المساعد الشخصي الرقمي

مشاهدة النسخة كاملة : مساعدة من الخياطات

ام مريم الجزائرية
2015-01-28, 20:07
عندي فساتين شتاء حبيت نقصهم لبناتي شكون تعطيني الطريقة
وبارك الله فيكن
ام جزائرية
2015-01-28, 22:46
جيبي روبة انتاع البنت انتاعك المهم لاطاي والطول وفتحة الرقبة وطول الذرعين
وديريلها باترون معدل حسب الطول و...............و..............
وحاولي استفادي من الفستان الكبير قدر الامكان اذا الرقبة انتاع الروبة انتاعك الرقبة انتعها امليحة وباهية حلي جهة الكتاف ونقصي من الرقبة بعد ماتفصلي وكانك اتعاودي فصالة الفستان انتاعك ولكن بمقاييس صغيرة واذا بقالك دير باندانا وسبيبطات .واذا كانو بنات صغاااااااااااااااار تقدر روبتك الكبيرة تولد 2 صغار . نتمنى تكوني افهمتيني وافدتك وبالتوفيق
ام مريم الجزائرية
2015-01-29, 12:39
بارك الله فيك اختي في ميزان حسناتك
فالحق ماني خياطة ماوالو بصح نقرش شووية المهم فهمت على الرقبة وليمونش كيفاش نقص فيهم وسنهم 8 و6 سنين
ندى جزائرية وافتخر
2015-01-29, 13:58
نتمنى يساعدوك حنونة حتى انا راني كي انت نقرش برك
ام مريم الجزائرية
2015-01-30, 12:19
وين راكم الخياطات
ام جزائرية
2015-01-30, 12:53
انزيد انحاول انفهمك شوية
اجيبي الروبة الصغيرة انتع بنتك باش اديري اعليها باترون على الكاغط .اطبقيها اعلى 2 بالطول ترسمي بالطبشور خط الكتف الرقبة فتحة الابط الخصر والطول وكانك تحصلتي اعلى باترون روبة صغيرة وعدلي فيه عينك ميزانك
وتقصي الباترون وتروحي للروبة الكبيرة تحلي لخياطة انتاعها الذرعين .الامام وحدو. والظهر وحدو. وتحاولي اذا كانت الرقبة انتع الروبة لكبيرة متحوفة نقصي منها من جهة لكتاف .تتحكمي في تصغيرها وونفس الشئ مع لكتاف وهذا بعد ماتحطي الباترون انتاع الروبة الصغيرة ونفس الشئ مع الذرعين تتحصلي بعد لخياطة اعلى نموذج رووووووووعة انا كي بديت انخيط اتعلمت في حوايج بنتي وبنات خواتاتي ولما يكونو ا الروبات قدام مايغيضوكش لما تغلطي وتفسدي شوية
عادي المهم اتكون عندك عزيمة وحب للخياطة وبالعكس لما تغلطي رايحة تستفادي وماتزيديش تكري الغلطة ابداااااااااااااا
نتمنى كنت افدتك في انتظار يدخلو الخياطات المحترفات بالتوفيق
ام مريم الجزائرية
2015-01-30, 13:58
بارك الله فيك حنونة راني فهمت صراحة قارعتلك انت تردي عليا لانه ولا خياطة ردت عليا ربي يجازيك
ام جزائرية
2015-01-30, 22:36
بارك الله فيك حنونة راني فهمت صراحة قارعتلك انت تردي عليا لانه ولا خياطة ردت عليا ربي يجازيك

وفيك كل البركة والخير ويجازيك.ربي يوفقك المهم ماتهابيش كي تفصلي وسمي بسم الله وربي معاك