بعد انتهاء عقد الادماج أفكر فيما يلي .

[أحمد زابانة]

السلام عليكم اخواني .
قبل انتهاء عقد الادماج بأشهر أفكر في فتج مكتبة مثلا أو ما شابه .
عموما أردت استشارة اخواني فيما يخص عالم التجارة ، أريد كراء محل أولا من أجل العمل فيه و قد قررت أن أفتح مكتبة في هذا المحل لكن لم يسبق لي أن عملت في التجارة على الاطلاق طبعا هذا حال الجامعي الذي أمضى عمره كله يدرس .
سؤالي : ماهي خطوات فتح المكتبة أو المحل هل يجب الحصول على سجل تجاري أو ماذا ؟ أريد من فضلكم الخطوات و هل يحق لي فتح مكتبة و عقدي لم ينتهي بعد ؟
أريد ارشاداتكم و الخطوات خطوة بخطوة من فضلكم و جزاكم الله خيرا عني و عن كل من سيستفيد من الفكرة . و شكرا

[fatima zohra rojin]

بطبع لازملك سجل تجاري و هو يعتبر اجباري هدا لي نقدر انجاوبك

[أحمد زابانة]

شكرا أختي الكريمة و بارك الله فيك .
لكن سؤالي كيف يتم الحصول على سجل تجاري ؟ يعني الخطوات و شكرا .
هل أحصل عليه من البلدية التابع لها و ماهو الملف و كم أستغرق الوقت من أجل الحصول عليه حتى لا أقوم بالكراء اذا كان يطول ذلك ؟

[eric26]

اخي سجل تجاري بالنسبة للمكتبة بسيط عندك حوالي اسبوعين يكون عندك السجل نتاعك تقرب من مديرية التجارة القريبة لك للاستعلام عن الملف الذي يجب ان تستخرجه
وربي يسهل اخي

هناك مثل شعبي يقول : خدام الرجال سيدهم

[eric26]

االملف هو
باي لوكاسيو تخدمه عند الموثق بحوالي 6000 دج

تخلص لسيرونس نتاع الحانوت حوالي 1200 دج

تخلص 4000 دج في مصلحة الضرائب

شهادة الميلاد

نسخة من بطاقة التعريف الوطنية

شهادة السوابق العدلية

كي تسلمهم الملف يعطوك ورقة تمشي bna تخلص تقريب 3000دج

وبعد اسبوع او اسبوعين تستلم الرجيست نتاعك

هدا هو الملف ايلا منيش ناسي حاجة تقريبا هدا هو

وبالتوفيق

[أحمد زابانة]

شكرا اخواني بارك الله فيكم و جزاكم الله خيرا ,

[حميد.ص]

المشكل ماهوش في السجل التجاري

المشكل في المحل

هل عندك محل؟

ام تفكر تكري محل؟

[أحمد زابانة]

الأخ حميد . نعم المشكل في المحل و لقد وجدت محلا مناسبا للكراء كونه مقابل للثانوية و مفترق طرق لعدة مدارس و متوسطات وقد اتفقنا على 15000 دج على الشهر للكراء . ماذا عساني فاعل لا أستطيع البقاء بدون عمل أحس نفسي عبء على والداي على الأقل عقد لانام كان مغطي فينا . و الله غير عيب عليهم على الأقل لو جعلوا العقد مدى الحياة حتى و لو كان الأجر زهيد .
هل ثمن الكراء مناسب اخواني ؟ علما أن المحل ليس بكبير الحجم ,

[moh_boulk18]

نعم اخى اداة كنت قريب لثانوية مكتبة افضل و لاتنسى خاصة البحوث المدرسية و ربى يسهل اخى ان شاء الله.

انا كدلك عندى العقد نتاع لانام و رانى الان اعمل فى مجال الهواتف فلاش و ديبلوكاج المهم خدمة هههههه

[salim201388]

سبحان الله ... كملت عقدك و ما تدمجت ما لقيت منصب !!! ... انا راني عاد نتمشى في عامي الزاوج واش نقول هههه ... ربي يسهلك خويا ف التجارة

[عابدين زينو]

بالتوفيق اخي انا في عامي الثالث وراني نحوس ندير حاجة شاركت في عمال النظافة في المستشفى وقالولي راك جامعي متربحش شاركت في العمال المهنين قالولي راك جامعي متربحش يمالا وين نرحو حنا الجامعيين صراحة ندمت اللي قريت كنت خدام في مقهى خرجوني منها قالك الاولوية اللي مزوج و عندو اولاد وماهوش قاري نتا راك جامعي وين نروحو

حلها التجارة او الاعمال الشاقة وحسبي الله ونعم الوكيل

[nadir boukac]

انا عندي مكتبة لاكن اخي مكتبة وحدها ما تكفيكش لان الفائدة بالكراريس و الادوات المدرسية قليل انا راني وسط ابتدائيتين و متوسطة
و اعمل اضافتا للمكتبة صيانة الكمبيوتر و بيع ااجزائه و ايضا ابيع اقراص الالعاب ps2...pc....xbox
و الفليكسي في الطريق و نتبع الاسواق
و افكر في الفلاش ايضا...يعني مشارع في راسيي قريبا
يعني الخدمة كاينة لاكن المكتبة لوحدهاا لازم تكون تبيع الجملة باش تربح و البيع نتاع الجملة لازملوا راس مال كبيير
ابداها بالعقل كيما يقولوا ناس بكري البلغة قبل السباط ههههه
ممكن نتواصل معاك اذا احتجتني
و ربي يوفقك اخي

[أحمد زابانة]

بارك الله فيكم اخواني أخواتي .
خويا ندير بارك الله فيك يا لعزيز راني نراسلك ان شاء الله مدام عندك فكرة و راك مجرب ما شاء الله .

[أمير دي زاد]

السلام عليكم اخواني .
قبل انتهاء عقد الادماج بأشهر أفكر في فتج مكتبة مثلا أو ما شابه .
عموما أردت استشارة اخواني فيما يخص عالم التجارة ، أريد كراء محل أولا من أجل العمل فيه و قد قررت أن أفتح مكتبة في هذا المحل لكن لم يسبق لي أن عملت في التجارة على الاطلاق طبعا هذا حال الجامعي الذي أمضى عمره كله يدرس .
سؤالي : ماهي خطوات فتح المكتبة أو المحل هل يجب الحصول على سجل تجاري أو ماذا ؟ أريد من فضلكم الخطوات و هل يحق لي فتح مكتبة و عقدي لم ينتهي بعد ؟
أريد ارشاداتكم و الخطوات خطوة بخطوة من فضلكم و جزاكم الله خيرا عني و عن كل من سيستفيد من الفكرة . و شكرا
سلام أخي فكرة مليحة راني كيفك حاليا نخدم كونطرا لاداس و في راسي نخمم كي نكمل ندير حاجة المهم نصيحة أنت متخسر والو استفسر لدى الصندوق الوطني للتأمين على البطالة cnac اذا أمكن منحوك قرض مصغر حتى 10.000 ملايين احسن على اقل تسلك أمورك بالتوفيق لك

[سمير88]

لا تقاعد لا ....... والو

[star1611]

أنصحك بالإستفسار عند وكالة angem للقرض المصغر أغلب الظن فيها 70 مليون تجهيزات و 30 مليون سلعة و أنت زيد معاها معا لجة المعطيات وطباعة و ......
على الأقل تربح تمويل مشروعك بدون فوائد + إعفاء ضريبي لمدة 3 سنوات ومزايا أخرى
ربي يوفقك حتى أنا راني في نفس طريقك و راني نخمم هكذا في ظل صمت الأغلبية واستسلامهم

[أحمد زابانة]

نعم أخي للأسف هذا هو حالنا اليوم ، يجب أن نفكر في حل و الرزق على ربي سبحانه .

[smorta]

فكرة مليحة ....... انا شخصيا خططت لنفس المشروع و عن قريب نبدا ان شاء الله

[الطاهر10]

سلام عليك يا صاحبي من حيث عملت عقود ما قبل لتشغيل او الى انك قريبا تفتح مكتبة فانا مثلك تماما
1- ان يكون محل خاص بكم ليس للكراء لان الكاري سوف ياتي اليوم و يخرجك مثلي عندي 10سنوات كراء عنده بحيث يتولى عمل المكتبة ورائي فقد حفظ كل كبيرة و صغيرة و كم ادخل في النهار
2- ان لا يدخل معاك في مكتبة ماعادا انت و ربي العالمين الادرى
3- ان تكون المكتبة موقع شباب بجوار المدارس على سبيل المثال
4- نوع المنتوج ليس مكتبة معناها كراريس فقط لا شويا ريحة شويا لكادر شويا فليكسي نوع لازم الكبير و الصغير و المرأة تدخل عندك
5- و اعمل بالحلال سر النجاح فالرسول مبارك في التجارة
والله يوفقك الحلال و la casse هذو صوالح انا عندي 10سنوات تجارة

[أحمد زابانة]

شكرا أخي الطاهر بارك الله فيك