قتلتني المسؤولية [الأرشيف] - منتديات الجلفة لكل الجزائريين و العرب

mokhtaria1988

2015-01-28, 20:41

~ السلطانة ~

2015-01-28, 20:45

مساء الخير اختي بالعقل برك ... علاش تخدمي تقدري تريحي في الدار هذا من حقك ؟

mokhtaria1988

2015-01-28, 20:49

مساء الخير اختي بالعقل برك ... علاش تخدمي تقدري تريحي في الدار هذا من حقك ؟

الخدمة ابليجي برسكو كلشى راه بدراهم نحب نعاون روحي و الله راني حاصلة مع الكوش و الحليب

~ السلطانة ~

2015-01-28, 20:54

صح يا اختي راني فاهماتك ربي يقدرك و يعينك ...
بالصح شوفي .. خمي مليح بالشيء الأيجابي ماشي السلبي

انت راكي تقولي لازم تخدمي و تعاوني زوجك ربي يقدرك و يعينك

علاه راكي متذمرة هذا جهاد احتسبي الأجر عند ربي راه عندك ثواب ... ديري النية في الخير و ربي راه يكون معاك

ما فيها والو كي تبكري رانا كامل نبكروا في بالك الناس راهي صايبتها واحد ما يجي يطبطب يقولي ارقدي ضرك نجيبلك كوش و حليب

~ السلطانة ~

2015-01-28, 20:59

و ابنك حاولي تحافظي عليه ... المشكل في البرد هو التغير المفاجئ في الهواء البارد و السخون ... اذا كان كبير ديريلو كاشني و خليه يتنفس فيه الداخل مراحش يمرض

و اذا كان صغير لفيه مليح برك حتى توصليه ...

و ما تخليهش يمشي حفيان ... راكي ام و تعرفي .

mokhtaria1988

2015-01-28, 21:04

ABDOU ELE

2015-01-28, 21:13

..........وصلنا اى وقت اصبح العمل "اوبليجي" و الولد يرمى في الحضانة..............اتساءل ان لامهات هذا الزمن قلوب..........ولما يكبر الابن ويتزوج و تقول له زوجته انها لا تقبل امه فياخذ برايها يقول البعض كيف. هانت عليه.........بكل بساطة لانه هان عليها لما كان صغيرا...........حضانة.......7 تاع الصباح في البرد..........هبلتهم الخدمة

yasserdede

2015-01-28, 21:13

أختي هادي هي الحياة و كل واحد واش عطاتلو أنت أحمدي ربي أنو وفقكي وراكي خدامة في حين كاين رجالة مساكن مالقاوش خدمة يستروا بيها على عايلتهم المهم الحمد لله على كل شيئ و بعد كل ضيق مخرج و أنت أصبري و شوفي لغدوا كي تربي ولادك و يخرجولك صالحين و يعوضوك على كل شيئ إنشاء الله و شكرا

سلواان

2015-01-28, 21:44

تبا............وصلنا اى وقت اصبح العمل "اوبليجي" و الولد يرمى في الحضانة..............اتساءل ان لامهات هذا الزمن قلوب..........ولما يكبر الابن ويتزوج و تقول له زوجته انها لا تقبل امه فياخذ برايها يقول البعض كيف. هانت عليه.........بكل بساطة لانه هان عليها لما كان صغيرا...........حضانة.......7 تاع الصباح في البرد..........هبلتهم الخدمة

يا عبدو ربي يهديك ..
هذه امرأة تعاني وتعبر عن محنتها ..فلترحم يا أخي فما بها يكفيها ..فلماذا تزيد من وجعها .؟
هل رأيتها تتبجح بأنها عاملة وتشعر متعة ذلك ؟
هل أنت عالما بالظروف التي تحيط بها ؟؟
ألم تقرأ بأم عينك يا رجل أنها تتمنى أنها ماكثه بالبيت لرعاية صغيرها بدل البهدله التي هم فيها ؟؟؟
استشعر موقفها واستشعر أنها إحدى قريباتك ..يا رب ...أين الرحمة أين الشفقه
على الأقل قل كلمة تخفف عنها فهي في موضع المشتكي المتألم ..هداك ربي ..

~ السلطانة ~

2015-01-28, 21:59

و الله راني عيانة مرضت نفسيا و زيد راني بعيدة على دارنا مليتش حتى حد يعاوني مليت مرة نندم على قاع حياتي

و الله يا اختي أتأسف لحالك كثيرا ما لقيت واش نقولك ..

اعتقد همك اكبر من مرض ابنك و تعبك في العمل ( صحيح ؟ )

اذا كان الأمر كذلك ، اصبري و احتسبي الأجر صدقيني ربي ما يخيبكش و على الأقل شوفي لولدك راه ملايكة ربي يحطلك البركة بيه و زيدي ثابري شوية راه عندك غير ولد واحد مابالك كي يصيروا 3 او 4 هزي الهمة و اجتهدي راح توالفي مع الوقت و تولي صنديدة علابالي ...
ذرك انساي روحك و خمي في فرحتك باولادك كي يكبروا و ينجحوا وووو وقتها راح يكون ثوابك ثوابين و راح تفرحي فرحة لن تنتهي ...

اصبري برك و احتسبي الأجر هذي الدنيا ما رانا دايين منها والو ، كل واحد يغمض عينيه في قبره و ياويله الظالم ...

اختي لو جيتي قريبة كنت نرعالك ولدك الله غالب ..

طيب ما حاولتيش تسافري مع زوجك هكذا على الأقل تكونواا مع بعض تتقاسموا مشاكل النهار ؟.؟؟

طيب اذا كان اهلك بعاد عليك ، أهل زوجك ممكن يدخلوا و يعاونوك ؟؟

راني غير نمد في اقتراحات مافهمتش المشكل بالضبط ، عموما البيوت أسرار ، كافحي و اصبري و تحملي على جال الملاك للي عندك ربي يكبروا في طاعته ان شاء الله.

راني ندعيلك من قلبي

minina2601

2015-01-28, 22:06

السلام عليكم
اختي ربي حفظلك وليدك ان شاء الله ويشافيه ويعافيه امين
ننصحك تنوضي وليدك على بكري باش يوالف الجو فالدار وما يخرجش سخون ان شاء الله تكوني فهمتيني

staifia

2015-01-28, 22:06

اهلا أختي
اصبري و ربي يفرج عليك
ماشي غير انتي هكدا ,,, هذا هو الزواج وهادي العائلة لازم التضحيات والمسؤولية و الصبر الطويل
حتى انا ماما رافدة المسؤولية وحدة احنا في 4 اولاد وبابا في فرنسا يعني شهرين هنا شهرين لهيه ,, وماما هي الاب هي الام هي اللي تتحمل المسؤولية والحمد لله
كبرنا و تربينا مليح مش نشكر في روحي لكن الكل يشهد لنا ....
يعني حبيت نقلك لازم تصبري وتتحملي يا اختي .. هاذي هي سنة الحياة
وربي يفرج عليكـ

عوااس

2015-01-28, 22:10

ليس سهلا أن توفق المرأة بين العمل وتربية الأولاد خاصة إذا لم تجد معينا ولكن بقدر أهل العزم تأتي العزائم وبقد أهل الكرام تأتي المكارم.والبحر أمامك والعدو خلفك وليس لك والله غير أن تسكتي من النداب يا معلمة فمهنتك أحلام عند من هن ماكثات بالبيوت يخبزن لأزواجهن وهن في نظرهم ناقصات عقل ودين.....

salam algeria

2015-01-29, 04:04

السلام عليكم
اختي ربي يعينك و يحفظلك وليدك
علاه ما تشوفيش كاش وحدة هي تحيك للدار تحكملك وليدك نعرف
بزاف شافو بنات من عائلاتهم ثقة طبعا و محتاجات للخدمة يقعدولهم مع اولادهم خير من كل صباح رافدة وليدك في البرد و المطر أصلا تخافي ترجعلو حساسية و لا ربو لا قدر الله

أم ريتاج زهرة

2015-01-29, 09:42

ربي يوفقك أختي بصح لازم نتي ديري حل لروحك حنا مهما نهدرو منحكموش نيشان شوفي كي ديري و روحي عيشي معاه وإذا أمكن دخليها على كاش جارة تكون مليحة معاك و تشدلك ولدك كاين بزاف حلول اللمهم ولدك ما يمردش و ربي هو الرازق أختي و ولدك خير من الدنيا و ما فيها

~ السلطانة ~

2015-01-29, 10:54

على حسب ما فهمت الأخت بلاك زوجها يعمل في الصحراء في شركة هذوك ما يقدروش يدو عائلاتهم ..

alibadis

2015-01-29, 11:07

مكان المراة الاصلي البيت وتربية الاولاد ننصحك تبعي زوجك وخليه هو ليخدم عليك .

oum imane83

2015-01-29, 12:00

ربي يعينيك اختي ويوفقك الى ما يرضاه ويحبه.. الحياة ليست سهلة والعراقيل الي فيها لازم نعرفو كيفاش نتجاوزوها باقل الخسائر... ربي يفرج عليك اختي ... ويصبرك ...

افرحي بوليدك نطرة منه تنسيك الدنيا وما فيها ...

انت قلتي ان زوجك يعمل في ولاية اخرى .. وانت ساكنة وحدك

ام ياسمين10

2015-01-29, 12:12

ربى يعينك اختى والله صعيبة بزاف بعيدة على اهلك وبعيدة على زوجك نصيحة منى روحى مع زوجك او جاورى اهلك باش يعاونوك فى وليدك

الأزرق الملكيّ

2015-01-29, 15:05

السلام عليكم

لو عدنا إلى الوراء لزمن أمهاتنا تجد أن الزوجة تقوم بتربية 10 أبناء وتكبرهم ويصبحون رجال ونساء

لكن مشكلتنا نحن في هذا الوقت طفل واحد يصبح مشكل عويص في رقبة هذا الزوجين

لاتكمل المشكلة فقط من غلاء المعيشة يوجد القناعة و الله رحيم المراة وظيفتها في البيت

إلزمي بيتك أختي الفاضلة فتربية الولد أولى من العمل والرزق على الله لديك زوج يعمل يكفي لتلبية حاجياتك وطفلك

هذا مايمكن ان أقول لك إذهب أينما تجدين راحتك

ربي يوفقك

abad100

2015-01-29, 15:29

السلام عليكم
اكتب هذا موضوع بش نرتاح نفسين بش اى واحد يقرا واش كتبت يحس بيا و يدعيلي
انا ام لطفل زوجي يعمل في ولاية اخرى يعني بعيد عليا و ولدي اضعه في الحضانة برسكو خدامة مي جاني مريض بزاف من صدره نخرج على السابعة صباحا و البرد يقتل و هو قاع فصل الشتاء داه مريض برسكو نخرجو في البرد كرهت رافدا المسؤولية وحدي انا راجل و مراة مليت
الخدمة من جيها و التبكار من جهة و ولدي من جيهة حبيت نريح كرهت حابا حل

خيري بينهم تلقاي وليد ك انا مانقدرش ننصحك غير بوليدك وليدك وليدك ومن بعد الخدمة احنا كامل نفرطوا في علاقاتنا الانسانية وانا واحد مي في مجال وحد اخر على جال امور نقدروا نستغناو عليها الام تقدر تكون بابات وام في نفس الوقت بالحنانة اديالها انا ما غاضنيش الولد كيما راكي انتي غايضتني وفي الحقيقة انا نشوف نفسي في الحال اديالك نجريو مور الخدمة وسامحين في اللي رانا نخدموا على جالوا انا عندي العذر اديالي اما انتي فالاحسن تريحي في الدار نزيدك امر اخر انت حزينة وليدك يكبر من غير ماتحسي بيه ما تشبعيه واش راح نقولك

~ حراير ~

2015-01-29, 15:48

حسيت بيك اختي لاني مثلك ام و زوجي يخدم بعيد
يمكن انا احسن منك في اني ماكثة في البيت

و ايضا الحمدلله بناتي كبرو

لكن صدقيني مش راح تريحي الا في حضور زوجك
هاد هو الطبيعي و المنطقي

تعبك النفسي عنده دواه
دعاء تفريج الكرب و الاستغفار و الصلاة على الحبيب

اما نصيحتي ليك
هي املئي فراغك عزيزتي
و ديري في بالك حاجة مهمة عدك كنز استثمريه احسن استثمار
هو ابنك

علميه و ربيه و ماتقوليش صغير ادخلي للنت و شوفي التعليم الخاص بسنه

و حاولي مع زوجك اذا يقدر يسكنكم معاه روحي و ماتقعديش

و ربي يكون في العون
صدقيني راني حاسة بيك و فاهماتك
علابالي بلي القسم مختلط على هك ماعرفتش نهدر معاك مليح

..............

الاخ سلوان بارك الله فيك و ربي يثبت اجرك و يرزقك حنانة القلب

ام اماسي

2015-01-29, 16:03

يا ختي ربي يكون معاك وهدا هو الزمان الراجل يخدم ومرتو ومالحقوش
مام راجلك راه يعاني ماشي غير انت راه بعيد يسوفري على جالكم ان شاء الله يفرج عليك وكامل الناس

mokhtaria1988

2015-01-29, 18:13

اشكرم جزيل الشكر

wissem1

2015-01-29, 18:45

انا من رايي اختي اصبري شوي الامهات الكل يتمرمدو على جال ولادهم و متفرطيش في خدمتك وليدك راح يكبر ميبقاش بيبي امهاتنا الكل تمرمدو على جالنا انا امي كانت معلمة و بابا يخدم بعيد و مرت بنفس الشيء لتقومي بيه رباتنا في 3 بنفس الطريقة دائما تخرجنا على 7 و تدينا عند مربية و كبرنا و الحمد لله و زوجتنا وهدا كله بفضل الصبر اصبري اختي و خدمتك ننصحك متفرطيش فيها ولدك راح يكبر و يعرف بلي ضحيتي على جاله

fadi02

2015-01-31, 15:34

عندك بزاف حلولتقدري ديريها يا تحبسي الخدمة يا تحطي كونجي حتى تفوت الشتاء با تشوفي واحدة انتاع ثقة تخلي معها وليدك الطفل كي يمرض بزاف بصدره مع الوقت اوليلو الربو بعيد الشر عليه انا ثاني خليت الخدمة كي زاد وليدي الاول و ما ندمتش عليها

أم شروفة

2015-01-31, 18:28

الحل ديري سيارة تقربلك المسافات .و ديري كاش خدامة تجيك من الصباح على 7 وزوديلها الدراهم شوية .تعاونك في الدار والطفل .على الاقل حتى يكبر ويدخل الى المدرسة ساعتها تتهناي

youcefas07

2015-01-31, 19:32

الصبر الصبر الصبر الصبر

ابتسام smile &hope

2015-01-31, 19:36

rebi yferej 3lik

التـــــــــــــــــــائهة

2015-02-02, 14:09

ربي افرج عليك اختي
ماعلاباليش بضروفك
و لكن لصبري اوليدك رايح يكبر
و هادا هو الوقت ......ربي معاك

سلواان

2015-02-02, 16:06

على حسب ما فهمت الأخت بلاك زوجها يعمل في الصحراء في شركة هذوك ما يقدروش يدو عائلاتهم ..

وعلاه مايقدروش ؟؟؟
كاين بزاف تعرفهم في عين أم ناس وحاسي مسعود وحاسي رمل اصطحبوا عائلاتهم معهم ..

mokhtaria1988

2015-02-02, 19:50

حنا في التعليم عدنا صعوبة في التحويل خاصة ولاية غليزان المهم موخرا طلع ولدي عنده مشكلة في صدره ازمتيك لازم ديما الدواء

سلواان

2015-02-02, 21:50

حنا في التعليم عدنا صعوبة في التحويل خاصة ولاية غليزان المهم موخرا طلع ولدي عنده مشكلة في صدره ازمتيك لازم ديما الدواء

كيف صعوبة في التحويل ؟
حسب علمي أن الزوجة تتبع زوجها ولها الأولوية في التنصيب بمقر اقامة عمل الرجل ..ابحثي في الأمر .

سماحة الاسلام

2015-02-03, 19:03

كيف صعوبة في التحويل ؟
حسب علمي أن الزوجة تتبع زوجها ولها الأولوية في التنصيب بمقر اقامة عمل الرجل ..ابحثي في الأمر .

السلام عليكم
نعم هناك صعوبة في التحويل الا في مجالات معينة فقط خاصة بعمل الزوج كان يكون عاملا في سلك القضاء او الدرك او الجيش اما باقي المهن الاخرى فلا صلاحية لها و لا اولوية لا في التحويل و لا التنصيب بسبب عمل الزوج
ثم ان السيدة على ما اعتقد تتحدث عن الشركات الموجودة في جنوبنا و التي يعمل اصحابها مدة طويلة تتبعها راحة و لا توجد فيها امكانية نقل الاسرة معهم و الله اعلم
الزوجة في هذه الحالة لها الحق في طلب الاستيداع اي عطلة طويلة المدى غير مدفوعة الاجر و يكون سبب الالتحاق بالزوج مقبولا

pirata

2015-02-05, 14:01

ربي يعاونك على القيام بمشاغلك

~ السلطانة ~

2015-02-09, 15:52

السلام عليكم ...

ان شاء الله تكوني بخير اخ مختارية ... طمنينا على وليدك ؟

habibo122

2015-02-12, 21:08

الله يكون في عونك ختي ..

mokhtaria1988

2015-02-12, 21:13

و الله راني مع الخدمة و مع التقلاق و الله منيش نقدر نخدم الاز نقعد نخمم بزاااااااف علي ولدي افكاري كلها مشتتة
ولدي لازم ديما يمشي بدواء برسكو راه ازماتيك مليت من الدواء و الله مسكين راه عايش بدواء و الله انا كرهت في بلاصته