ضعفي في المطبخ هو الخبز

[chahinez chanez]

السلام عليكم حكايتي مع خبز الدار راجلي يحبه بزاف ويشريه كل يوم وحين يحطه لي علي الطابلة نحشم بدئت نجرب الخبز من منتدايا العزيز نتبع كل المراحل لكن دائماً ماتطلعش العجينة ويجي هابط يحشمني مع زوجي ياكله ويسكت فهل العيب في الخمارة او في الفرن او في اليدين؟فهل يوجد مركة مليحة للخمارة وهل يتطلب الخبز العجانة أفيدوني بوصفات سهلة وتدابير مفيدة أنا في الانتضار شكرًا

[أم ياسين الزهراء]

شوفي ياما تثري الخميرة او ديري شوي او تخليه يطلع بزاف او ديري الماء سخون بزاف انت قوليلنا حكايتك بالتفصيل الممل واحنا نتعاونو الكل ونلقاولك الحل وانت عليك تدعيلنا برك

[chahinez chanez]

شكرًا ام ياسين البارح جربت خبز ام أماني ودرت الوصفة كما الطفل المبتدأ وجاني هابط كل دقيقة نطل عليه في الكوشة ونقارع فيه كلمخلوعة و زوجي يجي يقولي كيفاش خرج حتي لعبتها زعفانة باش يخرج من الكوزينة كل الليل وهو يضحك علي افيديني

[فايزة1207]

اي حاجة فيها حميرة الخبز لاااااااااااااااااااازم تطلع قبل ماتحطيها في الكوشة
يعني تحطي صبعك على حافة القرصة يعاود يرجع ثم ثم

[chahinez chanez]

اي حاجة فيها حميرة الخبز لاااااااااااااااااااازم تطلع قبل ماتحطيها في الكوشة
يعني تحطي صبعك على حافة القرصة يعاود يرجع ثم ثم

سلام أختي أنا ماطلعتش العجينة كامل

[rahmayasmine]

شوفي اختي كلنا رانا نتعلمو ماكانش الي زاد متعلم شوفي ممكن السبب الفور انا يجيني في الكوشة احسن كاينه حاجه تاني الملح في الاخير خلاص مايخليش الخميره تطلع وربي معاك

[فايزة1207]

اذا ماطلعتش خلاص يعني الخميرة ماهيش مليحة ولا قولي كيفاه تخمري ونعاونوك

[chahinez chanez]

اذا ماطلعتش خلاص يعني الخميرة ماهيش مليحة ولا قولي كيفاه تخمري ونعاونوك

نحطها مع المقادير ونخلطها ونعجن

[فايزة1207]

لازم تغطيها مليييييييح بغلاف بلاستيكي وزيدي سرافط المطبخ وتخليه يخمر
وكي تقرصيه تخليه يزيد يخمر

[جيجلية]

على حساب كلامك انت اطلي عليه بزاف وتحلي الفور بزاف

لالا لازم اولا تسخنيه قبل بربع ساعة على درجة 200 ثم تحطي الخبز تاعك وما تحليش عليه خلاص حتى يفوتو عشر دقايق تلقايه طاب

انا نحط الساعة تاع الفور 10د يجيني هايل فالطياب ثم شعليلو من فوق يتحمر

[chahinez chanez]

على حساب كلامك انت اطلي عليه بزاف وتحلي الفور بزاف

لالا لازم اولا تسخنيه قبل بربع ساعة على درجة 200 ثم تحطي الخبز تاعك وما تحليش عليه خلاص حتى يفوتو عشر دقايق تلقايه طاب

انا نحط الساعة تاع الفور 10د يجيني هايل فالطياب ثم شعليلو من فوق يتحمر

شكرًا أختي غادي نشري خمارة جديدة ونعمل علي معلوماتكم و نحطه كتطبيق ادعولي برك يخرج لي

[أم عروة]

ربي يعاونك اختي
راهم الاخوات ماخلاو والو الله يبارك
ان شاء الله يجيك كي لقطن

[lyzzabel]

على حساب لي فهمت المشكل فالخمرة بما انه الخبز تاعك ما يطلعش ،، او انك تحطيه في مكان بارد ،، او انك ما تعطيهش الوقت الكافي باش يخمر
اولا لازم الخميرة تكون من النوعية الجيدة و ما تحطيهاش مع الملح في نفس الوقت
ثانيا بعدما تقرصي الخبزات تاوعك غطيهم و حطيهم في مكان دافيء و بعيد عن التيار الهوائي
ثالثا لازم تعطيهم الوقت الكافي حتى تشوفيهم طلعو يعني الحجم تاعهم يتضاعف
رابعا لازم الفرن يكون سخون من قبل و ما تفتحيش عليهم مين يكونو يطيبو
انشالله نكون قدرت نساعدك حبيبتي تبعي النصائح لي عطيتهملك و باْذن الله راح تتحصلي على اروع خبز الدار و ما يزيدش زوجك يشريه
بالتوفييييق عزيزتي

[مسعودي خولة]

شوفي اختي انا ثاني راجلي يحب خبز الدار بالصح مايصلحليش يجيني ثقيل و معجن قلت مالا ندير القلب ولازم يصلحلي درت خطرة خبز الدار بالرايب و الفرينة من دون عجن جا روعة ننصحك تجربيه قلت انا راجلي يتغدى في الخدمة امالا في الصباح نجرب تاع الدقيق واذا مصلحليش في العشاء ندير ناع الفرينة قالي راجلي تاع دقيق مابانش بلي تاع الفرينة
ننصحك كي ديري الماء المرة الاولى اعجنيه مليح في هذه المرحلة هنا هو السر ومنبعد زيدي الماء بالعقل وكي تقرصيه خليه يطلع ملييييييح باه طيبيه
انا عجوزتي كي تزيدلو الماء ديرو جاري قاتلي كل مايجي جاري يجي خفيف واذا حبيتي نعطيلك رابط الوصفة تاع الحليب الرايب

[chahinez chanez]

على حساب لي فهمت المشكل فالخمرة بما انه الخبز تاعك ما يطلعش ،، او انك تحطيه في مكان بارد ،، او انك ما تعطيهش الوقت الكافي باش يخمر
اولا لازم الخميرة تكون من النوعية الجيدة و ما تحطيهاش مع الملح في نفس الوقت
ثانيا بعدما تقرصي الخبزات تاوعك غطيهم و حطيهم في مكان دافيء و بعيد عن التيار الهوائي
ثالثا لازم تعطيهم الوقت الكافي حتى تشوفيهم طلعو يعني الحجم تاعهم يتضاعف
رابعا لازم الفرن يكون سخون من قبل و ما تفتحيش عليهم مين يكونو يطيبو
انشالله نكون قدرت نساعدك حبيبتي تبعي النصائح لي عطيتهملك و باْذن الله راح تتحصلي على اروع خبز الدار و ما يزيدش زوجك يشريه
بالتوفييييق عزيزتي

شكرًا علي ردودكم يعطيكم الصحة ليلة سعيدة

[lina23]

انا تاني كان ما يصلحش بصح درك الحمد لله .اليك طريقتي
انا نحط كلشي مع بعضاه كثري الخميرة و ديري السكر باه ينحي ريحتها ولازم لازم تبليه طري هذا هو السر وتحطيه في ساشي و تخليه ساعة يطلع انا حتى العجين ما نعجنش مليح و نقرص و نخليه ربع ساعة يطلع و نطيب.

نتمنى تنجحي و تفاجئي زوجك

[chahinez chanez]

انا تاني كان ما يصلحش بصح درك الحمد لله .اليك طريقتي
انا نحط كلشي مع بعضاه كثري الخميرة و ديري السكر باه ينحي ريحتها ولازم لازم تبليه طري هذا هو السر وتحطيه في ساشي و تخليه ساعة يطلع انا حتى العجين ما نعجنش مليح و نقرص و نخليه ربع ساعة يطلع و نطيب.

نتمنى تنجحي و تفاجئي زوجك

شكرًا أختي الله يعطيك الصحة

[yuuke-chan]

انا بعد كانت عندي من المستحيلات ندير خبز الدار و مايطلعليش و مبعد وليت ندير وحد العفسة باه يطلع فيساع نسخن الفور شوية برك و نحط فيه يدي اذا كان حملتو يعني حتى الخميرة تحملو و ماتموتش و اذا سخون نخليه يبرد شوية و نحط فيه العجينة فيساع تطلع احيانا تطلع في ربع ساعة هذي نصيحتي ليك و ان شاء الله تنجحي في الخبز و يجيك مليح ماتياسيش برك ابقاي ديما نقصي حاجة و زيدي حاجة حتى تعرفي وين الخطأ تاعك
ربي يوفقك

[chahinez chanez]

انا بعد كانت عندي من المستحيلات ندير خبز الدار و مايطلعليش و مبعد وليت ندير وحد العفسة باه يطلع فيساع نسخن الفور شوية برك و نحط فيه يدي اذا كان حملتو يعني حتى الخميرة تحملو و ماتموتش و اذا سخون نخليه يبرد شوية و نحط فيه العجينة فيساع تطلع احيانا تطلع في ربع ساعة هذي نصيحتي ليك و ان شاء الله تنجحي في الخبز و يجيك مليح ماتياسيش برك ابقاي ديما نقصي حاجة و زيدي حاجة حتى تعرفي وين الخطأ تاعك
ربي يوفقك

شكرًا حبيبتي علي هذه النصائح