انا على وشك الولادة ساعدوني ارجوكم

[oulfa]

السلام عليكم ساعدوني انا على وشك الولادة ما علبليش وش ندي معايا للمستشفى بنسب ليا و للبيبي
ساعدواني ربي يجعلها في ميزان حسناتكم :sdf:

[happy luck butterfly]

اولا للصغير حطي القمامط انتاعو و البوندا و من الافضل قرونيار باه كي يجيو يقلبوه او يديرولو فاكس vaccin يجيك ساهل زيدي تريكو تبو بالدرعين لانو البرد وزيدي cache couche هادوك اللي فيهم قفل من الاسفل . زيدي بوني اكيد porte bebe les couches مصاصة bebron صغيرة ربما ما تحطيش الحليب من الاول غليه قبل ما تديه زورة ودي طراف صغار باه يمسحولو بيهم كي يزيد
اما انتي لازمك بيجاما بابوش تقاشر ملابس داخلية سليب 2او 3 les bondes اوles couchesكبار محرمة او خمار باه تلمي راسك منشفة sac de toilette فيها صابون كحل ... robe de chambre باه تلمي روحك بالاكي البرد des dras
ربما هده الاشياء المهمة و ربي يسلكك ويسلك كل مومنة على خير وعافية لانو صعيب الشي

[أم شروفة]

الاخت اللي ردت ماعندها ما خلات .وما تنسايش كوش نتاع الكبار راهم عادو يسحقوه.أنا سألوني عليه .ربي يسلكك على خير

[هندة 74]

ربي يعطيك ساعة خفيفة ان شاء الله
ا

ادي معاك بيجامة بينوار فولارة باه تعصبي راسك ادي معاك ملابس داخلية +

ادي للبيبي قرونيار تريكوا بوني ليقون لي كوش تاع كوفرولي والا كوفيرتا شوية عسل حر اذا كاين ربي يسهلك ان شاء الله وماتنسيش كمنينا عليك

كولي التمر مليح للطلق ربي معاك راح نبقى نخمم عليك

[ام نوارة]

ربي يسلكك على خير كيما قالت الاخت ربي يجازيها خير متنسايش لبوند لكبار ولكوش نتاع لبيبي ودفي روحك مليح مليح

[أم أسامة 07]

اوصيك بالتمر فانه مسهل
مع الحوايج اللي قالولك عليهم
رب يسهلك

[hanouna09]

ربي يسهلك ويحفضك "اللهم لاسهل الاماجعلته سهلا وانت تجعل الحزن اذا شئت سهلا"

[oprah]

rabi ysahalek okhti w ghir ki lyoum nchlh teselki w tefarhi
lebnat galo wash lazem
adi saché diri fiha hwayej li dakhlihom m3ak l ghorfet wilada
w tanik lazem diri hwayjek wahadehom w hwayej bb wahadehom
mataklich kbal matrohi tziydi psq rabi 3alem kifesh tkone wilada! ana kont hasba tabi3i w akhir lahda fawtoni ceasarian
ghir tziydi koli tmar beh yraja3lek taka w yahbetlek hlib w tani wlidek tem tem rad3ih w khalih yejbed
sali w ad3i rabi ysahelek
adi m3a ketana hamra beh temeshi biha wekt mahasiti rohek 3ragti amasehi wajhek beh yesfa
adi kamel dossier w diri livre d'famille w carta nta3 groupage matensayhomch
nwasik ida kadar rabi w foti ceasarian i tefatni achorbi bzfff el ma w tani atkasli matogo3dich beh mayowaj3ekh rasek
hadi li tfakarteha
nchallah tziydi tabi3i w ngolek ida foti ceasarian matkhafich rahi normal w matehasi b walo
ma3a salama

[أم عبد الكريم]

ربي يسهل الولادة نتاعك

[دلال 30]

ربي يسلكك على خير

[ام البنوتة]

راهم جاوبوك من قبل و ادعي اللهم لا سهل الا ما جعلته سهلا و ربي يرزقك بالذرية الصالحة

[sarfai]

rabi yslkek 3la khier wya3tik wa9fa sahla

[فرح حياتي]

ربي يسهلك ويرجعك بخير وعافية

[ariija7lam]

ربي يسلط و يفرحك

[oulfa]

merci rabi kalikoum w yj3alha fi mizan hasnatkoum kount kayfa me bikoum dert kourajj merciiiiiiiiiiiiiiiiiiiiiiiiiiiiiiiiiiiiiiiiiii

[نسيبة 2009]

اولا للصغير حطي القمامط انتاعو و البوندا و من الافضل قرونيار باه كي يجيو يقلبوه او يديرولو فاكس vaccin يجيك ساهل زيدي تريكو تبو بالدرعين لانو البرد وزيدي cache couche هادوك اللي فيهم قفل من الاسفل . زيدي بوني اكيد porte bebe les couches مصاصة bebron صغيرة ربما ما تحطيش الحليب من الاول غليه قبل ما تديه زورة ودي طراف صغار باه يمسحولو بيهم كي يزيد
اما انتي لازمك بيجاما بابوش تقاشر ملابس داخلية سليب 2او 3 les bondes اوles couchesكبار محرمة او خمار باه تلمي راسك منشفة sac de toilette فيها صابون كحل ... robe de chambre باه تلمي روحك بالاكي البرد des dras
ربما هده الاشياء المهمة و ربي يسلكك ويسلك كل مومنة على خير وعافية لانو صعيب الشي

زيدي على هدا فرشاه ومعجون الاسنان ومشطة وعطر اوالديودورو وشارجور نتع البورطابل وانا ننصحك بcouche نتع الكبار ليك ادي 3 ويلا كاش ما تفكرت رنى نقولك

[هبة الرحمان انشراح]

كيما قالولك الاخوات جزاهم الله كل خير برك انظيفلك زيت الزيتون لازم تديه امعاك ممكن تحتاجو القابلة في ولادتي السابقة سقساتني عليه لتتفادى الجرح وهاد المرة راني حطيتو هو الاول والله يسهلك ويسهللي ويسلكنا على خير

[ام ظافر]

انصحك اختي باخذ قليلا من ماء زمزم للصغير فور خروجه سيبدا بالبكاء وانت لا يوجد في صدرك حليب بعد لذلك الهيه ببعض ماء زمزم وحذاري من العسل الحر فهو ممنوع للاطفال اقل من سنة تماما
خذي معك قطعة قماش نظيفة لفي بها راس الصغير فمن راسه المفتوحة او اليافوخ قد يصيبه البرد والزكام بعدها مما يصعب عليه عملية الرضاعة الطبيعية لذلك غطي راسه جيدا في هذا البرد
خذي معك الدفتر العائلي
اكثري من الملابس الداخلية وخاصة الفيزو او البارميدات
وربي يرزقك ولادة ساهلة خفيفة

[oulfa]

شكرااااااااااااااااااااااااا ربي نشاء الله يعطيكم كل ما تتمناو ربي يحفضكم و خليلكم ولادكم و ناس لعزاز عليكم شكرااااااااااااااااااااااااااااااااااااااااااااااا ا

[Simassim]

الام
اول حاجة تدي الأوراق الخاصة بيك لازانالييز والكارني وماتنسيش نحي الذهب لي تكوني لابستو
على حسب المدة لي تقعدي فيها فالسبيطار
غوب دو شومبر وبنتوفلة وجوارب
تدي شوميز دو نوي او بيجامات لي تحسي فيهم براحتك. ديري حساب واحدة لكل يوم والخمار لي يجي معاها
الملابس الداخلية : سوتيان غوغج خاصين للرضاعة وسليبات حشاكم كاين وحدين جوتابل اذا صبتهم أحسن وزيد معاهم لي بوند
لانجات والصابون والسربيتة وووو. ووو باش تغسلي وتنشفي وماتنسيش المشطة ومواد تجميل اليومية لي تديريهم ماشي غي راكي عاد والدة تسمحي في روحك وتباني كي الغولة لول

مادام سبيطارت الجزاير مسخين ماتنسيش الجافيل باش تعقيم التواليت وإذا تقدري تدي فراشك نقي من الاحسن البنات لي عندهم. خبرة يفيدوكم


دي معاك تاني تمر وعسل تاكليها قبل الولادة


هادو يكونوا عندك في الفاليزا تاعك لي تديها معاك

وديري حساب اللبسة لي تولدي فيها رايحة تنحيها علاخطرش تتوسخلك


بالنسبة لبيبي
مين يزاد وجدي سربيته باش ينقوهلك شوي قبل مايلبسوه
وجدي لبسة لي يلبسها من يزاد ديري فبالك بلي النهار الاول البيبي لازم يلبس مليح ويقعد دافئ لانه يقدر يفقد الحرارة بسرعة خلال 24 ساعة الاولى تاعه منبعد تقدري تلبسيه عادي على حسب درجة حرارة الغرفة لي يكون فيها
عندك تريكوا او البودي لي يجي من التحت على اللحم وزيدي براسيار او تريكو واحداخر يجي من التحت مع البا والبيجامة او الغرونيار مع جوارب او بنتوفلة صغيرة خاصة للصغار والبوني وقفازات تاع قطن باش مايقبش روحه وزيدي لفيه في كوفيرتة صغيرة وماتغميهش خليه يتنفس

والكوش معلابليش اذا تدي معاك او هم يمدلك
هادو تكوني موجدتهم وحدهم ودخليهم معاك لصالة تاع الولادة ومديهم لساج فام لي تلبس ولدك

وزيدي تدي معاك فراش للبيبي على حساب الجو
ودي القش تاع البيبي باش تبدليله تاني نفس لي كتبتهم فوق ديري حساب زوج تبديلات فالنهار قادر البيبي يتقيأ تصيبي واش تلبسيه

ماتنسيش السوسات والبيبرونة ولي كوش ولانجات تاع بيبي لي بافوار تاع الرضاعة


التمر لتحنيك البيبي وماء زمزم ادا توفر عندك


هادو صوالح لي تديهم معاك للماترنيتي.

راني حاولت نترجم انا ساكنة فالغربة وكاين صوالح راني زدتهملكم على حساب سبيطارت تاع دزاير لي عندهم الخبرة يزيدوا يفيدوكم


ان شاء تفيدك حاولت نجمع كل شي

[oulfa]

merciiiiiiiiiiiiiiiiiiiiiiiiiiiiiiiiiiiiiiiiiiiiii iiii rabi kalikkkkkk