اجيبوني رجاءا

[ام نهوله]

عندي بنتي في عمرها 7شهور عندها 3ايام و هي بالحمى و اليوم الرابع خرجلها حب في وجهها و جسدها كي ديتها للمستشفى قالولي بوحمرون بصح حتى شافوها 3اطباء حسيتهم ماشي متاكدين و انا راني خايفه كي مازال مادارتش الفاكسان تاع بوحمرون المهم ماعطاولي والو غير الدواءاللي يحبط الحمى بصح مازالت تطلعلها اللي عندها معلومات تفيدني ربي يجازيكم راني مقلقه بزاف

[أم شروفة]

إذا مرض الطفل أمه كذلك تمرض من الخوف عليه.إذا كان بوحمرون ماتخافيش منو إن شاء الله لاباس غير دفيها على البرد لازم ما يضربهاش .اعطيها دواء السخانة.واطبخي البسباس والكمون وشوية حلبة .راح تساعدها

[lyzzabel]

حبيبتي ما تتقلقيش ما يكون الا الخير باْذن الله
انا و الحمد لله ولادي ما جاهمش بوحمرون ،، بصح لازم تهبطيلها الحمى لااااازم و نظن بلي البوحمرون ما عنده حتى تراتمون درك نسقسيلك اختي هي ولادها جاهم و نردلك الخبر باْذن الله
ربي يشفيها انشالله

[ام نهوله]

و الحمى عادي كي نهبطهالها كاين اللي قالولي خليها تسخن و الله غير حرت واش ندير سوغتو كي راهي قريب 40

[ام نهوله]

ام شروفه و ليزا شكرا على المرور ربي يخليلكم اولادكم

[ome loudjeine]

ام نهولة حبيبتي ماتخافيش راه بحمرون ماعندو حتى دواء يامات ان شاء الله ويطفى ويروح.
بالنسبة للحمى لازمك تهبطيهالها ديريلها دواء تاع الحمى وزيدي شمخي تقاشر مليح بالخل ولبسيهملها.
ربي يشفيهالك ويخليهالك ويفرحك بيها.

[ام نهوله]

ام نهولة حبيبتي ماتخافيش راه بحمرون ماعندو حتى دواء يامات ان شاء الله ويطفى ويروح.
بالنسبة للحمى لازمك تهبطيهالها ديريلها دواء تاع الحمى وزيدي شمخي تقاشر مليح بالخل ولبسيهملها.
ربي يشفيهالك ويخليهالك ويفرحك بيها.
مشكوره اختي ربي يفرحك باولادك

[أم شروفة]

لو كانت كبيرة ممكن السخانة ما تضرهاش لكنها صغيرة تخافي بعيد الشر كاش ما تديرلها .هبطيلها السخانة

[ام نهوله]

لو كانت كبيرة ممكن السخانة ما تضرهاش لكنها صغيرة تخافي بعيد الشر كاش ما تديرلها .هبطيلها السخانة

شكرا اختي على الاهتمام راني معاها بالدواء انشالله ما يكون غير الخير

[lyzzabel]

و الحمى عادي كي نهبطهالها كاين اللي قالولي خليها تسخن و الله غير حرت واش ندير سوغتو كي راهي قريب 40


صباح الخير يا الحبيبة
شكون لي قالك الحمى عادي ،، هادي لاااا و الف لااااا هبطيهالها لاااازم و انشالله تريح ،، اختي ما تدير والو لوليداتها تعسهم على الحمى و خلااااص و زيد تاع بكري يقولو مين يجي البوحمرون للأطفال لبسوهم اللون الأحمر و ما نعرف ههههه لي جربوها قالو تنفع
بالشفا عليها و انشالله و ما يكون غي الخير

[ام نهوله]

صباح الخير يا الحبيبة
شكون لي قالك الحمى عادي ،، هادي لاااا و الف لااااا هبطيهالها لاااازم و انشالله تريح ،، اختي ما تدير والو لوليداتها تعسهم على الحمى و خلااااص و زيد تاع بكري يقولو مين يجي البوحمرون للأطفال لبسوهم اللون الأحمر و ما نعرف ههههه لي جربوها قالو تنفع
بالشفا عليها و انشالله و ما يكون غي الخير
ليزا حبيبتي ربي يجازيك على هاد الاهتمام و الله ما ننساهولك
راني عاودت ديتها اليوم للطبيب قالي ماشي بوحمرون غلطو فالسبيطار ما عرفوش يشخصو المرض قالي فيروس و ما عليا غير نهبطلها الحمى و نعريها
و ربي يستر

[هبة الرحمان انشراح]

كانت عندي تجربة مع الحمى في ولدي ماهبطتهالو حتى حاجة لا طرق تقليدية ولا طبية سوى حاجة وحدة هي الرقية الشرعية تقراء القران على ماء معدني او زمزم الاحسن ويدهن بيه وتشرب منو على الفور بفضل الله رايحة تطفا الحمى وهدي تجربتي وربي يشافي ويعافي بنوتك

[nani201473]

Lala wa iyak .tkhaliha taskhon manish haba nkhawfak mais hama ida gaedat tal3a 3andENfants tkharab cerveau wa tkon i3aka la kadara lah a3tiha doliprane suppo wala sirop selon poids ta3ha wa 3ariha ida mahabtsh dirilha compresse mshamkhin wa zidilh doliprane kol 5 heu. Walter 6heure, nanshak hawssi fi internet fi safahat tabiya rabi yshafihalak inshalah, ana jeune maman wlidi 3ando 8 mois ma3andish expérience d

[ام نهوله]

كانت عندي تجربة مع الحمى في ولدي ماهبطتهالو حتى حاجة لا طرق تقليدية ولا طبية سوى حاجة وحدة هي الرقية الشرعية تقراء القران على ماء معدني او زمزم الاحسن ويدهن بيه وتشرب منو على الفور بفضل الله رايحة تطفا الحمى وهدي تجربتي وربي يشافي ويعافي بنوتك

شكرا اختي ربي يجازيك كل خير

[ام نهوله]

lala wa iyak .tkhaliha taskhon manish haba nkhawfak mais hama ida gaedat tal3a 3andenfants tkharab cerveau wa tkon i3aka la kadara lah a3tiha doliprane suppo wala sirop selon poids ta3ha wa 3ariha ida mahabtsh dirilha compresse mshamkhin wa zidilh doliprane kol 5 heu. Walter 6heure, nanshak hawssi fi internet fi safahat tabiya rabi yshafihalak inshalah, ana jeune maman wlidi 3ando 8 mois ma3andish expérience d
بارك اله فيك اختي على الاهتمام هاد لعشيه مازادتش طلعتلها انشالله تكون جازتها يا رب

[أم ياسين الزهراء]

حبيبتي هبطيلها الحمى كل ماتطلعلها وخليها مغطية ومادوشيهاش وماتخافيش بالشفاء عليها واللي يقلك ماتهبطيش الحمى راهو غالط ردي بالك

[ام نهوله]

حبيبتي هبطيلها الحمى كل ماتطلعلها وخليها مغطية ومادوشيهاش وماتخافيش بالشفاء عليها واللي يقلك ماتهبطيش الحمى راهو غالط ردي بالك

ربي يجازيك كل خير

[fadi02]

هداك الحب ماشي بوحمرون هو فيروس و الحمى جاتها من الحب كي ما زال ما خرجلهاش دوك كي خرج تروح لها الحمى و تبرى ما تخافيش انا وليدي جاز عليها و راجلي طبيب اطفال هو الي قالي كي يخرج الحب تروح الحمى

[ام نهوله]

هداك الحب ماشي بوحمرون هو فيروس و الحمى جاتها من الحب كي ما زال ما خرجلهاش دوك كي خرج تروح لها الحمى و تبرى ما تخافيش انا وليدي جاز عليها و راجلي طبيب اطفال هو الي قالي كي يخرج الحب تروح الحمى

صح واش قلت حبيبتي هكذا قالي الطبيب و صح كي خرج الحب مازادتش طلعتلها ربي يجازي كل من اهتم بالموضوع

[lyzzabel]

السلام عليكم و رحمة الله

الحمد لله على سلامة بنتك حبيبتي و ان شاء الله اخر الأمراض ،، ربي يحفظها و يحميها امييييين