات لي قدمتيها لقسم الخياطة
وكما قلتلك الجوب ماكملتهاش، و كان عمبالي انه لازمنا نتقيدو بالمودال و الباترون لي قدمتيه،

و الان نولي لاعمال المشتركات زعما راني بروفيسيونال
http://imagizer.imageshack.com/img631/780/bbqobu.jpg
رشا الله يبارك شاااابة و ربي يحفضلك البنوتة ان شاء الله
http://imagizer.imageshack.com/img661/2097/fghmxd.jpg
ندى عمل متقون و القماش يوالم الفصل تلبسيها بصحتك
http://imagizer.imageshack.com/img633/8030/wjik5v.jpg
هده صور من الورشة تاعي
http://imagizer.imageshack.com/img537/5992/olga7c.jpg
بوليما عملك هايل لاكولوغ هايلة و المودال تان رووووعة
http://imagizer.imageshack.com/img673/2911/eioahg.jpg
لجين يعطيك الصحة ، ونستعرف بيك في نهالر كملتيه،
http://imagizer.imageshack.com/img537/779/0ifb4f.jpg
فايزة الله يبارك الزينة زادت فيه النص
http://imagizer.imageshack.com/img633/1319/zj0i0y.jpg
ام رشدى،يعطيك الصحة على المجهود المبذول لكن فكرة القفالي ماعجبونيش و اسمحيلي على الملاحظة
http://imagizer.imageshack.com/img901/1831/cgby69.jpg
منى قماشك هااايل و الزينة كيف كيف
يعطيك الصحة
http://imagizer.imageshack.com/img633/9018/7fdunb.jpg

باسم و بيسان جوبك رووووعة هايل و هداك لي من فوق زاد بهاها اكثر و اكثر
واش هو،
يعطيك الصحة

و باذن الله نعاود نخيط وحدة ليا

شابرمحمد

2015-02-04, 19:36

يعطيكم الصحه الاخوات راكم فالقمه ماشاء الله عليكم اعمالكم رائعه
انا منعتني ظروف صحية ومتاسفة جدا اختي سطايفية

loudjeine2000

2015-02-04, 20:48

بسم الله الرحمان الرحيم
مساء الخير وصح عشاكم الي تعشى والي مازال صح بعد العشا ههههه
نشكر كل المشتركات الي قدموا اعمالهم والتي بدون شك كانت جد موفقة ويعطيكم الصحة كما اشكر كل من الأخت سطايفية وكرون والأخ omar على المجهودات التي يقدمونها لنا في كل مرة وبارك الله فيهم كما لا أنسى الأخوات الي مقدروش يشاركونا في هذا الورشة لظروف ما فالموعد ان شاء الله في المواعيد القادمة مع المشرفين جزاهم الله كل خير وشكرا

stayfiya

2015-02-04, 21:23

مساء النور راني حطيت. التعليقات تاوعي في الاعمال لغدوه الصباح و نكمل نقرا. واش كتبتو والله ماني قادره تصبحو بخير

باسم وبيسان

2015-02-04, 22:26

مساء الخير السطايفية
شكرا على تعليقات وادا تسمحيلى حبيت نوضحلك حوايج ماتقوليليش اكى تبرى هههههههه
انا والله حبيت ندير السجاف خاطر مانعرفش نركبووو وحبيت نتعلمووو بصح كان معنديش والمنطقة لى نسكن فيها مايبعوهش يتباع فى لبلاد واناكانت بيسان مريضة وماعنديش وشكون يحكمهالى ولبايسة لى لسقت شوية يابسة بلاك على هادى بانت مشبوحة حقا لقماش شوية يتكسل وزيد انى ملبستووو لمسند تاع السرير وكون حتى جاء قدووو حتى زت لويت عليه زاورة باه جاه ومطحلوش هههههه وجيب مافيش لقرون بلاك من المسند خاطر مدور وقدقد ماشى كما احنا نهزوه باليونش وبان عريض مبانش تفصالو مليح الخطرة جاية ندير للمسند ليونش ههههههه
شكرا حبيبتى والله تعلمت حوايج وكون غير تزيدى درينا فى المستقبل ورشات باه نستفادووو وتشوفى الديفوات بعينك وحدة ما تفسطى عليك هههههههه

*ام عبد الكريم*

2015-02-04, 22:33

مساء الخير ماتزعفيش يا ام باسم نووووورمال ....ليا عودة غدا ان شاء الله للمناقشة دوركة راني ميتة بالنعاس تصبحو على خير ..

ام رشدى

2015-02-04, 22:40

مساء الخير سطايفية وربي يعاونك اما الملاحضات على العين والىاس القماش من نوع الي يتكسل وحاولت انحدد لكن ما حبش خاصة وين بلاصة ليبانس والخياطة الي من فوق اضطريت باه انخيطها لانو كي نلبسها يبقى لادوبلير على برى يعني يخرج من فوق انشاء الله نطبق وحدى اخري ونحطها لاختي تشوفها ولكن هدى المرة نفرحك انشاء الله اله يبارك فيك وربي يعاونك ويرحم الوالد الكريم ويتغمد روحو الجنة

باسم وبيسان

2015-02-04, 22:41

مساء الخير ماتزعفيش يا ام باسم نووووورمال ....ليا عودة غدا ان شاء الله للمناقشة دوركة راني ميتة بالنعاس تصبحو على خير ..

رشا مسلء الخير والله مانى زعفانة شكون قالك انا حبيت نرجعلها برك مش نقرى ونخليها هكاك والله بالعكس انا انى ميت بالفرحة وتعلمت حوايج والله ماكنت نعرفهم يعطيها الصحة سطايفية راهى:19::19::19::19::19:

باسم وبيسان

2015-02-04, 22:46

و باذن الله نعاود نخيط وحدة ليا

موجو جوجو يعيشك حنونة وانت تانى اعطيك الصحة وزربى كملى لاجيب ليماك :1::1::1::1::1:
البياسة لى حطيت والله مانعرفها رحت للحنوت شتها عجبتنى شريت منها سقسيتووو واش اسمها قالى معلبليش يبيع فيها ومعلبلوش واسمها هههههه
وشيا محطوطة فى رولو صغير يجى فيه وحد النص ميطر عرض ويتباع بالميطرة

ندى قدور

2015-02-04, 23:53

مساء الخير يالبنات .......والله فرحني النقد انتاعك يا استاذة ودارلي الكوراج باش نتحسن فيما يخص القماش ولونو التصوير ظلمو بزاف بما انو في الليل حبيتو خشين انتاع شتا البني لوني المفضل
التفصيل فصلتو مائل ديجا فقتي بيا باش يجيني واسع من تحت والسانتورة عندي قديمة اصطريت نديرها للزينة وانا في الاصل نحب السامبل..........يعطيك الصحة تعبناك معنا ربي يجعلها في ميزان حسناتك:d:d:d;)

*ام عبد الكريم*

2015-02-05, 10:09

رشا مسلء الخير والله مانى زعفانة شكون قالك انا حبيت نرجعلها برك مش نقرى ونخليها هكاك والله بالعكس انا انى ميت بالفرحة وتعلمت حوايج والله ماكنت نعرفهم يعطيها الصحة سطايفية راهى:19::19::19::19::19:

صباح الخير ام باسم واش راكي ....لالاحنونة متزعفيش مني مقصدت والو بصح عطيتك الحق الاخت سطايفية مكنتش واضحة و من حقق تستفسري و تبري و هذا من حق اي كان حتى انا بعد شوية رايحة نبرر و نستفسر هههههه :1::1::1: و كما قلتي رانا فرحنين كامل الي علمتنا الغالية سطوف حوايج جداد :19::19::19::19: و ان شاء الله بالصبر و العمل رايحين نتعلمو مليح تحياتي :mh31:

*ام عبد الكريم*

2015-02-05, 10:39

السلام عليكم اولا اشكر الاخ عمر جزيل الشكر على مجهودك بانسبة لاسنتير عندك الحق كي نحتها خير ...شكرا اختي سطايفية على التقيم بصح ما فهمتش كي قلتي على بينس انا درتهم بالمترة الامام 5 سم و الخلف 8سم و عاودت قستهم لقيتهم كي بعضهم و المشكل في التحداد على بيها بانو موش قد بعض ..اما لعراوي عند الحق لازم نطلعهم ....و المشكل الاصعب الي لقيتو هو في الكفة كما تشوفي في الصورة مهيش متقونة بزاف و هذا لصعوبات باش طبقت لقماش مين طلعنا ب 2 كيما درتلو بقاء معوج هل من نصيحة؟تحياتي

http://www.up.djelfa.info/uploads/142312890662551.jpg

http://www.up.djelfa.info/uploads/142312895828431.jpg

*منى*

2015-02-05, 11:24

السلام عليكم
الاخت باسم وبيسان البياسة لي حطيتيها يقولولها الشبيكة

faiza2008

2015-02-05, 11:38

السلام عليكم
سطوووووووووف على عندك لاسبيرين غير اشربي قبل ما تبداي تقراي
ياختي واش انقلك، البانس جاو متوازيين مع اني غلطت غلطة كبيرة وديت منها فايدة كبيرة و درك نوضحلك.
-البياسات هذوك كنت رايحة زعمة انحطهم شويا التحت باش ايبانو جيوب، ما عجبونيش طلعتهم الفوق و حطيتهم فوق البانس متوازيين، احكمتهم غير ب les épingles ، ولبستها ما عجبونيش و هذا نتيجة الغلطة الي درتها والي راني رايحة انوضحها .........هههه
اذا حطيتهم الفوق و ميلتهم شويا ما علاباليش علاش مي عجبوني هكذا، اما البانس من بعد الي تحدو ما بانوش خلاص لو كان متتلمسيش مكان الخياطة، ما عرفتش على من القماش ولا انا بالغت فالحديد.
والغلطة الكبيرة الي درتها اني لما ديت لقياسات،محيط الوسط ديتو من ابرز منطقة فالبطن(وهذا حتى عاودت اقريت الدرس باش تولهتلو) والنتيجة كانت 92.
و من بعد وحتى طفرت عاودت اديتو من اصغر منطقة في البطن القيتو 83، اذا النتيجة كانت فضففففففضة في محيط الوسط ،وبما اني ديت من ابرز منطقة طول الورك تاثر و حتى طول الجيب،اضطريت اني ندخل بالخياطة اذا البانس ديكالاو .
و اخيرا استنتجت انو محيط الوسط ناخذو مباشرة من نهاية ااضلاع القفص الصدري الي هي اصغر منطقة في البطن
المهم كانت تجربة رائعة ومفيدة و التجربة الي نغلطو فيها وندرك اخطاءنا محال نعاودو نطيحو في نفس الخطا.........بلابلابلابلا هههههه
شكرا مرة اخرى سطوف و سماح اختي الله اعينك.:)

باسم وبيسان

2015-02-05, 11:51

سلام لبنات كيف صبحتووووو
منى شكرا والله معلبلى عجبتنى شريتها
فايزة هههه سطايفية لزمها بلاكة دوليبران حبة مادرلها والوووو غير لى تدخل تكتبلها جرنان هههههه
مازلنا نهبلووو فيها وهى تقول تهنيت خلصت على حسابتكسار الراس هدا متزيدش ديرنا ورشة هههه ولا تشرط ماندخلوهاش حنا نهدرووو بزاف ههههه

stayfiya

2015-02-05, 14:45

واش راكي سطوف اني كنت مع الشغل هذا وين كملت ...ركي تعيطيلي ام راشا و المضحك واحدة من بناتي ما سميتها راشا ...نفكر نغير اسمي منعرف اذا شروط المنتدى تسمح و لا لا...و الله عندك الحق تجي لخدايم ضربة واحدة و كي تروح كذلك .
ههههه مالا منين طحتي على رشا هاذي !!! اعطينا كود نعيطولك بيه
انا راني في الخدمة ونسرق برك طلات على المنتدى لايشفني المدير ويديرلي الجيبات على راسي

المهم انا الصراحة عجبتني لاجيب تاع faiza2008 الكتان باهي والخياطة ماعندي مانقول والديكور سامبل وباهي يعطيك الصحة اختي faiza2008

بصح هذا مايمنعش بلي البقية ثاني هايلين ونتاعي ماتهدروش عليها عيشكم راهي شوكاتني
ضك توليو تتفنو. ان شاء الله حتى تاعك باهيه الله يبارك
الله اسلمك منى لكن الكل باهيين،و صراحة لوكان ماشي سطوف ما كنتش رايحة نجرأ وننوي انخيطها، كانت عندي عقدة لا دوبلير و لافرميتور ،واش انقلك يا سطوف الله يعطيك كثر ما تتمناي ان شاء الله
الحمد لله لي قدرتي تنحي الخوف و صدمتي
صباح الخير لبنات كيف اصبحتو هاد وين قدرت ندخول...مشاء الله على الخياطات كامل هايلين يعطيكم الصحة ا شكرا سطوف :mh31:
يعطيكم نتوما الصحه لي كملتو رغم الظروف
السلام عليكم
تع الصح اعمال رائعة ... كنت نتمنى نكون معاكم ويكون التطبيق نتاعي معاكم بصح الله غالب ... الثلج حصرلنا الخيوط تع الهاتف و اليوم وين جاو من الولاية باه يخدموه
ان شاء الله تكون ورشة وحدة اخرى ونكون بيناتكم
شكرا للسطايفية عله المجهود ... ربي يحفضك و تاكدي كنت نتمنا نكون معاكم
علابالي امل الله غالب كلشي بالمكتوب المرات الجايه ان شاء الله
بسم الله الرحمان الرحيم
مساء الخير وصح عشاكم الي تعشى والي مازال صح بعد العشا ههههه
نشكر كل المشتركات الي قدموا اعمالهم والتي بدون شك كانت جد موفقة ويعطيكم الصحة كما اشكر كل من الأخت سطايفية وكرون والأخ omar على المجهودات التي يقدمونها لنا في كل مرة وبارك الله فيهم كما لا أنسى الأخوات الي مقدروش يشاركونا في هذا الورشة لظروف ما فالموعد ان شاء الله في المواعيد القادمة مع المشرفين جزاهم الله كل خير وشكرا
لا شكر على واجب لجين

stayfiya

2015-02-05, 15:24

فكرتوني كيما كانو يمدولها اوراق الامتحانات و نروحو لمكتب الاستاذ نديرو طعون هههههه باش يزيدلنا نقاط بالشوي برك :mh31:وانا قلت تهنييت منكم :1:
ضك نسمعلكم بالواحد ديرو الصف :D

صحا ام باسم واش !!
مساء الخير السطايفية
شكرا على تعليقات وادا تسمحيلى حبيت نوضحلك حوايج ماتقوليليش اكى تبرى هههههههه
انا والله حبيت ندير السجاف خاطر مانعرفش نركبووو وحبيت نتعلمووو بصح كان معنديش والمنطقة لى نسكن فيها مايبعوهش يتباع فى لبلاد واناكانت بيسان مريضة وماعنديش وشكون يحكمهالى ولبايسة لى لسقت شوية يابسة بلاك على هادى بانت مشبوحة حقا لقماش شوية يتكسل وزيد انى ملبستووو لمسند تاع السرير وكون حتى جاء قدووو حتى زت لويت عليه زاورة باه جاه ومطحلوش هههههه وجيب مافيش لقرون بلاك من المسند خاطر مدور وقدقد ماشى كما احنا نهزوه باليونش وبان عريض مبانش تفصالو مليح الخطرة جاية ندير للمسند ليونش ههههههه
شكرا حبيبتى والله تعلمت حوايج وكون غير تزيدى درينا فى المستقبل ورشات باه نستفادووو وتشوفى الديفوات بعينك وحدة ما تفسطى عليك هههههههه
علابالي بلي كنتي ملبساتو لمسند ههه و انا قتلك ميش شرط ديري لا دوبلير برك تغطي لخياطات هذوك برك و قترك لباسه تاع الزجاف كي ما درتيلهاش ليبانس شبحتلك دوران الخصر لازمنا نسقصيو المسند كيفاش جاتو هههه
مساء الخير سطايفية وربي يعاونك اما الملاحضات على العين والىاس القماش من نوع الي يتكسل وحاولت انحدد لكن ما حبش خاصة وين بلاصة ليبانس والخياطة الي من فوق اضطريت باه انخيطها لانو كي نلبسها يبقى لادوبلير على برى يعني يخرج من فوق انشاء الله نطبق وحدى اخري ونحطها لاختي تشوفها ولكن هدى المرة نفرحك انشاء الله اله يبارك فيك وربي يعاونك ويرحم الوالد الكريم ويتغمد روحو الجنة
اميين راني فهمتك ام رشدي كاين استيس تخيطي من داخل و ما تطلعلكش لا دوبلير و لحديد لازم تكون الكتانه تقطر بالماء و تحطيها على لقماش و تحدي المره الجايه نستناك وعد
مساء الخير يالبنات .......والله فرحني النقد انتاعك يا استاذة ودارلي الكوراج باش نتحسن فيما يخص القماش ولونو التصوير ظلمو بزاف بما انو في الليل حبيتو خشين انتاع شتا البني لوني المفضل
التفصيل فصلتو مائل ديجا فقتي بيا باش يجيني واسع من تحت والسانتورة عندي قديمة اصطريت نديرها للزينة وانا في الاصل نحب السامبل..........يعطيك الصحة تعبناك معنا ربي يجعلها في ميزان حسناتك:d:d:d;)
ههههه ولاه ما نفيقش. لاه مانيش مالفه ندير الزالات ههههه فكره مليحه معناه رفدتلك اكثر من متر و عشره
السلام عليكم اولا اشكر الاخ عمر جزيل الشكر على مجهودك بانسبة لاسنتير عندك الحق كي نحتها خير ...شكرا اختي سطايفية على التقيم بصح ما فهمتش كي قلتي على بينس انا درتهم بالمترة الامام 5 سم و الخلف 8سم و عاودت قستهم لقيتهم كي بعضهم و المشكل في التحداد على بيها بانو موش قد بعض ..اما لعراوي عند الحق لازم نطلعهم ....و المشكل الاصعب الي لقيتو هو في الكفة كما تشوفي في الصورة مهيش متقونة بزاف و هذا لصعوبات باش طبقت لقماش مين طلعنا ب 2 كيما درتلو بقاء معوج هل من نصيحة؟تحياتي

http://www.up.djelfa.info/uploads/142312890662551.jpg

http://www.up.djelfa.info/uploads/142312895828431.jpg
شفتو علاش قلتلكم لازم التصاور يكونو واضحين باش ما نظلمكمش انا والله بانتلي واش قتلك عليها حرت في صوره يبان الخلف و الامام ميش كيف كيف و من الامام جاني وحده كثرمن وحده ؟؟ نتي جيتي للجناب و طلعتي طول لازم تطلعي تدريجيا. و الكفه المره الجايه سرفليها. و كفيها مره وحده
السلام عليكم
سطوووووووووف على عندك لاسبيرين غير اشربي قبل ما تبداي تقراي
ياختي واش انقلك، البانس جاو متوازيين مع اني غلطت غلطة كبيرة وديت منها فايدة كبيرة و درك نوضحلك.
-البياسات هذوك كنت رايحة زعمة انحطهم شويا التحت باش ايبانو جيوب، ما عجبونيش طلعتهم الفوق و حطيتهم فوق البانس متوازيين، احكمتهم غير ب les épingles ، ولبستها ما عجبونيش و هذا نتيجة الغلطة الي درتها والي راني رايحة انوضحها .........هههه
اذا حطيتهم الفوق و ميلتهم شويا ما علاباليش علاش مي عجبوني هكذا، اما البانس من بعد الي تحدو ما بانوش خلاص لو كان متتلمسيش مكان الخياطة، ما عرفتش على من القماش ولا انا بالغت فالحديد.
والغلطة الكبيرة الي درتها اني لما ديت لقياسات،محيط الوسط ديتو من ابرز منطقة فالبطن(وهذا حتى عاودت اقريت الدرس باش تولهتلو) والنتيجة كانت 92.
و من بعد وحتى طفرت عاودت اديتو من اصغر منطقة في البطن القيتو 83، اذا النتيجة كانت فضففففففضة في محيط الوسط ،وبما اني ديت من ابرز منطقة طول الورك تاثر و حتى طول الجيب،اضطريت اني ندخل بالخياطة اذا البانس ديكالاو .
و اخيرا استنتجت انو محيط الوسط ناخذو مباشرة من نهاية ااضلاع القفص الصدري الي هي اصغر منطقة في البطن
المهم كانت تجربة رائعة ومفيدة و التجربة الي نغلطو فيها وندرك اخطاءنا محال نعاودو نطيحو في نفس الخطا.........بلابلابلابلا هههههه
شكرا مرة اخرى سطوف و سماح اختي الله اعينك.:)
واله يا فايزه. مزالني في لفراش مانضت وع واش كتبتي نسمع غير في الغلطه لكبيره الغلطه لكبيره هههههه ما فهمتكش مليح المهم نتي غلطتي و صححتي و استفدتي الحمد لله
سلام لبنات كيف صبحتووووو
منى شكرا والله معلبلى عجبتنى شريتها
فايزة هههه سطايفية لزمها بلاكة دوليبران حبة مادرلها والوووو غير لى تدخل تكتبلها جرنان هههههه
مازلنا نهبلووو فيها وهى تقول تهنيت خلصت على حسابتكسار الراس هدا متزيدش ديرنا ورشة هههه ولا تشرط ماندخلوهاش حنا نهدرووو بزاف ههههه
هههههه والله ملي رقدت البارح ما نضت من بلاصتي. راني في صاشي دوا ميش غير دوليبران
الشبيكه هاذيك حنا نقولولها الgرياج خرجت عدنا في لحديد تهببل بصح غاليه تشلفط
لالا بربي ان شاء الله نزيد بصح ميش ضك عندي خدمه و فواياج اصبروني

polyma

2015-02-05, 15:41

مساء الخير يالبنات .......والله فرحني النقد انتاعكم يا استاذة ودارتولي الكوراج باش نتحسنو
سطيفية........يعطيك الصحة تعبناك معنا ربي يجعلها في ميزان حسناتك:d:d:d

stayfiya

2015-02-05, 15:48

وجدي روحك بوليما الورشات الجايين راح يكونو على هاذ الشكل هههههه. يا بختو لي لحق و حجز مكان خاطر واش راح يتعلم على الخاص اكثر بكثييير من واش يتحط في المنتدى

faiza2008

2015-02-05, 15:52

ههههه شفتي سطوف ،كنت فنبانة مشاركة صغيرة نعجز باش نكتبها،لقيت روحي كاتبة جرنان، صباعي انطلقوا

stayfiya

2015-02-05, 15:56

ههههه معليش فايزه معناه مزال عندك حماس كبيير الله يبارك ههه

شابرمحمد

2015-02-05, 16:22

سطوف غير انا مجاوتينيش واقسلا راكي زعفانة مني؟

polyma

2015-02-05, 16:28

وجدي روحك بوليما الورشات الجايين راح يكونو على هاذ الشكل هههههه. يا بختو لي لحق و حجز مكان خاطر واش راح يتعلم على الخاص اكثر بكثييير من واش يتحط في المنتدى

ههههه نسجل روحي من دورك سينو النات ديرها بيا ونحب كي نخدم مع اللمة كما تسمها مشريفتنا أخت كورنو اللمة الحباب هههههhttp://www.djelfa.info/vb/showthread.php?t=1742968اكون الحماس :19:

باسم وبيسان

2015-02-05, 16:59

سطايفية سلامتك حبيبتى من الفراش والمرض نسحقوك هدا واين قلنا بسمله حنا لعدا فى التحضيرى واش يوصلك لتخرج تماسكى ههههه

باسم وبيسان

2015-02-05, 17:13

سطايفية تعيشى سحقيتك لكان عدتى قادر ونضت من الفراش هههه
http://www.djelfa.info/vb/showthread.php?t=1751895

*منى*

2015-02-05, 19:22

على سلامتك سطوفة
مالا كي عادو الورشات يوليو هكدا غير نوجد روحي للمتعة لي جاية

stayfiya

2015-02-06, 07:03

سطوف غير انا مجاوتينيش واقسلا راكي زعفانة مني؟
لالا حبيبتي ام محدمد والله ماشفت. ردك هذوين لقيتو مسكين محشور تحت الجرنان لي دارتو موجو. سامحيني خيتي والله ما قصدت
انا قلتلكم ميش محتمه عليكم و علابالي كل وحده و ظروفها المهم النيه تكون صافيه. في التعلم هذا الشي الوحيد لي يوصلك لوين راكي باغيه
مزال الخير لقدام و فاتتك هاذي تلحقي بالي جاي. وجدي روحك برك
ههههه نسجل روحي من دورك سينو النات ديرها بيا ونحب كي نخدم مع اللمة كما تسمها مشريفتنا أخت كورنو اللمة الحباب هههههhttp://www.djelfa.info/vb/showthread.php?t=1742968اكون الحماس :19:
هههههه ملاح اللمات كي يكون كاين التزام و مواصله
سطايفية سلامتك حبيبتى من الفراش والمرض نسحقوك هدا واين قلنا بسمله حنا لعدا فى التحضيرى واش يوصلك لتخرج تماسكى ههههه
راني قي القط ما تخافيش ام باسم لي نقدر عليه ميش راح نبخلكم
سطايفية تعيشى سحقيتك لكان عدتى قادر ونضت من الفراش هههه
http://www.djelfa.info/vb/showthread.php?t=1751895
اووكي ضك نشوف
على سلامتك سطوفة
مالا كي عادو الورشات يوليو هكدا غير نوجد روحي للمتعة لي جاية
متعه؟ انا راني جيايبه المطرق و فردة البشماق 👡👡👡👡 باش نعلمكم ههههههه

ام رشدى

2015-02-06, 08:28

صباح الخي اختي سطايفية ربي يشفيك انشاء الله ويعطيك على قد نيتك
والله يرحم الوالد برحمتو امين وراني عند وعدي

stayfiya

2015-02-06, 09:11

شكراً ام رشدي بارك الله فيك

biba04

2015-02-06, 11:05

صباح الخير وجمعة مباركة
المشتركات لي حطو تطبيقهم يعطيكم الصحة
سطايفية سمحيلي لاجيب تاعي فصلتها وخليتها ماقدرتش مع المرض وزدت عديت بنتي وش نقولك نسكت خير ان شاء الله نرتاح نخيطها ونبعث التطبيق

amel...

2015-02-06, 11:50

صباح الخير ... جمعة مباركة
اناتاني راني قاعدة نستنا في كل الورشات باذن الله ..

باسم وبيسان

2015-02-06, 13:29

جمعة مباركة لبنات
بيبا وشراكى نشالله تكونى ريحتى شوية
انى طليت برك مانيش قعدة مبعد نرجع

ahlem .guelma

2015-02-17, 14:32

ana nkhayt sah mais ki krit les defauts li tetwelhoulhem hechemt psq sure khademti mech ghir telgaw les defauts w inchaallah yji nhar w na3etlkom khyati inchaallah njibha guedgd bark hhhhhhhhhhh
en tt cas ahssantom