عـائـد مـن المدرسة العليا للطيران طفراوي

[algerian_boss]

السلام عليكم الإخوة الكرام أردت أن أحكي قصتـي مع الخدعة الوطنية التي أصبح المشكل رقم 1 للشباب الجامعي، المهم و بعد تخمـام طويل ههه ذهبت إلى مركز الخدعة الوطنية في باب الواد للتطـوع يوم 31/12/2014 إلّا أنهم لم يتـركـوني أختـار الثكنة و أعطوني أمر بالإلتحاق إلى المدرسة العليا للطيران ليوم 15/01/2015، و بعدها بدأت بالتحضير النفسي و المعنوي و في يوم 19/01/2015 تكلت على ربي و رحت و عند الوصول إلى المدرسة و التسجيل في الباب ثم في مديرية الموارد البشرية أخذوني إلى الشالي رقم 02 الذي هو بمثابة غـرفـة كبيرة أعطاونا الزور و اللي مـاتلا فرشنـا في الأرض كي السردين و كان عدد الملتحقين ضئيـل جدا و بالمقابل المدرسة زادت طاقة إستعابهـا من 100 إلى 120، المهم كل النهـار كـانو يدخلو الجدد غير بشوية و كنـا نمشي قرابة 20كلم في النهار لأن المـاس كان بعيد جـــدا جـــدّا المهم نهـار يجيب النهـار حتي اليوم 27/01/2015 سمعنـا خبر أن المدرسة أقفلت في الليلة السابقة أي يوم 26/01/2015 و كـان عـددنـا 338 ملتحق، الكثير من الملتحقين كانت لهم ملفات طبية لكن طبيب المدرسـة صعيييييب ببببزاف رفض بالاك 80% من الملفات، و كل النهار يقولو اليوم تخرج قائمة المجندين و كانت المعريفــة كـحـلة و عينـاني المهم في يوم 29/01/2015 الصبح بينما كنـا situation جاء الكوموندو المسمى ميـر الذي يهدر غير بـالرب قال أن هذا المساء تخرج القائمة، و على الساعة 3 زوالا بينما كنـا عائدين من المـاس عيـــانيـــن قالولنا حاسبونا بالزور و بعدها كل واحد يرفد الباكاج تـاعـو و رحنـا للسـاحة ستفـونـا ثم جاء الكوموندو المسلم ههههه بدا يقرا في القائمة و القلب يخبط و الخاوة قاع صفرة من الوجه و الخاوة اللي عيطولهم الأسى بادي على وجوههم منظر محزن للغـاية، المهم اداو 120 واحد و كنـا حنـا 192 واحد فائض المهم عطاونـا الوثائق اللازمة و الهربة للدار و الحمد لله على الإنتهــاء من هذه المعظلة و العقوبة اللي مازالو إن شاء الله .

[حمزة الحمود]

على سلامتك خويا
ان شاء الله تفتح لك ابواب النجاح و الخير
بالتوفيق

[othmane22]

ايييه عندك الحق اخي حتى انا كنت معاكم و شاركت في هاذ الفيلم ..... بصح نسيت الكوموندو الهواري تاع drh.......المهم بثحتنا و العقوبة لناس الباقيييين

[no name rix]

مبروك عليك
والله يكون الخير

[علي مخاطة]

انا كنت معاكم خرجت يوم 25 بتأجيل 6 أشهر
راني ضايع ما عرفتش واش ندير عمري الان 29 سنة
أصحاب لمعارف رفدوها و حنا الشعب الراشي يا جوز يا تأجيل

[djareri]

الحمد لله انا أيضا كنت حاضرا في هذا الفيلم المرعب قبل انتهاء المير من تلاوة صحيفته و رومانسية بعد النهاية و الفائض
الحمد لله كثيرا . المهم طفراوي ستبقى في الذكرى ما حييت
الهواري أيضا مالقري يطيح و يسب و هدرتو غير على ....... و المتزوجين هههههههه مي والله فوووور

[hocin89]

مبروك عليكم

[abdelhalim_info]

تهنيت أخي أنا كنت معاك تاني وحكموني راني نفوت في الخدعة

[just do it]

الحاجة الي مكتبهالك ربي تديها ولوكان يحضر فيها بوتفليقة ميدير والو

[hocine2015]

الحمد لله علي كل حاااااااااال

[privé]

الحمد لله بصحتكم

[privé]

ياجماعة انا من قالمة عندي ماستر بعثوني ظابط احتياطي 15/9/2015 وش تنصحوني

[younes44dz]

الحمد لله علي كل حاااااااااال

[zinouzinou148]

ana aussi kount me3akoum w farej 3lina rabi w rawehna mais malgré houari yesb yasser mais bassaha wlh les hommes si rtou ki 3oudna merawehin hekm wahd koudami madlou derahem bah raweh w rekb fel bus w kalna eli ma3ndouche yekouli meme fel ecole kamel yehbouh w mira hadek criminale de guerre hhhhhhhhhhhhhhhhh w aussi hadek la asepiron farouk eli kan hakemna aw tiareti ka3ba intik yekatr khirou

[widou230]

?akhawti ana khala9 en 1985 3andi master informatique,na9es ndar besah machi haja kbira bezaf,wech raykom zam3a faha khir

[samysamy]

ثثثثثثثثثثثثثثثثثثثثثثثثثثثثثثث''''''"""""""

[mohcherif05]

هل يمكن الذهاب بدون ملف طبي اذا كان المشكل ظاهر ،، فالكثيرين يقولون ان الطبيب لا يكترث بالملف الطبي ، بل يقوم بالمعاينة بنفسه
اطرح هاذا السؤال لان الوقت ظيق لاقوم بتكوين ملف طبي من لديه معلومة أو تجربة لايبخل علينا و أجره على الله و من هم المعفوون عنهم تلقائيا

يا خويا سارتافيكا راهي ملف طبي روح لاي طبيب يديرلك سارتفافيكا على مرضك

[عامر غزال]

?akhawti ana khala9 en 1985 3andi master informatique,na9es ndar besah machi haja kbira bezaf,wech raykom zam3a faha khir
انشالله يمدوهالك ..... دير دوسيي مليح و متقولش ناقص شوي برك

[yakoub12]

elhamdouleh ki ferejha 3likoum rabi